婆媳關係 今日: 0 | 主題: 27778

積分: 2841

1^#

發表於 09-7-23 13:16 |只看該作者 |倒序瀏覽 |打印

昨天放工同呀仔(3歲)傾計, 佢好乖, 話好掛住媽咪, 咁我問佢做咩唔打俾我, 佢竟然同我講: 嫲嫲話唔好打俾媽咪, 因為佢係鬧人精. 當時, 我老公都在場, 但佢扮聽唔到, 我同佢講: 你聽吓你個仔講咩? 佢聽完後話: 你查清楚先啦!

我好肯定, 我個仔係奶奶貼身照顧, 無人教小朋友, 佢又點會識講d咁既野? 我之前因呀仔返學遲到, 同奶奶講早上由工人帶, 佢都超大反應, 話工人信唔過. 係要由佢自己帶.

我自問對我奶奶好過自己屋企, 次次買野, 攞辦返來, 都俾佢選先, 好多時自己屋企都無. 亦因佢幫我坐月 (因我父母都不在), 又由細開始照顧呀b, 當然當中我都有好多不大同意的地方, 但可以的, 我都不與她計較, 知道她一直想去日本, 自己貼錢請佢去, 唸住當多謝佢, 但倒頭來, 佢咁來教我個仔.

我承認, 我份人係比較直, 講野唔識轉彎, 但我敢當天發誓, 我真係無鬧過我奶奶一句.

佢唔滿意我, 係因為個工人, 佢成日話我幫住個工人, 但佢每次同我講有什麼不滿, 我都已經即時同個工人講, 只因講英文, 佢可能聽唔明, 又話我唔話個工人. 有次返屋企, 見浴室有d野毀壞了, 奶奶走時沒跟我說, 我問工人, 工人話唔知, 話呀仔沖完涼就毀壞了, 我問呀仔, 佢認左話佢想攞黎玩毀壞了, 由於小朋友尚小, 表達能力有限, 我驚佢怕我罰佢而承認. 第二日, 我再問奶奶, 佢話呀b無攪過, 係部機自己掉落來. 其實奶奶幫住呀b已經唔係第一次, 所以我覺得可信性唔高. 但我心裡有數, 因為我無證據, 萬一奶奶講的是事實, 我便錯怪其他人, 所以, 之後我話"哦". 然後就返工, 點知無耐, 奶奶打電話來鬧我, 話我問問問, 即係唔信佢, 鬧我寧願信個工人都唔信佢. 我同佢講, 我只係想攪清楚件事, 同埋我只係問左一句, 我無信個工人, 工人亦無講咩野. 而佢就什麼都聽不入耳, 不停的罵. 我唔理佢, 佢就話: 唔同你講啦! 跟住cut 我線. 再過一會, 佢原來又打來, 好彩我聽唔到電話, 唔係我真係怕我會發火罵佢, 因後來聽返留言, 佢又不停的找其他事罵罵罵. 當日返到屋企, 個工人話奶奶好激動捉住佢黎鬧. 我好難先搵到個叫做幫到吓手既工人, 我唔想攪到人地唔做, 有d小事, 我都隻眼開隻眼閉. 好過好似之前無左工人咁, 做死自己. 其實係咪佢自己先係鬧人精呢? 點解可以咁話人?

我最接受唔到佢咁同我個仔講, 離間我地感情, 大人既事, 係咪應該大人自己解決呢? 點解可以咁樣教個小朋友? 你叫我點安心俾個仔佢照顧? 同老公講, 佢又幫住佢媽咪, 又話工人信唔過, 要靠佢媽咪照顧呀仔. 唉! 真係好無助 .....

