自由講場 今日: 1144 | 主題: 1365749

積分: 6451

1^#

發表於 24-12-12 22:57 |只看該作者 |倒序瀏覽 |打印

我小朋友響政府到確疹Adhd,不過佢活躍問題已經唔嚴重，精英班，上堂都好專心，依家三年級，班中好有幾個好朋友，日日返學好開心。之但係，佢專注力真係有問題，佢做功課可以睇錯哂，作業要求對就（O）, 錯就三角形，佢可以答哂剔同x, 不過長題目佢又答啱哂！
做做下又會答漏題目。
我曾經帶佢去評估，話佢工作記憶的數字那部分都係合格多啲，但字母數字果部分就好高分。評估係佢鍾意嘅野會好叻，但唔鐘意嘅野就僅僅合格。

依家我想問，咁嘅情況需要食藥嗎？因為佢唔會溫書，我只能夠比佢做下練習，但佢又無心機做，成日做做下走去玩第二啲玩具

0 0 0

私人傳訊

fasola

子爵府

積分: 11201

2^#

發表於 24-12-12 23:10 |只看該作者

同我個差唔多, 都係會睇漏題目. 坐係旁邊睇住佢做, 都會睇漏. 做少成題.

平時做功課就好多甩漏.

但考試無試過. 可能佢有聽到我同醫生講, 成績得就暫時唔食藥住

私人傳訊

wan_sosin

積分: 49916

3^#

發表於 24-12-12 23:11 |只看該作者

回覆樓主：

本帖最後由 wan_sosin 於 24-12-12 23:12 編輯

小朋友唔食藥都精英班，其實嗰類大意唔少學生都會有。
食藥有副作用，最明顯會無胃口食飯，小朋友得小三未發育，會有影響，家人要加留意。而且食藥唔係萬能，唔一定食藥後就無晒問題，我仔食住藥，仍然出現大意情形，只係比做緊咩都唔知，發夢咁樣好。
如果重視因大意欠去嘅分數，當然係可以選擇食藥，但要衡量食藥嘅好壞之處。
但學業係越嚟越深越難，尤其上到中學，食藥與否仍然需要在唔同階段檢視。

私人傳訊

TATEYAMA

積分: 36243

4^#

發表於 24-12-12 23:18 |只看該作者

其實呢啲唔小心，普通小朋友係初小都時有發生！睇定啲先！

私人傳訊

Ononluk

積分: 42122

5^#

發表於 24-12-12 23:21 |只看該作者

我唔反對食藥，有需要就食。但大部分都有啲副作用，聽你咁講又唔算嚴重，試咗職業治療嗰啲未？

私人傳訊

SKB

積分: 16987

6^#

發表於 24-12-12 23:31 |只看該作者

我仔而家中五仲有食，食左會定D專注D，會收下把口，佢係自閉鐵膠，智力正常，計數記憶力好，社交差，唔閉討人歡喜，因唔係好識睇人眉頭眼額。胃口好好，好大食，但唔肥，偏瘦。

私人傳訊

leecnine

積分: 15364

親子王國15週年勳章

7^#

發表於 24-12-12 23:47 |只看該作者

回覆樓主:

我仔都係ADHD, 有需要就食，用藥物控制行為，專注，對佢成長有幫助，醫生講得岩，當佢大個左，就會知道，有d野做得，有d野唔可以亂來，知道醜，懂分析。。。
我信，所以仔食到中六，而家讀緊大學，停左藥，不用再食，因為大個仔，有自我控制能力。

二手市場>>懷疑受騙或不愉快事件張貼區>>睇#1656，小心騙子andy.ma，賣2手舊計數機$100，騙人9成新，最終delete post 不退錢，依然活躍BK

私人傳訊

sharonhwyc

積分: 35964

好媽媽勳章畀面勳章

8^#

發表於 24-12-12 23:53 |只看該作者

lukelukeu 發表於 24-12-12 22:57
我小朋友響政府到確疹Adhd,不過佢活躍問題已經唔嚴重，精英班，上堂都好專心，依家三年級，班中好有幾個好 ...

你覆診時同醫生講佢情況先
等醫生決定

郁D就起晒鋼, o係論壇好難生存架, 學下大方d接受人地建議, 唔好咁小家!

私人傳訊

Jasmine-4711

翡翠宮

積分: 93757

2025勳章蛇年勳章 2024年龍年勳章牛年勳章

9^#

發表於 24-12-13 00:03 |只看該作者

回覆樓主:

請醫生開埋開胃藥, 抗衡ADHD藥的副作用（冇胃口）

小三升小四是“ 分水領”
在小三成績不是最好那批,會被篩走.
小四不會入精英班

小四的課程比小三深很多.
因此在小三要打好個底,
否則越高班, 成績越墜後大隊

私人傳訊

Cinken

積分: 16736

10^#

發表於 24-12-13 00:19 |只看該作者

樓主重點focu教小朋友學睇重点，例如：正確俾O，那就用筆圈住(正確)及(O)，以凸顯及作提示自己之類。
而每做完一題，便在题目數字旁邊加一細記号，最後完成便重新檢視所有題目數字旁是否全有記号，代表已全部完成，以這方法建立習慣，可減少錯漏，此方法很多學生都合適使用。
至於用藥，似乎不需要吧，你自己都話仔仔很專心，甚至入埋精英班，這情況下食薬是不会改善你所說的問題，更何況這也是很多學生常犯的錯失。

