大仔大女媽媽會今日: 0|主題: 177860

收藏本版

發帖

返回列表

跳至頁

查看: 1459 | 回覆: 0

[2004年或之前] 我好痛心...唔該聽下我講野啦.. [複製鏈接]

峻峻媽

男爵府

積分: 7830

1^#

發表於 09-10-2 23:11 |只看該作者 |倒序瀏覽 |打印

我唔需要回應..只係想有人聽下我講野...
好耐冇喊過..今日真係好唔開心,,,
係真架....
頭先帶個仔落街同朋友仔玩..點知....平時同佢玩開既朋友仔..今日唔理佢..因為有個新朋友黎左..
佢地仲夾埋蝦子峻.杯葛佢..我一早叫子峻走
佢唔肯.佢好佢地玩....
子峻平時對呢個朋友仔好好..老師賞糖比佢食.佢都留比呢個朋友仔..總之有好野都會同佢分享....點知今日完成唔理子峻.仲因為新朋友而杯葛佢..子峻好唔開心..
最後..仲失控啦.(好耐已經冇係咁啦)..喊住.大叫.點解要咁對佢喎.又話平時對佢咁好.點解夾埋唔理佢..又話好憎果個新朋友...完成失控..加埋我..兩個大人都捉子峻唔住..因為佢要去鬧果個新朋友...要問佢點解要夾埋蝦佢...其實我係旁邊..真係好痛...眼見個仔完全失控.大喊大叫..我唔係怕瘀.唔醜..我一d都唔怕..我係登個仔難過...呢個時候..果個新朋友竟然又學人喊話我仔蝦佢..結果.果個新朋友個爸爸.竟然話我個仔..咁咁咁..好難聽....真係好難聽..(我講唔出).你可以鬧我唔識教仔..可以話我唔識做人阿媽...但絕對唔可以咁話我個仔...佢只係小朋友...我真係唔容許人地咁話我個仔..
但係我愈同佢係大街理論.只會難為左個仔..我唯有間硬捉個仔走..返到屋企子峻仲喊住要出門口,,問人點解要咁對佢....又話要去報復.我答佢.人地對你唔好.咪算囉.唔好想咩報復..只會令自己更唔開心..
可惜連我自己都做唔到....我真係好痛....
我唔敢同死佬講..佢一定會因呢件事.打個仔..
冇錯,,,子峻係有唔岩..人地愈唔同佢玩.佢愈要去搶人既野..但我有教佢架..但係打真係唔係解決問題...
所以我唔敢同死佬講...係個仔面前我亦要好強硬..
我只可以係呢度講....我真係好痛........
我呢個阿媽真係好失敗

[ 本帖最後由峻峻媽於 09-10-2 23:13 編輯 ]