吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我好愛佢, 好唔捨得放棄佢.... 咁我可以點呀? ...

夫婦情感今日: 2|主題: 42735

收藏本版

發帖

返回列表

跳至頁

查看: 19232 | 回覆: 74

我好愛佢, 好唔捨得放棄佢.... 咁我可以點呀? [複製鏈接]

12 3 4

rerere

洋房

積分: 66

1^#

發表於 08-12-6 22:41 |只看該作者 |倒序瀏覽 |打印

我同我老公一齊都有 15 年以上喇..... 仲有一個小朋友添...
佢因為工作關係, 成日要上大陸工作的, 晌三年前, 我發現左佢同人 msn/qq, 我當時唔知佢開始玩呢樣有野耐, 但係我見佢返到嚟香港都仲有玩, 咁我就覺得奇怪, 我就問佢啦.... 我就同佢講.... 佢晌大陸都已經係咁同人玩啦.. 點解返到嚟香港都仲係咁? 係咪已經發生左 d 野而係我唔知架? 我直接咁話... 叫雞我都仲可以原諒, 因為當中唔會有感情, 如果唔係雞, 即係同人地有感情交流啦... 我接受唔到的... 咁佢就話係普通 net fd, 未見過面的... 只係上網吹下水而已~ 仲話以後唔再玩添.... 咁我最後都信左佢.....

件事我以為告一段落啦... 點知.... 點知最近我發覺佢原來同呢個女人去左迪士尼玩左兩日一夜.... 佢之前仲呃我係幫大陸同事 book 的, 又話自己去第二度工幹.... 最後原來比我發現左係同一件事嚟架.... 我好傷心.... 原來佢咁對我.... 佢晌我同佢結婚週年後幾日就 book 左呢個旅程同呢個女人去.... 好可怕.... 我都係佢地去左玩之後一個星期先發現... 如果一早發現, 我會去迪士尼搵佢架.... 可惜... 我發現得太遲.... 佢可以請兩日假同呢個人去玩.... 點解咁對我呀??

佢事後同我解釋, 佢話同呢個女人無野的, 之前未見過面的, 上網傾開計, 個女人又想去"迪", 佢又推過幾次... 但最後都應承左.... 佢仲話真係唔會同呢個人再傾 msn/qq 的... 真係唔會再有....

點知, 後期又比我發現... 佢所有野都係大話嚟架.... 呢個女人原來係佢大陸的同事嚟, 之前呢個女人已經同過佢的同事(已婚的)行埋左一年有多... 而家個女人都仲有其他的新歡,舊愛架.... 好濫~
我老公都知道架.... 我唔知點解佢仲會痴埋去... 可能個女人有 d咁嘅關係貪佢唔洗上身卦~ 亦都可能呢個女人好豪放... 好主動~

有人比過佢地 d msn 我睇.... 佢地 d 對話好情深架... 我老公都未同我講過的... 我比佢地傷得好深, 此事之後, 我不停咁發惡夢, 不停咁諗起都會喊... 真係食唔安瞓唔落, 生不如死.... 短短時間已經瘦到落晒形.... 但係我又唔可以同人講, 只可以同一個素未謀面的網友傾咋~ 我真係好辛苦, 點解當初佢唔講真話丫? 點解要我逐一拆穿佢先至認呀? 佢仲口口聲聲話最愛嘅係我, "老公.... 你愛我的話.. 點解又要咁對我呀?" 又話同呢個女人唔係我諗咁樣喎~ 佢地嗰種係無愛 & 無感情成份, 只係比 net fd 多左一份關心而已~
因為呢個女人講左比佢知好多野... 所有以前, 而家的男人佢都有同我老公講過... 個女人好賤格.... 佢 send 埋 d 著住淫賤睡衣影的相比我老公... 佢好賤... 咁樣勾引我老公... 我想打去鬧佢的... 但係又唔敢... 我老公由事件揭發後已經無理呢個女人架喇... 我知呢個女人而家仲唔死心架... 仲話唔會爭任何野, 佢知道個男人唔係佢的..., 個女人真係好 cheap.... 明知咁樣... 都仲纏住人地老公, 咩心態呀?

