大仔大女媽媽會 今日: 0 | 主題: 177860

積分: 2244

1^#

發表於 09-8-23 22:37 |只看該作者 |倒序瀏覽 |打印

我好唔開心!我個B己經4個月3星期,但佢得12.8磅咋..超輕...出世個時6.3磅,因為佢厭奶己經厭左2個月啦...咩都試過換都無用!奶咀奶粉奶樽都換過都唔得..佢飲到100ML便停唔肯再飲..勁推開又勁喊..成兩個月都係咁..我都好辛苦!好唔開心!有時餵佢都好伩架!好心痛佢呢個星期輕兩磅,迫於無奈便餵糊仔佢食...佢又肯食..但唔肯飲奶唔肯飲水..總之係奶樽餵就唔鍾意...有咩法子?有無相同的媽咪?我就快担心到產後抑鬱架啦!救命!揾人幫下我可以嗎?
我己經睇左<<從0歲開始>>...我幫佢戒奶咀,同埋試下比佢喊完自己瞓..開頭兩日都仲可以...但後尾又唔得..我比我屋企所有人話我變態!但我都好心痛!我可以點??我真係好辛苦!

0 0 0

[img align=right]http://bb4.babyhome.com.tw/UPLOAD5/86639/bb2.gif[/img]

私人傳訊

1985.com

積分: 3712

好媽媽勳章

2^#

發表於 09-8-23 22:58 |只看該作者

唔好俾甘大壓力自己啊,我都知你好緊張咖啦~卓瑤而家未開始厭奶,不過大囡果陣厭奶我都好煩,迫到我最後用針筒餵佢飲,可能佢覺得新鮮啦,又飲返多d,過左兩個星期左右又無厭奶啦,你試下用紗巾幫佢搽下牙肉同埋條''利''啊,可能會好d,同埋用針筒餵水幾有效咖,希望你bb快d過左厭奶期啦,

私人傳訊

duckchickhome

積分: 873

3^#

發表於 09-8-23 23:16 |只看該作者

我個bb都係由兩個月開始厭奶，現在剛踏入四個月才開始返食奶。bb出世時都係大碼...由90線變到75...

每次餵都要成個鐘..去健康院比姑娘話..叫我唔好餵咁耐，但唔餵咁耐，佢就唔食，就會輕的啦...我都頂左好耐..現在終於過去了。

總之，你唔好灰心，一定會過去的啦..唔好擔心。我bb每次推開奶樽時，我要好多人幫手。例如我餵奶，我亞媽就幫bb腳底按摩，工人姐姐搖鈴鈴，daddy播音樂...

如果我返工時，工人姐姐會播音樂、抱著佢搖來餵，甚至用奶嘴"騙"bb，然後換奶樽，總之用盡所有方法(不過真的好累)...

叫家人幫下你手，唔好太大pressure...厭奶唔肯食唔怕，一定會過去的

私人傳訊

duckchickhome

積分: 873

4^#

發表於 09-8-23 23:42 |只看該作者

仲有，建議你...如果bb仍在厭奶，最好唔好同佢戒奶嘴住，一步步來。^^

私人傳訊

bettylee2326

積分: 304

5^#

發表於 09-8-24 00:25 |只看該作者

我囡囡3個星期前都係厭奶, 生長線由75趺到落50. 醫生就教我以下方法:
1. 少食多餐: 我囡囡以前一日食5餐, 每四個鐘食160ml. 因為厭奶, 我就改為一日6餐, 每餐120ml. 開頭佢連120ml都未必食到, 要有恆心, 依家佢已經食到140ml, 聽日開始我會嘗試改番5餐俾番160ml佢食.
2. bb食奶時要佢專心食奶: 醫生話四個月嘅bb開始對四周圍嘅事物好奇, 掛住玩, 所以bb食奶時最好係寧靜嘅地方. 當我囡囡食奶時, 我唔會同佢講野, 連眼神接觸都唔會有. 咁佢就乖乖地自己食奶.
3. 等bb瞓到朦朦朧時餵奶: 佢就唔會用手推開個奶樽. 我囡囡夜晚最尾個餐我通常係响佢瞓到朦朦朧時餵, 佢可以食到200ml架!!
另外, 我自己嘅小小經驗係:
1. 每個星期俾一次開奶茶bb飲, 通常我响藥房執, 煲一煲, 用保暖壺裝起, 可以沖3次奶. 因為開奶茶有穀芽麥芽, 可以開胃d.
2. 每日2-3餐奶用米水開奶, 我囡囡好鍾意飲用米水開嘅奶, 可能因為香d啦, 次次飲到都唔夠喉!
我個囡呢幾日都開始食米糊, 佢超鍾意食. 食完米糊我都會俾水佢飲, 不過唔係用奶樽, 我係將d水倒响米糊個碗度用匙羹慢慢餵佢, 佢都肯飲架!
做媽媽見到自己bb唔肯食奶又比其他bb細粒係會擔心d. 不過最緊要係bb健健康康, 精靈活潑, 唔好同其他人比較呀! 唔好咁擔心, 厭奶期會好快過架啦! 希望以上方法幫到你啦! 祝你bb乖乖地快d食番奶奶, 快高長大!

