吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想撈月的老公

夫婦情感今日: 1|主題: 42710

收藏本版

發帖

返回列表

跳至頁

查看: 4178 | 回覆: 29

想撈月的老公 [複製鏈接]

mrs.mug

洋房

積分: 55

1^#

發表於 09-7-24 16:43 |只看該作者 |倒序瀏覽 |打印

老公失業足足一年, 一家大小,工人, 屋租, 我足足頂左一年, 積蓄已經清袋, 我份糧真係月月清, 根本就唔夠用, 我早餐只敢食面包, 中午帶飯, 一個仙都要計住洗. 再落去唔知點算.

同老公講, 佢就話, 你見到我搵緊架, 搵唔到仲有乜計.

我緊知佢搵唔到啦-搵到先係奇: 佢不過中五畢業, 除左岩岩出黎做野, 響一間5星級酒店做左成4-5年之外, 之後份份工都唔過2年, 對上4-5年, 仲要份份工都得幾個月貨仔, 唯一一份最 management title 的叫做 account mananger=sales - 但係佢依家要搵的工: 1) 要 management grade , 細位唔位; 2) 要 18k 以上, 低過唔做.

有冇可能有咁荀的工, 有我都想去 apply.

但係一同佢講, 就吵架, 話我睇低佢. 我亦唔敢同佢嘈太激, 有兩個小朋友, 驁嚇親.

我依家都唔知應該點做......

0 0 0

私人傳訊

栩栩

男爵府

積分: 5866

2^#

發表於 09-7-24 19:36 |只看該作者

無收入又要養家，甘架情況咩都要做架拉，系人都想找份好架拉，但找唔到工資少D都要做架。你老公太大向頭拉，叫距自己睇下依家屋企咩情況啊

私人傳訊

浩天靚媽

禁止訪問

積分: 4610

3^#

發表於 09-7-24 20:27 |只看該作者

提示: 作者被禁止或刪除內容自動屏蔽

私人傳訊

mrs.mug

洋房

積分: 55

4^#

發表於 09-7-25 10:01 |只看該作者

佢份 resume 真係好難睇......

佢間中有工見架, 不過就唔識面對現實呢. 唔知點解, 佢對自己信心真係好強架, 次次有工見, 佢都覺得自己一定得, 然後就坐定坐等 2nd int, 唔再搵架喇, 等得2-3個星期, 又打電話去催下, 都係冇聲氣, 先死死地氣再搵.

乜都同佢講過, 冇工見果時, 就同我講, 乜都做住先, 但所謂乜都做住先, 都淨係起屋企 send mail, 等通知, 唔會話去周圍見下工. 例如, 酒樓餐廳7仔超市, 周不時都請人, 我話佢知, 佢就得個應字, 冇行動. 有工見, 即刻囂, 要樣樣岩佢心水, 好似人地求佢去做多過佢求人比份工佢.

佢有個女同事, 共事時職位高過佢, 條件好過佢 , 一齊裁出黎. 人地依家做緊份商場cs, 得8仟幾人工, 仲要企足8個鐘, 人地咪一樣做住先.

呢個故事佢同我講, 我問佢咁你點解唔學下人, 佢又發老皮.

佢知我地山窮水盡架, 係我唔知佢到底想點之麻.

anyway, 多謝您地聽我呻......

原帖由 浩天靚媽 於 09-7-24 20:27 發表
唉...你老公之前份份工都唔過2年，有D仲幾個月貨仔，咁o既resume都唔慌靚啦，佢攞咩去見工先??佢到底有無真係去見過工??定係唔啱心水見都唔見??如果佢有去見，見得多應該識面對現實囉...

失業一年都仲未搵到，再耐D人地仲更加 ...

私人傳訊

phoebe_sm

複式洋房

積分: 132

5^#

發表於 09-7-25 10:28 |只看該作者

依家個巿真係淡到冇人有.
我公司呢排請人, 星期三果日開始出廣告, 到依家都已經收到過百五份cv.. . 有好多大學生有經驗黎, expected salary 都只係8-10k.

