大仔大女媽媽會 今日: 0 | 主題: 177860

積分: 531

1^#

發表於 09-6-26 16:38 |只看該作者 |倒序瀏覽 |打印

做左一年媽媽，有咩感想呀？又有冇乜大計？

在職o既，會唔會考慮做全職媽媽？

全職o既，又會唔會想出翻黎工作？

不如分享下？

我覺得阿囡將我人生同一些看法顛覆左，有得有失，覺得做左媽媽後真正踏入人生另一個階段．．．．

0 0 0

私人傳訊

sinleung1207

積分: 2948

2^#

發表於 09-6-26 17:16 |只看該作者

感想就係唔知應唔應該生多一個囉?

原帖由銀杏於 09-6-26 16:38 發表
做左一年媽媽，有咩感想呀？又有冇乜大計？

在職o既，會唔會考慮做全職媽媽？

全職o既，又會唔會想出翻黎工作？

不如分享下？

我覺得阿囡將我人生同一些看法顛覆左，有得有失，覺得做左媽媽後真正踏入人生另一個階段．．．． ...

私人傳訊

ew911

伯爵府

積分: 16200

3^#

發表於 09-6-26 17:27 |只看該作者

原帖由 sinleung1207 於 09-6-26 17:16 發表
感想就係唔知應唔應該生多一個囉?

私人傳訊

ew911

伯爵府

積分: 16200

4^#

發表於 09-6-26 17:28 |只看該作者

我會建議你生多個. 如果,你同老公都ready. 兩個會開心好多.

私人傳訊

mademoiselle

積分: 2717

畀面勳章

5^#

發表於 09-6-26 21:28 |只看該作者

其實呢個topic我一直都想開，haha…

時間過得真係好快呀，咁就一年喇！小朋友愈大就覺得自己愈老，呢樣應該係做女人最唔想面對嘅事！呢一年，90%時間都過得好開心，因為多咗個小朋友喺屋企，熱鬧咗好多！就算返工有幾咁唔happy，放工有幾咁攰都好，返到屋企見到阿囡就鬆晒！雖然身為爸爸嘅老公唔係成日都湊阿囡，但見到佢變得愈來愈稱職，已經覺得好滿足！

我同老公都會唸，幾時生身二個好呢？生就唔係難事，要俾時間、心機去湊就係問題！我希望搵多一、兩年錢先生，到時我就唔做嘢，全心全意咁湊小朋友，工人都唔打算請喇！

[ 本帖最後由 mademoiselle 於 09-6-26 21:30 編輯 ]

私人傳訊

浠浠豬B

積分: 1301

好媽媽勳章

6^#

發表於 09-6-27 00:25 |只看該作者

原帖由 mademoiselle 於 09-6-26 21:28 發表
其實呢個topic我一直都想開，haha…

時間過得真係好快呀，咁就一年喇！小朋友愈大就覺得自己愈老，呢樣應該係做女人最唔想面對嘅事！呢一年，90%時間都過得好開心，因為多咗個小朋友喺屋企，熱鬧咗好多！就算返工有幾咁唔happy，放工有 ...

我都係咁諗呀！囝囝愈大就愈覺得自己老=.=真係唔太想面對...哈哈^^
呢一年我都叫過得好開心，好似人地所講咁「有仔萬事足」。係呢一年，我覺得自己日日都有驚喜，睇住囝囝一日一日進步，從出世時只係識喊﹑識瞓嘅bb，到咗依家識爬﹑識行﹑識叫媽媽爸爸﹑識好多嘢嘅小朋友，真係又驚喜又開心。
我同我老公都有諗住生多個小朋友陪囝囝，不過唔係呢一兩年內嘅事，始終真係要好有精神﹑耐性﹑心機去湊﹑去教育，我自問我依家真係未有，所以過多兩三年先啦!

私人傳訊

iamkit

積分: 3523

7^#

發表於 09-6-27 09:27 |只看該作者

咁解仲咁肥...........

肥遊是快樂和互愛
肥遊是友善和氣
肥遊是美麗
個肥臉似紅霞
肥遊像鮮花的笑

私人傳訊

isabella_mami

複式洋房

積分: 382

8^#

發表於 09-6-27 12:47 |只看該作者

我覺得囡囡的出現, 讓我再經歷了一次成長, 對家庭, 夫妻關係, 工作, 個人興趣, 時間安排...等等全部都有了新的看法和感受!好似重新審視人生的意義和自我的價值, 將上述的項目重新定義和排位!真係好誇張呀!
以前自己無咁開心, 做事無咁多動力, 做野較被動, 甚至夫妻關係都一樣, 佢話點就點, 唔係咁想去爭取, 覺得都係咁喇, 凡事基本上無所謂!但係一年來做了媽媽, 好多野要理, 覺得為咗個女, 希望阿囡會快樂地成長, 所以我就決定要先要做一個快樂自主的人!
過去一年都有諗會唔會轉全職, 不過囡囡大咗, 反而覺得唔會喇!
總結來說, 係得多過失!

