自由講場

收藏本版
發帖
返回列表
跳至頁

首頁
1

尾頁
   0
coey128


男爵府

積分: 6432


1#
發表於 09-7-22 16:58 |只看該作者
荃灣區有冇兒童發展及評估的兒科專科醫生?

因為我懷疑個仔有病,想搵下醫生睇下..(18個月),佢到而家都係唔識講O野,(爸爸,媽媽都唔識),又唔識聽人講O野,(水,奶奶都唔識)

今日去健康院,最快都要9月先可以睇醫生,所以我想自己睇左私家先....AND想知要幾錢??


MANY THANK!!!
私人傳訊

~仔仔媽咪~


水晶宮

積分: 51912


2#
發表於 09-7-22 17:09 |只看該作者
如果出面既私家做評估,一般都係千幾至四五千蚊不等,如果我仔做嗰間,就千幾蚊左右,個治療師本身係言語治療師黎,但同時都有兒童心理學同感覺統合等資格,如果你有興趣就PM問我攞啦.

不過你囝囝九月都已經可以見政府嗰邊,我覺得不妨等埋呢個月先,做咗政府嗰度仲好,查實都差得唔係太遠咋.
私人傳訊

nico011296


子爵府

積分: 10934

2024年龍年勳章 2018復活節勳章 畀面勳章 環保接龍勳章 親子達人勳章 BK Milk勳章


3#
發表於 09-7-22 17:15 |只看該作者
有時小朋友發展遲緩.學習會比一般小朋友慢係好常見既.好多人18個月言語評估唔合格.都要2歲再返健康院.唔好咁快擔心住.9月可見咗醫生睇吓點講先
私人傳訊

mat媽


子爵府

積分: 10077

好媽媽勳章 醒目開學勳章


4#
發表於 09-7-22 17:33 |只看該作者
唔識 定係 聽唔到?

私人傳訊

414928


水晶宮

積分: 63986

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 15週年勳章 畀面勳章 好媽媽勳章 醒目開學勳章 BK Milk勳章 hashtag旅遊勳章 hashtag影視迷勳章 認識瑞士牛牛第一回 認識瑞士牛牛第二回 認識瑞士牛牛第四回 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 笑得好勳章


5#
發表於 09-7-22 17:38 |只看該作者
既然9月就可以見醫生,都係等多2個月啦,因為私家好貴,要詳細報告又要錢,最重要係如果你日後想要政府資源,有些私家報告政府係唔承認的。
其實小朋友18個還小,可能還未能做評估,都係見左醫生先再決定吧。
私人傳訊

webjen


珍珠宮

積分: 45683


6#
發表於 09-7-22 17:38 |只看該作者
原帖由 coey128 於 09-7-22 16:58 發表
荃灣區有冇兒童發展及評估的兒科專科醫生?

因為我懷疑個仔有病,想搵下醫生睇下..(18個月),佢到而家都係唔識講O野,(爸爸,媽媽都唔識),又唔識聽人講O野,(水,奶奶都唔識)

今日去健康院,最快都要9月先可以睇醫生,所以 ...


18 個月唔識講野都唔算唔正常wor,最緊要佢對你講野有反應!
2 歲唔識講野就真係要正視!
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊

Geni


男爵府

積分: 5592

醒目開學勳章


7#
發表於 09-7-22 17:57 |只看該作者
9月有得見已經好快o家o勒~~ 好多人要等9個月至一年先安排到~~~

我好明白你o既心情, 因為我個細仔都有speech delay. 佢依家4歲, 之前一直都覺得佢同其他小朋友有d唔同, 但又唔覺得好嚴重, 直至佢o既幼稚園老師提議我地帶佢去做評估, 先知事態嚴重.... 因為我知如果搵政府做要等好耐, 所以就自己搵私家醫生做, 仲要係做全面評估o個隻, 最後埋單6千幾~~~ 係就係貴d, 但個醫生都算係幾出名o既, 佢出o既report其他地方都會承認o既, 而最重要係佢解釋得好清楚好詳細, 唔會用d"疑似"或者"有可能"呢d terms.

唔好咁擔心, 依家有好多好多機構可以幫到有需要o既小朋友, 所以就算真係有事, 你小朋友咁細, 好快就追得番o家o勒! 加油!

