Baby Kingdom - 親子王國 香港 討論區 › 首頁 › 夫婦情感› 好唔開心，比d意見

夫婦情感

收藏本版
發帖
返回列表
跳至頁
好唔開心，比d意見 [複製鏈接]

首頁
1

尾頁
   0
jj032008


大宅

積分: 2350


1#
發表於 09-10-12 11:52 |只看該作者
我地兩公婆都要返工，平日bb係奶奶湊，奶奶算做對我同囡囡都好好，但係佢好多野我都不太認同，e.g.佢好鐘意認叻，又樣樣都要話晒事。

星期四晚開始，囡囡發高燒，因為照顧佢幾晚都冇乜點訓過，奶奶仲係咁話我地成日帶佢去街，攪到佢病，又話我屋企唔乾淨，聽到我好炆，又唔可以向奶奶發脾氣，同老公講，佢又話奶奶唔係咁諗，又話我唔信佢。

星期五放工見到囡囡塊面比蚊咬左兩粒(返工前帶佢去奶奶屋企時未有)。

尋日放假同囡囡去覆診，一早去左奶奶屋企，奶奶又係咁話我屋企唔乾淨，攪到囡囡塊面咬左兩粒咁大粒，已經好炆，返到屋企一坐上床，老公又係度ee哦哦，話我出完街唔乾淨，我就黑面對佢，之後佢冇啋過我，到宜家都仲嬲緊我。

我知咁對老公係我唔啱，我將對奶奶既不滿發左係佢身上，但係我真係好辛苦，囡囡病左大家都唔想，點解次次都推晒落我身上，我帶囡囡出街，佢自己都有帶，點解佢自己帶就好乾淨，我帶就一定唔乾淨，自問我屋企一定乾淨過佢屋企。

我唔係想佢話奶奶，但係點解次次我同佢講就係我有問題，我只係想佢知道我唔開心，佢反而就話埋我一份。

係咪真係我唔啱?奶奶既不是係咪根本唔應該提?係咪我eq低?老公唔采我，我應該氹番佢?

[ 本帖最後由 jj032008 於 09-10-12 12:26 編輯 ]
私人傳訊

jj032008


大宅

積分: 2350


2#
發表於 09-10-12 13:52 |只看該作者
有冇人可以幫下我
私人傳訊

SHIRLEYLAM330


男爵府

積分: 5909

畀面勳章


3#
發表於 09-10-12 14:02 |只看該作者
坤咗就算LA... ...
有問題出現, 就要去解決, 唔係追究/推卸責任 ~~講比佢地聽!!
私人傳訊

NicoleTszChing


大宅

積分: 2333


4#
發表於 09-10-12 14:08 |只看該作者
d99成日亂'合'當秘笈嫁啦.
聽完就算,
一於左耳入右耳出!

而且小朋友係好惹蚊,
你可以買支花露水,買個樽仔,
1(花露水):10(水)溝稀佢,
出街前噴o係小朋友d手手腳腳度,
就無咁易比蚊針.

99係你老公亞媽,如果你成日話佢不是,
你老公當然會唔高興啦.
就正如,如果我老公成日話我媽咪呢樣唔o岩o個樣唔好,
我都嬲嫁!
有時我99都會無啦啦講埋d唔好聽o既說話,
不過我唔會黑面,唔會講d咩,
淨係話:哦,係呀係呀........

返到屋企,我會講笑咁同老公講99頭先話咩咩咩......
哈哈!
我老公通常都會話佢亞媽'痴線'.

私人傳訊

jj032008


大宅

積分: 2350


5#
發表於 09-10-12 14:12 |只看該作者
我唔係想推卸責任，係呢件事上大家都有錯，我冇追究過囡囡係邊度染病/邊度比蚊蛟，我只係唔鐘意有乜野事錯既一定係我，我有同老公講過，佢話佢媽一定唔係咁諗，要我信佢，之後我再同佢講d乜，佢就一句話我唔信佢，仲嬲我。
私人傳訊

mywong


男爵府

積分: 9963

好媽媽勳章


6#
發表於 09-10-12 14:30 |只看該作者
d奶奶係咁架, 聽完就算, 你同老公講都冇用, 佢會覺得你話佢阿媽.

教你搵日放假, 晨咁早叫老公起身, 叫佢大掃除, 床下底, 衣柜頂, 越辛苦越叫佢做, 你話諗諗下覺得佢阿媽啱, 真係可能唔夠乾淨. 兩個星期一次. 做到佢怕.

