Baby Kingdom - 親子王國 香港 討論區 › 首頁 › 母乳餵哺› 餵人奶好累....

母乳餵哺

收藏本版
回覆 發帖
返回列表
跳至頁
餵人奶好累.... [複製鏈接]

首頁
123

尾頁
   0
busiuhk


大宅

積分: 1090


1#
發表於 09-6-2 17:39 |只看該作者
BB出世半個月，現在全人奶，埋身餵，但係佢食一陣又瞓，但擺落床佢又喊，成日好似同佢搏鬥咁，我好累，好辛苦......

佢鼻孔成日塞，可能影響佢食奶，又發忟憎，幫佢通完一陣又係咁.....

我可以點.....實在太累，人地話餵人奶可以享受同ＢＢ之間的親密感，但我感受不到，餵奶只係滿足佢既需要......
私人傳訊回覆 引用

surpriseBB


別墅

積分: 505


2#
發表於 09-6-2 19:06 |只看該作者
我都有同感, 囡囡剛1個月,都係唔定時. 其實有想過放棄, 但又知母乳對bb好. 再加上bb又重得好, 於是話俾自己聽捱得一日得一日啦!
私人傳訊回覆 引用

幸福黃太太


公爵府

積分: 28558

分享愛


3#
發表於 09-6-2 19:40 |只看該作者
唔好放棄呀~
初初係辛苦d, 我之前同bb轉埋身餵 (初初係泵奶) 又係成個下午同佢好似連體嬰咁痴住冇放低, 試過放棄過n次之後, 係bb 2個月大終於成功轉左埋身, 而家輕鬆好多, bb一日食6次, 每次10-20min,真係方便過開奶粉呀~

加油呀!!
私人傳訊回覆 引用

Rubybear490


禁止訪問

積分: 1348


4#
發表於 09-6-2 19:40 |只看該作者
提示: 作者被禁止或刪除 內容自動屏蔽
私人傳訊回覆 引用

SSYBaby


複式洋房

積分: 158


5#
發表於 09-6-3 00:20 |只看該作者
加油呀!唔好放棄呀!到你見倒你bb健健康康你就會覺得咩都值得,我係窮媽媽,同埋初初有病,做唔倒埋身餵,由出世到bb依家六個月,我都係pump出黎,每日都係pump倒一至兩餐,所以我好羡慕全人奶媽媽,lee度有好多媽媽支持你架!!!
私人傳訊回覆 引用

yanlongma


男爵府

積分: 5016


6#
發表於 09-6-3 10:37 |只看該作者
樓主，
明白呀！第一個月真係想死呀。極度缺乏睡眠+hormones的大上大落+一隻攞人命的bb，真的是挑戰人類極限！
我自己都試過炆到掟呀仔落床！

但請相信我地呢班奶媽，你的堅持是值得的，因為開始的時間是最困難的，前面的路只會越走越順。

實際的建議：
1)盡量唔好俾bb食住瞓。方法：俾bb著少件衫(無咁暖就唔會咁易瞓)、濕毛巾抹面、掃風、換片、餵另一邊等。一定要佢正正經經食。
2)照顧好自己。餵完奶，盡量爭取時間瞓，瞓得五分鐘就五分鐘。
3)食得好，飲得夠。
4)盡量謝絕親友探訪。
5)太累可以試下瞓低餵，可在兩個knee中間打橫夾一個pillow，自己就無咁易瞓落呀b度。

老實說，我自己第一、二個月都感受唔到同bb的bonding，淨係感覺到自己行屍走肉(因為真的太累)。
但請相信我，過左呢兩個月，到bb食奶食得叻d，你就會好慶幸自己當初無放棄！而且，我只聽過人說後悔無餵人奶，但就從來未聽過有人會後悔堅持餵人奶。

唔相？？你可以試下架！
私人傳訊回覆 引用

kiki.kiki


珍珠宮

積分: 49031

醒目開學勳章 環保接龍勳章


7#
發表於 09-6-3 10:54 |只看該作者
努力呀, 我捱過咗頭3個月先好D咋, 而家阿仔全人奶(多數埋身)已經6個月啦...

我個仔細時仲要一餓就即刻拆樓咁喊, 慢一秒都唔得, 又勁嘔奶(掃咗風ur晒都會), 又半夜唔肯瞓, 又要餵佢食夜奶........真係超辛苦......

