懷孕前後

收藏本版
發帖
返回列表
跳至頁

首頁
123

尾頁
   0
饅頭媽媽(町)


男爵府

積分: 9551

好媽媽勳章


1#
發表於 05-1-26 19:44 |只看該作者

QE的失敗 攪到我囡囡仲未出得院!!日日以淚洗臉~

我一月十九日以為自己水穿水入院,廿十日醫生叫我去B3照超聲波,跟住話BB正常冇事啦...廿一日出院叫我返去等,如果真係穿水見紅再入去,點知廿二日朝早真係穿水好多..跟住我就入院生B.....入到去子宮頸未熟話唔肯同我催生 要我等廿四小時.....跟住半夜我話BB郁少左佢地又唔信 check住話BB心跳正常.但我痛左成晚個子宮頸都係開唔到...
跟住到左朝早七點半先話同我催生.,入到產房 我痛到痴左話要打無痛.當時己經十點半佢地打完無痛之後話BBD胎水唔清同埋唔郁要開刀..............咁我其實一早叫佢開刀啦,佢地唔攪到最遲先開刀...
跟住生左喇.......BB出世都好彩冇事 但要打抗生素,醫生本身又話打兩日,之後又話要打五日喎等報告冇事先走得,
跟住
突然醫生話我廿十號照超聲波個日 有個媽咪出水豆問我有冇出過 我話我冇出過,跟住佢地就將我掉入間隔離房到話驚我有水豆要隔離我同BB~~咁都算啦,點知BB面黃要去照燈.話推去照燈.咁我以為我好快會返黎點知佢話我唔准探佢,佢去左兒科因為個到有好多BB驚我有水豆喎,今日叫左我出院.我見唔到個囡,我以為照完燈佢會比佢返黎 跟住又話要等佢過左水豆潛復期先比佢返黎 我好慘呀 跟本唔係我同我個囡囡既錯 點解要攪成咁............
我比人隔離姑娘唔記得比藥我唔記得比早餐我 我連囚犯都不如,人地有水豆點解要隔離我,如果我真係要生一早生左啦 我妹出水豆時我地一齊玩都冇事~~仲要話我個抽血報告幾日先有,咁佢地咁緊張唔可以一早睇左報告先咩.........
我做錯左咩~~~~~~~~~~~~~
QE既錯係1.我穿水咁耐唔同我催生,我D胎水唔清先同我催生?
2.我打完無痛分娩先話同我開刀........
3.產後病房D大部份姑娘同呀嬸勁衰
4.人地有水豆仲放佢去照超聲波???
5.拎左我個囡話去照燈點知乜都唔講我知佢要佢等溍復期過左先出得院?咁我要幾時先見到個女?乜都唔知.....
6.隔離我係間房乜都唔理我探熱都冇.冇人入過房
7.我按鐘問姑娘拎藥比呀嬸鬧我好按鐘
8.早餐都唔記得比我 :evil:
私人傳訊

CinCinla


大宅

積分: 2186


2#
發表於 05-1-26 19:59 |只看該作者

Re: QE的失敗 攪到我囡囡仲未出得院!!日日以淚洗臉~

QE treated you too badly. Hope you can see your baby very soon and she is doing fine. Don't think too much, not good for your recovery. Take a good rest and wait for your beautiful baby. Take care.
私人傳訊

Cara


複式洋房

積分: 222


3#
發表於 05-1-26 20:55 |只看該作者

Re: QE的失敗 攪到我囡囡仲未出得院!!日日以淚洗臉~

嘩.qe咁都得架,枉佢都算係間大醫院,d醫生都不知所謂,你唔好咁唔開心啦,我唸bb都冇事你好快可以見到佢同佢返屋企架啦,死啦.....我都係qe生,d醫生咁都唔知好唔好轉醫院生.....
Lilypie 3rd Birthday Ticker 滔滔之成長日記
私人傳訊

smallfish123


大宅

積分: 4722


4#
發表於 05-1-26 21:52 |只看該作者

Re: QE的失敗 攪到我囡囡仲未出得院!!日日以淚洗臉~

siusiuding,
你都算好彩ＢＢ吾係好大問題, 我之前聽一兩個媽媽係依度講過, 又係QE, 又係穿水好耐吾催生, 醫生好耐先肯開刀, 跟着攪到BB智商有問題呀!!! 離譜嘅QE, 諗起都慶!!! :evil: :evil: :evil:
你要襯依家好好休息, 等ＢＢ出院後好好照顧ＢＢ, 知無? 我支持你!