馬死落地行呀, 有冇試過平心靜氣咁同佢傾過, 叫佢要降低要求黎共渡困境? 又或者可唔可以同佢講, 搵唔度工佢咁得閒不如留係屋企湊仔, 炒左個工人, 佢做全職爸爸囉.
唔係你地咁養. 佢唔悶出病你都捱出病呀

私人傳訊

mrs.mug

洋房

積分: 55

6^#

發表於 09-7-25 10:48 |只看該作者

我成日圈報紙上有關搵工的新聞比佢睇, 有同佢講request 18k係超現實 - 講真, 佢之前的工都未試過去到 18k呀, 我真係覺得佢有妄想症.

馬死落地行, 係佢同我講得最多的話. 但係, 點解落地行呢, 可以 cut 的, 都已經 cut 晒, 小朋友無晒課外活動, 無晒 playgroup, 就算大屋搬細屋, 依家都無錢搬.

工人, 真係唔 cut 得, 我老公湊唔掂的女架, 一來的女唔跟佢, 二來佢好無常識好大意, 三來萬一佢要見工點去?

原帖由 phoebe_sm 於 09-7-25 10:28 發表
依家個巿真係淡到冇人有.
我公司呢排請人, 星期三果日開始出廣告, 到依家都已經收到過百五份cv.. . 有好多大學生有經驗黎, expected salary 都只係8-10k.

馬死落地行呀, 有冇試過平心靜氣咁同佢傾過, 叫佢要降 ...

私人傳訊

沖仔爸爸

民房

積分: 34

7^#

發表於 09-7-25 11:13 |只看該作者

我琴日上網睇過d工, 真係少得好可憐....由其係出口業/生產業, 我都好擔心下.

你老公知唔知家中經濟情況架? 你試下叫佢計計下個月支出... 計完問下佢想點解決.

私人傳訊

phoebe_sm

複式洋房

積分: 132

8^#

發表於 09-7-25 11:18 |只看該作者

原帖由 mrs.mug 於 09-7-25 10:48 發表
我成日圈報紙上有關搵工的新聞比佢睇, 有同佢講request 18k係超現實 - 講真, 佢之前的工都未試過去到 18k呀, 我真係覺得佢有妄想症.

馬死落地行, 係佢同我講得最多的話. 但係, 點解落地行呢, 可以 cut 的, 都已經 c ...

咁好大鑊, 靠你一個, 真係會捱到傻. . 唔係話兩公婆唔可以一齊捱, 但係難聽d講佢咁樣同食軟飯有咩分別.
咁佢係咪真係唔會出街, 又唔會同朋友食下飯咁? 如果佢要用錢又去邊搵錢用?

私人傳訊

mrs.mug

洋房

積分: 55

9^#

發表於 09-7-25 11:59 |只看該作者

食軟飯 ---確係我心中所想但唔敢講出口.

佢好少出街, 成日夜晚上網日頭訓覺. 間中2百3百咁問我羅, 有時仲衰到羅阿女張小童八達通去用 (通常有100蚊以內的錢以防萬一), 用完就叫我增值.

我話佢, 佢就賴阿女自己要食麥當勞.

我依家好灰, 好似困獸鬥, 又走唔出個死胡同.

原帖由 phoebe_sm 於 09-7-25 11:18 發表
咁好大鑊, 靠你一個, 真係會捱到傻. . 唔係話兩公婆唔可以一齊捱, 但係難聽d講佢咁樣同食軟飯有咩分別.
咁佢係咪真係唔會出街, 又唔會同朋友食下飯咁? 如果佢要用錢又去邊搵錢用? ...

私人傳訊

mrs.mug

洋房

積分: 55

10^#

發表於 09-7-25 12:02 |只看該作者

佢知架, 攤開晒比佢睇, 戶口無晒錢佢都知. 但佢淨係識講癈話......

搵緊囉, 搵唔到無計架...

馬死落地行囉....

乜都做住先囉....(齋 up 無行動)....

原帖由 沖仔爸爸 於 09-7-25 11:13 發表
我琴日上網睇過d工, 真係少得好可憐....由其係出口業/生產業, 我都好擔心下.

你老公知唔知家中經濟情況架? 你試下叫佢計計下個月支出... 計完問下佢想點解決. ...

私人傳訊

Nancy20090615

瑪瑙宮

積分: 135955

11^#

發表於 09-7-25 12:03 |只看該作者

無工人慳幾千喎. 有無人可以幫您睇細路呀?

佢o既履歷要人比 18k 無咩可能. 搵到 1 萬或 8 千都好啦, 做住先. 佢有無睇下社福機構o既 job ? 東華三院/仁濟醫院/明愛都有 post. 或者考慮下轉 field . 年紀再大機會更少.

[ 本帖最後由 Nancy20090615 於 09-7-25 12:07 編輯 ]

私人傳訊

iamgrace25

大宅

積分: 1363

12^#

發表於 09-7-25 12:08 |只看該作者

我好你小小, 我同男朋友仲未結婚,
佢已經3年無做野, 又你同你case一樣,
之前做過高位, 而家又唔肯面對現實,
不過我唔覺佢有搵工做, 而家已經43歲, 好似係度等運到,
至衰係佢以前有個客識睇命, 話佢過左50歲可以日日請佢食魚翅.....
我心諗, 你真係害死佢

私人傳訊

phoebe_sm

複式洋房

積分: 132

13^#

發表於 09-7-25 12:47 |只看該作者

原帖由 mrs.mug 於 09-7-25 11:59 發表
食軟飯 ---確係我心中所想但唔敢講出口.

佢好少出街, 成日夜晚上網日頭訓覺. 間中2百3百咁問我羅, 有時仲衰到羅阿女張小童八達通去用 (通常有100蚊以內的錢以防萬一), 用完就叫我增值.

我話佢, 佢就賴阿女自己要食 ...

我老公都係餐搵餐洗果隻.. 仲要還咭數, 又要供車. . 不過好在佢係打屋企工, 唔夠錢洗就問62拎.
但係有時我都叫佢唔好成日問62拎錢, 要錢就問我借. . 因為佢問我借佢會好快還錢 (尊嚴問題喎). .

你咁樣2百3百咁俾佢, 咪令佢覺得, 有個老婆係度撐住. . 不如試下直情一毫子都唔好俾佢過手, 同佢講, 俾左錢佢你自己食都冇得食. 咁慢慢佢可能就會去搵份pt. 因為男人點都會想出街果陣有個錢係身架嘛

私人傳訊

jennynini

伯爵府

積分: 17806

好媽媽勳章

14^#

發表於 09-7-25 13:09 |只看該作者

有時真係唔係好明男人諗咩,
屋企情況佢知,
但就係唔想改變.

私人傳訊

melisa

侯爵府

積分: 20521

2025勳章 2025勳章蛇年勳章好媽媽勳章醒目開學勳章

15^#

發表於 09-7-25 14:48 |只看該作者

妳先生的體能怎樣？

如OK的話，可以考慮投考紀律部隊，
例如：警察、入境。

原帖由 mrs.mug 於 09-7-25 12:02 發表
佢知架, 攤開晒比佢睇, 戶口無晒錢佢都知. 但佢淨係識講癈話......

搵緊囉, 搵唔到無計架...

馬死落地行囉....

乜都做住先囉....(齋 up 無行動)....

...

私人傳訊

五月MaMa

大宅

積分: 2785

16^#

發表於 09-7-25 15:35 |只看該作者

身邊好多男性朋友都係咁，　真係好難處理。反而女性彈性比較大．．．．我有個女性朋友，　佢之前係老板娘　（大陸有間工廠），　關門大吉後．．．去左大X樂做收銀員。自
尊心強係死症，要等佢想通先等得０架啦！　

原帖由 mrs.mug 於 09-7-24 16:43 發表
老公失業足足一年, 一家大小,工人, 屋租, 我足足頂左一年, 積蓄已經清袋, 我份糧真係月月清, 根本就唔夠用, 我早餐只敢食面包, 中午帶飯, 一個仙都要計住洗. 再落去唔知點算.

同老公講, 佢就話, 你見到我搵緊架, 搵 ...