我老公仲話唔會再咁落去, 叫我原諒多佢一次, 佢係因為衰貪玩, 受唔住引誘先做錯左... 仲話無左我唔得, 一生只愛我一個... 絕對唔會愛第二個.... 佢之後每個星期都有提早返嚟香港陪我, 佢如果聽到我發惡夢, 佢會叫醒我, 唔比我繼續發落去.. 我都知道, 大家都好辛苦... 佢已經好內疚 & 後悔.... 好怕失去我添... 但係我又好驚佢重滔復徹... 好驚佢地見得多又繼續落去... 我好驚... 佢仲話, 佢想唔晌呢間公司度做... 怕我繼續再諗... 但而家搵工唔易架... 我點敢要求佢唔做呢度呀? 唉... 我好痛苦真係有諗過一死了之架.... 但係我又真係好愛佢... 當初就係唔信佢會咁做... 我先信佢.. 點知幾年後仲做得過份左... 你地話丫... 佢仲信唔信得過呀? 我應唔應該比多次機會佢呀? 佢今次係咪真係最後一次呀? 我同佢講得好清楚... 我再受唔到多一次打擊的... 我真係會死... 我對死係永不後悔... 因為再係咁, 係無野值得我留戀的... 所有野我都可以唔要... 生無可戀... 留晌世上只有痛苦..

而家距離事發都有個半月喇.... 每次諗起我都仲赤赤痛... 拿住拿住咁.. 仲喊到雙眼都好痛架... 真係好苦... 我每次睇番所有因為呢件事的 e-mail 我都好傷心好痛苦.... 我未來日子要點行好呀?

sorry 呀.. 好長編... 其實都未寫得太仔細.. 希望你地睇得明啦..

[ 本文章最後由 rerere 於 08-12-7 22:52 編輯 ]

0 0 0

私人傳訊

wcandtt

水晶宮

積分: 72911

2^#

發表於 08-12-6 23:01 |只看該作者

你老公真是大話連篇，一次又一次傷害你，如果你還是愛他，再給他一次機會，離婚的路是很難行的........

現在如你選了繼續愛他，便開始 keep 佢d$$$，物業...，以後他再背叛你，起碼你有$$

私人傳訊

414928

水晶宮

積分: 64098

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

3^#

發表於 08-12-6 23:03 |只看該作者

睇完我都唔知講咩好....唔好問人你老公信唔信得過,因為這個男人是你的,信任是發自內心的,不是別人的說話。
如果你選擇信就要信到底,要佢辭左份工遠離這個女人,唔辭工根本解決唔到問題,你想食開眉粥,還是愁眉飯?
如果你選擇唔信任,就離婚吧,為左一個背叛自己的男人而痛苦,根本唔值得,也不要有自殺念頭,你真是生無可戀嗎?你想自己帶來這世上的孩子沒有了母親嗎?你死了老公未必真會為你傷心,但你的親人孩子真會為你傷心,你自殺只是把你的痛苦轉移給其他人,這行為很自私啊。
最痛的事總有過去的時候,拿出勇氣面對它,不要逃避,加油吧!

私人傳訊

01234361D

大宅

積分: 3618

4^#

發表於 08-12-6 23:11 |只看該作者

如果你真係好愛你老公的話, 就俾多最後一次機會佢, 跟他講明是最後一次機會, 如果佢都係唔珍惜的話, 呢種男人要黎都冇用, 同埋證明佢並唔愛你, 我覺得唔值得為咗佢而死, 你仲有一個細路要照顧, 何況人生並不是為了男人而活著

私人傳訊

等運到

大宅

積分: 3197

好媽媽勳章

5^#

發表於 08-12-7 00:24 |只看該作者

原文章由 414928 於 08-12-6 23:03 發表
睇完我都唔知講咩好....唔好問人你老公信唔信得過,因為這個男人是你的,信任是發自內心的,不是別人的說話。
如果你選擇信就要信到底,要佢辭左份工遠離這個女人,唔辭工根本解決唔到問題,你想食開眉粥,還是愁眉飯?
如果 ...

好認同
如果真系要解決件事, 一定要你老公辭左份工先, 你想唔想要返個老公丫, 既然你老公都開到口願意辭職lor, 唔好再拖喇, 至於你話難搵工, 兩公婆齊心冇o野系搞唔掂既！

私人傳訊

ill

子爵府

積分: 12740

6^#

發表於 08-12-7 00:37 |只看該作者

首先,DELETE 左D E MAIL先,無論你原唔原諒佢都唔好再睇呢D E MAIL, 唔好令自己睇一次,傷心一次
如果你覺得佢真係想改過,而你真係真心想原諒佢的話,你都要行出一步,努力去維持/修補這段關係,大家都努力先得,如果唔係,呢件事會成為你一世心中的剌。