私人傳訊

樹熊媽媽


禁止訪問

積分: 2585


5#
發表於 05-1-26 23:16 |只看該作者

Re: QE的失敗 攪到我囡囡仲未出得院!!日日以淚洗臉~

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

myrchan


大宅

積分: 2558


6#
發表於 05-1-27 00:03 |只看該作者

Re: QE的失敗 攪到我囡囡仲未出得院!!日日以淚洗臉~

siusiuding，好鄧你同個囡囡可憐，堅強d，養好身子等個囡出黎。好多謝你既sharing，我本來都想慳d，想係QE生，但而家唔再諗QE啦。

希望d醫生同姑娘念在孕婦生產既辛苦同危險，幾辛苦都好，都要體貼d同小心d，懷孕生仔係高風險既事，孕媽媽本身已經好緊張啦，佢地實在唔應該惡死對孕媽媽。大家記得母親節歌頌媽媽好，點解ｄ醫生護士同阿嬸唔體諒下孕孕媽媽既心情，佢地都有阿媽生，問下阿媽就知有幾辛苦啦。
私人傳訊

ssassa


禁止訪問

積分: 8419


7#
發表於 05-1-27 00:57 |只看該作者

Re: QE的失敗 攪到我囡囡仲未出得院!!日日以淚洗臉~

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

mori


男爵府

積分: 5103


8#
發表於 05-1-27 01:05 |只看該作者

Re: QE的失敗 攪到我囡囡仲未出得院!!日日以淚洗臉~

我生完初初果時都係住大房(1月15日),d姑娘同阿嬏10個有8.5個係衰人呀,生出嚟之後就掉咗個bb比你,又唔知點餵又唔知點換片,掉個溫度計叫我幫bb探熱,我鬼知點探咩!我咁大個女都未抱個new born,成個pat'那'係屎,鬼知邊個係屎忽loan咩!佢就一味係咁鬧我,叫我自己嚟喎,佢都忽忽地,佢係阿嬏之嘛,洗唔洗咁巴閉命令我做嘢呀!初初又落唔到床,禁鐘搵阿姐,佢就大大聲鬧話'邊鬼個禁鐘嘈住曬呀',如果果個識得行,就會氹口氹面鬧人'你識行識走,禁乜鬼呀.....xyz....'最衰係初初無人奶,問個姑娘我好似無奶喎,餵唔餵得飽bb呀?你地知唔知佢地點答呀,佢話,你睇佢之後幾餐無尿無屎痾就知你無奶啦,唔駛理佢啦,真係離q曬普呀!d嘢又難食,都唔係人食呀,佢地基本唔當我地係人呀!!!!我重打算有精神寫個topic鬧衰qe呀!!!!!
後來我去咗2等私家房就簡直2個世界,d人好到無得了,係咁教我點湊bb,你唔問佢,佢地反而會話你唔識要問呀,唔好湊壞bb呀,d嘢食好味到我唔想出院呀,知你係人奶就每餐比多一碗谷奶d湯水,有佢地d靚湯我至有奶奶比bb咋!

[size=large]所以如果唔係公務員,千其千其唔好去政府生呀,特別係qe呀,只有大陸人,阿差同越南妹至會去政府生呀,好人好姐既香港人係無乜會去政府生呀!!!!!
私人傳訊

Joan媽咪


伯爵府

積分: 15915


9#
發表於 05-1-27 01:06 |只看該作者

Re: QE的失敗 攪到我囡囡仲未出得院!!日日以淚洗臉~

雖然我3月吾係在QE生BB,不過屯門醫院都吾係好好多.
聽了各媽咪的發表,我都好擔心,希望B仔同我合作啦!!!
siusiuding好好休養丫,好彩你同囡囡都無事,吉人自有天相的.
祝你囡囡健康活潑,快高長大.
祝你身體健康.
私人傳訊