私人傳訊

積分: 1149

6^#

發表於 09-8-24 09:21 |只看該作者

唔好俾太大壓力自己!
bb厭奶, 做媽媽一定心痛肉赤.

如果bb厭奶, 小食多餐係好方法. 到佢地食量正常番, 先再改餐數啦.

至於跟書幫bb定時間表, 好老實講, 初初屋企人都唔係好 support 我, ee 仲成日陽奉陰違 tim. 佢覺得我真係有病架. 不過, 我成日都同自己講, 既然決定跟, 就一定要做到底. 寧願多d同朋友申吓, 都堅持個時間表.

而家bb跟足時間表, 去親街d人都讚bb. 6299 ee 都好自豪, 覺得係自己方法教好 bb. 我都費事理佢地, 最緊要 bb 健康.

而家最緊要係幫bb轉1日6餐, 得佢食多d.
如果第1餐係 0700, 可能咁安排:

0700 食奶 + 換片
0745 玩
0830 落床瞓
1000 食奶 + 換片
1045 玩
1115 沖涼
1145 落床瞓
1300 食奶 + 換片
1345 玩
1430 落床瞓
1600 食奶 + 換片
1645 玩
1730 落床瞓
1900 食奶 + 換片 (唔駛同bb玩, 食完可以俾bb瞓)
2200 食奶 + 換片 (唔駛同bb玩, 食完可以俾bb瞓)

bb唔係大人, 唔會一教就跟到 schedule. 俾d耐性, bb一定會跟到架!

加油!

私人傳訊

PekkleViVi

積分: 178

7^#

發表於 09-8-24 14:10 |只看該作者

Nicole1982，唔好俾太大壓力自己，連你都陣腳大亂就弊啦！！！我都覺得少食多餐係最work嘅，我就用以下方式，囡囡不知不覺咁過渡厭奶期。

我大概計計囡囡一日大概食幾多ml奶，然後再on demand 方式餵食，原因一:等佢唔好驚咗食奶，原因二:佢肚餓自然食得好啲、快啲、多啲。頭幾日計番真係食得少架，仲試過成6個鐘都唔叫肚餓，厭奶期足足成2-3星期，不過一日好過一日。慢慢我發現囡囡自己較到3個半鍾食一餐，而晚上8點嗰餐食得特別少添，我問過D姑娘話BB都有自己嘅習慣，有一餐半餐食得少唔怕架，一日總奶量差不多就OK.......而家BB四個半月，我咪係8點嗰餐加少少米糊比佢食，囡囡不知食得幾滋味呀......

放心啦，只要多啲留意住BB嘅舉動，無異常反應，好快就過渡啦！！！

私人傳訊

Nicole1982

積分: 2244

8^#

發表於 09-8-24 14:11 |只看該作者

我真係好辛苦....我真係頂唔住啦!
我同我奶奶鬧左交...同我老公又鬧左交..因為我老公要佢阿媽唔要我...我睇完本書跟個時間表去做...本書又話由得個BB喊下...但屋企人個個話我變態....走火入魔!個個都話我...我一向都唔想同99住...前兩日飲左少少酒又同老公鬧交(又係因為唔想99一齊住,但我老公勁攬佢,我話您鍚您亞媽唔係一定要一齊住..但係佢話結婚前己經講好左,但我話而家我真係好辛苦..)....昨日我老公為左表示抱佢亞媽己經無返屋企瞓....返佢自己舊居住...同佢亞媽住...我就抱左BB去我間房陪我瞓...BB又成日唔肯飲奶...我好辛苦!我頭先餵佢..佢又飲得40ML...我好想打佢PATPAT.....佢勁喊...抱佢又喊...比牙膠佢又勁喊....唱歌又喊....換左片又喊....眼瞓自己又唔肯瞓..抱佢又唔瞓..同佢玩佢又唔願...我唔知可以點!同佢戒左五日奶咀...唔通又比返佢食?
我真係發癲啦!好想喊!好辛苦!真係好辛苦!

