吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 老公多時間陪自己嗎

在職全職今日: 0|主題: 48039

收藏本版

發帖

返回列表

跳至頁

查看: 2884 | 回覆: 31

[全職媽媽] 老公多時間陪自己嗎 [複製鏈接]

軒軒

複式洋房

積分: 474

1^#

發表於 04-11-15 17:35 |只看該作者

老公多時間陪自己嗎

我剛剛識我老公時到現在,他都是自己做生意,所以工作時間很自由及時間唔駛好長.但因經濟越來越差,生意亦越來越少,少到根本唔夠屋企開支.近日佢朋友介紹左份工比佢做.其實我應該開心先係.但佢因要做這份工.在家的時間大大減少.以前下午我地會去飲茶,夜晚有時亦會回家食飯.有時我去街仲會車埋我返屋企.但自從要做這份工後.要晚晚半夜3,4時才可回家,唔使旨意佢會回家吃飯.今朝同佢去飲茶,佢係酒樓坐唔夠半個鐘就話趕時間,要去做嘢.份工仲係冇息休. :cry: 其實我都明白,身為人地老婆,係應該體諒丈夫,唔應該埋怨佢冇時間陪自己同個仔,但我真係控制自己,真係唔想老公冇時間陪自己,但唔通叫老公唔做嘢日日坐係屋企陪自己咩

我有時係度諗,如果忙個果係我就好.起碼係佢等我收工,宜唔係我等佢.

佢份工又冇息休,一諗佢過時過節.自己生日.親戚要去食飯,請飲,佢都唔可以同我一齊去,只有我同個仔去,過時過節,生日佢又陪唔到我,真係好唔開心.但為左生活.唉,真係冇辦法,

諗返起以前,冬天一齊打邊爐,一家人一齊係屋企睇電視,過時過節一齊去街真係好開心,但宜家.................

唔知其他媽咪又會唔會好似我咁呢,我真係好想找人傾下... :cry: :cry: :cry:

私人傳訊

carollam310

珍珠宮

積分: 36751

醒目開學勳章

2^#

發表於 04-11-15 18:15 |只看該作者

Re: 老公多時間陪自己嗎

我嫁左比我老公7年.7年以來我老公都冇乜點陪我架.我老公份工1年只有7日息休,就係年初一至年初七.只有呢7日.平時就算病都係比兩個鐘你去睇醫生咋.睇完即刻仆返去開工.我生阿女o個陣係自己一個人入院.生左先通知佢架,出院都係自己抱阿女返屋企.坐月又係自已一個.都幾慘架.佢日日朝八晚九架.放工返黎沖涼食飯.睇一陣電視就"眠"鬼左.我都慣晒.有老公等於冇老公.好似守寡咁.我女由細到大所有野都係我一手包辦.搵BB班.幼稚園.小學都係我自已搞掂,我女讀左3年幼稚園我老公未簽過一次手冊.通告.成績表架.睇都未睇過.你問佢阿女本手冊係乜野色佢都唔知架. :lol: 依家阿女升左上小一.佢一樣照舊放晒手比我搞.所以我係唔可以咁早死.我死左阿女會好慘.個老豆乜都唔知.連D証件.出世紙都唔知放係邊架.講左又唔記住.連我同阿女既生日日期.結婚記念日佢都要寫低o係筆記簿,但寫左都唔記得架.
不過..........................我都慣了.呢7年黎我未慶祝過生日.未慶祝過結婚記念日.但都慣左.......算啦~~~7年來都係咁架啦.以後都會係咁.睇你忍唔忍到.忍到就可以白頭到老.為左搵食.冇計啦.話時話7年之癢.唔知我會唔會..........*0*

私人傳訊

CANDY_SAMSON

伯爵府

積分: 16114

好媽媽勳章

3^#

發表於 04-11-15 22:49 |只看該作者

Re: 老公多時間陪自己嗎

多, 除左返工之外其餘時間都係陪我地

全職/全母乳媽媽大仔在8/8/2004出世了! 3.02KGS細仔在23/2/2007出世! 23/2/07 2.84KGS 26/2/07 2.81KGS 08/3/07 3.12KGS 24/3/07 3.79KGS 23/4/07 4.77KGS 25/6/07 6.67KGS 25/8/07 7.73KGS

私人傳訊

kellyly

侯爵府

積分: 24623

好媽媽勳章畀面勳章

4^#

發表於 04-11-15 23:44 |只看該作者

Re: 老公多時間陪自己嗎

我已經習慣性自己一個就算去邊亦都係,十分簡唔中或者得閒至陪我同bb,就算平時放假or放工佢都例牌唔係瞓覺就係上網.

私人傳訊

溫柔

男爵府

積分: 6308

5^#

發表於 04-11-16 01:03 |只看該作者

Re: 老公多時間陪自己嗎

一日24小時裡面,佢每日返成13小時,搭車來回1.5小時,返黎沖涼,食飯1小時,重有8.5小時用黎瞓覺,所以佢係冇時間陪我! :-(

私人傳訊

kcpak

水晶宮

積分: 56686

6^#

發表於 04-11-16 02:31 |只看該作者

Re: 老公多時間陪自己嗎

我老公比較特別d,,佢好鍾意痴住我..所以我同佢拍拖至今,佢一放工就飛返黎,一放假,我話去邊就去邊....
就係咁,,寵壞左我...佢訓著而我未訓得著,,我都會叫佢起身陪我傾計,,

有人話,人一生要找到四個人1) 自己2) 深愛你的人3) 你最深愛的人4) 共你過一生的人在你出世一刻,我一次過找到這四個人

私人傳訊

qq媽媽咪

瑪瑙宮

積分: 127925

馬年勳章 2026勳章母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

7^#

發表於 04-11-16 09:19 |只看該作者

Re: 老公多時間陪自己嗎

我老公除了返工play football, 其餘時間都倍我, 所以見面時間都幾多, 有時有d特別日子, 佢都會請假倍我.

