興趣嗜好今日: 1|主題: 124460

收藏本版

回覆發帖

返回列表

跳至頁

查看: 1880 | 回覆: 0

[寵物] 馬料水段見到一隻細身黑柴係馬路上狂奔，非常之危險 [複製鏈接]

happyjoylove

大宅

積分: 3016

1^#

發表於 25-10-28 17:58 |只看該作者 |倒序瀏覽 |打印

馬料水段見到一隻細身黑柴係馬路上狂奔，非常之危險

今日下午5點幾係大埔公路—馬料水段見到一隻細身黑柴係馬路上狂奔，非常之危險，沿路跟住佢一段路，然後佢跑攰左我停車拎水俾佢飲，成功Hold住，去診所掃左有晶片，現時帶左番屋企，如有主人走失該狗請pm我，亦可以打55006773搵我，明天我亦會嘗試打去漁護署問主人資料，可以的話麻煩幫幫手轉發喺大埔或沙田群，剛加入群仲未可以出post。
Ps:有工人姐姐差唔多時間亦在該路話見到有一隻細身黑色狗比的士撞一撞，然後自己走咗，但暫時我keep呢隻暫時都無傷，會繼續觀察
Update：尋晚幫佢沖涼發現有滅蝨同牛蜱買左bravecto俾佢食，約左下星期二帶佢去診所檢查抽血，已得知佢大幾一歲幾，目前先處理好佢衛生同健康問題先。
其次，今日有一位姓彭先生打黎，佢話佢尋日4，5點走失，平時用鐵絲網圍住係果園嚟嘅，佢仲有養其他狗，住樟樹灘，佢出完街番黎，見唔見咗黑柴，佢就出咗去搵，但搵唔到，佢話佢屋企附近好多大蟒蛇以為黑柴比大蟒蛇食咗，直到今日佢話屋企附近有個地盤啲地盤工人，平時有同隻黑柴玩，啲地盤工人話俾佢知Facebook上有人尋主人，睇埋張相確定係佢，所以打俾我，而我暫時覆佢，我依家同佢講，我話你相又冇針卡又冇，我並唔係想將隻狗據為己有，但係我亦都唔可以白白交俾一個冇任何證據就話隻狗係佢嘅人。
再最新update：黑柴晶片係太空晶片，而我亦同該位彭生再通過電話，就住黑柴健康，衛生，法律責任等傾過下，佢口頭上同意我先暫託住黑柴，再幫佢找戶好人家領養，除非黎緊幾日仲有人話係狗狗主人黎搵番狗狗，否則我會登記做黑柴暫託人，下星期二再做全血檢查，如佢身體無特別健康問題先再諗領養問題，領養問題我會咨詢阿棍屋b媽以及同佢商討。