＋

在職全職

收藏本版
回覆 發帖
返回列表
跳至頁

首頁
1

尾頁
   0
nothingbbop


洋房

積分: 74


1#
發表於 25-12-2 09:07 |只看該作者
我係一個90後媽，兩個女，今次大女三年班考試英文全部90以上，數學8x，唯獨中文7x。我全職mom，爸爸日日早出晚歸。屋企人覺得我教既方式唔好，覺得我無好好教佢。一知道佢中文成績個個黑曬面考完試我從來唔會追問佢成績，我知道佢有努力，我都竭盡所能。屋企經濟一般，我個女無補習，全靠佢自己同我係屋企督促佢學習。我DSE只有數學高分，英文中文我係吾合格，我都係重新開始再學過，我先發現原來英文係唔難。我想證明比個女睇願意學用心學係可以進步，所以晚晚d女訓左我都自己睇英文書。
但中文教極佢都唔記得，初初我都好嬲。但我覺得甘樣好影響親子關係，而屋企人就逼佢抄課文，我係選擇陪佢閱讀做題。

琴晚食飯我99求其拎左封信就問佢上面d字點讀，我女已經開始想喊。然後每句都係數佢唔識字，有兩個字唔識，話佢文盲。呢d說話係話我個女，但都好似一把刀插係我心。

我唔想佢係自己屋企比我逼住要學習，去到爺爺嫲嫲度都要被逼⋯⋯我想佢同老人家係開開心心一起看電視，玩下開心笑⋯成績真係唔會夠一家人坐埋一齊重要。

我真係知道學習好重要！我無學歷就只有捱，好多想做的事情都不能做。但我更想個女明白讀書係為自己，你係慢慢為自己堆砌夢想⋯

我可能心靈比較脆弱，我從不否定任何一個人的價值，所以我從來唔會輕易去貶低一個人。就算我女有時同我講佢做左d咩曳野，佢只會同我講，因為我通常都係以朋友角度看待。我好少會站一個很高的位置去批判佢，我以前係壞女孩，但我心不壞。我成績差但我沒有去過酒吧或者出去過夜做過分的事。我唔想以後個女好似我以前咁反叛，好怕佢會行錯路。所以我會希望佢願意分享比我，無論好與唔好。

無奈我要照顧阿妹，要做家務，好多野要做⋯⋯⋯
咁多科都係我跟⋯ 只換來一句我唔識教⋯

但我真係盡力⋯



我真係想找個地方訴苦，自問已經做得好好。但聽到人地咁話我同個女，我好唔開心⋯⋯
私人傳訊回覆 引用

nothingbbop


洋房

積分: 74


2#
發表於 25-12-2 09:43 |只看該作者
其實我都感受到四年班英文我負荷唔黎，到時應該會補習。數學我底子好，阿女肯聽我教應該問題不大。
各位媽媽，中文有方法可以分享下嗎。佢記字差，閱讀差，寫作文又懶。
學校好似無教過佢作文咁⋯
我一心放曬英文時間比較多，因為英文話唔識就分分鐘吾合格同好難追。中文等佢大個都可以自己再追。

我女好鍾意睇漫畫，我有買比佢。
但屋企人逼佢讀，要佢完全識晒一本先買第二本。
WTF？扼殺佢閱讀既興趣！！！
我唔會介意佢喺任何一頁開始睇
或者係叫我讀比佢
我最介意係佢連書都唔想打開！！！
私人傳訊回覆 引用

prettywuman


別墅

積分: 541


3#
發表於 25-12-2 22:45 |只看該作者
nothingbbop 發表於 25-12-2 09:43
其實我都感受到四年班英文我負荷唔黎，到時應該會補習。數學我底子好，阿女肯聽我教應該問題不大。
各位媽 ...

中文要搵補習，淨係閱讀理解人地有方法教搵詞語，長答題…作文咪又係要出去比人教…所以中英都要補習…
聽落真係好辛苦，長老都咁…唉…
私人傳訊回覆 引用

pomanlife


彩鑽殿

積分: 611212

馬年勳章 2026勳章 2025中秋節勳章 父親節2025勳章 母親節2025勳章 2025勳章蛇年勳章 2024年龍年勳章 虎到金來勳章 牛年勳章 2018復活節勳章 2018母親節勳章 2018父親節勳章 畀面勳章 叻叻勳章 有「營」勳章 好媽媽勳章 環保接龍勳章 大廚勳章 親子達人勳章 wyeth冷知識勳章 遊學勳章 BK猜猜猜慶中秋 冬日勳章 春季勳章 炎夏勳章 秋日勳章 BK Milk勳章 hashtag旅遊勳章 hashtag影視迷勳章 育兒性格勳章 認識瑞士牛牛第一回 認識瑞士牛牛第二回 認識瑞士牛牛第三回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 HiPP勳章(1)


4#
發表於 25-12-12 23:03 |只看該作者
nothingbbop 發表於 25-12-2 09:43
其實我都感受到四年班英文我負荷唔黎，到時應該會補習。數學我底子好，阿女肯聽我教應該問題不大。
各位媽 ...

我全部都外判，中文都係搵老師補

私人傳訊回覆 引用

szecici99


別墅

積分: 621


5#
發表於 25-12-16 15:05 |只看該作者
你已經好叻㗎啦，其他人講乜都唔使理！
私人傳訊回覆 引用

CrazyArBi


別墅

積分: 776

馬年勳章


6#
發表於 25-12-16 21:54 |只看該作者
老實講，你已經好勁
我個女就快一歲，我都唔知第時點教
我中學果時中文都係唔好
原校升唔到中四 去左IVE 讀添
私人傳訊回覆 引用

orchardroad


大宅

積分: 1161


7#
發表於 25-12-30 00:00 |只看該作者
本帖最後由 orchardroad 於 25-12-30 00:01 編輯

回覆 CrazyArBi 的帖子

你屋企人咁比壓力個女, 對件事無幫助。如果真係唔得閒, 多D去library 借中,英文書比個女自己睇.
語文係要靠長期沉浸, 累積先會進步 (我A Level 年代中文拎B,而家都好鐘意睇書, 從無補習)
補習比到你D考試技巧, 但你個女需要打好根基
你老公都要幫手, 但其他人不宜插手, 尤其你99把口好臭

祝2026年生活愉快
私人傳訊回覆 引用

mandy952


琥珀宮

積分: 193198

馬年勳章


8#
發表於 26-1-11 20:09 |只看該作者
本帖最後由 mandy952 於 26-1-11 20:10 編輯
nothingbbop 發表於 25-12-2 09:43
其實我都感受到四年班英文我負荷唔黎，到時應該會補習。數學我底子好，阿女肯聽我教應該問題不大。
各位媽 ...

帶佢去圖書館睇書，由得佢自己揀書睇，唔使迫，漫畫都可以，重點係圖書館嘅書，因為有人審查過
講真當年會考中文，文學全部睇小說睇返黎，根本都唔使補習
私人傳訊回覆 引用

Troublewoman


大宅

積分: 1554


9#
發表於 26-1-16 07:36 |只看該作者
nothingbbop 發表於 25-12-2 09:07
我係一個90後媽，兩個女，今次大女三年班考試英文全部90以上，數學8x，唯獨中文7x。我全職mom，爸爸日日早 ...

我明白你 ， 你以經教得好好 咁既成績叫好了 ，唔好太大壓力 。我都係全部要自己教 ，要搵外判 ，有時依家d技巧 真係唔識 ，由其中文字 淨係字體 都有好多同以前既寫法都唔一樣了 ，加油！！
私人傳訊回覆 引用

queencorn


大宅

積分: 1223


10#
發表於 26-2-4 16:30 |只看該作者
作文初時阿女學校係教[時間、人物、地點] 由一句一句咁寫, 到一段一段咁寫, 然後係時間、人物、地點、感受, 呢個係一篇作文最基本要有既, 詞彙要儲, 睇多D書無壞, 我自己都係一個乜書都睇既人

閱讀理解最方便既方法就係睇題目再搵返文章相關字眼去搵答案

認唔到字, 試下拆字幫佢記, 例如:聽 - 耳王十四一心, 又或者用其他圖片圖案去幫助記憶

媽媽要學識左耳入右耳出, 小朋友有努力, 真係最重要, 加油呀
私人傳訊回覆 引用

klko1314


禁止訪問

積分: 66


11#
發表於 26-2-6 14:05 |只看該作者
提示: 作者被禁止或刪除 內容自動屏蔽
私人傳訊回覆 引用

wch_km23


禁止訪問

積分: 118


12#
發表於 26-3-30 02:20 |只看該作者
提示: 作者被禁止或刪除 內容自動屏蔽
私人傳訊回覆 引用

mandy952


琥珀宮

積分: 193198

馬年勳章


13#
發表於 26-4-7 00:09 |只看該作者
nothingbbop 發表於 25-12-2 09:07
我係一個90後媽，兩個女，今次大女三年班考試英文全部90以上，數學8x，唯獨中文7x。我全職mom，爸爸日日早 ...

恕我直言，會唔會係讀寫障礙，因為好多讀障會英文比中文好
私人傳訊回覆 引用

CatCat318


複式洋房

積分: 234


14#
發表於 26-4-22 10:03 |只看該作者
其實語文通常都係咁，一係就英文強，一係就中文強，好正常，我情願我個女英文強過中文
私人傳訊回覆 引用

CatCat318


複式洋房

積分: 234


15#
發表於 26-4-22 10:08 |只看該作者
如果想中文好啲有冇試過補吓普通話？基本上用普通話講嘢就已經可以出口成文
私人傳訊回覆 引用

nicolechan268


禁止訪問

積分: 1237


16#
發表於 26-6-12 19:52 |只看該作者

回覆樓主:

提示: 作者被禁止或刪除 內容自動屏蔽
私人傳訊回覆 引用

dekaisensei


洋房

積分: 98


17#
發表於 26-7-30 16:49 |只看該作者
我同你一樣都係90後。大家都係睇差唔多嘅中文課文大。你都明白到香港地讀書首先係好黐線。
其次就係香港地嘅中文教育係好黐線。中文閱讀係仲要估埋個作者諗乜嘢。唔知之前有冇睇東張西望，佢哋問返嗰篇課文本身個作者叫佢哋做返嗰啲DSE題目，佢哋都唔識。
其實你個女英文同數學咁高分已經好叻。老實講句身為由細到大都係睇中文嘅人。我哋可能面對返佢哋讀書嗰啲嘢都未必真係識。啲字唔識可能係睇得少見識得少啫。試吓轉嗰個方法再教吓佢。方法一定又喺度，差就係你搵到未。
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy