2011年落選港姐李天縱（Lena）與內地導演唐寅於2018年結婚，育有女兒Amber。為培養囡囡成材，李天縱出盡心力，安排合唱團和鋼琴等興趣班，又報讀兩間位於九龍塘嘅幼稚園，上午班全英文，下午則以中文（廣東話）為主，每天要從元朗出到九龍塘上學。為節省來回時間，李天縱曾表示每天早上7時半會將Amber抱上車，喺車上洗漱、食飯和換校服，到中午放學後，會喺7人車上食晏及睡午覺，之後再去另一間幼稚園返學，被網民狠批係怪獸家長。不過，李天縱曾解釋自己嘅安排係希望女兒可在語言學習上有更好嘅基礎，同時認為讀兩間學校情況其實好普遍，每個家長媽媽選擇嘅方式方法都唔同。日前，李天縱分享Amber考入音小（國際基督教優質音樂中學暨小學）小一，但已將學位放出去，惹網民熱議。
李天縱於社交平台表示，Amber得到品學兼優獎，另外明年即將升讀小一嘅Amber亦已獲音小（國際基督教優質音樂中學暨小學）小一取錄；不過李天縱坦言冇去留位，將其學位留畀有緣人，此舉引起網民討論，紛紛覺得要放棄的話點解當初要去報名：「不怕之後沒其他offer嗎？」、「唔鍾意，又去in？」、「應該一心想進DG（拔萃女書院）吧。」、「有一個不吉利的說話，就是沒留着第一個Offer，那就變成最後一個了。」等等。
發表於 
佢地覺得好正常。當去玩喎。佢目標都係女拔。
返回列表
