婦女醫護 今日: 0 | 主題: 34278

積分: 333

1^#

發表於 24-4-13 22:24 |只看該作者 |倒序瀏覽 |打印

我一向M量好多，所以有貧血，上樓梯會喘氣，久唔久會頭暈，有次仲暈咗喺公司。醫生check到我嚴重貧血，血指數得7，差點要輸血，所以建議我戴藥用子宮環。

未戴環之前，M come左三日（量多），第4日開始少，便戴環，一戴環立即重新M come，不過量就冇之前咁多，但都係鮮紅色，要用M巾的，一直流足兩星期。另外，醫生有開鐵丸比我食。兩個星期後明顯條氣好左，上樓冇再氣喘，個感覺好正！

第二次M come隔咗3 X日才來，量明顯少了。

戴環個多月後再覆診抽血，D血指數升返去13，好開心，今次有救啦！

第三次來M隔2 X日（少過28日），只來了3日，量好少，心諗慢慢就會越嚟越少量，盼望着。

到第4次只隔1 X日就來而且D量多返，但都比未戴的量少，來左3日停左1日，又好似重新M come 咁，又量多返，一直流左差唔多兩星期，慢慢開始少，心諗忍耐下，慢慢個子宮會適應的。

誰知第二日又好似重新嚟M甘量多返，今日仲痾左環出嚟，跟住就血崩了，好多血塊湧出來，我好驚。

因為我在瑪麗戴環的，所以立即上瑪麗急症，佢安排我入院。脫環後大量出血大約一小時就開始清了。醫生話可能我M量多把個環沖左出來，建議我重新再戴，咁我問醫生會唔會再沖出嚟，醫生話唔排除，但見我戴左環後，冇食鐵丸，血指數升返晒，仲有11，代表個環有效，所以幫我戴返。希望今次不會再脱落啦！

請問大家有冇我這情況？

0 0 0

私人傳訊回覆引用

積分: 6543

2^#

發表於 24-4-14 01:32 |只看該作者

你好我個情況同你差唔多量多我血色數得6點幾已入院輸兩次血我都係瑪麗覆診醫生都建意我載藥性子宮環但我仲考慮緊

私人傳訊回覆引用

積分: 333

3^#

發表於 24-4-14 07:47 |只看該作者

karenhyy 發表於 24-4-14 01:32
你好我個情況同你差唔多量多我血色數得6點幾已入院輸兩次血我都係瑪麗覆診醫生都建意我載藥性子宮環 ...

你好！我反而想戴，不想輸血。
之前問私家醫生，佢話我生兩個都是開刀，怕我子宮口窄，不建議我戴，但瑪麗話我夠位，我一口答應就戴左，我不會再生仔，所以冇後顧之憂。
今次個環跌返落嚟，我仲以為自己不適合戴環，但醫生叫我再戴返，我都再試。
如果你唔打算再生仔，（其實除環都可以再孕，只係又call醫生除麻煩啫），我建議你戴，貧血帶來好多麻煩的。

私人傳訊回覆引用

積分: 6543

4^#

發表於 24-4-14 20:09 |只看該作者

多謝你嘅建議貧血令我日日頭痛頭暈好疲倦真係好想解決問題

私人傳訊回覆引用

積分: 333

5^#

發表於 24-4-14 20:24 |只看該作者

karenhyy 發表於 24-4-14 20:09
多謝你嘅建議貧血令我日日頭痛頭暈好疲倦真係好想解決問題

私人傳訊回覆引用

積分: 333

6^#

發表於 24-5-12 19:07 |只看該作者

karenhyy 發表於 24-4-14 01:32
你好我個情況同你差唔多量多我血色數得6點幾已入院輸兩次血我都係瑪麗覆診醫生都建意我載藥性子宮環 ...

唔好意思呀！我之前鼓勵你上藥環，現在我開始有不同意見，因為我戴第二個環後，一直流血不止，時多時少，總之冇停過，現在已經流血一個半月了

！真係好唔方便，因為我第一次戴環時係會停血的，但唔知點解第二次上環，D血一直唔停，正考慮下次覆診除咗佢，我忍受唔到日日流血，而且個肚間中會戚戚痛，我之前冇M痛，現在反而有痛，好似自己攞嚟衰咁。
我怕之前鼓勵你戴環會害咗你，你再睇下其他媽媽的經驗再決定好D。

私人傳訊回覆引用

積分: 6543

7^#

發表於 24-5-12 20:10 |只看該作者

好多謝你提點我上次抽過子宮內膜組織要等到7月份覆診睇吓醫生點講我而家都係個個月血崩只係食止血藥有睇中醫3個月但都冇改善煩腦

私人傳訊回覆引用

積分: 333

8^#

發表於 24-5-12 20:42 |只看該作者

karenhyy 發表於 24-5-12 20:10
好多謝你提點我上次抽過子宮內膜組織要等到7月份覆診睇吓醫生點講我而家都係個個月血崩只係食止血藥 ...

有冇食鐵丸？食咗應該會好D。
我之前都係血崩，崩三日就會開始少，不過因為貧血，所以成日頭暈和氣促，之前成日飲茶（茶當水），又飲咖啡，現在我戒曬。
之前以為載咗藥環有救，點知現在流血不止，搞到我情緒低落。
我想試睇中醫，又改變飲食方法，多做運動，看看會否有改善，其實我應該差唔多更年期，搞來搞去好似得個桔甘，我真係唔想再日日流血

私人傳訊回覆引用

積分: 333

9^#

發表於 24-5-12 20:46 |只看該作者

但不是人人好似我咁，我有朋友一戴就立即減量，慢慢就冇M來，所以各人不同。

私人傳訊回覆引用

積分: 6543

10^#

發表於 24-5-13 14:47 |只看該作者

有食鐵丸同維他命C 瑪麗醫生開嘅又中藥又針究幾個月都未有效仲係個個月血崩血塊勁多我都4字頭唔知係咪都開始更年期？

私人傳訊回覆引用

積分: 333

11^#

發表於 24-5-13 17:16 |只看該作者

karenhyy 發表於 24-5-13 14:47
有食鐵丸同維他命C 瑪麗醫生開嘅又中藥又針究幾個月都未有效仲係個個月血崩血塊勁多我都4字頭唔知係咪 ...

應該冇咁快，起碼5字啦！
我就係戴咗環，血色素上返，但第二次係咪日日流血，唔知會唔降返，我22號覆診，到時再告訴你情況

私人傳訊回覆引用

積分: 6543

12^#

發表於 24-5-14 15:42 |只看該作者

回覆水果茶的帖子

好

私人傳訊回覆引用

積分: 333

13^#

發表於 24-5-31 15:54 |只看該作者

karenhyy 發表於 24-5-14 15:42
回覆水果茶的帖子

好

我去完覆診，上次抽血因為我血壓高，所以check我有冇糖尿、肝酵素等，但冇check我血色素，唉政府醫院係咁。
我本打算叫醫生叫我除環，但覆診前幾日突然停咗血，所以冇除環，醫生同我check下條繩，佢話搵唔到

，幸好當日我仲安排去照返超聲波，話照到個環仲係度。
之前我一直流血流足一個月三星期，現在停血咗個幾星期，好開心。
前兩天應該再次M come ，但只流咗一日，半透明粉紅色的野，之後又乾淨返，真係好爽，希望之後都係咁啦。
之前個胸都有谷，而且有一日個肚好似宮縮咁，要敷熱水袋都舒緩到，不用吃止痛藥。
似乎有希望啦！

私人傳訊回覆引用

積分: 6543

14^#

發表於 24-6-1 11:50 |只看該作者

有希望就好喇⋯⋯唔使每個月咁辛苦但我問醫生有冇講乜原因導致血崩每次覆診都唔同醫生冇一個醫生解釋到咩原因引致中醫就話我血不歸經都唔知點

私人傳訊回覆引用

積分: 65

15^#

發表於 24-6-19 22:05 |只看該作者

本帖最後由 bonray2 於 24-6-19 22:06 編輯

回覆水果茶的帖子

你好，我情況同你第二次上藥環差唔多；我本來都係經期失好多血，貧血，唔夠氣…後來上網睇到原來藥環可以令經血變少，我就毅然5月中去私家診所上藥環，之後都keep住出血（似第3日經期咁）一星期後我再去睇醫生，佢幫我檢查話個環位置正確，冇發炎之類，話出血係正常，但而家已經流左一個月，開始覺得頭痛，好驚自己失血太多😢我對嗰個醫生已經少左信心，個心好忐忑，有啲人話要幾個月適應期，但唔係流血流足幾個月嘛😨而家我唔知繼續等啲血停，還是睇其他醫生好😣

私人傳訊回覆引用

積分: 333

16^#

發表於 24-6-20 17:08 |只看該作者

bonray2 發表於 24-6-19 22:05
回覆水果茶的帖子

你好，我情況同你第二次上藥環差唔多；我本來都係經期失好多血，貧血，唔夠氣…後來上 ...

我完全明白你的心情，完全捉摸唔到，係我好想放棄時，佢又突然間停咗，第二次繼續有血，又似乎比第一次日數少咗，現在每朝早都突然流D啡分泌，之後全日都可以乾淨，我覺得總會越來越少，但日子真係好慢長，只可以忍。

私人傳訊回覆引用

積分: 65

17^#

發表於 24-6-20 21:52 |只看該作者

回覆水果茶的帖子

啲血時多時少好難觸摸，出街都要上定M巾，真羨慕有啲人戴左環就少左血

私人傳訊回覆引用

積分: 65

18^#

發表於 24-6-20 21:55 |只看該作者

回覆水果茶的帖子

啲血時多時少好難觸摸，出街都要上定M巾，真羨慕有啲人戴左環就少左血

私人傳訊回覆引用