原帖由 vivienne019 於 09-8-24 09:21 發表
唔好俾太大壓力自己!
bb厭奶, 做媽媽一定心痛肉赤.

如果bb厭奶, 小食多餐係好方法. 到佢地食量正常番, 先再改餐數啦.

至於跟書幫bb定時間表, 好老實講, 初初屋企人都唔係好 support 我, ee 仲成日陽奉陰違 tim. ...

[img align=right]http://bb4.babyhome.com.tw/UPLOAD5/86639/bb2.gif[/img]

私人傳訊

Nicole1982

積分: 2244

9^#

發表於 09-8-24 15:06 |只看該作者

您地有無比奶咀佢食?我幫佢戒左一個星期....佢好似好辛苦...好唔忍心..但唔知點做,又唔想半途而廢!真係好似幫佢戒毒咁...佢又可能出牙仔...成日咬野咬野...

[img align=right]http://bb4.babyhome.com.tw/UPLOAD5/86639/bb2.gif[/img]

私人傳訊

prettylorlor

積分: 844

10^#

發表於 09-8-24 16:28 |只看該作者

我都係呀,我跟本書做但身邊的人個個都覺得我無愛心,對一個BB太嚴同99講係跟書做,佢又唔明又唔會睇吓本書(不過我估佢係唔識字)

私人傳訊

積分: 1149

11^#

發表於 09-8-24 16:42 |只看該作者

好明白你唔想白費之前既努力! 亦感受過連老公都唔支持自己既時候, 會覺得十級無助.

但你諗番轉頭, 陀b咁耐, 陣痛, 傷口痛都捱過咗! 點解要為99既說話而令自己再唔開心d?!

而且, bb而家唔會明我地講既野, 但佢會感受到周圍既氣紛, 所以, 唔好因為大家立場唔同而同老公嘈交.

我地而家可以一步步做:
1) 首先解決bb厭奶問題
-> 改用1日6餐. 唔好理bb食幾多, 每次都開 160ml, 食咗45mins就可以收奶.
=>就算佢只食 40ml 都唔驚, zac 最差個時係1日5餐, 但有一餐會唔食, 一餐得60ml. 其他3次都食唔晒. 維持咗5日. 之後食4餐, 1餐食20ml, 其他都食唔晒.
=>而家 zac 都無事, 所以唔好再嚇自己住. 真係擔心就帶bb去睇醫生.

2) 奶咀
- 如果bb唔係扭瞓覺, 可以雪凍個牙膠俾佢.
- 如果扭瞓覺, 可以先試早上唔俾, 夜晚先俾番佢.
=> 真係唔 ok, 直情唔好戒奶咀住.
=> 唔洗覺得會白費之前既苦心, bb之前差d可以戒, 即係話佢之後都會戒到. 而家我地先 focus 厭奶問題, 唔好俾太大壓力自己.

3) 同老公傾.
- 你知嗎, 媽媽有個優點就係佢地無時無刻都會將bb放係第一位. 就算明知再擔心都無用, 但係我地依然會擔心, 同唔放棄去搵方法幫 bb.

呢一點, 我地唔需要同人講, or 要人地認同. 自己知已經夠. 但係, 好多時候我地係阻唔到其他人既說話. e.g. 6299. 6299 始終係老公既爸爸媽媽, 如果我地要老公選擇, 只會令佢難做同埋覺得我地煩.

所以我地要先冷靜, 諗好先同老公講. 如果驚唔記得 or 同老公講時唔冷靜, 可以寫低俾佢知.

如果99既說話, 令你好難受, 你要平心靜氣咁講俾你老公知. 等佢知道你本意唔係想傷害bb.
同樣, 你亦需要同老公講你需要佢既支持佢幫bb渡過厭奶期同好好瞓過夜.
你亦需要老公同99解釋定時間表既原因, 係為bb好. 如果佢地覺得太急進, 我地可以再減慢步伐, 但唔係唔要時間表.

相信咁做法, 一定對大家都好.

記住, 一個家庭有要有爸爸媽媽合作, 先可以令bb開心快樂. 當老公明白支持你, 你自己可以輕鬆面對所有問題架啦.

可以的話, 試吓搵個信得過既人睇住bb半日至一日, 你自己出街行吓輕鬆吓. 咁當你返到屋企時, 你會感覺好d架. 記得要同老公先講聲, 唔好令佢誤會你唔理個bb呀!

