吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 各位"老公證實/懷疑不忠"的姊妹...入來睇左先, 先了解自 ...

夫婦情感今日: 4|主題: 42783

收藏本版

發帖

返回列表

跳至頁

查看: 3195 | 回覆: 19

各位"老公證實/懷疑不忠"的姊妹...入來睇左先, 先了解自己多d同環境 [複製鏈接]

chickchick

男爵府

積分: 6387

1^#

發表於 05-2-26 14:57 |只看該作者

各位"老公證實/懷疑不忠"的姊妹...入來睇左先, 先了解自己多d同環境多d, 才會有上上之策!

我得閒無野做...除了去"想生bb"個版..都會上來呢版...

日日睇一d....我都睇晒全部topic....我係呢版真係好少發言, 因為一家唔知一家事...但我卻睇到...一些好細微但重要的事...
我都係過來人(雖然經歷個時未結婚)...我發覺我地每個媽媽面對"不忠"的情況都有好多共通點....但好多時自己行錯左棋,自己唔知...或者我地個個好想幫大家..於是你一句我一句...好的point都會忽略了....

我有些意見和經驗想發表....希望大家發表下意見....

私人傳訊

finger

男爵府

積分: 9521

醒目開學勳章畀面勳章

2^#

發表於 05-2-26 15:11 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才? />

http://jackylau.com/FreePhoto/PhotoData/U0047102.gif

私人傳訊

chickchick

男爵府

積分: 6387

3^#

發表於 05-2-26 15:57 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

知己知彼<第一章>

好多topic裡...媽媽都會講話佢仲好愛佢老公....又或者自己的丈夫不忠了,但又話其實老公仲係愛自己的....又或者問受傷的媽媽其實愛不愛老公丫? 愛就繼續等的說話...
唉~這個想法,其實係令到自己面對"不忠"的情況拿不定主意...時間越耐,自己越傷...

我的角度..我認同愛係無一個definition..mud先叫愛..愛係一種感覺....愛亦都係自私的....我相信我地個個結了婚的媽媽都會認同。
但愛係體現在現實的生活...所以會有"要愛情,亦需要麵包"的想法....
又..拍拖時和結婚後和有bb後的感覺係唔同了...個個都會舉腳讚同....
在被背叛(老公不忠)的情況下....我地所謂'愛"的定義...就一定要 -- 知己(點愛先?) 知彼(老公咁既表現算愛麼?)

作為已婚女人...."家"係她的人生..."老公"係她的好伙伴,不愁孤獨..."仔女"係強化劑,另婚姻更堅固...."姑家外家"只是家對上的分枝吧..."第三者"並非誘惑,而是天災...
至於面對著不忠時...所謂"我仲好愛我老工"就係-----
1. 夾雜多年經歷,回憶,即所謂我地口頭講個句: "都咁多年..都好厚感情....無話放低就放低(我真係好唔捨得)"
2. 一個多年好伙伴的離開...令我地頓時方寸大亂..."家"就散的危機衝擊著我地所謂的漫長人生...不想改變的好老婆好媽媽就會講..好愛..."愛"就是愛我地自己的人生,不是一個人(老公)咁簡單了...反映於現實時...即所謂我地口頭講個句: "佢走了...就唔再供養我地..點算呀..我一個人攪唔惦..仲有個bb...."
3. "第三者"的出現...我地第一個反應係"奸角"...但自己其實暗裡一早明白"牛唔飲水..唔噤得牛頭低"的道理,默認自己的老公都係衰...其實如果"第三者"係天災..."老公"就係人禍罷...正正因為我地心照...見老公對第三者好....自己就會心酸酸的...妒忌..心中很希望"人禍"可以避免..所以極力挽留老公....這個表現令我地潛移默化地覺得我地仲"好愛"老公....
4. "仔女"係兩個人愛的見證...當我地明白真愛將會流逝時, 就會極力挽著仔女....留一個憑據。我地真心的愛我地的小朋友...但"仔女"在不忠的老公心中..想法並不如我們一樣...何況"仔女"係強化劑...不是接合劑....他們不可能令老公回心轉意...明白嗎? 如一隻紙鳶...用竹筏(仔女)去承托一隻破爛的紙張(兩夫妻)..能起飛嗎?
5. 我地以為有家姑...有長輩的支持嗎? 我地還覺得"愛"係覺得這一線的生機...."婆家姑家"係我們的樹幹..唉...我們大概得到他們的支持吧...傻啦...老公係...我地唔係...我地只是樹幹和分支上的一個退了色的蝴蝶結...所以反映於現實時...即所謂我地口頭講個句: "個仔係佢生的...點會唔幫自己個仔丫~~" 不過我們在尚未能蛻變成為一隻會飛的快樂蝴蝶前..我們仍然會留戀, 去"愛" 那棵樹幹和分支.....不要讓自己那條絲帶蝴蝶結給人丟到地上去....