私人傳訊

fourfour713

積分: 1322

9^#

發表於 09-6-27 12:53 |只看該作者

我係在職媽媽黎架...
初頭返工好唔捨得呀b...
仲記得返工第一日，姨姨推住呀b走果個背影...
我忍唔住喊左出黎...因為放完產假真係唔想返工呀...
而家就已經慣左lu~~
放工好想即刻返屋企同呀b玩~~

呢一年呀b真係為我既生活加添好多光彩...
雖然辛苦左，但係開心左...
見到呀b，唔開心既野都會一掃而空~~~
每見到呀b識多樣野，我都好滿足，好開心...

我諗都係遲幾年先再生呀b...
因為又要供樓，好大開支呀...

同埋我而家開始要減肥啦...
本身我好肥架...
陀呀b果時醫生都叫我生完之後要減...
但係如是者過左一年...又肥左...
加上荷爾蒙失調，攪到d m亂晒...
醫生話如果我再唔減就越來越多病痛...

其實我最想既係過多兩三年就辭工，
全心全意湊仔...
但又唔想完全唔做野...所以都會搵下d part-time做~~

私人傳訊

叉燒媽

王國長老

積分: 38614

2018復活節勳章好媽媽勳章畀面勳章 wyeth冷知識勳章爸B勳章王國長老 2011至尊種植勳章環保接龍勳章大廚勳章親子達人勳章 BK猜猜猜慶中秋 BK Milk勳章 15週年勳章親子王國15週年勳章

10^#

發表於 09-6-27 15:07 |只看該作者

原帖由 mademoiselle 於 09-6-26 21:28 發表
其實呢個topic我一直都想開，haha…

時間過得真係好快呀，咁就一年喇！小朋友愈大就覺得自己愈老，呢樣應該係做女人最唔想面對嘅事！呢一年，90%時間都過得好開心，因為多咗個小朋友喺屋企，熱鬧咗好多！就算返工有幾咁唔happy，放工有 ...

HAHA, 想像唔到阿mad會肯做全職揍仔婆喎

我反而同你掉轉呀,
做左1年全職肥c奶,
好想等阿仔入n1後返出黎做野,
然後再儲多d $$ 生第2個~
雖然日日可以對住阿仔...
但係...反而做左全職c奶後,
無左自己咁!
老公同d 朋友都話..
第時仔大仔世界,
我就乜野都無哂喇!

執仔之手與仔偕老

私人傳訊

colettecyk

積分: 528

好媽媽勳章

11^#

發表於 09-6-27 18:17 |只看該作者

從來都冇諗過,原來一個小生命o既誕生,可以帶比我咁多歡樂同喜悅,直到依家呢一刻,我都冇後悔過放棄工作,做一個全職媽媽,因為能夠每日時時刻刻都可以陪住佢,睇住佢逐漸成長,真係好開心呀！雖然為左湊佢,放棄左好多自己平時o既嗜好,如Shopping、煲碟、睇電視、唱K、打麻雀.....等等,我依然覺得好值得呀！
其實我都好想生多個 bb ,但睇黎都唔可能喇！事關真係年紀大喇！恐怕都冇咁好精力照顧兩個囉！

私人傳訊

積分: 531

12^#

發表於 09-6-29 15:05 |只看該作者

我的感想同isabella_mami很想似！

其實，這一年真的不易過，這一年是BB成長快速的一年，對於我們做媽媽的何嘗不是？真的再次經歷了一次成長，重新審視生命、人生和身邊的人的關係．．．其間太多的情緒起落和想法的轉變，待我得閒點，真的會很認真的將這一年的心情起狀寫下。曾經失去了以前的我，不過經過一年，我決心努力找回以前的我，做母親雖然失去了追求理想的時間和客觀條件，然而我現在明白到兒女不是生命的全部，因為作為兒女的媽媽，你更不應只會是一個媽媽，這會讓你更加理性、更加完全、視野和心境更加開闊、更能給兒女一個健康的成長環境。

我還深深知道：「媽媽當自強！」因為有一個幼嫩的生命在未來的一段很長的日子都要你照顧，而除了自己之外，你無法肯定其他人會否像你一樣對他不離不棄！

老實說，以前常聽人話養育兒女辛苦，以前還以為是一般的辛苦，現在才知這些「辛苦」根本是沒當父母的人不能想像的，那種無休無止的壓迫感和負任感，無論在身體或精神上都是極嚴峻的考檢。我現在常常想起自己的童年，想像當年父母是怎樣辛勞地照顧我們，我真的覺得他們很偉大，所謂「養兒方知父母恩」，「養兒一百歲，長憂九十九」，「可憐天下父母心」，現在都有更深更真的體會。

還有，現在努力學習活在當下，無論日子怎樣辛苦、不如意，總會過去，成為日後令人懷念的片段，跟幼嫩的小孩子共處的日子很快就會過去，所以一定要好好珍惜同感受和兒女相處的每一刻！

原帖由 isabella_mami 於 09-6-27 12:47 發表
我覺得囡囡的出現, 讓我再經歷了一次成長, 對家庭, 夫妻關係, 工作, 個人興趣, 時間安排...等等全部都有了新的看法和感受!好似重新審視人生的意義和自我的價值, 將上述的項目重新定義和排位!真係好誇張呀!
以前自己 ...

