自由講場今日: 127|主題: 1363697

收藏本版

發帖

返回列表

跳至頁

查看: 733 | 回覆: 8

點解咁樣打仔都只係判得2年,太少喇!! [複製鏈接]

藍藍

伯爵府

積分: 15377

1^#

發表於 09-7-24 13:01 |只看該作者 |倒序瀏覽 |打印

踢兒腸穿肝裂躁父囚兩年

被法庭形容為獸性大發的廿四歲無業漢，因與妻子爭吵，一怒之下狂踢三歲兒子腹部，導致他腸穿肝裂傷及腹腔積血，情況一度危殆，男子被判囚兩年。事實上，這名躁父數年曾把兩歲子捆綁牀上而被判虐兒罪成...

依條死pk係我老公個表哥黎架!!!我地睇到佢判得2年都覺得太輕,因為佢唔係第一次打仔架喇....聽我99佢地講佢個大仔(我同老公都未見過)因為成日比佢扯頭髮,所以變左"癩痢"頭,d親戚個個都話過佢,但係佢都唔理,最後因為佢又打仔,比d鄰居見到報警拉佢,佢大仔就送左去寄養家庭....佢個細仔大我個大仔8日架咋~(今個月20號佢先岩岩4歲)我見過佢地2公婆一次,果次就係因為我地2家個b滿左月,99女家果面約晒出黎食晚飯,話當係同我地2個b做滿月....果時我一見阿庭就已經無乜好感,佢成晚都出出入入傾電話,唔係話落D就話去邊道邊道玩,我覺得佢只係識得去玩果d....到食飯果時佢2公婆坐係我隔離,我見佢成個大爺咁,不停叫佢老婆"甲"依樣果樣比佢食..我睇唔過眼咪出聲串佢囉!!"你又唔係無手,做乜自己唔"甲"你老婆抱住個仔,乜唔係你"甲"比佢食先岩咩!!"跟住佢啤左我一眼,死死氣咁"甲"左住菜比佢老婆....之後我同佢老婆傾計先知佢地仲有個大仔,因為佢老婆同我地講生今胎好快,由佢上白車到生都係用左半個鐘,上一胎都係係白車生用左45分鐘,佢仲話醫院d姑娘笑佢話佢生得咁快可能第3胎,只係用15分鐘就ok...果時我仲以為佢個老婆好錫d仔,因為我見佢對個細仔好細心咁..但之後我問99點解佢地唔帶埋個大仔出黎,99先話我知,阿庭成日打個大仔架,可能因為佢個大仔出世同之後果年阿庭仲坐緊監,同個仔無乜感情唔鍾意佢掛,所以動不動就打仔....依餐飯過左無耐,就聽到99同我地講,阿庭因為又打大仔,鄰居見到報警比警察拉左,而個大仔就送左去寄養家庭....我話咁咪仲好,跟著依d痴線佬(係阿庭自己同d親戚講話自己有精神病)咪仲慘.....點知上年連佢個細仔都出事,件事發生左幾日我地先知個主角係佢,99打比我地問我地知唔知我地先知個細佬咁慘,比佢打到個肝同d腸爆左,做左3次手術先過危險期...依家仲要成日返醫院覆診,好彩既就係佢依家都比左寄養家庭唔洗再跟住佢2個費柴父母受苦受難!!!不過唔知佢可唔可以同佢哥哥團聚呢....今年新年時去左99女家果面拜年,聽到佢地個個親戚都講緊依件事,佢地仲話出事前已經成日同阿庭個老婆傾,叫佢唔好再跟住阿庭...不過佢好似唔太理d人講乜咁,成日答返佢地廢話就算!!今次依件事後佢地個個親戚都話唔會再理阿庭2公婆,我只希望佢地唔好再生第4個細佬喇...佢地d咁既人,點可以做人父母...個老公就話自己有精神病姐,但係個老婆都唔好得去邊,見到自己d仔比個老公打死都唔理又唔去保護佢地,真係唔死都無用!!!!!!我只希望依個世界上少d依種人....同埋佢地既bb女唔好受到虐待,佢地真係不知所謂!!每次諗起佢地d仔就覺得佢地好可憐,點解會有咁既父母