我會再續寫....老公咁樣..又算愛嗎? 我地應點做好???

私人傳訊

chickchick

男爵府

積分: 6387

4^#

發表於 05-2-26 16:36 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

知己知彼<第二章>

作為不忠的老公...."家"仍然係他的人生..."老婆"係他的好伙伴,不愁孤獨..."仔女"係試劑,想爭有就有, 無都無所謂..試下姐...."姑家外家"只是局外人吧..."第三者"並非誘惑,亦是天災...
至於面對著不忠時...所謂"我仲好愛我老婆,但無感覺"就係-----

1. 夾雜多年經歷,回憶,即所謂佢地口頭講個句: "都咁多年..都好厚感情....無話放低就放低(我真係好唔捨得,但無計)"

2. 要離開一個多年好伙伴的...令自己頓時方寸大亂,唔知點去say-goodbye..."家"點散法的危機衝擊著佢地所謂的漫長人生...好想改變或已改變的老公或爸爸就會講..好愛,但無感覺唔ok..."愛" 就是愛佢地自己的人生(沒有內疚的人生),不是一個人(老婆)咁簡單了...反映於現實時...即所謂佢地口頭講個句: "佢走了...但會繼續供養你地(唔會多囉)..點算呀..我一個人攪唔惦就未必喇...."

3. "第三者"的出現...佢地第一個反應係"閒角"...但自己其實暗裡一早明白"牛唔飲水..唔噤得牛頭低"的道理,默認自己都係衰...其實如果 "第三者"係天災..."老公"就係人禍罷...正正因為佢地心照...老公對第三者好....自己就會內疚的...心中係~~係很希望"人禍"可以避免..所以極力話會挽留一段婚姻....這個表現令我地潛移默化地覺得老公仲"好愛"我地....老公知我地的要害..就會自己都覺2個女人佢都愛, 咁就係我地成日聽到佢地講個句: "我對你的愛同我對個女人的愛係唔同.....(下刪數百千佢地形容佢同第三者關係的形容詞)"

講真....唉~~海蕭來了...唔榻都爛啦...d屋..點補救點挽留呀! 吹水~~~佢地自己唔預防工作...無人幫到佢地

4. "仔女"係兩個人愛的見證...當佢地明白真愛將會流逝時, 就會明白過左去的見證....並不會保證將來美滿婚姻一個憑據。"仔女"在不忠的老公心中..想法並不如我們一樣...何況"仔女"係試劑...不是接合劑....他們不可能令老公回心轉意...明白嗎? 如一隻紙鳶...用竹筏(仔女)去承托一隻破爛的紙張(兩夫妻)..能起飛嗎?或許...紙就唔會要喇...d竹筏留得就留啦..如果再整過第二隻紙鳶時(同個女人)..d紙(個女人)唔介意d竹仔係用過的啦....都係試下咋~~~

5. 佢地以為有家姑...有長輩的支持嗎? 佢地還覺得"愛"係覺得"婆家姑家"係他們的樹幹..唉...佢地大概得到他們的支持吧...傻啦...老公係愛, 愛d樹咋...唔係愛樹上的蝴蝶結(我地)... 老婆只是樹幹和分支上的一個退了色的蝴蝶結...所以反映於現實時..佢地孝順...就會換過d新蝴蝶結上去...有就得啦...唔會出現真空期就ok....即所謂佢地口頭講個句: "我呀媽唔中意你..(籍口)~~" 不過他們在尚未能換過一隻會新的靚d的蝴蝶結前..他們仍然會留戀, 去"愛" 那棵樹幹和分支.....不會讓自己丟那條絲帶蝴蝶結到地上去....亦不會比佢自己變成更靚的蝴蝶飛走......無面嘛~~

講到呢到....如果你地細心想想....就會覺得和我地曾經歷過或經歷緊的...好相似......

