吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 用東x鑽石山殯儀攪到我一頭煙，錯漏百出。 ...

自由講場今日: 60|主題: 1336228

收藏本版

回覆發帖

返回列表

跳至頁

查看: 24195 | 回覆: 184

用東x鑽石山殯儀攪到我一頭煙，錯漏百出。

[複製鏈接]

12 3 4 5...10

_candy_

珍珠宮

積分: 31642

1^#

發表於 24-10-10 06:20 |只看該作者 |倒序瀏覽 |打印

本帖最後由 _candy_ 於 24-10-22 01:22 編輯

見到有人講東x殯儀，我都想分享下，以下文字係我睇返我同家屬/朋友對答寫回的。

我當日嬲到爆燈

，成個過程基本上問佢乜都唔知，見到佢笑笑口，答到遊花園，唔識就全程哈哈大笑，好似食左興奮劑咁，發現佢做錯野就發脾氣反駁。佢地真係乜嘢都可以出錯

，當時我一頭煙亂到唔識處理，或者我用最平plan就得到咁既服務…..

重點：

1. 先父上年4月中過身，我打去問資料，職員話無文件拒絕回答，堅持有文件先約見同答任何問題，約上去傾只需等1-2日，點知到約時最快要等8日。

2. 報價完全無提有咩plan，只報棺木價，然後話免費包乜包乜？笑住問咪好抵呢？(真係平，連拎文件唔過1萬，所以決定用，隨後先逐樣加錢，明碼實價，只係開頭無講，火葬紙已蓋東華印，已不能轉公司處理)。

3. 報價時已同佢講用佢地出殯，再問佢先人幾時回魂？佢話先人想幾時回咪幾時回囉，佢哋係職員唔會計！

4. 佢地攪錯灣仔胡忠辦文件個辦公時間，結果我去到只拎到死亡證，火葬紙要再去拎。之後佢發脾氣打電話黎屈我唔去辦文件，罵我唔想俾佢做，互罵後仲cut我線。

5. 五月九日經胡忠註場職員通知佢，想約鑽石山、富山、葵涌火葬場，「唔可以」約27日，其餘下午日子全ok，我第2日打去同佢再確認。
12日電話問進展，點知話剛約唔到27日呀，問我再選邊日，我好嬲問佢問預約錯咗點算？佢叫我畀錢再約過，哈哈，或者照出殯喎，呵呵～

6. 五月13日我改為預約全部火葬場都ok(見和合石、柴灣日日有位剩)，叫佢盡快約期，佢話ok後又忘記約。

7. 五月15日我發火要求最遲約5月31號前，佢話即最遲17號約期啦，之後我發現係16日要預約。

8. 嗰晚半夜我學識自已約火葬爐，16日一早call佢再自己standby，佢幫我約左和合石中午火葬，靈車下午先去醫院接遺體
(我打去醫院check預約禮堂記錄先發現)，追問佢原因就發脾氣話網上預訂好緊張，見到有位就亂按囉，罵我咁高要求就自已幫先父約。

9. 既然佢幫先父約左中午火葬，我好無奈叫佢改約靈車早上接遺體啦，佢叫我自已搵靈車喎，話棺材遲到早到無問題架，叫我唔好咁執著。

10. 職員約我去交費，confirm到最後先突然記起原來佢放假，要改期。

11 .交費果日佢狂笑，話先人雪左近2個月，d肉可能爛曬，溶曬，我要求加化妝，佢叫記得提化妝師落多d粉，唔好咁重手喎，驚毀容呀，哈哈。

12. 之後迫我簽文件俾政府，話出殯時間安排攪到遲左去火葬場，求請同意用禮堂做儀式，火化就可能等最後，有機會要自行看守個棺材。

13. 所謂免包既野，原來要自已問佢拎先有，甚至同你講「禮簿」院出都用唔著架啦，拎黎做咩遮，你要咪俾你囉！
吉儀封話包50個，佢主動話先俾20個先，唔夠再黎殯儀館拎。

14.特別叮囑出殯日要記得帶多d「利是封」 (出殯日職員無主動問拎利是)。

15.家屬自購的壽被，已大字寫上請替先人「鋪金蓋銀」，結果連埋佢免費果張底被，紅白被，全部蓋係先人身上，亦無撕回少少壽被給家屬。

16. 抽骨灰龕位日子都攪錯，好彩我自已搵曬資料即場爆佢，佢仲笑笑口話最多咪排遲1個月，差唔多遮。(要自已上網搵資料睇下點申請，零協助)

