歷時11周的懷孕，因為小B停止生長而停止了…
回想起發現有左呀B 都係好突然，8月尾至9月個陣keep 住病…又傷風又腸胃炎…同時身體都唔係易懷孕既身質(已經on & off備孕一年左右都係無) 所以都無諗過會bingo~
9月第3個星期腸胃突然好古怪…完全去唔到大便只有放屁，胃好頂好脤，條腰好痛。因為月經應該係9月下星期到,月經通常遲幾日, 所以亦都冇太緊張。因為星期3 個人又有D唔舒服，所以就去睇中醫。唔知係唔係靈感到，醒起自己仲未M到，就返左屋企驗孕，一驗兩條線!!!!! 期待已久的兩條線!!!!! 我當下係懷疑有冇出錯…之後拎第2個牌子再驗都係有~我就睇醫生(同醫生講) 佢就開左D藥俾我 (醫生知道我有左…佢好開心~呢個好好笑!!!)
返到屋企, 冷靜左之後…咁我就將驗孕棒既相send左俾我老公, 佢比我更期待既兩條線…之後佢打俾我..問: 係咪姐係有左?!我話: 應該係 (其實唔知點解，唔係馬後炮，我由一開始就有種感覺…今次懷孕應該唔會太順利…事實話我知直覺都幾準…)
於是過左幾日，我就約10月中去婦科醫生check…照陰超…發現大約5周有營養圈,醫生話正常，因為可能遲排卵~ 睇醫生前幾日就有D流啡…醫生就開定藥俾我，之後都無流。 過左兩周就突然又流..仲要流左兩日…量唔多…不過都會擔心，又再約做檢查。一check之下，醫生就話呀B個size 同預期有出入，情況就唔樂觀~ 醫生就建議再睇多一個星期。
返到屋企就喊左出泥，老公同我講要對小B有信心!! 咁好啦…又到下星期再check…係真係無大過…小B 停左係6周6左右….之後醫生就同我地講後續處理方案。我地就㨂左一個星期後做手術 個刻既心情我都唔知點講，雖然直覺一直感覺唔順利…但係到真正個一刻都真係好傷心。我都有同小B講如果你拎漏野就返去拎啦，媽咪會等你返泥~下次要拎齊所有野架!!
過左兩日突然就出血，我就知應該等唔到手術個日，醫生都有講既，如果有出血情況要入急症。咁但係我就無，因為睇其他分享去到醫院都係叫你塞藥訓床等，咁我情願係屋企~ 當晚10:50分左右個肚開始痛, 想去大便又去唔到咁樣，我知佢開始想排出體外啦!我就同小B講你要離開就離開啦…不過媽媽最怕痛唔好要媽媽痛太耐。真係好痛!!! 痛到我老公話我標晒冷汗同手腳都冰晒。最後，由廁所痛到訓返上床來來回回痛左4個幾鐘，突然有一下好似放左一下野咁…之後就無痛啦~超眼訓又好攰…我老公之後同我講返, 佢話:你同我講左句我真係好眼訓…但真係好痛, 之後我就訓著左…我係完全無記憶!!! (我比較強心臟所以我無去公立醫院，我老公不斷叫我入院，但係入院都係咁…我比較想係屋企, 起碼痛可以捉住老公隻手***醫生建議係入醫院*** )
到第二朝起身，我就去廁所一除就勁多血(嚇到我老公呆左) 之後一沖就沖左個組織出泥 7-8cm 左右既紅色啫喱咁(我有影低佢) 不過呢度都要講講, 我醫生就係之前無提我,如果真係不幸發生, 可以將個組織包好放雪櫃, 可以拎返去婦科度做check 睇下係咩事導致流產。咁之後都分別兩次排左D 胎衣個D 紅色啫喱。因為太攰我過左一日先打電話去診所, 姑娘叫我唔洗擔心, 幫我約左兩日後再去check。睇完之後，醫生話我已經排清唔洗做手術，話大約個半月/兩個月後會再有月經。
之後就坐左兩個幾星期既小月子, 薑水沖涼飲炒米茶, 惡露清晒就飲滴雞精同花膠補下, 同睇中醫(醫生知道無左之後佢都好唔開心, 佢話好可惜, 之後要再努力啦~而家幫你調好身體先)。個段時間都怕凍, 所以注意要保暖~
成個過程最要感謝自己個強心臟之外, 就係我老公, 每一個moment 都有佢既陪伴同身影,呢個真係好重要!! 佢會因為我突然要睇醫生就即刻咩都唔理陪住我。為左照顧我心情, 佢唔敢表達佢既情緒,因為佢好中意小朋友, 我知佢好好好好傷心, 我都有同佢講可以喊出泥..會好D…但係佢都無係我面前喊過~反而每次我喊佢都係默默咁係我身邊陪住我~ 呢件事令我更加覺得我老公好可靠~ 呢度要讚埋小B, 佢走個timing 好似夾好晒咁, 走個兩日咁岩我老公放假(平時絕小會放連住星期六, 日)
坐小月子咁岩就係原本我生日去旅行，所以就夾岩我老公原本會放既長假…
因為我有媽媽谷, 有媽媽分享之前小產因為太傷心令到之後好快有左都再小產,所以佢地叫我唔好太傷心, 要盡量保拎心情愉快。雖然唔係易，我都盡量無咩諗，只係想養好個身體，有時太悶就落街散下步。仲有要感謝就係我公司(唔係刷鞋!係真心,好彩!)，我無返工好耐，我呀姐同大呀姐叫我休息好先好返工，請假都佢地講就得，公司完全唔洗擔心。我另外兩個teammates都好好有咩同佢地講叫佢地做~真係好好, 好感恩!!! 再之後就去個小旅行散散心~希望小B可以快D拎齊野再泥啦~
發表於 
我相信會嘅👍🏻thank you
返回列表
