論盡家傭

跳至

首頁
1

尾頁
   0


洋房

積分: 61


1#
發表於 6 天前 |只看該作者
請菲姐姐第一份合約時, 仲係疫情, 但我同老公都係想請全新既菲菲感覺好D, agent 費+酒店, 貴D 都要

最初姐姐做野好主動, 無偷懶, 我都好滿意, 只係留意到佢放假外出時著到好密實(但實際係帶衫出去換), 最初一年我仲睇到佢FB的, 所以知道佢出到去換衫, 當時見到都只係短裙露腰, 我覺得無問題, 後生女(26歲, 但已婚, 有兩個女)咁著都好正常,

到第二份合約, 係有偷懶, 如無洗客廁 (沖涼去水位, 洗面盤已起晒黑色既漬) 到我同姐姐講返時,佢都仲可以扮傻話有洗, 仲揾隻手指捽面盤D漬, 但佢捽捽下又捽甩D漬囉!!! 後尾阿囡要返全日, 每朝早姐姐煮阿囡午餐帶返學校食, 最初姐姐有跟我要求煮好要影相我睇返煮左乜比阿囡做午餐, 直到放完學校個長假, 姐姐無再影相我睇返, 我都諗住算數, 因為一路都無問題, 後尾有次夜晚我同阿囡沖涼時, 傾開計問阿囡今日午餐食左乜野, 阿囡答我食左椰菜花+飯......我話咁肉呢? 豬肉定雞肉?阿囡話無呀, 我再三問阿囡都只係得菜+飯!!!? 咁我忟忟地嗌返姐姐要每日影返相我睇煮左乜比阿囡做午餐, 咁以上偷懶情況我見開聲要求後, 我眼見無再發生過問題

但之後一次比我發現姐姐趁我地去旅行時, 佢著過我件外套出街, 因為我返到屋企著果件外套出街時發現外套個袋有一副唔屬於我既太陽眼鏡, 我就將副太陽眼鏡放左响飯枱上面, 到第二朝我一入廚房見到姐姐果下, 我都未講野, 佢已經十分黑人憎面口+態度, 仲要坐响度"UN"住對腳超住我咁......但我都無出聲鬧佢, 大家都心知肚明就算, 我覺得係個態度問題, 同埋感覺佢係雙面人, 我自己知道要提防就得!!!!!之後佢亦都多左黑面對住我, 只要我一開聲, 佢已經黑面, 後尾有次我太忟 (因為忍佢太多次), 我就黑住面邊講邊行返出廳要佢做乜, 跟住我係咁講中文响客廳鬧姐姐態度, 因為果陣佢執緊阿囡間房........但so far佢清潔做野係無大問題, 自我安撫黑面係姐姐通病,所以我原本傾向再續第三次約的。

但我响CCTV發現到姐姐最近一次放假外出時的衣著係超短low-cut 裙(deep v 露胸又露背, 條裙只係剛"come"到pat pat), 我最擔心係姐姐有副業, 或外出溝仔, 亂搞男女關係, 呢樣我真係接受唔到......大家知唔知係未好多姐姐都會著到咁sexy出街, 只係貪靚..........我朋友睇到D cap 圖話佢係好大機會去酒吧識鬼佬!!!!

因為嚟緊差唔多要續約, 我仲未覆AGENT, 各位可唔可以比D意見? 感激!!!



珍珠宮

積分: 43415

馬年勳章 2024年龍年勳章 2023年兔年勳章 虎到金來勳章 2018復活節勳章


2#
發表於 5 天前 |只看該作者
Motherduck 發表於 26-4-14 17:22
請菲姐姐第一份合約時, 仲係疫情, 但我同老公都係想請全新既菲菲感覺好D, agent 費+酒店, 貴D 都要

最初 ...

你擔心又不满咪唔好續約, 字裏行間都見到你唔想續.


珍珠宮

積分: 33723

2018復活節勳章 DHA勳章 好媽媽勳章 畀面勳章 BK Milk勳章


3#
發表於 5 天前 |只看該作者
回覆 Motherduck 的帖子

唔鐘意日日對住, 你每日都會唔開心! 換另一個吧!


寶石宮

積分: 259936

馬年勳章 2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 2023年兔年勳章 15週年勳章 親子王國15週年勳章 親子王國15週年勳章 2021可愛聖誕B勳章 虎到金來勳章 2018復活節勳章 牛年勳章 2018母親節勳章 玩具勳章 BK猜猜猜慶中秋 BK Milk勳章 hashtag影視迷勳章 醒目開學勳章 環保接龍勳章 畀面勳章 最關心BB問題熱投勳章 Poo得好勳章


4#
發表於 5 天前 |只看該作者
你快炒工人啦。著你D衫?想代替你。


洋房

積分: 61


5#
發表於 5 天前 |只看該作者
沒有更好, 只有更差, 對上請既印印年紀大D, 但好懒, 同樣經常黑面對住我, 最尾係炒左, 換左呢個, 同埋聽得太多恐怖姐姐事件, 所以我覺得佢地黑面只係通病, 依家個姐姐叫做打掃清潔買餸煮飯都OK, 我自己再揾吓資料, 原來早一兩年之前節目"東X西X"放蛇約左個工人姐姐出嚟去時鐘酒店, 姐姐出到去時既衣著係好普通, T-SHIRT+牛仔褲.......所以衣著係反映唔到姐姐有冇不當行為, 所以我決定續約啦~

感謝你地既回應~


首頁
1

尾頁

跳至
你需要登錄後才可以回帖 登入 | 註冊

Presslogic Logo
Baby Kingdom Logo