17.同我講拎完骨灰交畀永利石廠，我問佢係咪一定要交呢間，佢話係，因為一條龍服務，仲即刻帶我去上去睇骨灰盅，石碑。

18. 拎骨灰日子都計錯，我收到食環勸諭信話2個月存放期屈滿。

19. 因家庭情況話幫我申請義工「陪同」服務，最後無申請(已向東華另一部門查證)，佢改口話灣仔有註場職員咪即陪同、出殯抬棺本已等同有人陪同。

20. 話有哀傷輔導服務，仲會寄慰問卡，不過已經過左1年以上，我乜都無收過囉，電話同卡都無！

補充：我張單係超細，唔過一萬，所以服務咁差？我無搵永利做石碑，太擔心再有問題，找了另一間石廠處理，先父已完全上位。而感恩遇到個好社工，當一頭煙又嬲又亂時，佢好有耐性教我點處理先父出殯程序，仲花時間去安慰我。

#2, #3, #5, #7 記錄當時大家對答

#17 由報價到拎火葬約期紙

0 0 0

私人傳訊回覆引用

_candy_

珍珠宮

積分: 31642

2^#

發表於 24-10-10 06:28 |只看該作者

我：見到帳單收$600香燭，問職員裡面有d咩？出殯日我要否再買d祭品俾先人？
佢：裡面有基本野，祭品隨你啦，哈哈。
我：有乜基本野？有幾多金銀衣紙？
-佢：一般數量，哈哈
我：即有幾多？一疊？一條？
佢：一袋香燭，哈哈
我：一袋香燭即有乜d？香係幾大扎？有無蠟燭？金銀衣紙數量如果少，我想買多少少。
佢：夠用既香燭，哈哈
我：咁即幾多？數量如果少，我會買d，係5樓買定街外買？宜家我係5樓買完可否代帶去醫院？
佢：隨你啦，你鍾意啦，你決定啦，哈哈
我：咁醫院院出，我要買咩祭品去醫院？
佢：隨你啦，你鍾意啦，你決定啦，哈哈
我：咁即係點？其他家屬會帶d乜去拜祭？
佢：醫院唔俾上香，祭品隨你啦，哈哈
我：咁要買乜？
佢：隨你啦，你鍾意啦，你決定啦，哈哈
我：即買乜呀？
佢：隨你啦，你鍾意啦，你決定啦，哈哈
我：即係點呀？
佢：隨你啦，你去到鞠個躬就咁走得都得架，哈哈

私人傳訊回覆引用

_candy_

珍珠宮

積分: 31642

3^#

發表於 24-10-10 06:30 |只看該作者

回覆樓主：

本帖最後由 _candy_ 於 24-10-10 07:34 編輯

我：英紅利是要自備？！又話一條龍上5樓有得買，我上去睇過無既？
佢：哈哈，邊可能有得賣呀？無架，係出面買架！你自已準備啦。
我：去邊買扁柏？
佢：街市花鋪咪有囉，哈哈
我走訪幾個街市都搵唔到，再電話問佢。
佢：去多幾間街市花鋪囉，哈哈
我：睇左4個街市都無呀。
佢：咁去花墟囉，哈哈

～最後係屯門新墟買到，但我住九龍

私人傳訊回覆引用

carolwong168

侯爵府

積分: 24705

2025勳章 2025勳章蛇年勳章 2024年龍年勳章

4^#

發表於 24-10-10 06:31 |只看該作者

平靚正唔存在
價錢質素要有取捨

還你千世笑來世未必能遇到

私人傳訊回覆引用

_candy_

珍珠宮

積分: 31642

5^#

發表於 24-10-10 06:35 |只看該作者

本帖最後由 _candy_ 於 24-10-10 06:37 編輯

我：英紅利內的一條細小紅頭繩，即要幾長？

佢：隨你啦，哈哈。

我：長度要幾多cm？

佢：你鍾意啦，哈哈。

我：咁即幾長呀？一個手指頭？

佢：你決定啦，要幾長咪幾長囉。

我：一般做法係幾長？

佢：你剪少少得架啦，哈哈。

我：少少即幾長呀？

佢：隨你啦，哈哈。

私人傳訊回覆引用

qq媽媽咪

珊瑚宮

積分: 114394

2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

6^#

發表於 24-10-10 06:36 |只看該作者

_candy_ 發表於 24-10-10 06:30
我：英紅利是要自備？！又話一條龍上5樓有得買，我上去睇過無既？
佢：哈哈，邊可能有得賣呀？無架，係出面 ...

嘩，真係好差

私人傳訊回覆引用

_candy_

珍珠宮

積分: 31642

7^#

發表於 24-10-10 06:40 |只看該作者

我問對方封白帛，佢地署名係合家(一家三口)俾，我應回1封定3封吉儀？
佢：隨你啦，哈哈。
我：下？我唔識架喎，正常係點？
佢：你鍾意俾幾多封都得架，哈哈
我：吉儀貪好意頭？邊有得隨意？正常即係點做好？
佢：咁你決定啦。1封2封3封都得架，哈哈。

