韓 國 泥 膠 熱 Jumping Clay
韓 國 呢 期 興 玩 一 隻 名 為 「 Jumping Clay 」 的 泥 膠 ， 顏 色 鮮 豔 受 小 朋 友 歡 迎 唔 出 奇 ， 連 學 校 老 師 都 勁 Buy 引 入 做 課 餘 活 動 ， 唔 少 人 重 專 登 參 加 專 門 學 校 開 設 的 興 趣 班 ， 韓 國 保 寧 市 重 開 間 泥 膠 展 覽 館 ！ 呢 股 泥 膠 熱 已 經 殺 到 落 印 尼 ， 香 港 就 引 入 無 耐 ， 其 易 搓 易 玩 乾 手 淨 腳 唔 似 一 般 紙 黏 土 咁 污 穢 邋 遢 ， 相 信 一 定 討 到 港 女 歡 心 。
4 分 鐘 砌 掂 雞 仔 ！
講 到 咁 好 玩 ， YoYo 都 聽 到 心 郁 郁 ， 即 場 用 Jumping Clay 捽 隻 雞 仔 ， 一 來 試 係 咪 咁 易 玩 ， 二 來 出 年 雞 年 可 以 應 節 ！
經 驗 老 師 小 朋 友 偶 像
Jumping Clay 有 幾 受 歡 迎 ？ 韓 國 每 月 營 業 額 約 $6,160,000 ， 以 每 套 $260 計 ， 即 每 月 賣 出 近 23,700 套 ， 電 視 賣 行 廣 告 勁 谷 宣 傳 固 然 係 原 因 之 一 ， 04 年 10 月 開 始 與 中 小 學 合 作 開 興 趣 班 就 直 接 打 開 小 朋 友 市 場 ， 現 時 每 個 課 程 大 約 有 40 至 100 個 學 生 報 讀 ， 為 期 六 個 月 及 一 年 ， 到 今 年 漢 城 京 畿 區 Jumping Clay 專 門 學 校 正 式 開 辦 ， 加 上 現 存 的 Jumping Clay 展 覽 館 ， 相 信 呢 股 泥 膠 熱 05 年 會 得 以 持 續 。
Jumping Clay 首 席 導 師 金 小 姐 來 頭 唔 細 ， 有 超 過 10 年 造 型 泥 膠 經 驗 ， 她 在 Hoseo 大 學 美 術 系 畢 業 後 做 廣 告 公 司 設 計 部 主 管 ， 曾 獲 得 韓 國 產 業 設 計 比 賽 、 廣 告 設 計 比 賽 和 旅 遊 業 紀 念 品 設 計 比 賽 等 多 個 大 獎 ， 11 月 ， 她 更 前 往 印 尼 開 班 授 徒 及 主 持 泥 膠 比 賽 ， 現 已 成 為 無 數 小 朋 友 的 偶 像 。
百 變 顏 色 任 你 溝
Jumping Clay 正 確 名 稱 是 「 聚 合 物 黏 土 」 ， 乾 身 ， 手 感 無 一 般 紙 黏 土 咁 黐 ， 韓 國 父 母 放 心 畀 仔 女 玩 ， 全 因 為 Jumping Clay 已 經 通 過 「 韓 國 通 用 公 證 行 有 限 公 司 」 及 本 土 權 威 玩 具 測 試 機 構 「 Kolas 」 的 品 質 測 試 ， 證 實 完 全 無 毒 安 全 。 Jumping Clay 有 8 種 基 本 顏 色 紅 、 黃 、 藍 、 黑 、 白 、 橙 、 紫 、 綠 ， 理 論 上 可 以 學 水 彩 咁 溝 出 千 變 萬 化 的 顏 色 ， 做 法 亦 非 常 簡 單 ， 只 要 將 兩 種 唔 同 顏 色 泥 膠 捽 埋 一 ， 捽 到 均 勻 就 自 然 變 成 第 三 種 顏 色 。
官 方 網 頁
http://www.jumpingclay.co.kr/ ， 內 有 玩 法 入 門 。
玩 得 睇 得 又 用 得
Jumping Clay 既 唔 黐 手 ， 又 無 傳 統 紙 黏 土 咁 快 乾 透 ， 完 成 品 通 常 要 擺 2 小 時 先 完 全 乾 透 ， 但 風 乾 之 後 的 完 成 品 超 輕 超 堅 固 ， 唔 會 撞 兩 就 散 ， 拎 上 手 輕 如 無 物 。 叫 得 做 「 Jumping 」 ， 當 然 有 番 咁 上 下 彈 力 ， 誇 張 講 ， 真 係 搓 個 波 出 踢 都 重 得 ， 由 於 優 點 多 多 ， 除 一 般 擺 設 裝 飾 品 外 ， 好 多 人 都 會 用 Jumping Clay 做 飾 物 、 鎖 匙 釦 、 磁 石 貼 甚 至 電 話 繩 ， 玩 得 睇 得 又 用 得 。
裝 備 篇
香 港 暫 時 只 得 大 眾 書 局 和 太 古 UNY 發 售 Jumping Clay ， 後 者 逢 星 期 六 、 日 （ 2:00pm 至 6:00pm ） 設 攤 位 專 人 示 範 ， 有 興 趣 朋 友 可 以 ， 正 式 興 趣 班 還 在 籌 備 中 ， 預 算 今 年 內 正 式 開 班 ， 家 未 有 堂 上 ， 買 番 套 Jumping Clay 返 屋 企 自 己 操 住 先 喇 ！
■ 基 本 8 色 套 裝 $199 。
■ 小 孩 用 塑 膠 製 工 具 $38 ， 另 有 大 人 用 金 屬 製 工 具 $52 。
■ 配 件 套 裝 $48 ， 包 匙 釦 5 個 、 彈 弓 2 個 、 襟 針 2 個 、 磁 石 10 個 和 電 話 繩 10 條 。
查 詢 電 話 ：
大 眾 書 局 （ 2942 9265 ）
UNY （ 2885 0331 ）
Blessed are the pure in heart, for they will see God.
發表於 
返回列表