琳琳豬媽


大宅

積分: 4443


10#
發表於 05-1-27 01:19 |只看該作者

Re: QE的失敗 攪到我囡囡仲未出得院!!日日以淚洗臉~

下....=.=" 我都係係政府生ga wor 我唔係大陸人 又唔係外藉人士 ar
不過我都係qe生 我陀bb時已經由白車去qe 好幾次 去親都係 a2病房 0的姑娘好好ga 有一個仲記得我ar佢話又係你ar 你又入院ar =.= 咪生個時個個對你都好好好ga 生完之後就好似0的衰990甘lor 要仔唔要"那" 我一早穿水去到醫院姑娘就叫我催生la 佢知我驚痛又咪去得產房 =.= 佢話ar嬸汁緊wor 就分散我注意力 同我講野 仲話我拎個坎佬袋好靚問我係邊度買wor 我都痛到wing wing 地 後咪上到去 佢地就幫我搵麻醉師黎 做無痛分免la 到我生完 另外一個ar嬸黎接我走 佢就好似母夜差0甘lor 好惡ar 個時我又餓又累 佢仲呼喝我 我個女就因為有氣喘要訓箱 我又驚wor 但又俾ar嬸鬧 我自己夜晚晚係度喊添ar
私人傳訊

creamsoda


別墅

積分: 877


11#
發表於 05-1-27 02:14 |只看該作者

Re: QE的失敗 攪到我囡囡仲未出得院!!日日以淚洗臉~

乜QE咁架,我都係o係政府醫院生,不過覺得幾好喎,d嬸嬸同姑娘都好好人,冇話呼喝我,見我十幾歲,仲對我好好,好錫我....半夜我個女係咁喊,d姑娘都會接亞女入BB房,好有心機咁湊佢 :-P 可能因為瑪麗係港島區,冇咁多大陸女人,姑娘得閒d,心情都靚d啦~
不過有一個助產士好乞人憎,冇笑氣又唔知,掛住睇書,一d都唔專業呀 :evil:
過去的留不住, 未來的難預測, 守住現在,當下即是~
私人傳訊

饅頭媽媽(町)


男爵府

積分: 9551

好媽媽勳章


12#
發表於 05-1-27 08:36 |只看該作者

Re: QE的失敗 攪到我囡囡仲未出得院!!日日以淚洗臉~

QE 間病房D姑娘同呀嬸真係冇人性架~得幾個好D架咋
佢地衰既對大陸人仲好過對香港人 都唔明乜心理架
我地唔駛納稅架????
有錢真係唔好去政府生囉,
A2病房待產個邊真係好好多.但唔知點解產後最需要人關心時反而家人會咁衰,政府成日話驚媽媽有產後抑鬱
咁就唔應該咁對我地啦~~~~
咁大間醫院真係好過份 唔係呢間醫院我個囡囡唔駛同我分開咁耐 我可能唔駛開刀tim~~~~~~~
唉~~~~~~~~幾時先可以見到囡囡........
私人傳訊