私人傳訊

積分: 531

13^#

發表於 09-6-29 15:26 |只看該作者

其實生唔生多個,真係好 case-by-case...

有兄弟姊妹既好處,大家都好清楚,但其實都係一D好general既觀點....成長有伴呀,學懂share呀,長大後可以一齊分擔照顧父母既負任呀...

但係生多一兩個既負面影響其實又係好depends on各個實際環境同情況....只有自己可以去衡量。

其實一切都唔會係一個 MUST , 係咪真係一定要有兄弟姊妹一起成長才好呢? 真係唔見得係。

私人傳訊

mwh

男爵府

積分: 6982

好媽媽勳章

14^#

發表於 09-6-29 15:40 |只看該作者

感想..."笑中有淚"

私人傳訊

mademoiselle

積分: 2717

畀面勳章

15^#

發表於 09-6-29 15:49 |只看該作者

咁又係，各人有各人睇法，凡事都冇100%啱定錯！

不過，我個人睇法係有兄弟姐妹會比較好。以前我曾經喺一間算係幾出名嘅playgroup做過嘢，每日都會見到好多唔同嘅小朋友，所以導致我對於小朋友有兄弟姐妹係比較好嘅想法更強烈。好多獨生嘅小朋友，個個都性格會有唔同，但性格上都有些少缺乏，唔太識同人分享&溝通，自己like點就點，有啲仲唔識尊重長輩…我知可能有兄弟姐妹，都有可能會有呢d問題，但俾我睇到嘅，比率會差好多。

凡事冇一定，呢啲只係我眼前見到嘅，所以唔可以代表一齊！

原帖由銀杏於 29-6-2009 03:26 PM 發表
其實生唔生多個,真係好 case-by-case...

有兄弟姊妹既好處,大家都好清楚,但其實都係一D好general既觀點....成長有伴呀,學懂share呀,長大後可以一齊分擔照顧父母既負任呀...

但係生多一兩個既負面影響其實又係好dep ...

私人傳訊

kk123chan

積分: 1164

陪月勳章

16^#

發表於 09-6-29 21:32 |只看該作者

我都贊同"笑中有淚"
但見到bb一日一日長大.煩惱一掃而空.

私人傳訊

rubijacky

積分: 2330

17^#

發表於 09-6-29 23:30 |只看該作者

做左一年媽媽,真係經歷左好多野..我生完bb後無做野半年,做左full time媽媽半年,而家又再次做番野,因為要供樓,儲錢,俾家用屋企,開支好大...

呢一年過得好快, 貶眼間bb已然由出世時細細粒,變到而家咁大隻,四圍爬,玩過不停...做左媽媽,覺得每日都好倦,因為bb太活躍,無時停,要時時睇實佢,另外又要準備佢每日食的粥仔...又要做家務,真係無時停....有時做得太倦,都會問下自己做乜做到咁倦,但當你見到bb對住你笑,你又會忍住,又會咬住牙關堅持落去..

湊住bb,要放棄左做自己野的時間,唔可以成日行街..要放棄的東西好多,但換來的是與bb一起的時間,是一個美好回憶,是值得的..

私人傳訊

emt1314

珍珠宮

積分: 46169

2025勳章 2025勳章蛇年勳章 2024年龍年勳章牛年勳章 2018母親節勳章親子達人勳章

18^#

發表於 09-7-9 00:13 |只看該作者

我覺得時間過得好快，我記得坐月時，每晚抱住露比等日出（因為工人當日更，我當夜更），我就對住佢講。。。寶貝，你几時先唔洗抱呀？話咁快，宜家已經唔仲意俾人抱了。
一年嚟嘅感想係。。。覺得自己越嚟越似黃臉婆，自從露比出世後，我冇買過衫褲鞋襪，冇扮靚，出街只係睇BB野，連唇膏都唔敢搽，因為我要錫佢，怕啲化妝品hi咗俾佢。。。所有野都係十大以小為尊。
最離奇就係。。。我既然親自去街市買菜、魚、肉俾露比煲粥仔，街市。。。對我嚟講係非常陌生嘅地方。
總括嚟講。。。100%開心，唔開心嘅一見露比笑我就忘記了！
我都想重温大肚嘅感覺，但老公下旨收工！所以露比成為【兩家】嘅掌上明珠了

【一毫之善，與人方便；一毫之惡，勸君莫作；欺人是禍，饒人是福；不信抬頭看，蒼天饒過誰】
*****請勿將本人网名及言論內容抄襲到任何報紙或雜誌上*****

私人傳訊

積分: 531

19^#

發表於 09-7-9 10:15 |只看該作者

見到你地個個都係開心多，我都要努力開心D !:loveliness:
（因為我係唔開心多過開心．．）

私人傳訊

忌廉妹