私人傳訊

immortal

積分: 181

12^#

發表於 09-8-24 17:39 |只看該作者

好多媽媽都比左好好既意見你, 其實我都吾多講喇!
不過你要加油, 奶咀我都係啱啱幫bb介左, 初初訓都係係咁喊, 但我吾比任何人去抱佢, 我想佢學識自己訓, 佢2日後就吾再夜晚起身搵奶咀喇。

可以同你分享既係, 我老公都係死都要抱起佢, 但我好堅持, 因為我知咁係為bb好, 我睇過書佢都係話要令bb學識自己訓, 有時係要忍心d, 點都吾好入去睇佢, 如果佢見到你, 而你又吾抱起佢, 佢會仲吾開心同失望~

只要你做到成績比佢地睇, 咁佢地之後就會知道邊個係為個b好!

加油呀, support

私人傳訊

lamlonglong

積分: 641

13^#

發表於 09-8-24 17:52 |只看該作者

Nicole1982 ~~你睇下幾多媽媽關心你同支持你，你唔好咁唔開心啦，媽咪唔開心，BB會FEEL到架，你盡量試下佢地講既方法，努力啊！厭奶期好快過去！

私人傳訊

sasa08

積分: 341

14^#

發表於 09-8-24 19:54 |只看該作者

suppot
bb有問题. 做媽媽一定係最緊張同最擔心的人. 家人未必完全明白. 但呢度所有媽媽一定會感受到你地的心情. 加油呀

vivienne019

你可唔可以比d意見我. 幫我定個新時間表比我参考下. 現bb每日5歺奶. 中午冲凉. 小睡無定時. 约15min-1個半鐘. 11:30pm最後個歺奶. 但佢都要到12-1點先肯瞓. 我想佢最後個歺11點飲完之後就瞓到第日. 又唔知邊度做錯. 想知如果係你會點编時間

原帖由 vivienne019 於 09-8-24 16:42 發表
好明白你唔想白費之前既努力! 亦感受過連老公都唔支持自己既時候, 會覺得十級無助.

但你諗番轉頭, 陀b咁耐, 陣痛, 傷口痛都捱過咗! 點解要為99既說話而令自己再唔開心d?!

而且, bb而家唔會明我地講既野, 但佢會 ...

私人傳訊

積分: 1149

15^#

發表於 09-8-24 22:32 |只看該作者

sasa08, 想問bb每日第一餐係幾點食?

原帖由 sasa08 於 09-8-24 19:54 發表
suppot
bb有問题. 做媽媽一定係最緊張同最擔心的人. 家人未必完全明白. 但呢度所有媽媽一定會感受到你地的心情. 加油呀

vivienne019

你可唔可以比d意見我. 幫我定個新時間表比我参考下. 現bb每日5歺奶. 中午冲凉. ...

私人傳訊

queeniejeffrey

洋房

積分: 89

16^#

發表於 09-8-25 00:18 |只看該作者

我都係咁上下,,,,大家一齊努力la

私人傳訊

sasa08

積分: 341

17^#

發表於 09-8-25 11:44 |只看該作者

vivienne019
呢幾日約7-8am. 呢兩曰夜晚己早左少少瞓都要11:45pm. 之前係12-1am先肯瞓. 作日係第一次飲4次奶. 之前通常要就夜晚時間所以要飲多半支奶

原帖由 vivienne019 於 09-8-24 22:32 發表
sasa08, 想問bb每日第一餐係幾點食?

私人傳訊

prettylorlor

積分: 844

18^#

發表於 09-8-25 14:21 |只看該作者

我覺得好榮幸成為BK0409媽媽的成員,因為個個媽媽都好好,好無私咁關心大家

私人傳訊

積分: 1149

19^#

發表於 09-8-25 14:41 |只看該作者

1日5餐可以咁 set:

0700 食奶+換片
0730 玩
0900 落床瞓
1100 食奶+換片
1130 玩
1230 沖涼
1300 落床瞓
1500 食奶+換片
1530 玩
1700 落床瞓
1900 食奶+換片, 可以唔玩. 俾bb瞓.
2300 食奶+換片. 唔而要同bb玩. 食完奶就瞓

要留意bb係2300餐奶係咪次次都要叫醒佢食. 如果係, 可以搵個星期五試吓唔叫醒佢食. 如果bb可以一覺瞓到 0700, 就可以改1日4餐. 但每餐要加多 20-40ml.

當 bb到5個月大, 佢地日頭未必肯瞓3次小睡. 可以將傍晚既小睡取消, 但早上同下午小睡時間加長.

原帖由 sasa08 於 09-8-25 11:44 發表
vivienne019
呢幾日約7-8am. 呢兩曰夜晚己早左少少瞓都要11:45pm. 之前係12-1am先肯瞓. 作日係第一次飲4次奶. 之前通常要就夜晚時間所以要飲多半支奶

私人傳訊

mumtwo