我地要點做..先會係行出正確的一步?? 我想分享下我3年前..的對上8年所經歷的事......

我先講明...我現時的老公不是那個不忠的男朋友...老公係一個好好先生....但...分手到現在...那個"男朋友"卻對我念念不忘...他現時的感情生活係有,但明白邊個好...等等的東西...
我打呢場仗...比你地打得耐...我覺得我最終得到勝利..不只係我有一個好老公..而是得到承認...我係比他身邊出現過的女人好...比佢現任的未婚女友優勝....

我係希望各位唔好絕望....自信和快樂幸福終會有來臨的一天....

待續

私人傳訊

已刪除用戶

已刪除用户

積分: 846

5^#

發表於 05-2-26 17:01 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才? />

私人傳訊

chickchick

男爵府

積分: 6387

6^#

發表於 05-2-26 17:27 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

愛與感覺....<三>

續上...女人個刻的愛, 面對不忠的老公時..或者老公所謂的"愛"..其實已經被很多現實的限制"規範化"了....那不是愛...
跟本可以不理...不必去猜疑係唔係...跟本唔係.....

"愛"係一份感覺......我唯一認同男人講的...就係無感覺..就不可能係一起...一起都唔會開心...但要幾時先醒過來知道呢? 呢d好個人化的....我...我係8年.....

我8年來犯過晒大部分的錯步...但我學曉點同佢玩這個遊戲...

我點錯..點改..點變精...我會point to point講下....
我由識個衰人,中五開始...我好天真...好開心...第一年尾..佢比我發現佢與個ex-gf一齊....短短數日我就知.....我無嘈..我喊姐..話叫佢自己想清楚(個時佢大我兩年)...我都係比佢自己想..因為我對自己有信心......好..無問題...無事...
==>各位...要發現得早...先有著數....唔好拖..唔好忍...(如果你地可行的話~)

但..往後1年..就多了疑心..開始辛苦...佢上大學..見多識多了...佢就去ball追女仔....又比我知道...成日話唔得閒...我點會信? 佢同我解釋:
其實個解釋同一個媽媽話勁驚野到淋病,因為老公去大陸口交..野返來....話貪過癮....
佢給了我一個理論: "不同的女仔,有不同的性格, 不同的性格, 有不同的追女方法...我就想追不同的女仔,去得到從中的成功感....."
天呀??? 我當時覺得好荒謬...但都原諒佢....個原因同某d媽咪話:好唔好比多次機會佢一樣.....
我覺得佢未定性..等下啦..應該ok的..佢又無話對我差...都有買野同我去街...不過就係心不在咦....
我的friend都話唔好啦..離開佢啦...一次...就有下次...定性?幾時呀? (同好多媽媽上bk比的意見一樣...)

好..我無聽..我靠自己...再一齊....但我更加敏感了...開心-唔開心-開心-唔開心...一個cycle又一個cycle....相安是無事..
我上到U...我住HALL, 叫埋佢來住(佢係year 3了), 打算睇實佢....但佢竟然同做project的同學攪埋...女的同bf分手....咁佢覺得係時後要同我講...就bump一聲同我講分手...
我實黐啦....我再無咁冷靜...做唔到, 要佢分手..同佢講道理..佢話同我無感覺...不可一齊.....我話有感情..佢話感情唔可以成為一齊的推動力....
(所以我所講過..男人..留..係感覺..唔係感情...感覺係真正的愛, 感情唔係呀....)

我唔放手...我同friend講...衰人覺得無面.....我feel到我被扣分...即刻收口...但...唉~~加番分要時間..分分中無得加...
我變得好平靜..來的來..來就盡量比佢覺得我的存在係佢心中有d價值,要佢欣賞..我係獨特的..無人會同我一樣...
後來..我講了一句說話(佢話係我點醒佢) : "如果個女人,你係可以隨時隨地都找到一個差不多....呢個唔會成為你的女朋友, 只是朋友罷..."
佢想過..我係比到一d其他人比唔到佢的warm....而佢又珍惜的..佢自己返來我的身邊.....