私人傳訊

Mrs周

公爵府

積分: 25754

BK Milk勳章畀面勳章

11^#

發表於 24-12-13 00:57 |只看該作者

我小朋友有食藥。不過天資一般，已經唔關adhd事。

只知唔食藥，一定搞唔掂。

大大下控制能力好啲，到時先考慮停藥。未見醫生時成日比老師罰，而家個個老師讚佢乖。佢就感受到乜嘢係應該做同唔應該做，冇食藥嘅時候，佢會盡量控制自己做個乖孩子

副作用一定有，冇胃口，但身體適應咗又好似好啲。而家12歲，發育時期胃口都幾好。又冇話特別比人細粒。

私人傳訊

積分: 6451

12^#

發表於 24-12-13 08:46 |只看該作者

wan_sosin 發表於 24-12-12 23:11
小朋友唔食藥都精英班，其實嗰類大意唔少學生都會有。
食藥有副作用，最明顯會無胃口食飯，小朋友得小三未 ...

其實呢！佢冇興趣嘅嘢，老師講過乜佢可以完全唔知，問佢，佢話唔知呀！你幫我問下其他媽咪呀！其實考試都因為發夢而扣分。說真的，我真係想比佢食藥睇下情況會唔會改善，如果食左藥，可唔可以隨時甩左去唔食呢？我想考試時間比佢食藥，等佢專注力好啲

私人傳訊

積分: 6451

13^#

發表於 24-12-13 08:53 |只看該作者

Cinken 發表於 24-12-13 00:19
樓主重點focu教小朋友學睇重点，例如：正確俾O，那就用筆圈住(正確)及(O)，以凸顯及作提示自己之類。
而每 ...

你呢個方法好好，我依家開始教下佢先。佢專心只係佢鍾意嘅野，佢唔鐘意嘅野可以完全聽唔到，評估都話佢呢樣比較差，突顯專注力真係有問題

私人傳訊

milkteabb

子爵府

積分: 12925

14^#

發表於 24-12-13 08:59 |只看該作者

我小朋友由小三開始食藥。醫生話食藥幫到小朋友又令佢成績好又得到周邊嘅人認同的話，其實有助小朋友建立自信同會自己有動力做好d，到佢建立返好習慣時就唔洗再食。

小朋友經驗係食左藥後非常有效。

私人傳訊

SKB

積分: 16987

15^#

發表於 24-12-13 09:03 |只看該作者

回覆樓主：

本帖最後由 SKB 於 24-12-13 09:05 編輯

唔好對「藥」抗拒，我都係返學日先食，放假無食，間中都唔記得食，其實咁大個食食同唔食我已睇唔到分別，16歲了，都無事。不過仲讀緊書，就keep住，到咗18歲個精精科file唔知點延續。

私人傳訊

積分: 6451

16^#

發表於 24-12-13 09:37 |只看該作者

SKB 發表於 24-12-13 09:03
唔好對「藥」抗拒，我都係返學日先食，放假無食，間中都唔記得食，其實咁大個食食同唔食我已睇唔到分別，16 ...

咁有冇影響你小朋友的胃口同身高？

私人傳訊

wan_sosin

積分: 49916

17^#

發表於 24-12-13 10:42 |只看該作者

本帖最後由 wan_sosin 於 24-12-13 10:43 編輯

lukelukeu 發表於 24-12-13 08:46
其實呢！佢冇興趣嘅嘢，老師講過乜佢可以完全唔知，問佢，佢話唔知呀！你幫我問下其他媽咪呀！其實考試都 ...

始終仲細個，無興趣嘅事唔想知唔奇，到今日我仔高中，我仍提醒佢無興趣嘅事都要知下，佢而家會答我：明白嘅！
睇下啲咩事無興趣？如果唔太重要都算啦，重要嘅要捉住教佢。
但係食藥唔可能考試個星期食，平時唔食，相信醫生都唔會咁樣開藥，亦唔係食藥啲原意，單為考試食藥真心我唔贊成，藥係醫一個病，唔係好似運動員食藥咁去提高成績，小朋友唔夠小心，應該自己去嘗試搵方法改，圈起題目重點，數住題目數目，1至到幾多，以免做漏等等，正常學生都會睇錯題㗎，根本仲細個，多多少少都未夠留心，識留心嘅已經會係級頭。

私人傳訊

小平媽媽

侯爵府

積分: 22562

Poo得好勳章美好大世界2017勳章認識瑞士牛牛第二回

18^#

發表於 24-12-13 11:05 |只看該作者

回覆樓主:

我女小學開始食藥返學，起碼唔會影響到同學老師，只係午飯食得小，放學藥效弱左，比返啲有營養嘅野佢食，我女無輕到，仲比同年齡嘅高大

因為佢有無窮嘅力量，課外活動同成日幫老師上上落落

想認識多啲屯門友

私人傳訊