最近在Alipay HK進行一些認證，不為意地，可能係睇漏眼，又或㩒錯嘢，竟然會開咗螞蟻銀行嘅户口。接住就不時收到銀行短訊，好煩擾！卒之打去客服，係24小時，可以選擇語言嘅，等咗幾分鐘，有職員小姐對話，佢了解情況後，告知我其實可以保留户口，暫時不需要用可以不理會。但係我為咗免麻煩，所以最後都係決定取消佢，咁小姐就同我核實以下一些資料：
1. Alipay HK 用户姓名
2. 電話號碼
3. 出生日期
4. 身份證最後4個數字
然之後，有驗證碼發去我手機，請我查看後再自己輸入。佢核對之後，話一切符合取消戶口資格，會幫我遞交申請，大概三天後我就會收到確認取消戶口嘅短訊了。（我星期五晚上打去，星期一黃昏收到確認短訊）成功取消户口之後，我再去返Alipay HK 頁面檢查，預設付款真係冇咗螞蟻銀行户口嘅連結。
如果大家覺得無端端開咗螞蟻銀行嘅户口，有啲担心，又唔多想用，咁就打電話同客服講啦！23250303真係呢間網上銀行嘅客服熱線。
發表於 
返回列表
