少年成長

收藏本版
發帖
返回列表
跳至頁

首頁
1

尾頁
   0
snowkit


大宅

積分: 2446


1#
發表於 09-8-27 23:53 |只看該作者
好唔開心,請讓我說一說....

本來以前阿女係同我一間房,BB床在我身邊,但因為實在返工要照顧阿女好辛苦,所以BB就同阿嫲一間房睡

己經大半年了,阿女現在大個了,由歲半這個月開始,BB一到要睡覺,入房後就同我講byebye,本來都無所謂,因為平時佢係勁痴我,我放工一回家佢無時無刻都同我一齊,唔會叫嫲嫲,只是去ngng會叫嫲嫲,咁我就由她,但一睡覺時抱著嫲嫲的樣子我雖然都唔開心,但都算了,因為有時我同佢睡佢都可以,

但今日,又好似之前咁,9:30就同嫲嫲入房要她睡覺,我自己就在廳看電視,平時她是沒有電視看的,我睡著了,聽到嫲嫲同她出來去ngng,之後她就不肯睡,一定要出廳玩,我叫佢返房,佢就講byebye走入房,之後又出來,嫲嫲在房裡叫她回去,她沒有理,我就抱起她叫佢睡,她不肯,在看電視,我就話關電視了,同她一起關了電視,帶她入房睡,她不太肯,我抱著她不讓她出廳,想令她睡,她在扭,而嫲嫲就走出了廳,取了毛巾來幫她抺面,之後我就要她睡,她不肯在扭,嫲嫲入返房,見我在,她沒有打算接手,但又不離開房,站在房門角落,不讓BB看到,但BB是看到她的,又叫嫲嫲,嫲嫲沒有理她,只站在那裡,BB就勁扭要嫲嫲,嫲嫲就出了去,之後又返來站在那裡,我真的忍不住就說你一係出去,她就出去了廳坐,BB在房裡大聲的喊嫲嫲,一定要出廳,我不讓她出去,要她睡,她發了由細到大第一次咁大的脾氣,哭得死去活來,一定要出廳找嫲嫲,我看著她,好傷心......她堅持出廳,我阻止她,她大哭,哭到在喘氣,大聲的喊嫲嫲,哭了很久很久,我不斷想抱著她,她不斷推開我,她還叫我走,要找嫲嫲....我心想,如果嫲嫲入來我只好走,但她沒有....BB哭得很可憐,我同她說我帶你出廳找嫲嫲,她才收聲,在喘氣,我帶她出廳,她一面的淚,嫲嫲只坐著,我用毛巾幫她抺,嫲嫲說為甚麼哭到這樣....之後BB去嫲嫲度,抱著她,合著眼睛便靜了下來.....嫲嫲仲說快D同媽咪講byebye....我己經好傷心,說快D帶她入去睡啦......自己就回房哭了......

見到阿女一定要嫲嫲先肯睡,而我就在她身邊她都不肯,我不但甚麼也做不到,還阻止了她去和嫲嫲一齊,我好像失戀,很傷心......我同奶奶關係點會好,我同佢根本就是情敵,不但有佢個仔,現在又有我個女,我知她己經好就我,但我就會遷怒於佢....好傷心,但又咩都做唔到!理智叫我不要怪任何人,但我真的好傷心,想寫出來發洩下....謝謝各位
私人傳訊

pyjess


侯爵府

積分: 24040


2#
發表於 09-8-28 00:13 |只看該作者
小朋友應從小與大人分開瞓, 我BB4個月大, 我便跟SUPERNANNY的書, 訓練他8:30PM上床瞓, 不抱, 不氹自己瞓著

你的孩子大一點, 可以睇下呢個真人SHOW, 要瞓晒 8 PART
http://www.youtube.com/watch?v=636inNcDCl0&feature=related
私人傳訊

snowkit


大宅

積分: 2446


3#
發表於 09-8-28 01:34 |只看該作者
好多謝你的分享,我看到條片後,先知原來細路可以咁難教,我都唔知阿女將來會點,暫時佢都仲好乖,睡覺都係一個問題,香港邊可以每人一間房,佢係同嫲嫲同工人一間房的,嫲嫲同佢睡時都唔俾工人入去,怕阻住,要佢睡著工人先入房睡,佢幾個月時,我都試過要佢自己睡,出房唔理佢,但佢可以勁哭個幾兩個鐘,之後自己就算了,而佢又唔係真係好過份,通常抱一陣就會睡著,唔知問題唔去解決是否會越來越嚴重?BB是否會在兩三歲開始好反叛?其實現在全家都真的以她為中心,每天她要做甚麼大家都會和她一起做,但如果不是這樣又可以怎樣呢?平時我返左工就唔知,不過我放工一定是同她一起玩,星期六日更是大家痴到實,我個女是不會自己同自己玩的,一定會叫人陪,咁是不是都要改呢?但又不知該怎樣做?在職媽媽全日也不在家,一回家當然是想同BB一齊玩,這樣又會不會做錯呢?大肚生女見佢慢慢大,真的樣樣都唔識樣樣都要學....仲要獲獲新鮮,未生過都真係唔會知!
私人傳訊

