吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 可唔可以俾d意見我呀.....

夫婦情感今日: 1|主題: 42736

收藏本版

發帖

返回列表

跳至頁

查看: 1896 | 回覆: 9

可唔可以俾d意見我呀..... [複製鏈接]

yummy-mommy

等待驗證會員

積分: 72

1^#

發表於 09-7-10 02:18 |只看該作者 |倒序瀏覽 |打印

..... 舊年6月尾我同前夫離婚. 佢離婚前幾個月賣左層樓. (無我名, 我無份供, 但一齊十一年佢都話因為供樓唔可以俾家用我. 到女女出世後, 我做 full time mom 4年. 佢都係俾$4000-$5000家用.... 個女所有野, 屋企所有野, 買送, 學費乜都係度俾. 供樓7k. 佢係搵 23k 一個月架). 賣樓後將大部錢入左落奶奶戶口.

離婚時我問佢 lor 幾萬, 因為我要搵地方住. 佢話無錢. OK, fine.
我同意女女跟佢, 老爺奶奶. 因為我一個人要搵食, 但佢地多人 look after 女女. 我條件係, 我在唔影響女女返學時, 我可以見女女. 前夫 promised我幾時要見女都得. 放假我就可帶女女o係我/公公家住. 叫我放心.

離婚時佢話當大家分居左2年啦, 快d搞店啦, 大家都無感情喇, 唔好拖啦. (其實一齊住到離婚前一個月)我又傻傻下. 前夫係做紀律部隊, 佢好識法律. 我心諗佢無理由叫我做犯法野丫. 佢咁講我咪咁做. 在 divorce papers 上無寫我可以隨時去見女女.... 因為我地去灣仔入境大樓搞, 我地無律師. 前夫話佢講左就唔會係假.

近呢兩個月, 前夫鬼殺咁曹, 話我搞到個女心散... 只准我一星期見女2個鐘. 老爺又係咁話.
個女讀K2... 我通常係收工時候落去見去個零鐘. 接女女落公園玩, 食下野, 行陣街就送佢返去.
就算我唔落黎見個女, 佢都係o係屋企玩, 睇電視.
佢地仲離譜到打電話約我阿爸阿媽出黎傾, 話只要我肯少d去見個女, 就平息呢件事. 嬲到我阿爸阿媽呢.

呢幾個月佢地有好多 excuses 叫我少d見個女. 總之好煩, 令我好唔開心, 好怕無得見個女, 我成日喊.

最近我知點解, 原來前夫個女友仲有個零月就生BB. 佢地唔想我知. 同埋前夫女友好唔鍾意我成日同前夫 keep in touch(為個女). 佢地仲教個女教, 叫媽咪唔好黎咁多阻我讀書....係有人睇唔過眼一五一十同我講.

搞到女女都唔多開心. 有時無啦啦喊, 話好怕我會上天堂/見唔到我.

對唔住寫到有d亂.
以前我信前夫會為個女儲錢俾佢大個用, 所以分開無話過要錢. 宜家覺得佢好恐怖.

請問我可以點做? 可唔可以俾下意見我.
我有無得 lor 返監護權?
可唔可以追返佢一半o既財產?

我相信咁多位媽咪都明白唔唔到仔女o既心痛法.

Thank u.

[ 本帖最後由 yummy-mommy 於 09-7-10 02:19 編輯 ]

0 0 0

私人傳訊

moyan

伯爵府

積分: 16292

BK Milk勳章

2^#

發表於 09-7-10 03:14 |只看該作者

你不如問吓律師意見, 爭返女女自己take care, 况且佢女友又快生, 佢女友多數情願個大女跟你啦, 叫佢幫吓口, 叫你前夫放棄撫養權得唔得? 聽講如父母同時爭撫養, 但小朋友一直由你睇開多數你win, 佢仲要比善養費。

作為mami, 無嘢慘得過同仔女分開, 支持你!!!!!!

你去單親mami嗰邊再問吓吖

私人傳訊

nana832

大宅

積分: 1475

3^#

發表於 09-7-10 08:24 |只看該作者

你個情況同我都極為相似,
你係冇證據可以證明佢地冇能力照顧
or疏忽顧囡囡先?
或者係爹地有新女友, 冇時間去陪囡囡,
影響到小朋友心理.
除非你可以證明到由你去照顧囡囡比較好,
如果唔係其實好難爭,
就算你靠"囡囡想跟媽咪"
or"爹地唔比媽咪探囡囡"呢個理由都難,
因為當初係你自己放棄冇人逼你,
個官唔會因為你"而家"想要返個監護權就比返你.