[ 本帖最後由 clive 於 09-7-23 13:20 編輯 ]

0 0 0

私人傳訊

tonychopper8964

積分: 576

2^#

發表於 09-7-23 14:03 |只看該作者

如果負擔倒，搵人揍啦~
放託管都有人陪玩有d野學鴉。
比親人揍反而聽聽埋埋d咁野，
e家先3歲仲要聽幾多先到大？

私人傳訊

MING(cat)

禁止訪問

積分: 5643

3^#

發表於 09-7-23 14:14 |只看該作者

提示: 作者被禁止或刪除內容自動屏蔽

私人傳訊

積分: 2841

4^#

發表於 09-7-23 14:32 |只看該作者

我有能力, 但老公唔肯.

原帖由 tonychopper8964 於 09-7-23 14:03 發表
如果負擔倒，搵人揍啦~
放託管都有人陪玩有d野學鴉。
比親人揍反而聽聽埋埋d咁野，
e家先3歲仲要聽幾多先到大？

私人傳訊

Gei_Gi_Kong

複式洋房

積分: 461

5^#

發表於 09-7-23 14:39 |只看該作者

99話我,我老公都係扮聽唔到,我都係番工,亞b姐姐看,99睇住姐姐,之前都是99同工人唔夾,因兩個都不董廣東話,到現在第三位姐姐識廣東話好啲,但都係時常比99話,所以忍耐一點吧,晚上唯有盡早回家多同仔仔玩,或者你可主動多打電話同仔仔傾計!

私人傳訊

積分: 18865

育兒性格勳章 DHA勳章陪月勳章 BK Milk勳章

6^#

發表於 09-7-23 14:54 |只看該作者

3歲細路仔,白紙一張,出自你個仔把口,
一定係有人教囉~你99日講夜講,你個仔入腦喇,咪冇心咁講出黎囉,你唔好嬲呀,你個仔真係冇心,怪只好怪你99啦~
但冇理由你老公唔出聲,再教個仔其他唔應該講既說話,到時番學對住老師講咁點呀??

私人傳訊

積分: 2841

7^#

發表於 09-7-23 15:12 |只看該作者

其實, 我無怪我個仔, 因為佢好叻, 我覺得佢好似知道咁講人唔o岩, 因為佢開頭依依哦哦, 講bb話, 其實佢已經識講好多野, 但佢專講bb話, 又叫我沖涼先, 一震先同我傾....
佢都拖左我好耐, 氹左好耐先肯講. 佢同我講左之後, 我仲讚佢好叻, 記得以後有咩野都要同媽咪講, 我錫晒佢. 我仲問佢, 媽咪有無好惡鬧你或者嫲嫲? 有, 你記得同媽咪講喎, 好彩佢話無 ....

因為有時都怕講者無心, 聽者有耳 ...

原帖由 barbiewong 於 09-7-23 14:54 發表
3歲細路仔,白紙一張,出自你個仔把口,
一定係有人教囉~你99日講夜講,你個仔入腦喇,咪冇心咁講出黎囉,你唔好嬲呀,你個仔真係冇心,怪只好怪你99啦~
但冇理由你老公唔出聲,再教個仔其他唔應該講既說話,到時番學對住老師 ...

[ 本帖最後由 clive 於 09-7-23 15:13 編輯 ]

私人傳訊

tonychopper8964

積分: 576

8^#

發表於 09-7-23 15:45 |只看該作者

考慮諗個藉口，
送去幼兒園啦！
教埋d說話咁難聽，
盡量見得越少越好~

我個friend就係同個老公講話playgroup老師個個都覺得個小朋友資優，所以就借頭借路送左個仔去幼兒園lu

私人傳訊

積分: 18865

育兒性格勳章 DHA勳章陪月勳章 BK Milk勳章

9^#

發表於 09-7-23 16:22 |只看該作者

原帖由 clive 於 09-7-23 15:12 發表
其實, 我無怪我個仔, 因為佢好叻, 我覺得佢好似知道咁講人唔o岩, 因為佢開頭依依哦哦, 講bb話, 其實佢已經識講好多野, 但佢專講bb話, 又叫我沖涼先, 一震先同我傾....
佢都拖左我好耐, 氹左好耐先肯講. 佢同我講左之 ...