==>各位..如果你地唔知點做..點可以留佢...想話佢, 或用輿論pressure....sorry! 對大男人..係=自掘生地...自己訓去落去...所以我欣賞有d姊妹教大家唔可開口講比上一輩或朋友聽.....真的..對方會點做..;老公會點想...無人sure...我地無咁既必要去冒呢個險.....
:wink:

再一齊...3個月都無......點呢?
我再post

私人傳訊

chickchick

男爵府

積分: 6387

7^#

發表於 05-2-26 17:56 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

同你鬥智鬥耐力 <四>

個衰人變精了...上次係ready好要走..先同我講..我自己都唔知...就好似以前的post一樣..有媽媽話個老公突然走了...死話無第三者...後來自己發現..好hurt... d媽咪教佢..話佢聽係個死人頭另一邊未追到手..未ready先會話唔知..唔講...唔想講...問極都話自己唔知想點.....唉~~男人唔會唔知自己想點架....愛你就會同你一齊啦..當初...佢而家話分開..咁簡單的logic都唔識?
IF A, THEN B; IF NOT B, THEN NOT A
呢個係個個讀science和所以理論的基礎.......

不過個時..我真係好蠢..無將我所讀的野...應用係呢方面...我年年讀書考第一...大學first hon畢業...如果你地有去其他版, 就知我係做mud行...而家....

唉~~3個月後..我自己一個讀u..佢做野..有男仔追我..我醒覺下..係唔係時間要走..我對佢無mud信心...我真係走....
個衰佬顛了...死追我返來...喊苦喊忽.......糾纏了9個月...我真的返去佢身邊...佢話想我有安全感..話同我訂婚 (我無...我無promise佢), 剩係見佢有誠意..算了.....

==>各位...見啦....有d媽媽會問...第三者係唔係同事或幫得到個老公手架??? 係有point的.....
我幫得佢手...佢更係重視我啦....換轉第三者係幫得手...佢都會走..或者唔捨得同佢分手呀!!!!

我最後一年u....佢攪生意...我幫得佢手...錫到我儂.....我以為我應該好順利.....但當我一畢業...工作..佢無再攪公司, 話要出來工作學多d野先..好...比你去啦....我頂~~~一去新公司 4個week唔夠..識了個佢話: 見好到佢就好似見到自己的女仔..好match.....!!!!!!!!! 佢開頭無比我知..但我見佢真係180度的對我降溫....我feel到啦.....唉~~
==>當我地降低介備時..又咁arm有佢地的target..又會去的啦......睇緊d喇~~ 如果你地選擇唔放手....我個時蠢了~~

後來...我踢爆佢..佢死話普通朋友....但你地知嗎??? 佢是當時的行為...同我地bk媽媽所講的....簡直係餅印一樣:
"多mail..但刻意delete,其實自己再開過一個新mail acct 收mail"
"sms就save低..唔舍得delete"
"電話...照係我面前講..講都當我無到"
"dodo呢? 竟然同我照舊"
"wallet的野..竟然比我發現有個女人比佢的相...." 我問佢點解釋..佢話人地比....

唉~~同我地d媽咪話...有女人叫自己老公做老公...有女人send message,老公話人地一箱情願,自己又要save低...有mud野分別呀!!!!!!!

我個時..都會聽完個解釋.好angry..但死死氣氣忍.....

我忍忍下到2個月......發生了d mud野???

代續..係戲肉

私人傳訊

chickchick

男爵府

積分: 6387

8^#

發表於 05-2-26 18:19 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

你要走...得..留低d野比我...睇你點走..<五>

2個月..我忍忍忍.......

突然個cheap友攪大了人地個肚...我頂~~話要走.....
我聽到...顛啦~~~(個時早未識個女人前1個月先話我地要結婚....樓..連票都入了.係樓花..3個月姐..都未係要真係比訂金)
我傻了..我覺得太過份...個時..我真係feel到我留佢唔住..因為人地有了bb.....唉~~
==> 我睇過有個bk媽媽話...勁驚個老公的女人有來bb就會同佢講離婚..無得救...仲要咁同老公講...老公就話:唉~你無得救喇...個媽媽應該係找了社工同老公一妻3口6面傾過下...點解決的.....