[ 本帖最後由 Geni 於 09-7-22 17:58 編輯 ]
私人傳訊

coey128


男爵府

積分: 6432


8#
發表於 09-7-22 20:49 |只看該作者
我個仔係聽到o野,有時係房,有人開門,佢都知出去睇邊個返o黎...

另外我99話我個仔係唔係啞,我就真係答唔出啦...但owen識發出(媽媽,打打,車車),不過佢唔知自己講咁咩.健康院院話咁唔算識講o野.

真係有可能係啞嗎?我同我老公,囡囡都好正常,俾我99講到我好驚.
私人傳訊

coey128


男爵府

積分: 6432


9#
發表於 09-7-22 20:58 |只看該作者
owen個症狀係:

1:人地同佢講野,佢唔睬人.(唔明白人講咩)

2:叫佢俾野我or問佢o個樣野係邊佢唔知.

3:到而家都爸爸媽媽都唔識叫,唔知係邊個.

4:脾氣好臭,可以成左一樣野,發哂脾氣訓地下.

5:佢會重覆玩一樣野,第一次點玩,以後就點玩
唔會變玩法.

6:到而家我叫佢,佢都係唔睬我.


我見到自閉症個症狀好似,但佢又唔驚同個家姐玩,見到陌生人又唔係好驚,上次我帶佢去學前班上堂,佢又冇野哦,有冇人知,除左自閉症,仲有咩症係咁樣o架..
私人傳訊

coey128


男爵府

積分: 6432


10#
發表於 09-7-22 21:02 |只看該作者
原帖由 webjen 於 09-7-22 17:38 發表


18 個月唔識講野都唔算唔正常wor,最緊要佢對你講野有反應!
2 歲唔識講野就真係要正視!



就係冇反應,搞到我好驚,以前個囡囡都係到兩歲先正式講o野,不過之前佢明我講咩,但囝囝唔係,係冇反應,一歲時都覺得佢唔妥,不過o個時佢仲細,而家歲半仲係咁............
私人傳訊

Geni


男爵府

積分: 5592

醒目開學勳章


11#
發表於 09-7-22 22:32 |只看該作者
原帖由 coey128 於 09-7-22 20:58 發表
owen個症狀係:

1:人地同佢講野,佢唔睬人.(唔明白人講咩)

2:叫佢俾野我or問佢o個樣野係邊佢唔知.

3:到而家都爸爸媽媽都唔識叫,唔知係邊個.

4:脾氣好臭,可以成左一樣野,發哂脾氣訓地下.

5:佢會重覆玩一樣野,第一 ...


我提議你去教育王國O既自閉寶寶同語障寶寶呢兩個SECTION睇O下問O下, 可能多D資料同媽媽幫到你!
私人傳訊

~仔仔媽咪~


水晶宮

積分: 51912


12#
發表於 09-7-23 00:07 |只看該作者
原帖由 coey128 於 09-7-22 20:58 發表
owen個症狀係:

1:人地同佢講野,佢唔睬人.(唔明白人講咩)

2:叫佢俾野我or問佢o個樣野係邊佢唔知.

3:到而家都爸爸媽媽都唔識叫,唔知係邊個.

4:脾氣好臭,可以成左一樣野,發哂脾氣訓地下.

5:佢會重覆玩一樣野,第一 ...


就咁聽你講都覺得似係自閉傾向囉,始終唔知你會唔會無意之中受到嗰D自閉症資料講既野影响,因為要真係FIRM小朋友係咪自閉都要睇幾方面架,真係唔好靠估,搵咗醫生做評估先啦,呢D唔拖得,及早發現及早做番D訓練會對小朋友有幫助.

如果你話有無其他症狀會係咁,可以答既係,過度活躍症都會有咁既症狀,我睇書都係話幾乎佔大多數既ADHD都係有個共通點,都係同樣會有言語發展遲緩.我仔就係咁:

1)一歲前仲識得講媽媽同奶奶(牛奶),但歲半後連媽媽都唔講,無意願亦好抗拒學講野,教極都教唔到佢講野.

2)我仔去到四歲至開始講多少少野,但都係鸚鵡式講野,佢講任何野都係單向無意思,好似自言自語咁,我地同佢講野,佢係無反應,唔能夠雙向有來有往有問有答.

3)我仔嗰時都會咁發脾氣,唔單止唔如意時會發,佢係會無故發脾氣,可能呢一秒仲同你玩得好開心,但會突然下一秒佢會停一秒然後好激動咁往後'鄧',然後'扮跌'落地,瞓哂地係咁狂喊.你係唔會知佢發生乜事,但醫生就話因為佢想講野俾你知,但嗰個moment佢發現自己講唔到,佢至會咁激動咁傷心.