私人傳訊回覆引用

_candy_

珍珠宮

積分: 31642

8^#

發表於 24-10-10 06:47 |只看該作者

carolwong168 發表於 24-10-10 06:31
平靚正唔存在
價錢質素要有取捨

呢間係bk口啤勁好架，我都係見有jm呻，我先出post

私人傳訊回覆引用

LekGirl

水晶宮

積分: 52476

9^#

發表於 24-10-10 06:57 |只看該作者

真係好不負責任！好多人都唔知白事要做d乜嘢，都係靠中介，但對方十問九唔知，答完原來又係錯，真係火都嚟！

私人傳訊回覆引用

meinatmn

伯爵府

積分: 19133

10^#

發表於 24-10-10 07:07 |只看該作者

睇到我火都嚟，笑笑笑，笑乜9呀？

私人傳訊回覆引用

Horsebbj

伯爵府

積分: 19712

2025勳章 2025勳章蛇年勳章 2024年龍年勳章虎到金來勳章

11^#

發表於 24-10-10 07:08 |只看該作者

回覆樓主:

見到好多“哈哈”就知負責人不專業

請問第15點，要撕回少少壽被是什麼地方習俗？

私人傳訊回覆引用

babycam

珍珠宮

積分: 36401

12^#

發表於 24-10-10 07:08 |只看該作者

對方好吾負責任喎

Love and Kindness are never wasted.

私人傳訊回覆引用

baby_yee

水晶宮

積分: 63531

13^#

發表於 24-10-10 07:10 |只看該作者

咁樣真係好離譜喎。我係搵中介，雖然都唔係跟得十分好，但至少都冇咩大問題，睇到你呻都鄧你辛苦

私人傳訊回覆引用

bobomia

水晶宮

積分: 50342

2024年龍年勳章

14^#

發表於 24-10-10 07:17 |只看該作者

回覆樓主:

好差喎，有無同公司投訴返，唔理就報東張

私人傳訊回覆引用

野原美冴

珍珠宮

積分: 46132

減齡達人勳章

15^#

發表於 24-10-10 07:21 |只看該作者

Horsebbj 發表於 24-10-10 07:08
見到好多“哈哈”就知負責人不專業

請問第15點，要撕回少少壽被是什麼地方習俗？

家母過身，都無呢樣撕壽被。

私人傳訊回覆引用

judychungpuiyan

伯爵府

積分: 19567

16^#

發表於 24-10-10 07:25 |只看該作者

回覆樓主:

嘩真係錯漏百出睇到眼火爆同埋個職員做咩乜差都哈哈笑呢好唔尊重先人喎

私人傳訊回覆引用

_candy_

珍珠宮

積分: 31642

17^#

發表於 24-10-10 07:33 |只看該作者

當日同老人家一齊去殯儀館傾，職員問想點攪，我答「從簡ok」，佢完全無提有咩plan，問我預算用幾多錢？我話用「院出plan」，佢報價只講實木棺價，然後話免費包乜包乜？笑住問我係咪好抵呢？我問環保棺平d？佢話話係呀，呢個仲抵呀，叫回家諗下。
我見報價超平就即同意，再問加買香燭價格，佢答一套$600好齊全。跟著佢叫我上去灣仔胡忠辦文件，跟著返黎就有出殯細節文件，唔使擔心做漏，仲建議即刻飛的1630前去拎文件，話拎2張紙1x分鐘好快的，我話帶著老人家唔方便了，明天等我自已處理，佢溫馨提示明天星期六要記得1300前去到。

可惜星期六老人家唔舒服我要睇住佢，星期一係51公眾假期，等到星期二1530去到胡忠，職員同我講拎唔切火葬約期紙，最遲1530交表喎，反問殯儀館無同我講咩？我呆左，只幫先父拎到死亡證。
星期三殯儀館職員打電話黎，發脾氣罵我係咪搵佢做，罵我唔去拎文件，我罵回報錯辦公時間已累我白行。佢話胡忠註場職員講話無見過我，話我呃佢，話一早就知拎文件要等1個鐘啦，乜無講咩？跟手cut線。
果下我真係唔知點好，先父已走左半個月，簡單出殯遮，老人家話算啦，再搵agent傾又唔知拖幾耐，我諗ngo應該有質數保證掛？

私人傳訊回覆引用

家家公主

翡翠宮

積分: 83498

畀面勳章 BK Milk勳章

18^#

發表於 24-10-10 07:35 |只看該作者

差到爆炸比我發癲都似

早幾年我爸爸過身搵中介老人院樓下
知道爸爸有綜援，就介紹綜援嗰個套餐15,000幾
全部包晒係幫我哋去辦理死亡證，專人嚟我屋企樓下傾問題，仲代辦一切文件上嘅問題，我爸爸都係簡單儀式醫院直出，但佢哋全程係處理好晒，我哋只需要人到就OK，10分有交帶最後連骨灰安放寄存都可以擺響佢哋度幾個月，仲話可以幫我哋上香，不過我爸爸係基督教所以就唔需要

樓主呢間太過份成日哈哈我實小佢