個時...我點都唔會放手...就係因為我所謂的"愛"...妒忌嘛....
我精神開始有問題.....但我尚叫識計數....就好似有d媽媽教我地.......走? 得....家用,bb錢...供樓....唔該照比..趁佢比得出又仲願比個時.....等佢無咁多錢貼女人........
==> 我高度推介...要極力爭取......好work的!!!!!!!!!

我個時連婚都未結..點算? 我個時話我精神好差..唔想返屋企...唔想比屋企人知 (佢要面..係佢衰嘛! :mrgreen: ), 我話我想搬出來住.....佢怕我會做傻事....所以3日內租了間2房550尺.....係灣仔...10年的樓....(唔舊架~~同一般10年的單棟物業一樣...) 空屋一間....即時買傢俱..電器...佢仲好投入咁揀佢中意的添...瞞住個邊的女人.....上期安金每月租..傢俱電氣佢比$.....我個時留唔住佢個心..但hold死佢每月的金.....

唉~~ ==> 男人mud野心態? $$可以settle女人的problem..佢地真係咁想.....所以我地有$,唔好唔要...個時我一個月2萬自己做工..我都要佢比屋我住呀!!!!

當然佢得閒上下來...比個chance佢享受下家庭warm..我可能加d分...佢會回心轉意呢....

結果? 有好有唔好...大家要自己衡量下.....

私人傳訊

chickchick

男爵府

積分: 6387

9^#

發表於 05-2-26 18:41 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

拿佢4萬的投資...換來我的精神失常 <六>

搬入去...先洗佢4萬..再每個月比7500我交租......

我就傻下傻下...返完工..就等等等佢某一天會突然上來探我...
唉~~點會丫..我就好似bk媽媽咁...係間屋度..對住4幅牆....

佢比$我...有時覺得同包起我無分別....但練佢一半人工...我個心就好過d....正因為我個邊..佢洗濕個頭....佢自己亦無打算同個女人結婚住...就叫了個女的落了個bb......個女人都係無打算咁快認定佢係對像.....

==>所以,如果有媽咪驚第三者有了bb..老公唔要你...睇定d...個choice係你老公度..就算女人要迫..都係無用....我好欣賞各位講個句....."牛唔飲水唔禁得牛頭低".....真架!!! 知有自己最清楚老公點想....對自己的feeling有d信心啦....! :wink:

當然我唔會就咁磨係間屋度....我洗盡辦法令個女人知個男人租間屋比我住..仲同我有時住埋一齊....
最後...有次..個女人上來踢竇.......終於比我等到今日喇....

==> 如果媽媽驚有呢一日..因為你地會驚見到個女人上來而搬出去住...千祈唔好搬呀!!! 死守...望都望到個女的忍唔住要上來.......但...

千祈唔好同佢嘈.....佢點..由得佢...即刻urgent call個男人..喊晒話好驚...好hurt....加分? 我唔知有無...但個女人扣分..就一定......同佢嘈, 無用的.....講得贏...男唔會返來...講輸了...男的未必走硬......

自個次....衰人對我好番dd...但我的精神狀態已經差到要看中環的精神科醫生....一齊又唔似一齊...女人個邊..又係....
我一路守...唔係忍....我覺得到個個地部....我知, 忍, 都係咁...唔忍, 又做得d mud野丫~~

自私d...睇醫生..醫生幫下自己..自己又幫下自己.....拿個緩衝期....自己起番身啦......但唔好比機會佢番身囉....錢?照食佢......可能同一時間..佢自己都會自己想下...佢其實想同一個mud野人一齊....但我無再迫過佢.....

一日又一日.....唉~~ 講了咁多...咁就8年.....
最後..我點???

私人傳訊

chickchick

男爵府

積分: 6387

10^#

發表於 05-2-26 19:06 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

感覺失去後...蝴蝶結變成了真蝴蝶飛走了.<終>

個段時間..我不斷工作.....但都會放佢係重要的位置....
但很奇怪...想他..係有...如果他唔多理我..我無過份的失落....

