少年成長今日: 0|主題: 15999

收藏本版

回覆發帖

返回列表

跳至頁

查看: 3733 | 回覆: 0

適應力 [複製鏈接]

csir3290

子爵府

積分: 11892

1^#

發表於 25-5-25 12:07 |只看該作者 |倒序瀏覽 |打印

早幾日食完飯全家人坐咗喺廳度睇咗一陣間電視，突然間電視講開問問題，話如果去旅行嘅時候你寧願四個人逼埋一張床定係揀乾濕分離嘅廁所呢？呀女一聽到乾濕分離嘅廁所就即刻好大反應，佢話點樣都好一定要揀乾濕分離嘅廁所，呢個可能勾起咗佢一個好唔好嘅回憶。話說有一次佢同學校去宿營，去完返嚟之後佢鬧咗好耐，鬧得最緊要嘅就係唔明點解個營社嘅設計，個廁所同埋沖涼嘅地方喺埋一齊，仲要嗰個係踎厠即係佢要企喺個踎厠上面沖涼。阿女好大反應，覺得咁樣嘅設計好差，佢返到嚟鬧得最耐嘅就係呢個設計。所以嗰晚睇電視見到問會唔會揀乾濕唔分離嘅廁所嘅時候，佢就咁大反應。
其實上次阿女鬧嘅時候我同老婆都已經講話其實佢哋太幸福，因為我同老婆都係住啲舊式公共屋村長大，根本個廁所從來都唔係乾濕分離，而且我哋嗰啲舊式屋村最初都仲係踎厠。係後來先至慢慢改曬做坐厠，但係沖完涼之後個廁所都係會濕曬。所以今次阿女再鬧嘅時候，我哋都仲係講返同樣嘅嘢，阿女即刻好大反應話我哋成日講返以前。不過諗落都係嘅，佢兩姊弟自出世以嚟就已經習慣咗乾濕分離嘅廁所，沖涼沖得舒服，又點會明白我哋以前嗰啲嘅生活呢！我老婆就同阿女講話係適應力嘅問題，不過講真就算而家畀我同老婆都未必可以番返轉頭。而家嘅細路仔可能真係太幸福，希望佢哋嘅適應力冇因此而降低啦！不過我順便都同佢兩姊弟講多句，就係如果佢哋要維持而家嘅生活質素就真係要努力讀書，我話而家香港都仲有好多住嘅地方係做唔到乾濕分離嘅廁所，如果佢哋要維持而家嘅生活質素，咁就真係要努力讀書，將來搵一份可以維持到而家生活水平嘅工作，希望呢個都成為佢哋畀心機讀書嘅一個推動力啦！

0 0 0

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

少年成長 今日: 0|主題: 15999

少年成長今日: 0|主題: 15999