私人傳訊

etmonster

別墅

積分: 772

7^#

發表於 08-12-7 00:52 |只看該作者

信任要用好長時間去build up... 依家破壞咗.. 真係好難... 但如果你真係好love佢.. 你就要忘記過去.. 好似你們剛剛拍拖... 重新認識一次.. 無論什麼決定.. 你要堅強

私人傳訊

NGC9

大宅

積分: 2269

8^#

發表於 08-12-7 01:09 |只看該作者

dishonest, won't forgive

私人傳訊

sherielee

大宅

積分: 2399

9^#

發表於 08-12-7 01:31 |只看該作者

我同老公未結婚前佢都背叛過我,我選擇原諒佢,我好愛佢好需要佢,所以唔想失去佢,若佢將來再對我不忠,我會放佢走,機會只會比一次,佢唔珍惜我,我都唔會珍惜佢~

sherie

私人傳訊

快樂

公爵府

積分: 27878

畀面勳章

10^#

發表於 08-12-7 01:51 |只看該作者

其實連你老公都唔可以肯定呢個係咪最後一個..不過佢真係肯改,你就原諒佢啦!十五年真係好難得,我好明白你既感受..希望你可以放低,重新接受...

私人傳訊

冬蝶

複式洋房

積分: 486

11^#

發表於 08-12-7 11:56 |只看該作者

現在時勢差但都搵到野做, 如果兩公婆齊心無野係解決唔到既, 何況你地有手有腳~
講真, 如果你選決原諒佢, 第一時間就要佢辭左份工, 搵番份香港做既, 最好就keep住佢的錢, 男人有錢就身痕~
俾多的時間自己慢慢去平覆心情, 呢段時間你一定會比較難受, 但盡量唔好再提呢件事, 多d關心佢, 俾個溫暖既家佢, 令佢更加清楚知道自己錯得幾離譜, 咁樣再犯既機會都微d
唔好將自己屈係屋企傷心, 盡量放輕鬆d, 得閒出去行下街

私人傳訊

yuenwa

男爵府

積分: 5774

12^#

發表於 08-12-7 14:44 |只看該作者

樓主,

你如果為左你老公行差踏錯而要死就真係好笨. 錯又唔係你, 點解要你死, 要死都係佢啦!

仲有, 你話係依個世界冇野你留戀, 咁你個小朋友呢? 你d家人呢?

唔好想得咁灰, 大不了離婚, 咁既老公係唔值得留戀, 但你既生命比咁既老公更加寶貴好多培. 人的生命唔應該為一個人而活, 係要為自己而活.

私人傳訊

rerere

洋房

積分: 66

13^#

發表於 08-12-7 19:43 |只看該作者

我而家都無野話放唔低架喇....... 咁多年嚟... 佢就晌大陸做野, 每星期先返嚟一次... 我又要返工, 又要湊小朋友... 好多節目我都無, 朋友又少接觸... 同佢一齊捱左咁耐.. 同佢撐住頭家咁耐... 換嚟係呢 d 痛苦.... 而家日日以淚洗面.... 都唔知為乜.....

而佢就話因為晌大陸太悶, 一時貪玩先至搞成咁... 佢話, 佢同個女人都知道大家唔會有結果的 (我老公無錢可以比佢花晌呢個女人度... 所有錢佢都放晒晌頭家度.. 所以去迪士尼個女人都比番一半錢的... 咁樣我仲驚... 個女人唔係為錢, 咁即想係玩真感情?) 所以我驚呢個女人唔會咁易放手... 個女人25歲喇... 唔通佢真係想就咁跟我老公5年10年咩? 個女人一定有目的啦.. 話唔會爭?我唔信囉... 只係時機未到啫~ 但係我老公又信喎~ 我驚佢唔夠呢個老手玩...

而我? 日日都擔驚受怕, 怕個女人纏住佢, 唔肯放手, 我又怕佢心軟... 唉...總之點樣都會諗成負面.....
佢叫我比多一次機會佢, 原諒佢, 因為佢係好愛我... 唔可以無左我... 大家重新再開始過.....
我老公都知道我諗得好灰.... 佢叫我, 無論我點決定, 都一定唔好對自己差... 佢話... 錯嘅係佢, 叫我一定唔好放棄自己.... 要對自己好 d... 佢都驚我會諗到痴左線同埋抑鬱... 我之前真係成日又手震, 個心口又頂住透唔到氣, 而對腳又成日抽筋... 食唔落野之外... 連飲水都作嘔... 好驚.... 而佢都好擔心... 日日 msn 問住我...