pyjess


侯爵府

積分: 24040


4#
發表於 09-8-28 10:28 |只看該作者
其實好多時覺得難教, 係因為唔識教, 睇supernanny o既節目, 就係令我覺得有方法, 只要用d skills, 小朋友o既日常作息有固定軌跡, 就無咁易發脾氣, 你自己o既生活作息都會簡單好多.
其實我都係在職mami, 仲要做audit, 未用supernanny套方法訓練bb瞓覺之前, 我8:00pm返到屋企, 陪隻b玩, 一直到10:30去返ee度瞓, 我地先有飯食, 食完飯, 做完家務, 又開始工作至零晨3點; 星期六日自己湊返仲要抱瞓, 抱一個半個鐘是等閒事
而家訓練左, 8:00~8:30我同老公全情投入同佢玩, 8:30一定要上床自己瞓, 我地8:30有得食飯, 直至10:15叫醒佢, 去返ee度食奶瞓覺....你說這樣是否好好多?
我o係呢度suggest過好多次睇supernanny o既"10大教養金律"同"快樂教養100問"....我自己睇o既時候, 會回想自己細個係點樣, 咁就會明白小朋友o既心情, 點解會發脾氣...同埋有幾無知...^v^

我隻b無房o架, 佢做廳長, 咪一樣ok! 唔好以為我隻b細, 所以易搞, 佢一識反身, 識企, 就無以前咁簡單...不過都係堅持要佢瞓, 唔抱...佢會明, 大約10分鐘~半個鐘都會瞓...

其實同一間房唔一定係問題, 最大問題係要陪瞓/抱瞓...即係話, 如果佢半夜醒左, 佢會要人氹先識瞓, 但係supernanny呢個skills 係要佢自己氹自己瞓....我有個朋友佢仔仔一歲半, 時時零晨4, 5 點醒左就喊, 要爸爸抱瞓, 第二日無精神返工...

幾個月時, 用o既skills 有d唔同o架, 再者, 2個鐘都唔理...呢個唔係supernanny用o既方法....而家你女女大個d, 用真人show 個方法喇...唔理個問題, 等於默示bb, 佢要人抱/陪瞓係正確, 一旦你地有事無事唔陪, 就係你地唔o岩...咁可以好嚴重wo

呢度有d mami 都睇好多書學育兒, 睇左, 明白左就唔覺得兩三歲好難教, 你可以search下"kerkermui"同埋"kitmantsoi"覆o既貼, 佢地都睇好多書, 同埋好明白小朋友唸咩

會唔會以朋友為中心, 個個人講都唔同, 我屋企盡量避免做d野令隻b覺得佢自己係世界中心, 因為個社會唔係咁, 如果就晒佢, 佢大個少少, 一要返學, 同人相處, 就發現個世界唔會就晒佢, 佢就會唔開心

但我讚成要有每一日o既一對一時間, 你同佢/爸b同佢/嫲嫲同佢, 全程投入, 星期六/日係家庭樂, 一家人一齊玩, 但亦要每日有佢自己獨處, 自己同自玩o既時間

所以時間表好重要, 幾時食, 幾時瞓, 幾時自己玩, 幾時有人陪佢玩, 有時間表, 你心裡有個底, 佢又知道下一個"節目"係咩, 會令小朋友安心好多...咁就無咁易發脾氣

有d mami話用左supernanny個"人肉時鐘"方法, bb好瞓左, 要求bb去瞓就易左


原帖由 snowkit 於 09-8-28 01:34 發表
好多謝你的分享,我看到條片後,先知原來細路可以咁難教,我都唔知阿女將來會點,暫時佢都仲好乖,睡覺都係一個問題,香港邊可以每人一間房,佢係同嫲嫲同工人一間房的,嫲嫲同佢睡時都唔俾工人入去,怕阻住,要佢睡著工人先入 ...

[ 本帖最後由 pyjess 於 09-8-28 12:16 編輯 ]

私人傳訊

kitmantsoi


大宅

積分: 3599


5#
發表於 09-8-28 11:29 |只看該作者
Snowkit, 你唔好唔開心先, pyjess 講得好啱一個"時間表好重要" ! 我個BB都係歲半, 如果跟住時間表食同瞓, 簡直係'小天使'(自己食晒成碗飯and 唱完晚安歌即瞓), 但一過咗時就會變'魔鬼仔'... 因為呢段時間既BB係好需要規律, 所謂"儀式", 如果唔跟足"儀式"就會不安.
可能你BB既"儀式"係9:30pm嫲嫲陪瞓加埋電視聲吸引, 所以咪發脾氣...
唔駛傷心, 呢個"儀式"你可以改ga ma! 如BB習慣9:30pm 瞓, 你就9:00pm開始同佢做睡前準備工夫, 如冲涼, 睇故事書, 唱歌... 總之一D靜態活動 (嚴禁電視, 因太刺激!), 然後差唔多夠鐘就要求佢瞓.
我就習慣每晚唱twinkle twinkle little star, 唱完BB自己就会瞓, 不過我通常都會等佢瞓着先離開房, 但唔会抱佢瞓只係坐床邊.
我都係在職媽媽, 同pyjess一樣BB 8:30pm瞓得個半鐘同BB玩, 不過佢瞓咗我就有自己時間, 所以都幾輕鬆!

唔想BB太自我就訓練佢自理能力及幫手做家務! 歲半可以自己食飯(當然場面極恐怖), 洗手洗臉刷牙..幫手抹枱(抹完重污槽), 洗衫, 晾衫...etc 從中BB仲會增加自信tim!

BB由識行識講野開始進入另一階段, 脫離嬰兒依賴,開始獨立, 開始"反叛". 睇parenting, 兒童心理學既書, 認識咗自然明白, 亦會懂得應對! 努力ar!
私人傳訊

芒


大宅

積分: 3610


6#
發表於 09-8-28 17:31 |只看該作者
歲半識選擇人訓架喇，我地一家三口平時９點入房訓，都係全家返房熄晒燈同電視，小朋友好易引誘，你開咗廳電視，知你未訓，佢更係唔肯訓啦！最多訓咗先出番黎睇！
我都係咁！

佢要出廳，你同佢對立，更係唔俾你掂啦，之後喊到攰，麻麻一接手，仲唔攰到訓咩！佢唔係一定要同麻麻訓，係果刻佢想出去，但你同佢對立先發脾氣唔同你訓者．
我都試過！

小朋友知邊個鍚佢同佢玩，我個囡又係唔會自己同自己玩，試過喊住同我講，我真係好想你同我玩架，真係要幾天真有幾天真！宜家３歲啦，星期六日咪又係痴實我！

但佢發咁大脾氣就唔好喇，要俾佢知道前因（點解唔俾出），後果（媽咪會好傷心），多ｄ同佢講故書就得架喇！呀囡有時會話想同麻麻訓架，聽到係有ｄ唔開心，少少啦，但我會話媽咪好想同你訓呀，你陪我啦！咁佢就冇野架喇，我估佢係想既，因為知佢真係掛住麻麻，咁我都ｏｋ！起碼知道麻麻真係好鍚佢，哈哈！
私人傳訊

cpcog


男爵府

積分: 9197


7#
發表於 09-8-28 22:28 |只看該作者
don't worry. When she is older, she would know mother is more important.
私人傳訊

snowkit


大宅

積分: 2446


8#
發表於 09-8-29 01:01 |只看該作者
多謝你們的安慰,我己經舒服D!
今晚嫲嫲去街,我自己湊佢睡,佢好似平時咁,要自己睡,不過我離開佢又唔肯,我就放佢自己BB在床,我睡在嫲嫲的床,咁佢又OK,無幾耐就自己睡著了,可能昨天是個別情況啦,我以後會好好的教佢....
私人傳訊

sst


大宅

積分: 1682


9#
發表於 09-8-31 21:29 |只看該作者
原帖由 cpcog 於 09-8-28 22:28 發表
don't worry. When she is older, she would know mother is more important.


agree!! 有時真係好矛盾. 痴住自己又厭唔夠自由, 唔痴自己痴住第二個(嫲嫲或工人), 自己個心又會好唔舒服! 原全明白你既感受. 呢樣野我諗冇人幫到你, 唯有自己睇開D!
私人傳訊

Janicelobby


大宅

積分: 2050


10#
發表於 09-9-6 01:25 |只看該作者
Snowkit,
其實bb痴湊開佢的人係好正常, 他們尤其對睡覺的環境同照顧者都十分執著, 1歲開始, bb己經懂應人, 若在這個時間你不多抽時間與他一起, 很難避免他會依付較親近他的人.
我亦是極怕bb痴其他人多過自己的, 所以即使要返工, 我都堅持放bb在我房, , 我先生平日要到大陸公幹, 在只有大囝時, 我知佢痴MAR MAR, 所以我要MAR MAR 晚上不留低, 讓我一人照顧他, 囝囝6個月到18個月, 半夜晚晚1, 2個鐘就喊, 我都係o甘頂, 一路到我懷第二個bb 都是自己晚上照顧大仔, 大囝21個月時妹妹出世, mar mar 就搬了來住, 與妹妹睡, 到現在妹妹14個月, 哥哥3歲, 除哥哥外, 我放埋妹妹入我房睡, 因我知道再遲些, 妹妹識反抗時, 我就再無機會與她一起睡, 現在4-5個鐘就因他們是但一個喊, 而要起身安撫或餵奶, 有時更要左手拍哥哥入睡, 右手餵妹妹飲奶, 但我從不後悔或感覺累, 因我覺得得到自己兒女依付信任遠比我睡得舒服重要.

snowkit, 請記住對孩子無私的付出才令他們知道你是最信任及親的人, 另外, "堅持" 最重要
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy