本帖最後由 my005 於 26-4-26 17:11 編輯
我老友試過喇。
佢個繼仔，借左財仔1x萬，唔還，走上大陸同佢個大陸老婆一齊大魚大肉避債。
收數佬先打電話騷擾老友老公，老友老公唔肯還，話收數佬唔應打電話俾佢，因為佢地無做過任何担保，叫佢揾返個仔本人。
之後，收數佬上門响佢地門口大嗌，話xxx欠錢唔還，逃避唔係辦法。無幾耐，左右隔離都收到唔知邊個寄黎既陰司紙。
搞到老友唔敢屋企開燈，唔敢出街，心理壓力好大。
最後，我老友太驚，所以去還左錢。 臨走時，仲同財仔講，唔好再借錢俾佢繼仔。(當時我已經講，人地公司做生意架，點會唔借錢俾人，加上知你咁易就還錢，點會唔借呢)
錢還左1年都未夠，俾我講中，個繼仔又去財仔借﹗ 最後都係我老友還。
佢第一次還左至同我講，第二次我已叫佢唔好再還，唔好一錯再錯﹗可惜佢都要代還。
到第三次又借，今次佢地無還喇，要個仔去搞破產。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
