炎明熹今日出席舞台劇記招，回復自由身的她精神飽滿。談到她的最新情況，她先多謝大家關心，由於她在舞台劇的角色是一個未來人，她亦不忘搞笑表示：「我嘅未來，即將同大家共同見證。」並透露自己開了一間公司叫「然后」，希望未來跟不同前輩、音樂人合作。問到她成為老闆娘，公司盤數是否由她負責，她說：「梗係啦！」並稱自己會好好努力。
自己睇盤數問到她自資開公司，是否意味住自己的財政能力很好，她說：「睇大家點睇呢件事，$100對好多人嚟講都可能好多。」至於投資幾多，她只說「秘書」並稱每月開支「算係咁」，她說：「要買貓貓嘅糧食、日常生活開支，又請工人姐姐打理屋企人，而家有種出去打仗嘅感覺，佢喺屋企幫你看住頭家咁。其實有好多好多人支持我，屋企人、老師們、朋友，我後盾有好多人，你哋願唔願意加入？」問到有幾多個員工，炎明熹說計埋她在內就有四個，自己會好好努力。她又說其中有員工負責情緒疏導：「有啲關於我飲食上嘅，可能係廚師、營養師，其實我都唔知講乜嘢好。」
至於何時完約，炎明熹說：「唔講俾你哋聽！唔講！唔講！我哋要講未來！」在場記者再三追問，她說：「至少一日。」至於花了多少時間籌備多久，她說：「至少兩日，對唔住大家！有少少難以啟齒！」對於外間又傳內地有公司出動天價和她簽約，炎明熹表示不知道，但自己會持住開放態度。再問到英皇及Sony都有意簽她，炎明熹說：「都係決定自己做嘅時候，先有呢啲消息，我好多謝大家咁賞識我，希望日後可以合作。」對有不同公司有意和她接洽，Gigi說：「當然可以，大家可以搵我，因為自己都唔知係呢個崗位做幾耐！」問到以前是否太多規管，令她有意自己開公司，她說：「我不嬲都好自由！我哋白羊座係好自由自在㗎！覺得有乜嘢約束，可能大家覺得啲方向未必合得來，大家都冇嘢嘅。」問到跟TVB是不是和平分手，炎明熹想了一回說：「我諗其實分手係咪一件和平嘅事情？（有冇傷心？）我又唔覺得算得上係傷心，只不過大家用唔同嘅方式見面，突然間咁凝重，我未試過分手！（有冇機會再上返TVB ？）未來嘅事情大家都唔知道，當然有呢個機會，會好開心！自己都好唔捨得入面所有嘅朋友、同事。」她又否認自己被雪藏。
有望上ViuTVGigi稱明白到大家有好多想法，自己無法控制大家思想，以自己作為一個公眾人物，被人討論是很正常的。談到無綫沒派人採訪，炎明熹就稱這些事要交回大會，自己就很感謝到場的傳媒，她相信舊公司是非常之忙碌。問到未來會否考慮跟其他電視台合作，她說：「我會想做一啲未做過嘅嘢，但係而家諗唔到。（上Chill Club）都可以，我會珍惜呢啲機會。我係少少猶豫不定嘅人，我有時會諗好耐，但係我會努力做好自己呢一間公司。」另外，她稱公司改名叫「然后」，但後來發現覺得好kam，只好盼望「kam下kam下就唔kam」，而英文名叫Natural Queen，之後又發現好像有些kam，改叫Natural Quality ，但又發現好像保健食品的名字。談到何時推出作品，炎明熹說：「我諗今年窄窄地，因為自己都唔知自己想做啲乜嘢，但係會喺舞台劇上三首歌。」她又說：「因為好耐冇見fans，好想同佢哋有一個聚會見面，唔知幾時可以籌備到！我知佢哋好掛住我，我知佢哋有好多唔同消息，我無逐一去睇同回覆。」由於炎明熹在首輪訪問時有落淚，她表示是因為非常不捨得公司的朋友和同事，「佢哋有比賽陪到我而家，好掛住佢哋，所以有少少感觸。（請番佢哋做員工？）咁多！我對財務有少少⋯⋯」問到學業如何兼顧，她稱會盡力安排好，對於在無綫的作品能否日後再唱，她說：「應該有少少困難，之後會再傾。」
發表於 
返回列表
