大仔大女媽媽會

收藏本版
發帖
返回列表
跳至頁

首頁
1

尾頁
   0
vicky_cheun


禁止訪問

積分: 13094

大廚勳章 畀面勳章


1#
發表於 09-9-26 13:59 |只看該作者
提示: 作者被禁止或刪除 內容自動屏蔽
私人傳訊

yennie


男爵府

積分: 7039

好媽媽勳章 畀面勳章


2#
發表於 09-9-26 19:30 |只看該作者
小食多餐
唔好成日畀飯
可以食下薯蓉（我兩個女超鐘意食！就算唔食餸，佢地都會齋食薯蓉）
同埋試下多d粉麵
睇下佢會唔會肯食多d？！

我大女以前都有咁嘅問題
我會成日同佢一齊煮飯
慢慢佢就鐘意自己整嘅野，會食多d
我大女到而家都係瘦（天生嘅...）
不過起碼佢會肯食下生果
瘦唔緊要，健康咪得囉~

我都唔會迫我個女食，迫佢食只會令佢更加厭食！所以我都係覺得順其自然囉...
私人傳訊

tungtsz


大宅

積分: 2183

好媽媽勳章


3#
發表於 09-10-1 05:37 |只看該作者
yennie :

我都抄你唔少菜單...哈哈

我都唔會餐餐食飯...薯蓉...烏冬...粉麵等等...仔仔18個月開始...如果正餐唔肯食...之後我就乜都唔會比佢食...只會比水/奶佢飲...都唔肯飲既話就由得佢...等佢知道唔食就會肚餓...到下一餐佢就會乖乖咁食...到而家21個月大...正餐有時真係會食少左...咁就會少食多餐...將正餐份量減少...餐與餐之間比少少芝士/生果/麵包/餅乾等等...

所以我唔會迫仔仔食嘢...因為仔仔而家知道佢唔食既後果...皆因佢亞媽我絕不心軟...

私人傳訊

vicky_cheun


禁止訪問

積分: 13094

大廚勳章 畀面勳章


4#
發表於 09-10-5 14:02 |只看該作者
提示: 作者被禁止或刪除 內容自動屏蔽
私人傳訊

姬原巧合B


別墅

積分: 790


5#
發表於 09-10-5 14:20 |只看該作者
唉.......我個仔同你個仔一樣, 咩都唔肯食, 呢2日病都更加唔食, 成日都淨係食唔知有無400ML奶, 我個仔呢排仲要成日嘔, 好多時都係食野卡住個喉嚨攪到嘔, 一係就含住唔吞, 又打又鬧都唔得, 而家攪到佢好似怕左食野, 我都唔知點算, 兒料同營養師己經由細個6個月開始見到大, 就係咩都唔肯食, 好似獎口既野唔食啦(好似薯蓉個D咁), 硬既野好易卡住喉嚨(半粒瑞士糖都會卡住), 一個星期因為咁都會嘔幾次, 迫又迫唔到佢食, 我都覺得好難攪........... 我真係好有衝動想將佢斬件放返入個肚度呀........
http://b1.lilypie.com/zOBSp8.png
私人傳訊

tungtsz


大宅

積分: 2183

好媽媽勳章


6#
發表於 09-10-5 16:36 |只看該作者
我仔仔好肯食, 唔知跟某D習慣/模式有無關, 跟大家分享下個人心得:

小朋友食飯既模式:

固定食飯時間 : 早/午/晚餐定時(不要給任何零食, 堅持要小朋友清楚知道唔食正餐就會乜都無得食, 唔好心軟一陣又比粒糖, 一陣又比粒餅...小朋友咁聰明, 知道就算唔食正餐, 都一定有其他零食, 咁就一定唔會同你合作)

固定食飯位置(屋企) : 我由仔仔6個月開始訓練佢只可以坐在hairchair才可以吃/喝, 如果佢扭計唔肯食要離開hairchair, 咁一切吃喝動作會停止, 唔會再有得食. 在餐館/外公婆家:吃喝也必須坐下才可以 (令小朋友知道坐在hairchair/坐下既時候係食飯時間, 一定要食左飯至可以做其他活動, 如果選擇唔食, 咁佢就要承擔肚餓既後果)

身體狀況/環境轉變, 小朋友都會食少左...試下轉換菜單, 比個新鮮感佢, 多D嘗試比佢自己揸住餐具自己食, 佢覺得好玩自然會肯食, 最緊要唔好怕煩+耐性.

