本帖最後由 my005 於 25-2-6 10:06 編輯
我3X歲就退左休喇， 退休前係好忙好忙好忙既，退休前幻想過一定要睇晒全圖書館既書， 一定要學識一樣技能，本想學維修野，電嗰啲，要學識勾野，一定要睇好多好多既電視劇、戲，玩勻全中國，但要等埋老公退休既。玩勻全香港。
到真係退休時，真係有幾日去圖書館睇下書，但係得幾日，跟住覺得响屋企睇網上書更方便，但睇得多，對眼唔係幾好既，所以間下間下。
學技能，就學左新織既花款，好高興咁織呀織，但都係只識織頸巾同圍巾，送晒俾啲老人家。
最想學勾針，因織响中學時家政學左基本架喇，勾未學過，但未有咩心情去學，因為啲朋友話啲野咁平，買啦，勾黎做咩？(不過，我已買埋全套勾針喇，有時間都會學。)
旅行，而家等到老公退休喇，實行中。
睇電視睇戲都有睇。
玩勻全港，只係去晒啲離島，行山都行左十幾次，無法，腳力唔夠，反而我老公好得。
學維修野，老公話學黎把鬼，學電，危險呀，咁學水啦，老公話我有鬼力。搞到無咩心情學喇。不過上UTUBE都學到少少，講好過做。
唯有繼續懶懶下，趟平。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
