吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 郵局取件風波: 一封掛號件之漫長追尋(長文慎入) ...

自由講場今日: 1029|主題: 1344189

收藏本版

回覆發帖

返回列表

跳至頁

查看: 14723 | 回覆: 185

郵局取件風波: 一封掛號件之漫長追尋(長文慎入)

[複製鏈接]

12 3 4 5...10

AngieL

別墅

積分: 894

1^#

發表於 25-3-7 18:30 |只看該作者 |倒序瀏覽 |打印

本帖最後由 AngieL 於 25-3-7 22:19 編輯

我一直等緊一封重要的掛號信，但冇收到領件咭，所以就打電話去郵局問下，結果發現嗰封信喺郵局。跟一位職員甲傾完之後，佢話可以用證明文件去取件，所以我就安排我個仔抽空趕去（45分鐘車程）。佢到達之後，另一位職員乙（局長）唔肯俾件，話只接受水電煤單，其他嘅都唔接受。然後佢打電話俾我，我就話單位已經出租，根本唔可能有水電煤單，佢叫我要求租客轉名。

期間，職員甲要求睇我帶去嘅三封證明文件，睇完之後話嗰啲文件唔似政府文件（屋宇署同法庭嘅信件），其實政府文件就係政府文件，冇「似」或者「唔似」嘅，而且封面仲有logo。

最後，因為負責人就係嗰位職員乙，佢堅持唔接受水電煤以外嘅任何憑證，唔肯俾封件我。我心諗，點解職員甲之前話可以取件，又要睇我嘅法庭信件內容，但原來無權力處理。真係好無奈好嬲，但又唔可以搶件，只好叫我個仔搭的士返去。

之後我聯絡咗郵政署嘅辦公室，佢哋話局長冇話過只接受水電煤單，係我個仔冇帶任何證明去，所以取唔到件係正常嘅。嗰一刻我真係承受唔到自己個仔被人咁誣衊，喊住打比1823。前後花咗差唔多三個星期先攞到嗰封掛號信。

我要求以書面回覆還原真相，期間同經理一直有電話溝通，佢話已經查證CCTV，知道我講嘅都係事實，而嗰位職員乙最終都承認當時話只接受水電煤單。等咗兩個月，收到嘅卻係一封失實嘅回覆，我聯絡佢哋要求再跟進。幾個月後又收到另一封電郵，內容精彩到自己添加咗無中生有嘅情節，仲想避重就輕隱瞞真相？我只好嘗試向其他政府部門反映。

商經局係管郵局嘅部門，我發電郵俾佢哋反映，完全冇回覆，打電話要求同職員聯絡，至今一直冇回音。

申訴專員公署話我已經攞返份件，所以佢哋唔會介入。

我嘗試聯絡郵政署嘅總經理，但失敗咗，經1823轉告之後，都仲喺揾下屬聯絡我。因為信函係由佢簽嘅，我要求同佢聯絡。第二天佢終於出現。喺交談中，佢不斷提到自己有幾忙，仲話咗一句「希望唔好再信來信往」，我心諗你有能力管好員工，增加佢哋嘅認知（政府文件不如水電煤單？），就算錯咗肯坦誠面對，就唔需要信來信往啦。你受薪卻嫌浪費時間，我無辜啊，邊個浪費咗我同我個仔嘅時間同金錢？邊個令我喺受誣衊後精神受折磨？

最後又過咗三個月（查證需要時間喎，咁之前查咗咩呢）。終於收到一封電郵，內容提到職員甲已經「忘記咗細節」，仲反指我當時冇提及取件嘅確實時間（我同職員甲講過取完證明連車程大約一小時）。信中完全冇解釋之前添加嘅情節，其他我要求解釋嘅失實都冇回覆，咁點解要等三個月呢？

我明白自己執著，也知道執著會痛苦。但真係接受唔到明明做錯卻希望以誣衊脫罪嘅人，仲有嗰啲自以為是嘅高級職員。

期間有三位郵局職員同我講，「公營機構唔可以為損失作賠償」。雖然我花咗$6xx車錢來回，但我都冇向佢哋追討，點解要急住以公營機構作擋箭牌？

小插曲~
我發電郵俾郵局係以「本人」及「閣下」作稱呼，但我收到郵局高級經理嘅回函卻係以「你」、「你兒子」同「我」來稱呼。想知道係我自己嘅問題，定係公營機構根本冇指引？

用出租單位地址係因為我上年大部分時間都出入醫院，仔亦唔係同我住。屋企冇人收件，反而租客收到我信件會即時通知我。😔

0 1 0

私人傳訊回覆引用

紅酒

子爵府

積分: 11671

2025勳章 2025勳章蛇年勳章牛年勳章

2^#

發表於 25-3-7 18:41 |只看該作者

回覆樓主:

取掛號信如果要人代取，
唔系收件人身份證明文件（I.D.或護照），
及代取人領取時對身份証，便可以，
冇試過要提供住址證明。

私人傳訊回覆引用

Poyau

寶石宮

積分: 292191

母親節2025勳章 2025勳章蛇年勳章 2023年兔年勳章

3^#

發表於 25-3-7 19:01 |只看該作者

AngieL 發表於 25-3-7 18:30
我一直等緊一封重要的掛號信，但冇收到領件咭，所以就打電話去郵局問下，結果發現嗰封信喺郵局。跟一位職員 ...

領取郵件須知

https://www.hongkongpost.hk/tc/faq_support/receiving_mail/q11/index.html

前往郵政局領取郵件時，請帶備領取郵件通知卡，以便職員核實地址並派發郵件。
如無法出示領取郵件通知卡（正本或電子版本），請提供郵件編號，並提供有效地址證明，包括領件當日前三個月內由政府部門、銀行或公用服務機構發出的帳單或信件。有關地址證明(正本或電子版本)應載有和郵件相同的地址，以及發出機構的名稱及發出日期。
此外，當領件人到指定郵局領取及簽收郵件時，職員亦會要求領件人出示有效身份證明文件及記錄其姓名。
有效身份證明文件包括：

i. 香港身份證；或

ii. 有效的旅遊證件；或

iii. 由香港特別行政區政府發出並附有持證人照片的其他證明文件；或

iv. 本地大學或可頒授學位的高等教育院校發出附有持證人照片的學生證；或

v. 出生證明書或現在學生證(只適用於十一歲以下兒童)。

私人傳訊回覆引用

AngieL

別墅

積分: 894

4^#

發表於 25-3-7 19:01 |只看該作者

本帖最後由 AngieL 於 25-3-7 19:38 編輯

因為我冇領件咭，我知有人寄件比我但一直收唔到。就打去郵局問，知道封掛號喺郵局，職員甲話有住址証明就可以拎。我已經好穩陣拎3封去。

亦講咗可以影低我同個仔兩人嘅ID及留電話都唔得。亦巳拎咗我lD copy 但局長堅持水電煤單其他政府文件均不接受。

私人傳訊回覆引用

木土土

琥珀宮

積分: 164669

5^#

發表於 25-3-7 19:42 |只看該作者

AngieL 發表於 25-3-7 19:01
因為我冇領件咭，我知有人寄件比我但一直收唔到。就打去郵局問，知道封掛號喺郵局，職員甲話有住址証明就可 ...

其實咁緊急重要，點解要用已出租單既舊地址，或者同租客講聲幫手keep起領件咭

至於對方回覆稱呼「你我」，唔覺得有問題，連呢啲都介意，真係自己攞苦嚟呻

私人傳訊回覆引用

whyyou

水晶宮

積分: 56842

6^#

發表於 25-3-7 19:50 |只看該作者

感覺你做人好執著，其實你覺得繼續糾纏落去你會得到啲咩？就算之後用幾多公務員處理你嘅投訴都係用佢地嘅工作時間同公帑，佢地完全唔會有損失，而你就只會消耗自己嘅時間，俾你換到句道歉又如何？

私人傳訊回覆引用

cutebambi

大宅

積分: 2960

7^#

發表於 25-3-7 19:51 |只看該作者

回覆紅酒的帖子

我都試過冇取件卡去郵局取自己嘅掛號信（因為係運輸署寄畀我,因此有e mail我掛號信號碼）,都要出示我嘅地址證明同身份證

私人傳訊回覆引用

cutebambi

大宅

積分: 2960

8^#

發表於 25-3-7 19:51 |只看該作者

回覆 cutebambi 的帖子

係上年年中發生

私人傳訊回覆引用

AngieL

別墅

積分: 894

9^#

發表於 25-3-7 19:57 |只看該作者

木土土發表於 25-3-7 19:42
其實咁緊急重要，點解要用已出租單既舊地址，或者同租客講聲幫手keep起領件咭

至於對方回覆稱呼「你我」 ...

明白嘅
已一早通知租客留意及留起，但住客話冇收到。
關於回覆「你我」是只出於好奇才問，所以我話小插曲，亦提及是否我不了解或是我問題。

☺️多謝回覆~

私人傳訊回覆引用

KUDOS

珍珠宮

積分: 43341

母親節2025勳章認識瑞士牛牛第一回畀面勳章

10^#

發表於 25-3-7 20:39 |只看該作者

以我嘅理解，所講嘅「證明文件」係指郵差送到屋企但係冇人係屋企簽收，然之後佢入落信箱嗰張領件咭。有咗呢張咭，任何有身份證嘅人都可以去領件，唔需要一定係收件人，亦唔需要住址證明，因為拎得呢張咭，已經係你響信箱取得，所以有張領件咭係有就天下無敵㗎啦！

但問題你冇張咭，就應該叫租客幫你響信箱攞，然後轉交比你。如果都係冇，就要你親自去郵局攞，因為你已經冇「證明文件」領件咭，咁就要你嘅身份證+有你名同領件地址相同嘅信件，去證明份文件係你，你係收件人。
但係你又要叫你個仔去攞，所以又要證明你個仔有你嘅授權去攞份文件（因為有領件咭就唔需要授權證明，但係你冇領件咭，所以程序複雜咗！）
相信問題係出自你個仔攞住嘅住址證明係你個名，但係你個仔冇帶你張身份證同授權書，所以唔比攞！
手續就係咁，

私人傳訊回覆引用

KUDOS

珍珠宮

積分: 43341

母親節2025勳章認識瑞士牛牛第一回畀面勳章

11^#

發表於 25-3-7 20:46 |只看該作者

KUDOS 發表於 25-3-7 20:39
以我嘅理解，所講嘅「證明文件」係指郵差送到屋企但係冇人係屋企簽收，然之後佢入落信箱嗰張領件咭。有咗呢 ...

手續就係咁，我試過去取件，但係因為份件收件人姓名寫埋我個英文名，而我身份證冇我英文名，郵局負責人都要求我出示地址證明信，封信係要有埋我英文名嘅，唔可以就咁英文拼音Lee Mei Mei 嘅信，一定要係Mary Lee Mei Mei咁，總之就要同份件寫嘅人名一樣，但係我d政府信全部都係跟身份證，冇英文名，好彩最後搵到一封銀行信，係有寫英文名先攞到咋！