夫婦情感 今日: 6 | 主題: 42744

積分: 183

1^#

發表於 09-7-27 20:37 |只看該作者 |倒序瀏覽 |打印

其實標題真係唔知點打好請原諒

以下會長篇左d 但想問問你地如果係你地你地會留下來或是一早走左9世...

事原上次我係單親果邊話離婚真的我去左法援登記再去申請左綜援跟住上星期3 我又俾隻佬鬧終於忍唔住打電話俾奶奶講晒隻佬既野佢又冇俾錢亞女交學費又欠人至少有十幾萬既數...呻自己點樣點樣辛苦當晚我奶奶就約左我老公出去食飯之後叫左我由於我家姐又來左我度諗住幫我拎d衫去我朋友度住但我奶奶打黎叫我食飯佢就話你都想知發生咩事架?你真係想離婚我而家知道左原因問題出左係邊度你落唔落黎聽下如果到最後都係要走就係你地兩個問題我家姐就極力叫我唔好去但我始終去左
我奶奶講左好多野話因為你老公冇錢冇本事又欠人錢咩都講錢佢後悔搞到咁樣之後話我做咩要走係呢個時候你點都唔可以走跟住果晚返到屋企我為左再靜下執左兩件衫去左我朋友度住左一晚點知第2日約佢一齊返屋企佢冇返工佢仲好奇怪地去左開個新電話返到屋企同佢坐低傾佢就話要離婚佢好極力離婚跟住我同佢嘈左好耐話唔想離婚同埋走左果晚我諗左好多野諗緊我奶奶講乜野之後再返屋企同隻佬傾左陣就開始明白了...同佢力爭左4日佢軟化左仲話俾次機會大家雖然佢冇話明係機會係當一遊戲咁睇..
初初佢仲話對我冇感覺但從佢對我既態度佢唔係冇感覺因為如大家都知真係唔鍾意一個人一句都唔會講咸濕d講佢當晚仲有搬我隻手摸佢所以我一直都覺得唔係冇感覺仲有既係一時時又會好開心咁同我講野一時又話叫我唔好咁傷心可能佢都想考我係咪真係想同佢一齊行落去
前晚..佢終於打開心扉佢講晒呢4年黎佢既唔開心
傾下傾下原來真係我生左個女之後我真係冇乜點理個老公(係忽視同忽略仲有時湊女湊得炆得滯會鬧埋佢) 成啖心機都放晒落個女度心裡仲一直以為佢咁大個人爸爸黎架啦佢會明白體諒我我都要湊個女點點點以為佢出去返工我唔理佢公事話想同朋友返大陸按摩(正係按摩,因為佢做倉好累又成日扭親) 俾佢去放鬆放鬆咁就叫做一個好老婆
到而家我地財務上有問題到而家欠人地咁多錢佢一直都有叫我去搵野做但我搵到請埋我又因為怕個女冇人湊(我自己一手一腳湊大) 因為好多時突然打黎叫我後日返工我自己來不及搵人湊我隻佬又好似唔多理 (但其實佢都諗好俾上我奶奶度俾奶奶果邊d人睇住先急急去搵佢朋友個老婆幫手湊佢老婆做鐘點) 一驚之下又冇返工又湊返女到而家真係錢方面逼到去盡頭了我又同奶奶講左呢件事出黎令佢好冇面仲有一樣野係我家姐佢竟然大大聲係飯店鬧我老公做咩成日鬧我成間店都俾人聽到當時我真係想拉老公走但我冇做到冇理由掉低個女掉低奶奶所以我冇走但我老公話如果你有走到我更加會對你好因為你維護我...
經過幾日自己反思再聽佢講既種種就知道原來自己好多方面都出錯佢亦都認自己出錯佢按不住脾氣總是鬧我因為佢都急知道個女冇錢交學費但佢講左d野我更加內疚因為我真係冇由佢角度出發
"你怕俾老師追數定係怕俾追數佬追數"
"你講既野我幾時冇做到?你話由你嫁俾我咩都冇想要返隻鑽戒最後我有冇買到? 你講既野我永遠都記得只係你感覺唔到同留意唔到"
" 你幾時話個女真係俾老師吹交錢最後限期我幾時都冇俾到你?"
"你想要咩我盡我既可能都買俾你 (我話:我都唔需耍物質) 咁有好多時我都俾你鬧我冇駁過你咀你仲要係咁鬧呢樣野我冇就你?我自問真係好忍得架喇 5年啦"
仲有好多好多.....回望返轉頭老公佢真係好就我佢盡可能以佢既方式俾返最好既野我怎至連婚紗相我講好去台灣影返佢都話好但我地大家心知要還錢先
如果唔係我冇去返工根本就唔會俾d數搞到邊度都去唔到
買車佢最大目標佢就係想要架車但如果唔係一早欠落數今次買車佢都會好輕鬆咁擁有但最後都有冇錢養車落去
呢幾日我都去左搵工綜援我都打去cancel了..
佢曾經發脾氣講悔氣說話叫我由佢去死由佢欠人錢
叫我同個女走就係果日我終於都明白咩叫老公自己揀同埋明白奶奶叫我唔好走千其唔好走因為走左當人最down 又突然出一個關心佢既人既話你咁會玩完同埋叫我自問係咪真係咁想走
幾樣野加埋心裡面逼使我更加更加要留低來救我老公唔係話因為個女冇啖好食冇學費交全部理晒個女我隻佬仲話而家個女雖然係返學但真係冇錢咪最多唔返一個月但老師係唔會追你數又唔會即刻係個名單度delete你既...但追數佬你真係唔知會點...
種種種種真係原來發現 4年冇理過老公冇理佢返工係咪真係咁累以為搵錢好輕鬆(因為我以前返工好輕鬆做office)...返到黎仲要受我脾氣...冇幫佢分擔頭家個女係重要但我地做唔好個環境個女點重要點都唔會好原來係我唔識得係適當時候放低個女幫幫老公分擔一有唔開心就同朋友講同家姐講更聽晒佢地話真係要為自己同個女著想一下唔好要佢佢欠人數佢死佢既事真係迷失得太勁真係去做左一半離婚事情我哄左隻佬5日佢終於軟化左啦佢講野仲冇咁硬頸因為我做到俾佢睇我真係有去搵工仲同佢傾我萬一真係搵到工你就要得去搵人湊女傾左好多好多我心裡面已經唔理3個家姐點諗我其中一個朋友點諗打俾我媽受盡佢冷言冷語更要厚面皮約亞媽去拎返個高清盒俾佢叫佢拎返之前我放係佢屋企既野所有家姐電話一律唔聽
一來:我決定為左真係跟老公一世一世就唔可能會再見到屋企人一面因為我隻佬已經冇晒面子啦唔可能仲面對我屋企人
二來:由其實一開始跟我隻佬佢地就睇唔起我地我老公已經好憎佢地真係好俾面我先會同佢地食飯...