我覺得好慘呀個細路仔,咁細個比人教埋咁難聽既說話,
大人既事咪大人去解決囉,有咩唔啱面對面講,冇謂教
壞人地個仔吖,佢都做人地嫲嫲,仲要借個孫把口話個心抱,有冇攪錯呀!!

私人傳訊

HangPig

積分: 517

10^#

發表於 09-7-23 17:16 |只看該作者

我會好清楚叫c6同99說不要再同bb講這些說話,因為外人聽到只會覺得是大人不識教而會這樣,如他不肯說就自己同99說

私人傳訊

積分: 2841

11^#

發表於 09-7-23 17:33 |只看該作者

其實佢都唔係第一次, 上次同佢去玩, 人地打佢尖, 佢抱住我個仔大聲叫人地去死. 我真係睇到眼都凸, 個次因為老公在場, 佢係唯一一次幫我同奶奶講.
其實, 自從坐月, 大家有衝突以後, 我知老公唔會幫我, 所以好多時我都自己死忍, 唔敢同老公講, 但佢越來越過份, 我真係忍無可忍了.

私人傳訊

積分: 18865

育兒性格勳章 DHA勳章陪月勳章 BK Milk勳章

12^#

發表於 09-7-23 17:45 |只看該作者

坐月後你老公做咩唔幫你?
99有咩為難你呀?
你99教壞你個仔,你老公都唔出聲...
搞錯呀!!

私人傳訊

積分: 2841

13^#

發表於 09-7-23 17:59 |只看該作者

其實我都想幫呀b報d course, 但一日未能o向奶奶手取回帶小朋友上課的權, 一日都唔敢幫佢報, 唔係"盞" 晒錢, 因為佢帶bb返學前班, 試過遲到, 仲要話我佢咁細, 要佢返咁早做咩? 因佢正試上課時間係9:00, 但8:40早會, 學校計8:40, 佢計9:00.
我問我老公, 好唔好幫佢報d興趣班, 等佢唔使日日向屋企睇電視, 但我老公話唔保證到準時, 所以, 到依家, 我都唔敢報.
唔知點先可以令佢兩母子俾工人帶佢上課.

原帖由 tonychopper8964 於 09-7-23 15:45 發表
考慮諗個藉口，
送去幼兒園啦！
教埋d說話咁難聽，
盡量見得越少越好~

我個friend就係同個老公講話playgroup老師個個都覺得個小朋友資優，所以就借頭借路送左個仔去幼兒園lu ...

私人傳訊

積分: 2841

14^#

發表於 09-7-23 18:17 |只看該作者

老公剛剛打俾我, 同我講話了解過, 奶奶解釋佢講電話時講緊第二個, 唔係話我喎! 無論點, 我都唔覺得大人應該向小朋友面前講d咁既野, 我真係無辨法接受再俾佢照顧我個仔.

mouth:

私人傳訊

積分: 18865

育兒性格勳章 DHA勳章陪月勳章 BK Milk勳章

15^#

發表於 09-7-23 18:24 |只看該作者

原帖由 clive 於 09-7-23 18:17 發表
老公剛剛打俾我, 同我講話了解過, 奶奶解釋佢講電話時講緊第二個, 唔係話我喎! 無論點, 我都唔覺得大人應該向小朋友面前講d咁既野, 我真係無辨法接受再俾佢照顧我個仔.

mouth:mouth:" /> ...

佢講緊邊個,佢自己心知啦~
敢做敢認啦,做左又唔認,下次咁啱又話講電話,唔通又係藉口喇咩?細路仔好易學到野架,白紙一張,好心叫你99收下把口啦~

私人傳訊

mf7433

男爵府

積分: 7459

好媽媽勳章醒目開學勳章畀面勳章

16^#

發表於 09-7-23 18:53 |只看該作者

計我話手掌手背都係肉.你老公幫邊邊都死.

