吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 又無媽咪想生多個 bb ?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 3474 | 回覆: 20

[2008年] 又無媽咪想生多個 bb ? [複製鏈接]

wingyyleung

大宅

積分: 1606

1^#

發表於 09-7-14 11:04 |只看該作者 |倒序瀏覽 |打印

我囡囡巳14個月大喇.
一直都打算生兩個的.
其實而家係唔係適合時間呢?
你地都知啦. 有時想有有未必即係有, 有
d 試咗幾年都唔得, 到時年紀大想再生都唔得啦.
我都唔細喇, 過多兩個月都31喇. 我唔想做高齡產婦丫嘛.
但係, 有
d 問題又令我係唔係應生多個?

(1)
錢既問題, 一來, 我生咗囡囡半年後買咗樓? 多咗囡囡, 奶粉尿片, 比人湊佢, 開支一定大咗, 每個月儲到唔係好多錢? 再加上, 囡囡出年或後年要返學, 要交學費, 開支又大咗? 我驚再生多個, 會唔夠錢洗? 我地兩公婆加埋每月約有兩萬?
(2)
我地兩公婆都要返工, 而家囡囡都要比人湊, 生多個比邊個湊? 又係錢???
(3)
我上一胎, 有咗個幾月時流啡, 小小肚痛, 醫生話作小產, 食咗 d 安胎藥, 休息下, 好彩 bb 無時. 係頭兩個月開始, 一直嘔到成七個月, 又暈又嘔, 辛苦到好想辭咗分工唔做, 係屋企休息到等生, 但我忍, 點辛苦都要返工, 因靠老公一個既收入, 養唔到我地三個. 到臨生之前一個月有血壓高, 每次一個禮拜覆診嗰時又 check 到有 d 高, 要我入院, 住一晚無時又出院, 臨生時個幾個禮拜都係咁, 每個禮拜都要住一晚, 我係太驚, 太緊張. 到臨生啦. 話我有小小大肚個隻糖尿, 要我比預產期早一日催生, 塞藥塞咗三晚, 子宮先軟 d, 醫生人手幫我穿羊水, 入產房催生, 痛咗幾個鐘, 一度都開唔到, 個助產護加重催生藥, 一加, 話唔得, bb 心跳好快, 要減藥, 我用咗無痛, 我 feel 唔到子宮有無宮縮, 只係 feel 到尾龍骨痛到 c, 期間個助產護無再加到藥. 痛咗十幾個鐘, 都係一度到開唔到, 最係緊係要開刀. 無得選擇. 我好驚再陀 bb, 唔知係唔係有陰影, 因第一個陀得勁辛苦.
(4)
我第一胎開刀, 再生, 政府醫院我知可以比我 book 都係開刀, 但如果可以, 我都想順產, 但我又諗, 都巳有條痕, 不如都係開刀, 我聽人講都係開番同一個傷口. 無謂好似第一胎咁辛苦都係要開刀, 我個心理同埋 bb 都可安全 d
咁, 係心理問題. 因我都好驚自己唔可以順產, 都驚生唔出, 因我無咩力. 但有聽人講話第二胎會易生, 真的嗎? 我第一胎係開刀, 第二胎都一樣會易生嗎?
(5)
我放咗工夜晚, 放假而家都係湊囡, 若我有咗, 大住個肚, 我仲有能力照顧到囡囡嗎? 因我好怕第一胎咁辛苦, 又暈又嘔咁多個月, 我自己都照顧唔到自己, 點湊囡囡.

我個 case 咁, 你地話生唔生多個好呢?

[ 本帖最後由 wingyyleung 於 09-7-14 23:41 編輯 ]

0 0 0

私人傳訊

毛仔希希

民房

積分: 99

2^#

發表於 09-7-14 17:43 |只看該作者

我都想生多個陪亞仔, 不過我會考慮經濟問題多啲囉!
如果妳想生, 建議最好就調理好個身體先, 並且要放鬆心情, 咁就會舵得輕鬆啲!

私人傳訊

usbaby

珍珠宮

積分: 42534

2025勳章 2025勳章蛇年勳章 2024年龍年勳章開心吸收勳章畀面勳章

3^#

發表於 09-7-15 13:33 |只看該作者

我都有諗過, 打算出年開工, 我都同你差唔多年紀啦, 再遲我都怕冇得生或者冇氣力湊, 同埋反正都做緊全職媽媽, 唔爭在一齊湊第時早 d 甩身早 d 出番黎做野.

私人傳訊

ahwoon666

大宅

積分: 1394

4^#

發表於 09-7-15 14:09 |只看該作者

你好呀，我已經有第2胎啦，而家30週，9月就再做媽媽啦，到時大仔已經16個月。其實都擔心到時會好混亂，但係始終相信船到橋頭自然直，無嘢係應付唔到嘅。
生多個係為阿仔，想佢有個伴，唔駛咁孤獨，而且自己年紀真係唔細，生同湊都要好多體力，所以我情願快快生咗佢，一次過辛苦。
係大肚嘅時候仲要湊大b真係好辛苦，完全無得休息，好彩我老公一直都好幫手，所以至好啲。至於湊方面呢，我準備請工人湊細b，希望一切順利。錢方面呢，唯有自己再洗少啲啦，始終有啲嘢可以用番，唔會一加一等如二嘅，儲錢就....唔駛諗啦!

私人傳訊

MADMADMAD

複式洋房

積分: 482

5^#

發表於 09-7-16 17:38 |只看該作者

已經開始追緊......, 我同老公之前仲睇中醫調理.

私人傳訊

landlandhuimama

複式洋房

積分: 175

6^#

發表於 09-7-16 19:54 |只看該作者

我岩岩有左三個月多d..
講真, 真係好辛苦...

亞女唔識, 肚入面果個更加唔識...
起初有左唔知, 照抱亞女...
原來拎重野會作小產嫁....
搞到依家先stable d jar.... 唉!~~

早知就早d有細b啦~~ 再唔係, 遲d都得!~~~

私人傳訊

mli0930

民房

積分: 23

7^#

發表於 09-7-17 16:19 |只看該作者

我係新入呢個會! 好得意見到有同咁多同自己bb差唔多時間的bb!

有呀! 我都想生多一個, 不過老公唔想!

私人傳訊

kateyu

子爵府

積分: 13589

8^#

發表於 09-7-17 17:50 |只看該作者

原帖由 wingyyleung 於 09-7-14 11:04 發表
我囡囡巳14個月大喇.
一直都打算生兩個的.
其實而家係唔係適合時間呢?
你地都知啦. 有時想有有未必即係有, 有
d 試咗幾年都唔得, 到時年紀大想再生都唔得啦.
我都唔細喇, 過多兩個月都31喇. 我唔想做高齡產婦丫嘛.
...

我都係同你一樣佗得好辛苦,又暈又冇力
出街半個鐘已經腰痛腳痛(我懷疑我尾龍骨有少少問題).
頭2個月作小產瞓床,之後8個月都冇乜點出過街行,就連瞓都瞓唔到(腰痛).
到生又係出入左醫院幾次,c6辛苦(要黎睇我),我又辛苦

.催生左1x個鐘最後都要開刀

,而且條疤唔靚.
我都希望生多個,但呢個時候唔係最佳時機囉~
開刀生頭一兩年最好避免再次懷孕,就算有左,都要一夠36周就開刀,怕個傷口爆開.bb又剛學識行幾步,時時都要抱,又未話得佢聽

.
我會遲多一年先考慮生多個(錢都係一個好大ga問題

)

私人傳訊

agneswlm

複式洋房

積分: 270

9^#

發表於 09-7-18 07:59 |只看該作者

話, 你們很偉大

其實隔多少年才生第二個呢?
我第一胎早產, 所以有很多心理陰影, 另自己身體未恢復, 所以要等一等

私人傳訊

onsun

民房

積分: 78

10^#

發表於 09-7-18 17:47 |只看該作者

老實講, 其實我都想生多一個的, 雖然我有一個大女(9歲), 和一個男的14個月, 但係大的女兒是我前的那個老公的, 女兒亦是跟他, 所以我變成了我小的bb只有一個, 為什麼我還想多一個呢!! 我是全時候湊bb的, 但有時看到他自己一個玩的時候都挺悶的. 而且到我們兩公婆老了, 或且不在了, 他就是一個人, 如果有什麼事都不可以和自己的兄弟或兄妹可以相量!!

但是另一方面我老公他覺得好大壓力, 不想要了,.他想給bb是好的, 如果生多一個他怕會沒辦法擔當得到了!! 所以我想想之後就算了!! 對你愛的人我又不想給他壓力, 人生如果有70歲命我們都走了一半了. 剩下來希望開心一下, 不想給自己那麼多的壓力了!! 做人有時真係幾矛盾的啊!!:(

私人傳訊

ElsaManfred

別墅

積分: 750

11^#

發表於 09-7-22 18:00 |只看該作者

我和老公都想. 因為第一胎都算順利, 而阿囡都算易照顧, 所以都想生多個. 但都有擔心自己唔夠時間俾佢地, 有時都想做全職媽媽, 但又怕無耐性...所以......還在考慮中啊!

http://hk.myblog.yahoo.com/elsa-manfred

私人傳訊

zzzhun

複式洋房

積分: 174

12^#

發表於 09-7-23 13:29 |只看該作者

我都係為o左阿囡陀呢個bb.，想佢有個伴，日後互相支持。好重要！

私人傳訊

靖雪.柏翹

複式洋房

積分: 461

13^#

發表於 09-7-23 16:19 |只看該作者

真係為了bb獨子或獨女, 無人陪佢玩而要生多個陪佢????
對第二個咪唔公平.
有時d人話獨子或獨女會寵壞, 但有時生了第二個, 成日要大就細, 都係寵壞細果個.
好多家庭都係生一個, 又係咁開心
多幾個未必一定係開心架喎
兄弟姊妹大個有咩相量呢? 有時有d兄弟姊妹會唔夾, 推三推四, 所以有d野未必一定既!

想生就快d生!
唔想生就專心照顧獨仔獨女吧!

有時都要由天決定, 因要生未必一定有架!!!