自由講場今日: 801|主題: 1365882

收藏本版

回覆發帖

返回列表

跳至頁

查看: 740 | 回覆: 1

香港月入3至4萬屬「精緻窮」？夾心階層難向上流動　網民:.. [複製鏈接]

elbar

公爵府

積分: 28210

1^#

發表於 26-4-7 19:53 |只看該作者 |倒序瀏覽 |打印

"覺唔覺喺香港，月入$30,000到$40,000呢個Range，根本就係一種最無力嘅『精緻窮』？"

一名網民在熱門社交平台發帖問，指出這個水平收入的人士表面富貴，實則生活相當緊絀。帖文引來逾7000讚好、近3000次分享。

樓主表示，此群體或者出入商廈、間中喝精品咖啡、放假往日本或深圳旅遊、偶爾搭的士，「外人覺得你過得唔錯，連啲親戚都以為你發達」；

但實際上，他們在月供強積金，加上給家用、交租（或者儲首期）、再加保險同日常開支，「戶口每個月都係清零。」

「月頭『扮中產』，月尾『食樹皮』。」樓主強調，收入最慘是卡於不上不下的尷尬位：「窮又窮唔過公屋贏家，富又遠遠追唔上私樓業主。」

"其實大家都只係一個著得光鮮亮麗嘅高級齒輪。"

留言有共鳴：高不成低不就、卻「裁員你最先」的人生

"而家月入300k先叫正常，30k就算把啦"

"邊個親戚會覺得月入3-4萬係發達真心一問"

也無從得知樓主分享的是否真人經驗，但這則帖文收到逾7,100個讚好、約350個留言。可見對其有共鳴的人不少：「直程低收入，仲係要叫精緻」、「3-4萬係窮唔係精緻窮」、「有同感（笑）。病左無街去，戶口會忽然儲好多；但好返落兩次街，咭數又爆好多」、「3-4萬供埋樓自己岩岩好夠洗，拍拖要食土」

"點解你會覺得40k/mth係有『精緻』响個窮前面"

"你當20000-30000嗰啲流㗎？（哭）"

"你講得啱唉，所以戒咗咖啡好耐"

"3-4萬就黐屋企住飲McCafe算啦"

"得個三四萬親戚都會覺得你發咗達????

我搵緊六萬七萬，我親戚都睇我唔起啦........."

"咪就喺夾心階層囉～"

"使錢真係無咩壓力，但最痛其實應該係交稅嗰個月"

更多人深表同感：「同一道理，咁揾一兩萬又係點」、「無錯..好多則師，都係揾緊呢個價..」、「2萬蚊表示你已經好好」、「呢個range，認真交稅無左好多」、「簡直唔夠用，月尾窮到窿」、「萬二分同意。月光人上」

也有人感慨：「原生家庭窮既話，要養埋父母想向上流難度更高，唔好講3-4萬，就算畀你搵5萬都會覺得做人很累。」

另一名網民更認為這個收入是就業市場中最被動的中層位置，對此表示擔憂：

"搵呢個數嘅都係公司入面嘅夾心階層，高層講唔上，但又未到底層，而呢層又係公司最危險嘅一層，裁員永遠裁呢一批先，變相有錢都唔敢洗。"

留言超強打油詩：私樓買唔起、居屋過限額

但最精警啜核的，莫過於一名留言者的打油詩，數句即概括處於這個尷尬水平的僱員「收入不俗，但實際上處於社會最底層」：

"私樓買唔起
居屋過限額
公屋無你份
福利等於零
交稅有你份"

意外的是，此詩也收到逾5,100個讚好，也有數人表示同意，反映香港自居窮人的真的不少：「居屋超標真係幾傷」、「年中扣起一個月糧來交稅（哭）」、「呢個Range嘅me，唔覺得自己光鮮亮麗（哭）同埋唔覺得供得起樓」。

部份人唱反調：冇人叫你咁大使

「三萬幾人工既時候，從來冇諗過可以得閒飲杯oat milk latte」、「『假中產』的生活寫照」不過，留言區亦有半數人批判質疑樓主觀點，覺得這種經濟匱乏狀況是不懂量入為出之故，這個水平的人工應該要知足了：「係你亂洗錢，完」

"冇人叫你咁大洗"

"每日一杯oat milk latte，一個月近千啦。一年當兩次日本或東南亞講緊過萬。呢度加埋兩千銀一個月喎"

"你覺得窮，咪即係話你聽你唔應該咁洗錢法囉"

"儲緊首期都仲可以俾你亂咁fing錢、扮中產，都算係咁啦啩，真係心態問題，你個人唔知足，俾你搵幾多錢都唔會開心"

"養自己應該很寬鬆吧！"

"無拍拖，30k-40k好好洗"

「當年不少人（包括我返兩工）儲到第一筆錢就試試投資以$搵$，香港地搵$機會多的是，加油加油！」一些網民也不是得個罵字，也有強調謹慎理財、開拓月薪以外的其他被動收入的重要。

"會喺股票度創造萬五到兩萬一個月做零用錢"

"咁咪唔好扮中產。唔計家用交租一個月洗3000蚊唔難"

"完全同意同理解。就算月入十萬，唔控制開支都會變月光族。利申：自己交租養屋企人冇左三分二嘅（收）入"

"對生意人嚟講，識搵錢先係重點。對打工仔嚟講，識使錢先可以將100蚊使到100蚊嘅價值。

講真眼睇身邊好多人，有幾多個識發揮金錢嘅應用價值呢？"

其他網民：一切在於有意識自我選擇

"精緻窮係你自己嘅選擇，無人迫你過精緻嘅生活，我老細人工係你講嘅10倍，佢都係飲公司免費咖啡，唔係出街買oat milk latte"

"夾硬搵個term去迫自己入個困局。其實喺有選擇，你唔選擇亦都喺一個選擇"

「一切源於你又唔甘心生活水平維持係2萬左右嘅收入，」一人主張，樓主應該按收入而調整生活水平，若要享有高消費生活，唯一方法是增加收入，「講真你如果肯繼續好似2萬收入果陣咁樣生活，剩落黎既錢好寛鬆啦。」

「重點在於你想『精緻』。但呢個Range，你要『精緻』就要有代價。」另一網民所見略同，認為改變需求方面心態，對改善財務現狀相當重要：「不過你已經突破咗第一步，就係意識到呢個現象。」

"第二步，諗吓想繼續『精緻』，定要返啲錢，要返啲錢嘅話係為咗乜嘢？要嚟做咩？

其實你想揀邊樣都冇錯，重點在於有意識地選擇。"