現年94歲嘅黃夏蕙，2022年與丈夫潘炳烈移居美國安享晚年，不過喺上年回流香港生活。 早前佢向傳媒透露入住面積僅160平方呎嘅過渡性房屋，並每月靠4195元長者生活津貼（長生津）過活。前晚佢出席由「鬼王」潘紹聰（Edmond）主持嘅網台節目「恐怖在線」17周年聚會，期間接受傳媒訪問時就事件澄清。
網台節目「恐怖在線」由「鬼王」潘紹聰，日前喺尖東大富豪舉行17周年聚會，除咗有300多位粉絲參與之外，唔少圈中好友都有配合八十、九十年代主題盛裝出席，當中包括黃夏蕙。期間黃夏蕙接受傳媒訪問，分享與老公曾經造訪大富豪夜總會嘅往事，並為居住過渡性房屋及領長生津澄清。佢表示過渡性房屋係由老公申請，老公移民美國，每年返香港一次，而黃夏蕙住所樓高4層，地下係廚房，由於老公現時雙腳行動不便，行唔到上樓，所以向教會申請臨時房屋，租賃期兩年，兩個月前先至獲批入住，不過佢老公喺美國未入住，佢只係代老公交租。
至於領長生津方面，黃夏蕙就話自己65歲開始攞生果金，冇拎過政府其他資助，話佢啲仔女唔會唔理佢，佢住咗10年嘅住所租金都係仔女支付，佢哋睇到新聞都好嬲同唔睬佢，而佢亦一世英名盡喪。佢仲話佢啲仔女好有錢同事業有成，根本唔需要問政府攞錢，強調生活及經濟都冇問題：「我啲仔女好有錢，一架古董車都5千萬，我使乜要問政府攞錢。」
黃夏蕙傳入住過渡性房屋領長生津過活 本尊現身澄清：我啲仔女好有錢
883 發表於 25-6-24 10:37
黃夏蕙傳入住過渡性房屋領長生津過活 本尊現身澄清：我啲仔女好有錢
現年94歲嘅黃夏蕙，2022年與 ...
發表於 
返回列表