pigulu


別墅

積分: 731


13#
發表於 05-1-27 09:27 |只看該作者

Re: QE的失敗 攪到我囡囡仲未出得院!!日日以淚洗臉~

siusiuding,

聽到你的遭遇真係好唔開心，雖然我唔係QE生，但我都驚會有相同的經歷。

但最重要的係bb同你現在都冇事，你唔好諗咁多住，唔好唔激氣，你啱啱生完bb，真係要好好休息，我地坐月好緊要，養好個身體湊bb，之後再去投訴佢！

我諗所有bk媽媽都會支持你的!
2005年2月1日於瑪麗醫院出生
私人傳訊

Mui_Mui


子爵府

積分: 11369


14#
發表於 05-1-27 09:31 |只看該作者

Re: QE的失敗 攪到我囡囡仲未出得院!!日日以淚洗臉~

Siuding,
唔好太擔心啦,好快見到囡囡,到時大把時間啜啜同摟摟啦!!!依家最緊要多d休息等傷口快d復原!!!!
私人傳訊

該用戶已被刪除

15#
發表於 05-1-27 09:35 |只看該作者

Re: QE的失敗 攪到我囡囡仲未出得院!!日日以淚洗臉~

提示: 作者被禁止或刪除 內容自動屏蔽
私人傳訊

mlk


大宅

積分: 4516

畀面勳章


16#
發表於 05-1-27 09:53 |只看該作者

Re: QE的失敗 攪到我囡囡仲未出得院!!日日以淚洗臉~

係呀! QE好衰架, 我99年生我女時(順產), 生完後一個鐘頭後才有一個實習醫生幫我縫針, 間產又涷到震. 令我畢生難忘.
私人傳訊

HoWangMami


子爵府

積分: 11530


17#
發表於 05-1-27 10:45 |只看該作者

Re: QE的失敗 攪到我囡囡仲未出得院!!日日以淚洗臉~

我雖然唔係QE,但我係屯門生,但我果次經歷好好,D姑娘又唔惡,我係穿水入院,入院後係做左普檢查就入產房等生,果到D助產士又好好喎,每隔一陣就入黎同我CHECK下BB,到我老公來到佢就同佢講,叫佢可以返屋企休息下,因為可能冇咁快,跟我凍到震,又同我講比多張被我好唔好,到我差不多生得就比個電話我,同我講,打比老公啦,叫佢來啦,應該好快生得啦!
生時因為BB心跳慢過,所以佢地就即刻叫左醫生同我接生,生完後,因為BB曾經心跳慢,所以去左BB病房,我就自己去左產後房,D嬸嬸又係好好人喎,入到去就比盤我問我要唔要小便,我話冇呀,佢就話咁你休息下如有就按鐘,果時已經係零晨3點幾,過左一陣我有便意就按鐘,佢地就問咩事,我話要去小便,佢地就比個盤我,叫我係床度去,去完擺度,佢一陣來收!
我足足住在醫院5天,其間因為BB黃,要照燈,所以BB唔出院,我又唔出得,因為我BB食人奶,又食得慢,D姑娘都成日走來問我得唔得呀,仲讚我有心機,食左成個鐘你都仲努力緊!
BB又成日嘔奶,結果要D嬸嬸成日同佢換衫,個嬸嬸仲同我講,你BB成日嘔奶,一日要同佢換衫,但都係笑住講架!
住院其間,有個MAMA生第二胎係我隔籬床,佢生完同嬸嬸講好肚餓,問個嬸嬸有冇野食,個嬸嬸都比D餅同奶佢,仲同佢講得這些,食住先,好快食早點啦!
到出院時,D姑娘多數認得我,我好快咁推埋BB出去,佢地仲笑住同我講,你駛唔駛咁快呀!
所以我對屯醫的印象幾好,今次有左我都會去番屯醫生的!
私人傳訊

MrsCLee


大宅

積分: 3118


18#
發表於 05-1-27 10:47 |只看該作者

Re: QE的失敗 攪到我囡囡仲未出得院!!日日以淚洗臉~

醫院 d 人對香港人差 d 係咪想迫我地去私家生, 等地咪少 d 野做 ?-(
我要學習做會笑的媽媽
私人傳訊

kaiyui_BB


子爵府

積分: 10472


19#
發表於 05-1-27 11:43 |只看該作者

Re: QE的失敗 攪到我囡囡仲未出得院!!日日以淚洗臉~

真係好睇彩數, 惟有祈禱求神使我遇著好既醫生, 姑娘同埋嬸嬸.

我都諗住係屯門醫院生

私人傳訊

tungtungma814


大宅

積分: 3014


20#
發表於 05-1-27 12:05 |只看該作者

Re: QE的失敗 攪到我囡囡仲未出得院!!日日以淚洗臉~

哇, 也qe真係衰成咁, 我都聽人講過, 你叫痛時姑娘會罵人, 仲會話怕痛唔好發妏生仔啦

有個朋友的同事在度生, 又係痛左近30個鐘, 醫生先肯開刀, 介話因為媽媽個心臟本身弱, 又生左咁耐, 令個bb出世要訓箱成個星期, 最後好彩冇事.

qe同東區係出左名衰既生仔醫院, 所以各位大肚的千萬小心.

希望你早日接囡囡出院, 我囡囡出院前先知要照黃, 住多兩日, 我都心掛掛, 好明白你的心情
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見