搬開住你梗係唔得.但唔搬你99等於

你絛頸睇佢做人.

難為了家嫂.出錢出力(生仔)買氣受.

私人傳訊

tonychopper8964

積分: 576

17^#

發表於 09-7-23 19:28 |只看該作者

原帖由 clive 於 23-7-2009 17:59 發表
其實我都想幫呀b報d course, 但一日未能o向奶奶手取回帶小朋友上課的權, 一日都唔敢幫佢報, 唔係"盞" 晒錢, 因為佢帶bb返學前班, 試過遲到, 仲要話我佢咁細, 要佢返咁早做咩? 因佢正試上課時間係9:00, 但8:40早會, ...

米中計呀你~
佢就係特登遲到，
搞到唔駛返就唔駛帶！

e家大個d3歲返都好正常啦~
一於幾遲都照番，
屈到佢唔想帶就比工人帶！

私人傳訊

積分: 2841

18^#

發表於 09-7-24 01:06 |只看該作者

其實我地唔同住架, 因為坐月發生左d事, 佢唔like我, 搬返佢自己屋企. 其實都怪自己唔識做人, 生bb前原本想找工人, 但為了想慳d, 老公話叫佢媽咪幫手, 加上唔想有唔識既人住向屋企, 於是我答應了.

開頭奶奶都好好, 我話想食咩, 佢都煮我食, 本來我都好感激佢, 但有一次, 個中醫建議我食虫草, 因我身體一向差, 老公買俾我, 奶奶亦幫我整, 但我一心唸住自己保身, 唔唸到問句奶奶食唔食, 佢唔知係咪未食過想食, 我見個份量少左, 第一個反應係覺得我都係生完保身先捨得食, 以前自己身體差都唔捨得買, 佢粒聲唔出攞黎食 ...

於是同老公反映, 點知仲俾佢省, 話大家一家人有咩計, 我同老公講, 大家生活習慣唔同, 我以前屋企, 無論食平野貴野, 唔係自己買既都會問聲先食, 以防屋企人買來招呼人無左, 佢就罵我, 咁d虫草又唔係用來招呼人, 有咩所謂? 我話:咁大家一齊住, 都應該尊重大家吖! 唔通我放d錢向度, 一家人就可以任意攞來用? 佢話: 根本唔可以咁比, 唔可以咁講.

好衰唔衰, 奶奶住隔離房, 我懷疑佢聽到, 第二朝黑口黑面, 後來, 我仲發現原來密封既虫草個袋尾處開了口, 整包虫草都吸了水氣, 變林了.

如果我一早識做, 問佢一句, 可能唔使攪到咁!

原帖由 barbiewong 於 09-7-23 17:45 發表
坐月後你老公做咩唔幫你?
99有咩為難你呀?
你99教壞你個仔,你老公都唔出聲...
搞錯呀!!

[ 本帖最後由 clive 於 09-7-24 01:11 編輯 ]

私人傳訊

積分: 2841

19^#

發表於 09-7-24 01:22 |只看該作者

我唔係中佢計, 而係無論你使幾多錢, 佢都唔會理, 因為向佢立場, 佢係為呀b好, 怕個工人對呀b唔好, 佢唔會唔想帶, 因為我知佢好鍚個孫. 但在我立場, 我覺得佢好似過份擔心, 可能因為以前d工人影響而留下的陰影.

其實我真係好感激佢山長水遠過來幫手, 可惜, 我無辦法接受佢既做法.

原帖由 tonychopper8964 於 09-7-23 19:28 發表

米中計呀你~
佢就係特登遲到，
搞到唔駛返就唔駛帶！

e家大個d3歲返都好正常啦~
一於幾遲都照番，
屈到佢唔想帶就比工人帶！

私人傳訊

JFL