嬰兒醫護今日: 0|主題: 79142

收藏本版

發帖

返回列表

跳至頁

查看: 855 | 回覆: 1

有冇人試過炒陪月? [複製鏈接]

catcc2000

大宅

積分: 1084

1^#

發表於 09-6-29 16:42 |只看該作者 |倒序瀏覽 |打印

我請左個陪月十月開工, 最初講6個月, 佢一定要星期日放假, 不過我工人剛剛又遲左職, 依家所有d工人都係話要放星期日, 咁我冇可能星期日冇晒人係度, 我攪唔掂兩個(我大仔先得一歲, 細既預產期10月頭). 就算工人肯, 都係輪住一人一個星期, 冇理由你放晒星期日架.

於是, 我打俾個陪月, 我話因為咁咁咁, 我請唔到你咁耐, 我都會請兩個月, 如果你有其他job你就接啦. 佢就開始發爛, 又話唔幫我買煲野d材料(呢樣係佢見工時講好, 因為我話我唔識買), 話佢唔得閒買, 我有車叫我自己買, 同埋要由$20k 加到$22k因為我請得兩個月.

我就發蚊憎話佢promise幫我買野依家話唔得閒, 佢又話我信唔過, 容咩易遲d又同佢講唔係兩個月woh. 我就話, 你咁信唔過, 咁你唔好同我做啦, 佢就話我好易搵工架, 我話我知, 咁你咪退返d訂俾我唔好做lo.

佢見我企到咁硬, 佢就突然轉軑話, 太太你心情唔好呀, 我話係呀, 我依家已經冇工人, 我想搵人幫到我, 你又唔張就. 佢話我唔早d同佢講, 攪到佢搵唔到第二份, 我話, 你都話你好易搵工啦, 我都唔想我工人遲工, 我都好努力搵工人都搵唔到, 我已經盡早同你講啦. 佢就話你不如都係同你先生相量下先啦. 不過佢咁既態度就算唔加價我都唔想用佢.

無奈我俾左$6000訂佢, 點好?

老公話若果佢堅持, 就問佢如果佢返工之後, 我地唔滿意係咪都要用佢6個月, 佢話咪叫佢超返工, 用佢一個星期, 用完個$6000就炒佢. 但佢咁樣我點敢俾亞b佢揍呀. 之後我又唸, 一係就叫佢送飯去醫院俾我食, 食完5日就炒佢, 但我都驚唔知佢俾咩我食. 但係冇理由眼白白就俾左$6000佢架.