便便唔正常, 小朋友更加唔想食, 因為條大腸已經好滿, 試下轉蔬果餐, 唔比肉+飯麵等飽肚既食物, 只比生果蔬菜等, 比多D纖維等小朋友容易便便, 之後再比番正常食物.

我自己既菜單必定2份蔬果+1份肉, 適量生果+水份...(到而家都唔會比仔仔食糖果, 無益+壞牙, 零食只會比生果, 乳酪, 芝士, 淨餅乾+淨麵包(無函既). 仲有就係仔仔越唔肯食既食物, 我會係佢最肚餓既時候煮比佢食, 等佢無選擇之餘亦無得偏食, 哈哈!

私人傳訊

姬原巧合B


別墅

積分: 790


7#
發表於 09-10-6 14:45 |只看該作者
朝早唔係我湊, 好難控制, 我個仔己經比我99就到成精啦, 食飯要追住黎餵, 我之前都係有你咁既理念, 但己經比我99打破晒啦, 同埋餓佢, 我地都試過, 佢真係唔食就唔食, 你無可能想像到一個2歲既小朋友可以6-7個鐘唔食野, 大人都未必得, 但我個仔就得囉, 就係咁先死
http://b1.lilypie.com/zOBSp8.png
私人傳訊

SEricsson


男爵府

積分: 6171

大廚勳章


8#
發表於 09-10-7 11:07 |只看該作者
其實會唔會係出大牙, 無乜謂口?

我仔以前好鍾意食飯, 開親飯就自己食晒一碗. 呢排好似無乜謂口, 食飯食一個鐘都仲係度玩. 零食佢都食下, 但又好似唔係好想食咁.

有日我發覺佢上面大牙後一個位有少少白色, 我諗應該準備出牙, 痛痛地所以無乜謂口. 不過我仔就鍾意飲湯, 我就俾多D佢飲. 煲D湯清下熱, 我諗會無咁痛.

我諗你仔都係病病地, 無乜謂口. 你唯有俾D耐性餵佢食. 如果佢習慣左唔食, 佢之後餓都唔會食. 因我有個伯父個女又係細細個食又得, 唔食又得. 大個左都係好排骨. 我大仔都瘦, 病時又係乜都唔肯食, 成日話唔餓. 我就煲D"搖柱"白粥佢食, 貪佢唔食咬, 餵佢食, 食多幾餐, 佢有返體力, 就食D清淡既飯餸. 煲多D湯水, 唔食飯都可以飲下湯. 湯水有益, 又易入口, 若果真係出牙, 佢都唔使咬咁多.

都明白你好辛苦. 睇見個仔咁瘦, 但俾佢又唔食, 好苦惱. 不過鍾唔鍾意食野, 有時都係天生, 無計. 努力餵下佢, 少食多餐, 睇下有無幫助.
私人傳訊

sze1977


別墅

積分: 754

畀面勳章


9#
發表於 09-10-9 12:39 |只看該作者
我有個意見呀....不如你試下比佢飲加營素? 我上次介紹左比個同事個仔飲, 佢飲完之後胃口好左, 同埋加營素都可以補充返佢d營養.
我個女都係由3個月開始厭食, 由一歲飲加營素到而家, 只係比佢朝早飲, 夜晚飲返本身果d奶粉. 所以你可以一試. 你可以打去加倍果度拎tester試下先, 佢肯飲既先買囉
私人傳訊

vicky_cheun


禁止訪問

積分: 13094

大廚勳章 畀面勳章


10#
發表於 09-10-12 00:05 |只看該作者
提示: 作者被禁止或刪除 內容自動屏蔽
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy