吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家庭理財› 請問賣左層樓先還到一半債項(20萬),都仲欠30萬債,可唔可 ...

家庭理財今日: 0|主題: 46896

收藏本版

發帖

返回列表

跳至頁

查看: 1487 | 回覆: 5

請問賣左層樓先還到一半債項(20萬),都仲欠30萬債,可唔可以仲選擇破產? [複製鏈接]

ifsus

民房

積分: 113

1^#

發表於 05-1-1 20:17 |只看該作者

請問賣左層樓先還到一半債項(20萬),都仲欠30萬債,可唔可以仲選擇破產?

我自覺得有矛盾地方.........
另外我在懷孕中,如先生現即攪破產,我便在bb都未出世便要搬地方(但又冇錢搬屋,租金,同申請破產費用),大住個肚搬屋我都唔知點算...........但佢d債已經無得拖,銀行card數係immediate找數(min.pay)
所以要想下如果我的題目是成立可行到,我想生完bb就賣樓,
安頓好搬遷,只留起搬遷費用,其餘會還債(因查起上來我地真係資不抵債,不是賣完樓用左D錢唔還)再先生破產,因為債實在還很難還.......這年多來大家已很努力還了廿多萬,我現象亦幫他背負自己媽咪10萬多.......
不破產,bb都唔知點養....我連產假薪都沒有了,因之前已提早拿幫他還........

路很難行,心很沉重.....

但我有信念我和先生和小生命會有明天........會有重新的家.
一個浪子回頭的丈夫.一個在風雨中堅強成長的小孩....

私人傳訊

yungwingma

民房

積分: 72

2^#

發表於 05-1-2 01:11 |只看該作者

Re: 請問賣左層樓先還到一半債項(20萬),都仲欠30萬債,可唔可以仲選擇破產?

你情形太複雜, 還是快些找律師傾傾吧. 議員涂謹申律師或者可幫到你, 應不會收你諮詢費吧?!

私人傳訊

chinatea

水晶宮

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

3^#

發表於 05-1-2 10:03 |只看該作者

Re: 請問賣左層樓先還到一半債項(20萬),都仲欠30萬債,可唔可以仲選擇破產?

破產呢樣野講就好除便但做起上來牽連好大,你層樓供完未呢?如果未首先你要即刻了解層樓而家個價值如果有升的話就早d賣,如果冇升又冇下滑就早d比返銀行等佢地拍賣你早d搬走起碼拍賣之後個差價唔洗相差太多第日銀行追你時再同銀行傾有咪還多d冇就還小d但唔好唔還唔好比銀行迫死.

如果諗住破產的話你要同你先生d野要早d分家破佢一個唔好一齊冇哂,破產人真係

<br>

私人傳訊

ifsus

民房

積分: 113

4^#

發表於 05-1-2 16:05 |只看該作者

Re: 請問賣左層樓先還到一半債項(20萬),都仲欠30萬債,可唔可以仲選擇破產?

chinatea ,
層樓只供了幾年....但我地問過地產而家個價值有升番,所以計落賣樓個價要還給銀行同政府首置(層樓只有我先生名),有剩就還債,但係資不抵債.(前文內容)

我同佢而家進退兩難.......破產雖只係佢個人負責,(因樓我沒名),但影響到我很大(心靈,bb,同以往付出,投資,感情等等非筆墨形容),我地商量想到以下方法 :
1.他即刻破產(因銀行咭數已追等),但在我懷孕中搬,我很不想........我唔知我身心再一次又一次承受到否..........而破產後佢收入應該唔需點再還(或還不多吧)(但他而家還是沒正職的,只有1份近4千的part-time)....那時生活或者沒有還街數太大壓力,只重新還家人數.但他背著破產名,對他搵某些工會有阻滯.........我唔知破產後大家生活怎樣面對.........對bb如到時入學有影響嗎等等?

2)先賣樓,安頓好自己新居等再佢破產,但唔知法律上行得通否(前文)

3)將層樓轉按加按討回20萬(情況如option2),唔駛搬,
但佢而家冇正職,變相我一定要做借款人,我怕有什麼事牽涉到連我都破產就累到bb我不想呢.........但這個方法我地覺得其好處在我們仍有產業,當樓價去到再高些先賣,而佢又不用破產(因他要找工,怕破產會影響他找不到某類他以往做開的工),但就算轉按加按,也需要時間,但我地而家根本冇錢找min.pay...........加按後又係繼續還30多萬的數.......

1個孕婦,心身承受極大壓力.....丈夫又一錯再錯.........朋友自己家人不敢說........要返工背起成頭家.........我30也未到..........但我所面對的卻像遠超我年紀所承受...........上天真看得起我給我試煉.........

私人傳訊

ifsus

民房

積分: 113

5^#

發表於 05-1-2 16:07 |只看該作者

Re: 請問賣左層樓先還到一半債項(20萬),都

yungwingma ,
謝謝你意見.....我們在等候免費律師詢問,但排緊中,而問題又迫切..........故上來問問....

私人傳訊

dummypimp

大宅

積分: 1639

6^#

發表於 05-1-3 11:40 |只看該作者

Re: 請問賣左層樓先還到一半債項(20萬),都仲欠30萬債,可唔可以仲選擇破產?

若你希望解決財困為第一/最重要大前提, 可考慮以下方案:

1. 立刻離婚 (只是法律上), 離婚後將所餘錢以現金方式轉去你名下...你最好keep Cash
2. 離婚後, 叫你老公"名義上"不與你同住,..即退回所有credit Card statement, 不要還credit card 數, 將可還的錢以現金方式存進你處....你最好keep Cash...
3. 不需自己賣樓申請破產, 银行追追下自然會破你產,...費用都唔使俾, 你就利用這段時間盡做以上(1), (2)...儲起錢,...银行申請破你老公產後, 這些儲起的錢是不需用來還的

記住,同人講錢不是你老公俾你的....

這些律師是不會教你的...