私人傳訊

qqbabe

大宅

積分: 4657

4^#

發表於 09-7-10 11:01 |只看該作者

我相信要問下律師意見, 我都認同攞番囡囡自己湊, 可唔可以申請政府資助? 或者要問下社工, 當初唔識得保障自己唔代表而家唔可以矯正.

私人傳訊

cramimi

複式洋房

積分: 183

5^#

發表於 09-7-10 17:08 |只看該作者

快d搵律師攪
通常都會問埋你囡囡想跟邊個
佢個女友一生個b出黎一定對你個女好衰, 真係慘!!!!
快d接返個女返屋企啦, 唔好比人蝦佢!!!
重有你前夫好cheap!!!!
好彩你走得快!

私人傳訊

cramimi

複式洋房

積分: 183

6^#

發表於 09-7-10 17:12 |只看該作者

法庭在處理家事訴訟中有關子女的一切事項並作出判決前，其首要考慮是子女本身的利益。每一個案將視乎本身的情況與事實而定，但當處理子女安排的紛爭時，法庭必須考慮全部有關係的因素，而這些因素包括：

盡量保持現狀；
雙親和子女的年齡；
雙親的品格、能力和個性；
雙親的財務資源；
雙親和子女的身體和精神健康；
可提供予子女的住所；
子女本身的意願；
讓所有兄弟姊妹與雙親其中一方同住的好處；
家庭的宗教和文化；
任何專業報告，例如醫療、學校或法庭福利官的報告，而有關報告可涉及子女與家人的關係、居住條件、精神或健康元素等。
上述列表只包含一般會被法庭考慮的部分因素，而並非包攬所有項目。

法官在聽取所有相關證據後，必須衡量各因素所佔比重，然而法官將會緊記首要因素是子女本身的利益。

若干重要因素的進一步闡釋如下:

保持現狀
為子女本身的利益着想，應盡量避免擾亂他們現時的家庭生活。如子女與雙親其中一方相處愉快，並已習慣和喜歡現時的環境和生活形式，除非有其他迫切性原因，否則法庭不會下令將子女與現時一起生活的父親或母親分開。

主要照料者
一般情況下，子女通常會十分依賴他們的主要照料者或監護人，若突然被分開，將會引起情緒問題或其他困難，有關傷害亦不能被低估。因此，最好讓子女繼續與一向照料他們的父親或母親一起生活，從而保持現狀。

子女的意願
儘管子女的意願是重要因素之一，卻並非凌駕一切。法庭將會考慮子女的意願是否符合本身的最佳利益。

子女意願之重要性要視乎子女本身的年紀及對有關問題的理解能力。法庭通常都會聽取和考慮子女的意見，在考慮將撫養權授予那一方時，較為年長之子女的意願將會更被重視。

在尋求及確認子女意見的過程中必須小心謹慎，通常會經由合適的法庭福利官去處理。過程中亦要避免讓子女覺得需要在母親和父親之間作出選擇，這將會對子女構成重大的精神負擔。

任何一方試圖左右子女的決定亦都是不正確的做法，因此較合適之途徑是經由法庭福利官去獲取子女的意願。

讓兄弟姊姊一起生活
為了避免精神創傷，一般都認同兄弟姊妹 (尤其是年紀相近的)應一起生活，而不是分別判給雙親每一方。然而經衡量後，如認為這是最佳的處理方式，法庭便會將兄弟姊妹分別判給雙親每一方。但在這種情況下，應盡可能安排兄弟姊妹定期相見。

雙親和子女的年紀
雙親和子女的年紀亦是重要的考慮因素之一。法庭較可能將嬰孩和年幼子女判歸母親管養。如雙親其中一方的年紀特別大，法庭亦可能認為這因素將會減低他/她照顧子女的能力。

子女的性別
這未必是一個舉足輕重的因素，但如所有其他因素均等，這項因素亦會影響法庭之決定，例如快將進入青春期的女兒可能與母親一起生活較為合適，而相同年紀的兒子可能較適合與父親一起生活。

雙親滿足子女需要的能力
如前文所述，每一個案將視乎本身的情況與事實而定，而不同的子女亦會有不同需要。

需要考慮的事項，是雙親各方的健康、謀生能力及財務資源是否可以配合個別子女的需要。雙親任何一方的不當行為(例如通姦)未必會影響或減低他/她作為父/母親的能力。法庭最終要考慮之首要因素是子女本身的利益。