我feel到...原來真係有d野係佢無出現時,能夠代替到佢....
後來,我再思考下....其實..感覺..係相向的....愛係一樣...

以前我所有的發顛..喊....自殺...(我真係有..直頭系佢面前, 佢禁住我..所以無事)...話好愛呢個人....其實唔係愛lu.....
係如我第一編所講...有d野要離開,要改變, 我地所不免的自然反應姐.....所以我地個個bk靚媽咪...如有呢個問題都會這種感覺......

只有相向的....你來..我往....的感覺..."愛"呢樣野先會繼續..keep住咁落去.....好似街上我地見到的老公公老婆婆....
真係唔關時間的長短事呀!

咁關d mud野事??? 係關乎....2個人一齊個一刻..真係一刻一刻的計......我地點樣去處理"你來我往"的溝通....
個個人的方法...題材...次數...經歷都唔同...有深亦有淺....

所以....我睇完呢個版的message.....我真的好開心...見到有d媽媽問了一個問題...: "其實2個人都有問題出現...會唔會你地唔察覺呀....2個人分開..2個都有責任啊~~"

我就係8年...醒覺到..一直都處理唔好"你來我往"的問題....
個衰人係花心...未必代表佢reject我..去同我繼續"你來我往"的方式去愛我....但面對一個不可改變的事實(佢系衰格), 我又有無深入去睇下...我所用的"你來我往"的形式..適唔適合套用我個刻揀了的對象呢? 可能我自己都無真正的解決過呢個問題.....

個時...我發覺..真的連..佢唔多"來"...有"來"....我都無mud mood去"往"既時間...我自己自己真係起碼放得低..一大大半......
之後...我老公追我...我好坦白講出我8年來的事....和我的精神狀態....老公決定追我....追我大半年..."你來我往"下啦...

我發覺..對住老公呢個人..我不需要特別去改變我心中所想的"你來我往"的方式....好舒服好開心....拍了9個月就已經結了婚....

希望大家如果遇到"不忠"所帶來的唔開心....記住...認清自己想點....現時所面對的情況係點....先可以保護自己....

私人傳訊

chickchick

男爵府

積分: 6387

11^#

發表於 05-2-26 19:17 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

點解我會勝利....<小記>

我離開...他很驚訝....
當我一步一步的遠離..原來佢在反省....

可惜太遲....

佢留我...叫我悔婚...話佢會改....到而家叫我離婚..哈哈....
佢知我結婚..佢就求其找到一個會照顧佢的女友..又學人話結婚...話結話結...由2003講話2004會結...到2004話2005結....2005喇..上次佢打來..我口痕問佢..佢話或者下年啦....

佢常常同我講....我無好好真惜你..我好後悔...
我以為我而家找到一個我最愛的...
但又發覺..同你的不同...你先係最能夠包容到我.....

佢承諾有mud野事會照顧我...哈哈..我聽下都好開心的...
咪當拿個彩囉....
佢個保單..都係寫我個名...仲供緊...佢show了個document比我睇....
佢會呃個女友去見我...我當然唔會去..但佢為你咁做...

咁多年..我而家過的開心...又見到佢對你咁..但佢死性講大話都未改....我係唔係應該好開心?
因為我無睇錯人....佢仲係咁"不忠"呀.....哈哈!!!

私人傳訊

suetmark

民房

積分: 109

12^#

發表於 05-2-27 02:13 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

精彩的經歷,我欣賞你

私人傳訊

細菌小子

複式洋房

積分: 339

13^#

發表於 05-2-27 04:30 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

今日因, 明日果喎
明日的果你可用今日的因去創造喎

私人傳訊

DoReMi媽媽

象牙宮

積分: 235488

馬年勳章 2026勳章母親節2025勳章 2025勳章蛇年勳章 2018復活節勳章醒目開學勳章 15週年勳章親子王國15週年勳章

14^#

發表於 05-2-27 10:55 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

是很精彩, 但太疲憊了, 愛得這麼苦~我寧願放棄, 可能是我愛得不夠深吧!