結果佢阿媽再講你屋企唔乾淨
1. 佢一定出聲, 除非佢愛上大掃除.

2. 佢唔出聲就你同99講, 唔會唔乾淨啊,阿xx(你老公)已經個個星期大掃除, 又柜頂,又床底. 連星期日都冇得休息呀 陰公.

佢阿媽聽到一定唔會再出聲, 話個新抱就做死個仔.

你老公又唔會因為你話佢阿媽而嬲你.

私人傳訊

juicypig


珍珠宮

積分: 30278

環保接龍勳章 hashtag影視迷勳章


7#
發表於 09-10-12 16:25 |只看該作者
Good Ideas
原帖由 mywong 於 09-10-12 14:30 發表
d奶奶係咁架, 聽完就算, 你同老公講都冇用, 佢會覺得你話佢阿媽.

教你搵日放假, 晨咁早叫老公起身, 叫佢大掃除, 床下底, 衣柜頂, 越辛苦越叫佢做, 你話諗諗下覺得佢阿媽啱, 真係可能唔夠乾淨. 兩個星期一次. 做到 ...
一個人之所以快樂,不是因為她擁有得多, 而是因為她計較得少
私人傳訊

JJBB2


複式洋房

積分: 140


8#
發表於 09-10-12 20:39 |只看該作者
你99話你? Or 連你老公都話? 而且咩叫話先? 係咪真係指住你來話?

有時d 老人家, 係會認叻架啦! 無計架! 因為要係你地心目中攞個地位! 佢咁講可能只係想認下叻! 何況有時出o左問題, 大家都唔想見, 講句o野呻下, 目的都唔想你話係佢問題!


而且你有無聽你老公點同佢講呀? 係咪同佢一齊話你錯?

做人既o野要相處唔係下下斤斤計較, 係你錯又點, 唔係你錯又點? 你都有做99既時候, 你估你又會唔會咁啦? 到時你新抱都可能有好多o野你睇唔慣架! 但佢又覺得無問題!


做老公既要balance 相方面, 對佢亞媽通常都會為你講下好話, 對住你咪又會講下佢好話! 你話佢, 佢幫佢亞媽, 佢亞媽話你咪又幫你講好話, 唔通睇住你死咩! 你衰o左, 佢都唔會有好日子過啦!


而且, 我覺得你都有問題, 下下話人地話你, 好似你99同你老公都話你, 成個屋企無個好人咁! 你老公係你選擇既, 佢係咪你講咁既人, 你應該最清楚!

咁你99係佢亞媽, 咁佢了解佢多d又係真既! 佢同你咁講, 就算唔係真, 都係想講下好話! 你咁懷疑你老公..... 你老公咪好慘! 講真你又唔信, 幫你講好話又比你話!

而且, 你老公佢受o左氣無你又知唔知呢? 做男人有時都好慘既, 係亞媽o個面受o左氣又唔敢同你講, 你發佢脾氣佢又唔會同佢亞媽講架! 受o左d 氣咪又自己受! 然後仲要同你地講好話! 真係陰公!
私人傳訊

Nancy20090615


瑪瑙宮

積分: 136283


9#
發表於 09-10-12 23:25 |只看該作者
您地大家都無錯, 係太緊張個 bb . 細路一定惹蚊, 我個仔細個成日一咬到一舊舊, 有少少心痛, 但我無怪幫我湊o個個喎, d 蚊係要飛埋黎咬都無法子假. 預備防蚊膏, 蚊貼囉, 好似有 d 防蚊浴露. 大家意見唔啱, 一人少句唔好煩, 奶奶一定無得頂咀, 佢講您咪哦哦哦, 何必動真氣呢.
私人傳訊

jj032008


大宅

積分: 2350


10#
發表於 09-10-13 14:33 |只看該作者
做人公平D好，我一開始都話99對我好好，我冇話過成屋冇個好人，我只係針對呢件事，唔係對人。

我唔係想話99，我只係覺得99話新抱，做仔既最多講兩句，會唔會嬲個阿媽?
新抱受左氣，已經冇係99面前黑面，點解連揾個人呻下都唔得?老公唔聽佢講，谷埋谷埋仲大鑊。

99一句冇心話，新抱就唔可以唔開心?明知冇心又點，係咪就連講下都唔得，咁我冇心打你一下，你係咪唔會痛。
咁老婆都係頂唔順，冇心發左少少脾氣，仲SAY埋SORRY，點解就足以嬲幾日，當佢透明?

斤斤計較果個唔係我，我原本講完就算，只係唔明點解會變左透明。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見