三來啦:或你地覺得我偏激點講好呢... 老公自己揀無論雙方點錯 (除左有第3者家庭問題就容易解決)
都應該去傾去包容到你老死前一刻你見到既可能都會係佢所以我愛佢點衰都好我跟住佢就係跟住佢

我既家人覺得天下間仲會有人錫我但我唔覺得我feel到有人錫我又點可以保證佢錫埋我個女嗎?錫既話你擔唔擔心佢會唔會行為上言語上去 "搞"個女嗎?
呢d種種都係我怕怕同埋我同隻佬又唔係因為第3者而出事只係錢問題我另一朋友話 "如果係家庭問題錢既問題根本好易解決佢只係初初覺得仲好嬲你講俾奶奶知所以先仲咁硬話要離婚呢兩日都冇乜野唔好再提起件事就可以啦自己做返應該做既事就可以架喇再慢慢相處返你唔洗理其他人點諗因為每日見住你老公既人係你朋友固然係可以講但唔可能盡信"
我朋友係一個幸福美滿既家庭佢明白老公一定要關心如果返到屋企仲有個唔關心自己既老婆仲日日咁鬧真係好難頂工作已經夠累...所以呢個兩日我開始變了佢都忍住了脾氣了...我的屋企人不理了我知道會受盡冷酷但我希望可以同老公行過每一條路

如果俾著你地呢?你會聽家人說要自己顧自己或是去救你愛的老公呢....至少盡過力了到最後都係要分開既話.....

0 0 0

私人傳訊

heidys

積分: 12990

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

2^#

發表於 09-7-27 23:20 |只看該作者

又唔駛搞到自己同屋企人斷絕來往o既...你咁有情有義, 只係搵份工, 幫輕下老公同埋頭家, 個女有奶奶幫手湊, 的確唔係問題喎...你屋企人無理由無啦啦搞到無計傾卦..
婚姻係互相扶持, 不論疾病與貧窮, 同甘共苦架嘛..識得關心返個老公已經係好大進步架啦.. 加油呀~

私人傳訊

ABBC

積分: 13533

3^#

發表於 09-7-27 23:39 |只看該作者

我係你既話,個老公對我咁好~我會義無反顧去支持我老公~就算係捱死都係抵囉~!唔通真係夫妻本是同林鳥~~大難臨頭各自飛咩?
咁結婚黎做乜?結婚係一生一世既承諾~雖然我唔係基督徒~~但係我好鐘意佢結婚既誓詞...(承諾從今以後，無論環境順逆，疾病健康，富貴貧窮，你永遠愛慕佢、尊重佢，終身不渝呢？)每次聽到我都好感動~雖然唔係自己~不過我覺得要做到囉~~所以樓主~~我都覺得呢個時侯~你真係唔可以走~如果唔係你會後悔~~因為依家都感到你老公對你既好~如果你真係聽左你屋企人講~走左既話,你就會無左一個好老公~!你屋企人雖然咁講,但係都無錯~邊個想自己屋企人捱苦丫?但係我認為苦唔緊要~最緊要係值得同無悔~~!加油呀~!

私人傳訊

十一月

大宅

積分: 1900

4^#

發表於 09-7-27 23:55 |只看該作者

我都有睇過你d post , 但都唔係所有屋企人都係咁衰呀, 至少有個二家姐都對你唔差呀, 可能佢鬧過你老公and 令你老公無面, 但你當初又點同人講呀, 大家姐衰咪唔來往羅, 但其餘有無咁過份先, 話晒都係一家人, 駛唔駛去到不相往來, 做人唔需要得一面。

私人傳訊

積分: 183

5^#

發表於 09-7-28 18:49 |只看該作者

其實點講呢除左我2家姐大同3家姐由一開始就唔鍾意我老公由我大肚決定嫁佢第一次見我老公佢地兩個就用一副黑口面睇我老公只有我二家姐佢隨隨便便先會同我老公有幾句但最後因為我決定要跟住佢就連2家姐都唔睬我了就連尋日我打俾我媽約佢拎返個高清盒俾佢佢已經第一句好惡 "打黎做乜野呀!?" 我都平平淡淡講左兩句交帶好野就收線了或者我係知佢地都唔想我捱苦但係我唔係話唔搵佢地只係...等我有"成績"先俾佢地睇我冇揀錯路...今日我搵到工了聽日會去簽約...雖然唔係坐office 咁爽但都唔洗熱先去做侍應...但兩公婆有出現問題當然地要大家一齊去努力解決分享成果....我願意我都同意結婚既誓詞...果日我都有同我老公講多一次佢先開始軟化我個人不嬲唔怕肉麻我反而更會講出口
多謝你地俾左個意見我可唔可以話係證明呢或係你地俾左個支持我好感激我認識到呢個討論區認識到你地及各種人俾到不同意見和支持我會更加有信心去維持和保護我雙手可以捉得更緊既手正如誓詞不離不棄一生一世...
多謝你地感激主耶穌
我本身都唔係咁信主 (但我家族係信主) 但今日見完工我搭lift 祈左個禱希望主耶穌可以賜我一份工作有工作我就可以維持我的家請保佑感激主
點知明明見我果個人話兩日內回覆點知兩個鐘都冇就約我去簽約神奇吧有時諗諗每次真係有急事去祈禱大部份都可以達到當然梗係唔係諗mark six啦

私人傳訊

googoo

積分: 11932

好媽媽勳章醒目開學勳章畀面勳章

6^#

發表於 09-7-28 19:41 |只看該作者

樓主，其實你咁長篇大論打出來，心裡面已經有答案，你唔係問意見，你係想要d 支持 je。
雖然我唔知點解你家人唔鍾意你老公，但家人係家人，緊你，唔想你受苦先會怪你做錯決定，如果佢地見到你老公有努力去令你幸福，佢地終有一日會接納佢既。加油！

私人傳訊

gutgut22

男爵府

積分: 6658

7^#

發表於 09-7-28 20:06 |只看該作者

既然唔係第三者問題~仲有得維持梗係要撐自己個老公啦~債務呢樣野慢慢還....無計....我地自己都有....得C6一個返工~都要撐落去~最緊要係~我唔會理人講咩....知道C6係好就得~學你C6講~姐係我C6講~我鍾意咩都會比我買....佢真係講得出做得到.....車多數男人都愛~本身我C6都有架....但我叫佢慳返D~佢都賣左佢~我知佢好唔開心....但你C6話要比佢返大陸我唔同意喎....因為我C6唔會咁架喎~都唔會要求~我覺得大陸呢個真係有D係藉口~不過樓主....支持你~

私人傳訊

casllsac 該用戶已被刪除

8^#

發表於 09-7-28 22:01 |只看該作者

提示: 作者被禁止或刪除內容自動屏蔽

私人傳訊

積分: 183

9^#

發表於 09-7-28 23:35 |只看該作者

今晚我老公見佢爸問左佢家姐(即係姑媽)借左架車返黎
佢就話車我返入西貢俾返個高清我媽入到去我2家姐係度我本身諗住唔出聲跟住佢好惡望住我一開口大大聲鬧我幾時俾返錢亞媽我就話我而家搵到野做我出糧會還跟住我爸講左好多野大多數叫我定期打俾佢同埋佢擔心我我2家姐不斷鬧問我做咩死都要信佢會變會改跟住我爸要佢收聲佢講你唔好以為d家姐咁衰我話我冇咁諗過你如果你覺得開心你就去做如果你覺得累就回來跟住我爸又話擔心我會自殺我話我冇咁傻
跟住我講左俾佢地知爸你既然話我大個女我而家做既事我認我係信佢改就算第時博左佢都係唔要我我咪到時自己走囉我會自己承擔
我爸又講左一個問題...唔知大家點睇...
當一個男人講得出要離婚係咪唔會改變就算我呢個人做d咩出黎佢要離婚就係要離婚 ....
雖然我初初有懷疑..但我覺得應該唔會呱...目前我都仲係想做我既事
但我又好奇想問下大家你地點睇男人心想要離婚係咪做d咩野都好佢都係會離婚即使佢耍完一大輪....

[ 本帖最後由 soniyaB~＊於 09-7-29 09:50 編輯 ]

私人傳訊

積分: 183

10^#

發表於 09-7-28 23:36 |只看該作者

原帖由 googoo 於 09-7-28 07:41 PM 發表
樓主，其實你咁長篇大論打出來，心裡面已經有答案，你唔係問意見，你係想要d 支持 je。
雖然我唔知點解你家人唔鍾意你老公，但家人係家人，緊你，唔想你受苦先會怪你做錯決定，如果佢地見到你老公有努力去令你幸福，佢地終有一日會接 ...

呢樣野我認我有少許想人支持

私人傳訊

dadawc

大宅

積分: 3093

BK Milk勳章

11^#

發表於 09-7-29 03:26 |只看該作者

講到底~生活都系你同老公!同你行埋最後一段路都系老公!
所以我覺得唔洗理人地點睇~你同老公開心就ok!
為左以前既事唔開心未再黎過囉!你同得佢一齊就知佢系咩人架拉!你屋企人幾唔支持你都好!!
系好系壞~你都唔會後悔拉!~有時嘈下交都可以增進感情!
你老公講哂佢心入面既說話,而你又會改就得囉!
有個朋友以前系我未生囡囡之前同我講:好多離婚都系
因為太太or老公覺得對方為左小朋友,而疏忽左佢!心入面永遠永遠都要放老公.老婆系第1位!只有咁家庭先會系一個家庭!有爸爸媽媽先有小朋友~以前我都唔明!
但個囡出左世,老公都有覺得我疏忽左佢~最後都冇事!
你地都會!!!爸爸媽媽恩愛~其實都系俾小朋友學習既機會,明白愛是如此!只有咁你家庭先會和諧!

主會祝福你地一家!仲有就系主會祝福你地夫妻恩愛"

私人傳訊

ABBC