而家我老公去左工幹... 仲有2個星期先返... 我好掛住佢....
而佢一到步就即刻開電腦msn 我話: "老婆... 我好掛住你呀... 仲有咁多日先可以見到你.... " 我即時都喊左出嚟.. 都唔理晌公司有無人見到喇...

點解做人一定要有風浪架? 我唔識面對架... 我18歲就已經同佢一齊... 好多野都已經以佢為支柱... 今次搞到我六神無主, 措手不及.... 所有野我都始料不及... 日日行屍走肉咁生活... 真係好苦...
只有佢每次返嚟我先覺得好實在.... 點解個天要咁玩我架... 呢個打擊對我嚟講真係好大... 永不磨滅~

私人傳訊

446948

男爵府

積分: 8772

14^#

發表於 08-12-8 14:19 |只看該作者

你又點可以你生無可戀呢? 你估有個小朋友架, 就算點都好, 都要為個細既諗下嘛! 唔係只係為個男人生存架, 你自己都有自已本身價值架, 既然係咁唔開心既話, 為乜仲要攞返啲MSN嗰啲嚟睇呢? 點解要自己令自己唔可以忘記呢? 你最好就唔好再攞嗰啲証明出嚟睇, 咁落去唔會有結果, 等時間慢慢沖淡佢啦!~

私人傳訊

juicypig

珍珠宮

積分: 30278

環保接龍勳章 hashtag影視迷勳章

15^#

發表於 08-12-8 16:44 |只看該作者

我覺得呢個世界上最信得過既人祇有自己囉

一個人之所以快樂,不是因為她擁有得多, 而是因為她計較得少

私人傳訊

666wing

男爵府

積分: 9031

畀面勳章

16^#

發表於 08-12-8 16:57 |只看該作者

as long as he knows the fault and try to remedy....then you give him one chance la...

support!!!

私人傳訊

OneOneMa

大宅

積分: 1038

17^#

發表於 08-12-8 17:23 |只看該作者

樓主, 如果你真係仲係好愛你老公, 請你原諒佢, 你第一件事要做的就係 Delete 晒所有佢同個女人的 email, 從此唔好再提呢件事, 咁樣對你自己都會好過D。

唔好諗住咩生無可戀, 呢個世界上面冇話邊個冇咗邊個係唔得架, 每個人都係一個個體黎架嘛, 你的生命係上天賜俾你父母嘅, 你係咪可以話生無可戀? 你要孝順父母, 就要好好保養顧惜自己我身體。

你要睇開一點, 如果你覺得你仲想同佢一齊, 咪俾我一次機會佢囉, 不過你要提醒你自己, 如果佢再有下一次, 你就會離開佢, 平平靜靜有尊嚴咁離開, 路係佢自己揀嘅, 聽日嘅野有邊個會知? 可能佢真係以後都唔會再咁呢? 又或者佢會都唔奇, 你為咗佢攪到自己精神/情緒咁唔穩定, 真係值得咩? 你知唔知你身邊會有人為你痛心?! 你捨得嗎?

私人傳訊

半桶水

複式洋房

積分: 435

18^#

發表於 08-12-8 17:50 |只看該作者

簡直大話連篇,
唯一認同佢係會悶,會空虛寂寞.
所以夫妻分隔兩地就係易出問題,
只係樓主無做足心理準備,以致要生要死.

成件事有否想過導致佢膽生毛,
除大陸環境因素,樓主也有責任.
開到口只要唔講感情就同意佢去滾,
變相係攞正牌俾佢放膽去做((愛).
除左為自己帶來感染性病風險,
還會令丈夫越踩越深(上癮).
初則去滾,繼而要挑戰難度溝QQ女(想食免費餐).
仲明目張膽玩到去迪士尼(唔怕碰到親友).
樓主係丈夫心中根本全無底線.

至於擔心佢玩感情,這點我相信未必會,
qq女係邊類人(易上),
老手出得來玩又點會唔知.
溝qq女最終目的就係ml,玩完又再溝過件.

現時,唯一可做的就係要佢回港工作,
等佢偷食無咁易.
至於會否再次給予機會,
那就先睇他有否改變.

講到他的優點,
就是將收入用於家庭(顧家).
也就是這唯一優點,
才會建議樓主睇定先至作打算.