係呀, 最緊要配合自己家人和小朋友的作息時間. 我之前一月開始 N1 時, 俾個女讀全日班, 一早要起身, 小朋友又唔夠訓, 婆婆揹佢返學又辛苦. 夜晚想佢早訓, 結果兩公婆放左工, 一食完飯放低碗就要迫個女入房訓, 無曬親子時間, 個女好不容易見到爸媽返黎, 又死都唔肯訓... 爸爸見亞女唔肯訓, 心急驚佢唔夠訓, 於是又鬧又勸, 幾乎家無寧日....晚晚如是....
結果我0岩0岩九月 K1幫女女轉下午班, 雖然阻左午睡時間, 但上午、回家佢幾時想訓返都得, 上星期有兩日佢放左學唔訓覺, 等我地放工, 玩左一陣, 仲反而一上床就訓著左, 大人唔駛勞氣, 又多左時間親子, 小朋友第二朝又可以自己訓飽至起身. 好好多!!~~ 大人細路都輕鬆曬~~~ 有時加班遲放工, 都唔駛滾水陸腳~~~
仲有一點, 上午班老師返到學校通常好趕, 七手八腳咁, 下午班老師自己的preparation time 都會充足好多~
不過我以前響幼稚園代過課, 上午班小朋友因為「未訓醒」, 係會乖0的定0的, 下午班因為訓醒仲要可能係已經去完公園放生, 所以會扎扎跳好多、活潑 (百厭) 好多~~ 呢點要有心理準備~~
@ 如果有錢有社會地位先至會被人喜愛，呢個世界就太可悲了 @
我個女正宗夜鬼, 如果個朝晏起身, 佢可以唔駛訓晏晝覺, 瞓得夠, 佢總集中精神添。
發表於 
返回列表
