吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 埋身餵阿囡就啜到發脾氣，點解？

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1720 | 回覆: 3

埋身餵阿囡就啜到發脾氣，點解？ [複製鏈接]

yamichung

大宅

積分: 2623

1^#

發表於 04-12-29 16:02 |只看該作者

埋身餵阿囡就啜到發脾氣，點解？

阿囡而家快兩個月大啦，頭半個月阿囡埋身食得好好架，但佢衰在食得ｄｄ夠飽就唔食，之後好快肚餓又要食，所以一日食十幾餐，我覺得太辛苦啦，咁就試下泵落樽度餵佢，效果都幾好喎，仲食得多左，可以隔得耐ｄ先食第二餐。之後我都有ｋｅｅｐ住間唔中埋身餵，一路都無事。但最近呢兩個星期開始，一埋身餵阿囡，佢啜唔夠兩分鐘就谷到面都紅，係咁扯我乳頭，又好似“濁”親咁係度咳，又或者係度作嘔，跟住就扭計發脾氣啦，但我又唔係無奶喎，ｄ奶有時多到噴出黎架。我咪諗係咪ｄ奶多得濟呢，咁我試下泵走ｄ，等ｄ奶唔好出得咁快睇下會唔會好ｄ，但結果都係一樣；我又估會唔會係抱佢ｄ姿勢唔好呢，坐呀訓呀抱呀乜姿勢都試過，連我好似吊鐘咁掛係佢嘴上面比佢啜都唔得；又估下會唔會係自己身體又或者ｄ奶有異味佢唔鍾意呢，但又吾係喎，唉∼諗到頭都大都唔知點解會咁既？唔通我以後只可以做全泵型既媽咪？ :cry: :cry: :cry:

Prudence is my Treasure.

She was born on 04 Nov 2004~ p:-Dq

私人傳訊回覆引用

monkichi

男爵府

積分: 5934

2011至尊種植勳章

2^#

發表於 04-12-29 16:35 |只看該作者

Re: 埋身餵阿囡就啜到發脾氣，點解？

yamichung,
從你的形容, 我猜是因為你的奶出得太快, bb食唔切.
我以前左邊胸也有這問題, BB吃幾口便會好似“濁”親咁係度咳, 結果只能用右邊餵, 左邊要泵出來.
我也試過先泵走些奶再餵, 但因為bb吸啜會刺激有噴奶反射, 而有噴奶反射時奶會出得很快, 所以仍會"濁"親.

你的bb還小, 只是一個多月大. 當他大些時, 便可以"承受"到這麼快的流量.

我的囝囝7個多月, 現在有時埋身餵他, 他也會突然吐出乳頭. 那時會有幾條"奶柱"由乳頭射出, 把他的頭和面都噴濕了. 我會用紗巾按壓乳頭, 待噴奶情況稍為停止之後再餵他.

私人傳訊回覆引用

yamichung

大宅

積分: 2623

3^#

發表於 04-12-30 18:43 |只看該作者

Re: 埋身餵阿囡就啜到發脾氣，點解？

monkichi

唔該晒你呀~

可能真係好似你所講既咁啦，我平均每四小時就可以泵到4~5安奶，而家就試下泵走約3安奶先再比佢啜，希望咁會好d啦~

係呢，你之前個簽名係咪有你個仔d相好似動畫咁，佢係度噴口水，噴左兩下之後就笑咁架，我好鍾意個個呀，睇見都覺得佢真係好可愛呀

Prudence is my Treasure.

She was born on 04 Nov 2004~ p:-Dq

私人傳訊回覆引用

monkichi

男爵府

積分: 5934

2011至尊種植勳章

4^#

發表於 04-12-31 10:10 |只看該作者

Re: 埋身餵阿囡就啜到發脾氣，點解？

yamichung,
嘻嘻, 你還記得那幅相.... 確實係幾搞笑o既

再分享多些:
那時我對於要泵奶出來餵有些不悅, 試過硬要bb埋身食, 結果每次他都是吃幾口便大哭.
後來我想通了, 其實埋身餵, 還是泵出來用瓶餵都不重要, 最重要的是bb吃到媽媽奶, 以及吃得開心.
如果硬要抱他埋身食, 而每次都帶給他一個不愉快的經歷, 他可能會將"媽媽抱"聯繫到"不愉快", 最後可能會抗拒媽媽啊!!!

幸好隨著bb日漸長大, 他終於能"承受"到這麼快的流量.