4)我仔嗰時都係同一份玩具可以玩好耐都唔轉玩具,玩唔到玩到自己喊都仲堅持用番佢錯嗰個方法繼續玩,幼稚園嗰時佢都係咁,玩一份玩具玩咗好耐都唔轉,嚇窒全園老師,結果係老師驚得滯,第一時間幫我仔換過第二份玩具俾佢玩.

基本上我仔係去到八九歲至開始正式同我溝通有來有往,之前都係一句起兩句止,依家雖則同佢傾到偈又對答如流,但要我仔好複雜咁去講去形容某D事情,佢係表達唔到,到啱啱小三考試個中文會話嗰PART,老師寫都係寫我仔表達能力差囉.我仔本身係自閉傾向+過度活躍專注力缺乏(ADHD).

不過唔駛太過擔心,我嗰時都遲咗做評估,個仔三歲半至評估,但你囝囝依家歲半己經可以做評估,即係都多咗時間去訓練佢啦,只要媽媽肯努力俾多D訓練佢做,小朋友學野好快,會進步好多既.唔駛太擔心.

如果有咩唔明可以去特殊嗰邊問下其他媽咪,佢地有經驗D,邊度有支援有訓練,佢地會知囉.
私人傳訊

cherry913


男爵府

積分: 5171

畀面勳章 BK Milk勳章


13#
發表於 09-7-23 13:29 |只看該作者
我個女有係好似你個bb咁呀!!!我個女19個月大。。佢識聽人講野....但係唔肯講野....迫佢鬧佢哄佢都唔肯。
有時先講爸爸媽媽爺爺打打謝謝。。(不過佢唔係主動講野).....健康院姑娘講要2歲先再番去。我好擔心...一直搵d語言班比佢....但好多都要2歲先可以...唉!!!我真係好擔心..我個女出世個時食奶又食得少~~又比同年紀bb細粒..又唔好肯食野...現在又唔肯講野...好煩好煩....可以點呀!
私人傳訊

ellawyc


公爵府

積分: 26643

好媽媽勳章


14#
發表於 09-7-23 13:52 |只看該作者
樓主, 個仔係咩問題都好, 快d搵醫生睇下做評估.

以下係我由發現個仔有自閉傾向後的安排同進程, 比妳參考下.

for your information, Step (邁步自閉症兒童中心) 的收費係$4xxx, 養和係$6xxx.

我排S位的進程, 唔係經健康院轉介
因為老公嘅朋友係Step度做
知道維尼的情況, 就指咗方向比我地....

1. 2月底維尼足2歲, 仍未識講野, 3月頭排協康做評估 ($600), 由幼兒工作者做較簡單的觀察, 然後填卷. 3/23做咗, 結果係有自閉徵狀, 跟手排埋CAC (政府兒童體能及智力測驗中心) 做全面評估.

2. CAC都好快, 我地3月尾通知佢地, 4月已經可以第一次去見姑娘做初步審核. 見完, 話最快要半年內有得做詳細評估.
但我同老公怕半年的話, 可能趕唔上09年派位, 於是同步搵埋Step做全面評估.

3. 4月尾去Step, 評估結果係自閉傾向. 佢地代寫信去排期. 當時Step建議排S位 (S位會膽拖E位).
* 我同老公當時都有少少猶豫 : 係咪真係要S位呢? I位得唔得? Step解釋得好詳細, 排到你時, 如果唔需要S, 可以轉番落I; 但揀咗I就未必有得落番S+E. 所以我地揀咗膽拖.

4. Step4月底去信, 鬼咁快, 5月中社署約見, 填表正式申請服務, 揀埋想去邊個S位或E位中心.

5. 6月底, 社署通知我地有位.

6. 7月中, 輪到CAC全面評估.

只係靠健康院轉介, 時間上可能要耐dd; 在經濟許可的前提下, 我地都想盡辦法希望快d比維尼入學. 正面d睇, 就係希望早d接受training, 可以早d入番主流.

如果有問題, 妳不妨去特殊教育版嗰邊問下, 好多有經驗的媽咪好樂意同你分享嘅.

最緊要正面, 小朋友嘅前路係要靠你地去鋪比佢, 佢有特殊需要, 就要好好幫佢把握黃金治療期.
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見