Baby Kingdom - 親子王國 香港 討論區 › 首頁 › 自由講場› 過度活躍症一問,唔該晒!

自由講場

收藏本版
發帖
返回列表
跳至頁

首頁
1

尾頁
   0
kittymam


大宅

積分: 1530


1#
發表於 09-7-13 11:42 |只看該作者
朋友仔仔自小好好動百厭講嘢超叻,近期朋友帶佢去小童權益會見醫生,個醫生只同佢個仔傾解(朋友話個仔傾解半個鐘無時停地,又打斷佢同醫生的對話),醫生話佢過度活躍,會寫信轉介,但又安慰朋友話唔係好嚴重,,因小朋友宜家得5歲,.朋友返來對住我喊(搞到我個心都好沉重,一齊大的好姐妹,佢又家庭主婦電腦都唔多識),我上網幫佢查又查唔到.到底係埋傾解就可斷定?佢仔仔學嘢又幾好,心算都好好,學校功課唔止應付到仲有獎拿.
到底拿著轉介信要去邊度睇(要等今個星期五先可以拿到轉介信)?佢住測魚涌,東區醫院有無架?原本大家都諗住報同一間傳統名校,宜家佢擔心,老師又建議佢報活動教學的教學,如果真係過度活躍(我覺佢係雖然百厭,但卻好聰明同叻仔,而且同我個女一齊學畫畫心算都無問題,雖然有時上堂會百厭D),係埋一定要讀活動教學學校好D?但個醫生同我朋友講傳統管教其實對過度活躍症小朋友都好,因有管教.搞到我朋友唔知點算好.

有無人可以分享教下,特我印出來扲俾佢,請大家幫下佢!唔該晒!
私人傳訊

doleeme


大宅

積分: 1644


2#
發表於 09-7-13 12:56 |只看該作者
去特殊教育貼啦。
私人傳訊

~仔仔媽咪~


水晶宮

積分: 51912


3#
發表於 09-7-13 13:18 |只看該作者
查實過度活躍都分好多種,唔一定個個都會有埋專注力不足問題囉!可能你朋友囝囝淨係hyper而非ADHD,你叫你朋友試下打到就近既健康院問附近邊度有政府兒童智力測驗中心度做評估,如果個姑娘多咀問句,你直接講話出面醫生寫咗信話需要囝囝黎做轉介做評估,懷疑佢有過度活躍症,咁個姑娘會教你點做架喇.

查實出面人就係誤解同唔理解過度活躍既特徵,只係知佢地會無時停周圍彈,但嗰D只係好皮毛既表面野囉,所以出面人都係會以為班過度活躍小朋友係適合活動教學唔適合傳統教學.但我本身個仔都係ADHD(過度活躍專注力缺乏症,即係hyper+專注力不足),我都同樣覺得,佢地接受傳統教學反而會學識守規矩囉.反之活動教學一黎太就小朋友,二黎佢地咁容易興奮到唔識停仲易整到人仲多投訴囉.

我都識有幾個過度活躍症小朋友都係讀名校架,又係讀到書,只係衰响言行上面.如果您朋友都想囝囝讀名校,試咗先,考到再同間學校老師傾番囝囝既問題.等老師了解咗個小朋友再同家長合作去幫囝囝.

同埋真係要記住,如果醫生話小朋友有過度活躍症,就一定要做評估,評估到真係既,就一定要依循醫生指示去食葯黎control情緒同行為,經濟許可既話,盡量响出面俾囝囝做感覺統合訓練同埋思維訓練,因為以上呢D野真係對過度活躍有幫助,如果為咗過度活躍呢個名(接受唔到/唔肯相信醫生評估)而當小朋友唔係過度活躍,佢一路咁大,病徵一路明顯,問題日日嚴重,到時你朋友同囝囝都會極度痛苦.

小朋友既童年得一個,要好好把握,幫佢避開呢D障礙,可以有個快樂既童年,而唔係日日俾老師同學話係曳仔甚至傻仔既無自信童年.所以要幫到小朋友,第一樣先要做既就係父母要積極踏實地去面對問題先.咁至可以全心幫到個仔.唔好唔開心啦,要加油!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy