自由講場今日: 1113|主題: 1364526

收藏本版

回覆發帖

返回列表

跳至頁

查看: 2125 | 回覆: 14

大圍新翠邨單位淪「老鼠樂園」鄰居揭惡臭垃圾屋投訴6年... [複製鏈接]

elbar

公爵府

積分: 28020

1^#

發表於 25-10-2 16:56 |只看該作者 |倒序瀏覽 |打印

大圍新翠邨新學樓有住戶在社交媒體群組發文，控訴其鄰居單位淪為「老鼠樂園」，衛生情況惡劣至極，但向房屋署投訴長達6年，問題依然懸而未決，官方回應與處理手法更令人匪夷所思。

鄰居活在夢魘：老鼠想衝入屋不敢開門窗

樓主（下稱苦主）向TOPick記者透露，她居住於大圍新翠邨新學樓3樓，已入住約8年。近日鼠患問題急劇惡化，老鼠在走廊出入如無人之境，情況令人膽戰心驚。她憶述：「就係尋日，我哋一打開門，隻老鼠已經想衝入屋！」她坦言，這並非單一事件，不論早晚，走廊上總有老鼠四處亂竄，現時已不敢開窗通風，夏天悶熱難耐亦只能硬撐，生活質素大受影響。

苦主更曾親眼目睹驚人一幕：「我哋試過親眼望住有4-5隻老鼠喺佢個走廊氣窗度走咗出嚟，跟住行咗去水管，再即刻經氣窗跑返晒入去佢間屋度。」清晰的描述，證實該單位正是鼠患的源頭。

惡臭源頭：獨居漢單位多年未清理

鼠患與惡臭的源頭，直指苦主隔壁一個由獨居「阿叔」居住的單位。據悉，該單位原為一家三口居住，但戶主的母親已於十多年前離世，其姐姐亦早已搬走。自此，單位再也無人打理，該單位屋主對鼠患毫不在意，長年穿同一套衣物，屋內環境惡劣。

苦主表示：「佢媽媽離世10多年，佢都從來冇執過屋！淨係喺個氣窗度已經睇到啲塵佈滿晒。」她續指，惡臭問題在夏天尤為嚴重，「冬天都仲好啲，因為佢自己都怕凍會關氣窗，啲臭味唔會飄出嚟；但夏天就慘，一經過佢隔籬，嗰浸惡臭味已經想嘔。」連屋主本人似乎也難以忍受，即使深夜回家後，仍需打開門罅「唞氣」，導致臭味進一步擴散至走廊。

投訴6年無果房署荒謬回應：給個垃圾桶

最令居民感到失望，是房屋署長年來的漠視與不作為。苦主表示由8年前搬來的時候，已聞到惡臭及後開始投訴。「其實好多年前開始，我哋keep住都間唔中會落去投訴，但係房屋署俾我哋嘅回覆係話呢間屋『唔算係垃圾屋』，所以佢哋冇辦法處理。」

直至近日的Facebook帖文引起關注後，房署才終於派員跟進，但處理手法卻被批評為「做樣」。苦主透露：「聽講個主任都係睇到Facebook個post，今日下晝上咗去做個所謂家訪，但逗留咗都冇10分鐘，跟住淨係聽到個主任話俾個大垃圾桶佢。」未有進一步行動。

苦主又指出：「最好笑係其實今日個主任同埋另外一個保安上嚟做家訪，佢哋都驚好臭，所以戴晒口罩！」她續指：「房署話唔算垃圾屋所以唔處理，咁我哋住喺隔籬就要長期受苦？佢哋上門都頂唔順要戴口罩，咁我哋點算？」房屋署曾回應指涉事單位「不屬於垃圾屋」，因此無法介入處理。她質疑若果房署認定毋須跟進，咁作為毗鄰住戶，是否就要長期忍受惡臭與鼠患之苦？事實上，房署人員上門時亦需佩戴口罩以抵禦屋內氣味，住戶日常生活又應如何自處？

一個垃圾桶，顯然無法解決積存十多年的衛生黑點與鼠患問題。對於活在惡劣衛生環境的鄰居而言，房署的處理方式無疑是杯水車薪。在問題徹底解決之前，新學樓居民的安樂窩，恐怕仍將繼續被老鼠與惡臭所佔據。