私人傳訊

DorothyBBB

別墅

積分: 633

15^#

發表於 05-2-27 20:57 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

我相信愛的反面就是恨,正如你的前度男友種的果一樣,
女人要恨你的時候,你要小心.....

Our Baby is 2 years old

私人傳訊

xellos

大宅

積分: 1587

16^#

發表於 05-2-28 18:25 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

chickchick

我很欣賞你那麼用心去愛，但很倦...也可能因為這樣才會心死。我的初戀也使我很惓，不過沒你那樣精彩。

我喜歡你以下那兩句，一點便明：

話好愛呢個人....其實唔係愛lu.....
係如我第一編所講...有d野要離開,要改變, 我地所不免的自然反應姐.....

只有相向的....你來..我往....的感覺..."愛"呢樣野先會繼續..keep住咁落去.....好似街上我地見到的老公公老婆婆....
真係唔關時間的長短事呀!

人作不出決定只因”習慣性”和”經濟能力”問題，如果只是自己一個，當然是沒問題，如果要我帶著兩個小朋友走，我都需要有些時間去ready，希望不要有這一天

讀書只係人生一部份,
孩子有良好心理質數, 才可勇往直前。

私人傳訊

阿包子

別墅

積分: 646

17^#

發表於 05-2-28 23:36 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

唔好意思.....我都試過好用心去睇
但睇完呢一大堆野.....都唔係好明到底 chickchick 想講d 咩? ?-( ?-( ?-( ?-( ?-(

其實每人到唔同事都會有唔同的反應唔同的做法!
一段感情結果好唔好.過左去都係一個回憶.
都係人生一個寶貴經驗je!

愛情:擋不住,追不回!

大家好!~~~我是阿包子~~~ 阿包子個阿~~~ 阿包子個包~~~ 阿包子個子~~~ 謝謝~~~ ;-) ;-) ;-) ;-) ;-) ;-) ;-) ;-) ;-)

私人傳訊

FPAPA

洋房

積分: 76

18^#

發表於 05-3-1 10:24 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

Chickchick,

Very good. Thanks!
It's worth to share to all couples with problems.

FPAPA

私人傳訊

東京mewmew

大宅

積分: 2072

19^#

發表於 05-3-1 16:18 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

阿包子寫道:
唔好意思.....我都試過好用心去睇
但睇完呢一大堆野.....都唔係好明到底 chickchick 想講d 咩? ?-( ?-( ?-( ?-( ?-(

其實每人到唔同事都會有唔同的反應唔同的做法!
一段感情結果好唔好.過左去都係一個回憶.
都係人生一個寶貴經驗je!

愛情:擋不住,追不回!

我都有少少唔明, 但係chickchick咁講, 其實係指如果有物野事, 都要學習放手, 是嗎?

私人傳訊

chickchick

男爵府

積分: 6387

20^#

發表於 05-3-1 18:06 |只看該作者

Re: 各位"老公證實/懷疑不忠"的姊妹...入來睇左先, 先了解自己多d同環境多d, 才�

hi, 我係chickchick....

其實我所講的情況....係我個衰人ex-bf咁多年來的表現...真係結集了好多媽咪所講老公不忠的情況....

如果媽咪都有類似的經歷, 多數都會明白我講mud...
我所講的,係我每當遇到咁既問題時,我做了d mud野去面對...
初初幾年所做的...都係錯...所以要捱咁耐...捱得多..精神就出現問題....
後來個幾年..我學精了...亦都識得為自己打算下...放手...做了正確的事.....

我post出來..就係想d媽咪睇下..如果老公的情況,同我某一段時間面對的係一樣...我所做的反應其實得出來的結果會係咁...睇睇媽媽係唔係想要咁既結果呢? 亦都show出我以前所做的都唔可以解決個問題...

自己想得一個mud野的結果,一定要先想出來先....然後先好想下一部要點做....咁先係叫對自己好一d.....
好多媽咪都好苦惱...唔知點做...只顧想下如果咁做...老公會唔會無得返轉頭..迫走個老公....
唉~~老公點想, 我地控制唔到...我地應該學習點樣去做一d野為自己好......

明嗎? 我的遭遇...可以是一個借鏡....