私人傳訊

MaMa^-^Ada

子爵府

積分: 12555

8^#

發表於 04-11-16 09:22 |只看該作者

Re: 老公多時間陪自己嗎

我老公除咗返工，其餘時間都係陪我同D小朋友。 :mrgreen:

[size=small]My little baby Vivian ！

私人傳訊

浩天靚媽

禁止訪問

積分: 4610

9^#

發表於 04-11-16 11:34 |只看該作者

Re: 老公多時間陪自己嗎

提示: 作者被禁止或刪除內容自動屏蔽

私人傳訊

軒軒

複式洋房

積分: 474

10^#

發表於 04-11-16 18:21 |只看該作者

Re: 老公多時間陪自己嗎

尋晚我老公天光7點先番....唉.... :cry:

我有時係度諗老公去返工啫.個個老公都要返工架啦.駛唔駛咁唔開心呀,(夜晚失眠),老公宜家又唔係離郷別井,只不過佢返工時間比以前長左少少啫.而且我每天都會見到佢架啦,但我有時真係控制唔到自己,我真係驚自己有抑鬱症

以前煲湯or煲粥都會與埋佢個份(就算唔返黎食晚飯都可當宵夜),我宜家都一樣,但佢有時實在太夜返太累,冇飲到.我第二朝起身就要成煲倒晒佢,真係好浪費.,又浪費d湯.又浪費我一番心機.

我宜家每日最開心就係佢瞓醒同我,仔仔去飲茶的時候,因這段間已是我們一家相聚的時刻,最唔開心係飲完茶佢要去開工的時候.佢一去開工就唔知幾時先返黎,半夜三點or天光先返,不過可能係我未習慣啦.,希望遲d會冇事啦

私人傳訊

monchan

男爵府

積分: 7751

畀面勳章

11^#

發表於 04-11-16 23:15 |只看該作者

Re: 老公多時間陪自己嗎

我老公每日倍我20小時....痴到實

有陣時都覺得好悶....成日問....我地今日去邊呀？食乜呀？
不過咁....同佢去街一定唔洗我比$

私人傳訊

該用戶已被刪除

12^#

發表於 04-11-16 23:51 |只看該作者

Re: 老公多時間陪自己嗎

提示: 作者被禁止或刪除內容自動屏蔽

私人傳訊

Hellomummy

大宅

積分: 3024

13^#

發表於 04-11-17 01:43 |只看該作者

Re: 老公多時間陪自己嗎

軒軒,

好耐無見! (不嬲都無見) :mrgreen:

我老公揸大陸車, 一年中只有舊曆年放十多天假, 平時全時間喺大陸, 一個月番屋企一, 兩次, 每次逗留半日至1.5日不等, 仲係瞓左半日嗰隻, 已經十年了, MUG都慣哂, 家中事無大小我一手包辦, 大至搬屋, 細路仔入院, 小至家中鑽洞整水喉, 近年仲要幫手照顧埋老爺奶奶, 我唔係想講我係一個SUPERWOMAN, 我只係覺得原來當現實迫人既時候, 人係會被磨練到出黎, 當然當中一定包括無數既失眠和眼淚.........講講下有D眼訓TIM, 下次再談! 記住開心Ｄ！唔好同自己過唔去！

比較不正常而靈裡較感貧窮的人, 比起正常而靈裡不感貧窮的人, 成長的更多......

私人傳訊

laiki

用戶要求終止服務

積分: 10694

14^#

發表於 04-11-17 01:53 |只看該作者

Re: 老公多時間陪自己嗎

monchan 寫道:
我老公每日倍我20小時....痴到實有陣時都覺得好悶....成日問....我地今日去邊呀？食乜呀？
不過咁....同佢去街一定唔洗我比$

我老公除左返工就係陪我同湊仔, monchan,佢陪你20小時,唔使返工?

私人傳訊

東京mewmew

大宅

積分: 2072

15^#

發表於 04-11-17 11:27 |只看該作者

Re: 老公多時間陪自己嗎

我老公以前份工比較得閑, 但係而家份工就很忙, 有時忙到連我打電話比佢都只係講一至兩句就要收線。

咁佢又唔洗半夜兩、三點先番屋企, 但係都要成七、八點, 而且, 一返到黎, 就好累, 要"目訓"覺, 不過, 佢有一樣好, 就係好錫D仔女, 佢返黎, 就同個仔去街, 而我就要係屋企同個女溫書, 好彩我有份工, 可以打發下D時間, 咁, 就唔係咁覺得佢成日唔陪我。

不過, 而家星期六剩係得我同個仔去上親子班, 同埋湊個女去游水, 好似唔係咁開心, 好想有人陪下, 傾下計, 不過, 無法啦, 我老公而家要好博, 因為想升職呀!

雖然係咁, 我成日都同我老公做按摩架, 一黎可以令佢鬆弛D, 又可以係過程當中同佢傾下計, 等佢發洩下工作上既不滿呀嘛 (不過, 因為我係在職媽媽, D家務由我工人負責, 所以我先至可以較為輕鬆D咋 :mrgreen: )