嬰兒食譜

收藏本版
發帖
返回列表
跳至頁

首頁
1

尾頁
   0
deean


複式洋房

積分: 320


1#
發表於 09-7-23 03:12 |只看該作者
1.我睇左好多媽媽係呢版發表關於BB嘅食譜,但係好少見有媽媽俾紅棗紀子褒/粥,係咪BB唔可以食住咖?我個B從8個月開始每個月都會褒三四次紅棗紀子褒雞俾來褒粥,唔知會否影響健康嘅咧?不過我個仔so far都好健康，我覺得！
2.我想問下BB食瓜類係點整阿?蒸熟定同粥一齊褒冧?仲有係咪咩瓜都係一樣煮法同搭配咖?我淨係試過節瓜同瘦肉一齊褒粥,都叫可以食落肚,不過有一次同雞肉就好淡好難食!
3.我經常聼收音機D人講2+好多肉都唔健康,除左魚好少少,攪到我呢排唔係雞蛋就魚甘俾個仔食,但係亞仔就來一嵗唔可以食奶奶當正餐喇,以後點算好?各位媽媽又無擔心過D肉嘅問題咖？我好似有D過分緊張攪到自己好辛苦啊！
4.2+流感高峰期,各位媽媽同BB出街會點做啊?亞仔出街成日四圍摸又中意食手指,所以每次出街我都好緊張及實佢,又唔知可唔可以用消毒濕巾或酒精搓手液同亞仔清潔對手,真係好頭痛!!!
5.想知道各位媽媽會點清潔BB D玩具?會唔會用消毒水(滴露)來浸洗?我好少用,怕亞仔擺入嘴嘴唔知會唔會肚仔痛,我多數用酒精抹,唔知甘可唔可以消到毒?

最近經常都俾呢D問題纏繞,攪到成個人都好緊張訓唔著,唔知呢度各位媽媽又無呢類型嘅煩惱可以分享下?
唔該sai！！
私人傳訊

bosch


瑪瑙宮

積分: 128510

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 開心吸收勳章


2#
發表於 09-7-23 22:35 |只看該作者
2. 撈粥一齊煲.

3. 種種食物食得過量有問題, 只係飲食均衡, 唔駛擔心. 你唔應該成日俾雞蛋同魚, 一般肉類都應該要俾, 否則同偏食一樣.

4. 香港d 報紙個個月都話係流感高峰期, 都唔知幾時係.... 一般既野俾佢摸冇乜問題, 小朋友點都要去接觸呢個世界, 但食手指同埋摸太污糟既野就唔好啦. d 菌度度都有, 空氣都有菌, 你點避? 唔俾佢食手指同埋間中要抹手, 我覺得ok. 我唔會失驚無神用消毒野去抹阿仔囉.

5. 你用酒精抹都可以消毒. 我係用清水抹, 只係二手玩具或者bb 病左時至加消毒藥水洗或者用火酒抹. 講真我唔係成日洗玩具, 我屋企係唔係無菌實驗室, 消毒藥水亦唔係百份百消毒, d 玩具響呢2秒入面冇菌, 但轉個頭又會生番晒. 你件衫你對手你屋企任何傢私都有菌, 點殺晒佢地? 我洗玩具既既既念旨在係保持乾淨, 我唔會冀望殺菌囉.... bb 成日住響無菌既環境, 個免疫系統冇機會接觸d 菌同埋建立抵抗力, 第日仲容易病!


我覺得你真係太緊張, 呢樣又唔俾, 果樣又唔做得, 咁對小朋友身心發展唔好. 試下放鬆少少, 對自己同小朋友都好.

[ 本帖最後由 bosch 於 09-7-23 22:37 編輯 ]
私人傳訊

Flo0602


大宅

積分: 3997

好媽媽勳章


3#
發表於 09-7-25 14:41 |只看該作者
1. 我無試過用紅棗杞子煲粥, 因為怕燥. 反而我會用鮮淮山或者鮮百合入粥仔/飯仔, 因為淮山能健脾開胃, 百合能化痰止咳, 我亦都問過中醫佢話bb食呢啲都無問題既, 放心.
2. 通常我會先去皮去籽, 蒸熟, 壓爛, 然後放入粥仔/飯仔. 好多瓜類都可以食既, 例如: 節瓜, 冬瓜, 翠玉瓜, 南瓜, etc, 瓜類普遍味淡, 你可以配豬肉又或者加少少鮮百合咁啲粥仔/飯仔就唔會味寡囉, 你可以試下.
3. 我會去信譽好既肉檔買豬肉或者雞脾俾bb食, ok喎! 有啲媽咪會買有機雞肉或者健營豬俾bb食, 如果你咁擔心既可以試下. 我都認同均衡飲食最緊要, 所以每星期我都會俾豬肉, 雞肉同埋鮮魚俾bb食ga.
4. 我買左隻消毒濕紙巾係無酒精成份既, 每次食飯前我都會幫bb抹手同埋抹面. 至於bb鍾意四圍摸既問題, 其實你唔可以阻止佢ga wor, 因為佢要靠對手同埋個口去探索呢個世界, 如果你樣樣唔俾佢試咁佢點知乜野係危險? 乜野係安全? 只要佢唔係摸一啲好污糟既野我覺得係ok既, 唔駛太緊張.
5. 如果你屋企唔係成日有唔同人出入既, 點解要用酒精去抹玩具? 我一向都係用清水抹ga ja, bb開始大個你要俾佢接觸下外面既世界, 包括細菌!!! 如果你俾佢一個太乾淨既環境其實對佢仲唔好, 除非你既bb係病緊就要小心啲jei, 如果一向都健康既點解唔俾佢試下接觸多啲野呢?
私人傳訊

deean


複式洋房

積分: 320


4#
發表於 09-7-25 15:44 |只看該作者
我想問有機雞肉同健營豬去邊可以買到啊?我多數都係去惠康買送咖咋,呢邊好少超市,仲佑鮮百合都好少見有,唔知邊度有得賣咧??
其實我唔係怕佢四圍摸,不過佢成日會趁我唔留意就食手指所以有D擔心!我都有買呢D消毒濕紙巾,諗住出街用,不過都係無用過,都係怕摸左之後佢會食手指,唔知會唔會有化學成分!
至於其他,我諗我真係太緊張啦,因爲成日都話乜病毒乜流感,攪到我精神好緊張咯!

私人傳訊

Flo0602


大宅

積分: 3997

好媽媽勳章


5#
發表於 09-7-26 00:18 |只看該作者
原帖由 deean 於 09-7-25 15:44 發表
我想問有機雞肉同健營豬去邊可以買到啊?我多數都係去惠康買送咖咋,呢邊好少超市,仲佑鮮百合都好少見有,唔知邊度有得賣咧??
其實我唔係怕佢四圍摸,不過佢成日會趁我唔留意就食手指所以有D擔心!我都有買呢D消毒濕紙巾, ...


你可以去citysuper, oliver's或者threesixty呢類鬼佬超市都有得賣, 至於健營豬我只知北角有, 聽聞灣仔都有但唔sure. 鮮百合响普通菜檔有得賣, 大約$10/包.
私人傳訊

littlecook


子爵府

積分: 11940


6#
發表於 09-7-26 14:20 |只看該作者
手仔周圍摸就實會有架啦!你呢頭同佢抺完佢果頭又周圍摸架啦!只要佢唔再食手指,咁就唔駛驚啦!其實你bb都1歲,應該教得聽架啦!話比佢知食手仔dirty唔好食,其他小朋友都唔食手指等等...慢慢介左食手仔,咁就好d啦!
我會响外出回家後同bb洗手,食飯前洗手,其他時間無整污漕就唔會再洗手或抺手啦,費事洗到隻手仔乾晒呀!

自從我個b大約7,8個月左右唔食手仔後,我都無再成日抺玩具啦!只係問朋友借既玩具先會洗抺乾淨先比bb玩.

雞湯呀?唔敢比bb飲住喎,驚燥,加埋紅棗仲燥!煲湯我多數用豬展.

雞就食嘉美雞或city super買果種無激素雞.豬就無辦法買到標榜健康果d啦,都係响華潤百佳買.但我唔會响惠康買肉類比bb食,感覺無咁新鮮同靚(個人意見).
私人傳訊

yanbb08


大宅

積分: 1088


7#
發表於 09-8-15 01:02 |只看該作者
十分認同bosch說的
原帖由 bosch 於 09-7-23 22:35 發表
2. 撈粥一齊煲.

3. 種種食物食得過量有問題, 只係飲食均衡, 唔駛擔心. 你唔應該成日俾雞蛋同魚, 一般肉類都應該要俾, 否則同偏食一樣.

4. 香港d 報紙個個月都話係流感高峰期, 都唔知幾時係.... 一般既 ...
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見