呢度個個媽媽都明白架....總之, 俾心機, 加油!
私人傳訊回覆 引用

anaBB


禁止發言

積分: 21629

醒目開學勳章 畀面勳章


8#
發表於 09-6-3 11:20 |只看該作者
提示: 作者被禁止或刪除 內容自動屏蔽
私人傳訊回覆 引用

jjwmkk


侯爵府

積分: 23660


9#
發表於 09-6-3 13:26 |只看該作者
我第一胎餵左7日就放棄, 因為好似樓主你個情況一樣. 隻小魔怪埋身啜兩啖就瞓, 瞓左要想放抵佢, 要佢放口就喊. 平時佢一喊99又抱返比我要我餵過, 嘩~~ 攪到個7日我日日打電話對住老公喊; 另外想同99斷絕關係

第二胎可能知道自己唔會再生 no 3, 所以今次我好堅持. 只許成功不許失敗一定要餵得好過第一胎. 一早買定泵, 不停同自己講今次唔餵我lee一生就再無機會餵. 所以頭兩個月真係捱得好好好好好好辛苦. 半夜根半無瞓過甘, 每個半小時 至 2小時起一次身(係要全完坐直餵bb, 唔可以瞓住餵) 餵完又要掃風, 餵前又要換片. 食就食 10-15 mins, 掃風要掃20-30mins. 攪掂之後好快又要準備下一次 . 好坦白, 個時既我真係好忟. 成日打bb個patpat 架!!! 有時又打 pillow 去發洩

終於捱過左2個月, 可以開始pump 出里比姐姐幫手餵. 嘩, 心情好左好多架!!!

依家已經餵左7個半月全人奶喇!!

樓主, 如果你可以堅持就堅持下. 如果唔係咪搵一餐叫人餵奶粉比bb. 你自己趁機休息下囉!!

樓主你個bb只有半個月, 最好就堅持埋身比佢食, 我怕你用樽餵佢飲奶粉bb會乳頭混淆

[ 本帖最後由 jjwmkk 於 09-6-3 13:28 編輯 ]
私人傳訊回覆 引用

Toni22


男爵府

積分: 9850


10#
發表於 09-6-3 13:41 |只看該作者
加油呀! 我BB今年1月出世, 當時好凍, 半夜又要經常起身餵奶, 當時我每天都有後悔餵人奶, 但當BB剛滿月時我病了, 發燒。醫生要我吃抗生素, 叫我吾好餵人奶, 日日PUMP左出來都要倒, BB一日7-8餐都要吃奶粉, 因為當時我感冒及發燒, 連餵奶粉都要比其他人做, 當時我才發現, 埋身餵BB已是我生活的一部份,好像缺少了一樣好寶貴的東西。自此之後, 餵人奶是我最重要的事, 而家每天6:00AM起身餵BB , 跟住在公司PUMP 2次, 放工回家再全人奶。不經不覺BB都快5個月了。努力呀! 所有這裹的媽媽會為你打氣。
私人傳訊回覆 引用

Naiyauso


複式洋房

積分: 452


11#
發表於 09-6-3 14:28 |只看該作者
樓主加油呀! 我回想起我個陣都係咁呀, 餵咗一陣又瞓啦, 到我瞓佢又醒喎! 我仲成日以為佢玩我呀!
但係我又覺得我餵人奶先可以同佢咁親密呀! 無人代替到你呀!
總知唔理, 見到佢食飽瞓既就一齊瞓呀!
再後來見到佢慢慢大個呀, 你個心就甜哂啦!
我宜家都餵多6個多月啦! 返咗工都有pump奶出嚟畀佢食呀! 唔好諗住餵佢係咁辛苦啦, 應該感恩呀, 好多人想餵都無奶餵呀!
我開頭都係呀, 攪到佢第三日就畀醫生話佢輕得多要飲奶粉呀我個陣好唔開心嫁!
但係見到佢宜家一見到我就笑個樣, 個陣咩辛酸都唔記得啦!
私人傳訊回覆 引用

busiuhk


大宅

積分: 1090


12#
發表於 09-6-3 19:49 |只看該作者
好多謝大家的鼓勵，聽到大家的分享，令我重新有了盼望....　做媽媽的，好想給最好自己的ＢＢ，但又擔心自己做唔到... 體力上又好像支持不了.... 我也不想補奶粉，而且ＢＢ也不肯飲奶粉.....　問題係佢成日瞓，叫唔醒...今日去健康院磅過，一個星期重咗0.44kg，但係黃疸無跌到，寫咗紙明天去醫院再抽血驗，好心痛，佢抽血時喊得好慘....

原來自ＢＢ出世後，父母會一世擔心....
私人傳訊回覆 引用

我不想說


大宅

積分: 1690


13#
發表於 09-6-3 21:29 |只看該作者
唔好放棄呀 ,食人奶對個BB好好架，加油！剛開始時我都試過想放棄，但最終都挨過啦。E+我個女兩歲一個月仲係食緊人奶。
私人傳訊回覆 引用

shirley73a


禁止訪問

積分: 24331

好媽媽勳章 畀面勳章


14#
發表於 09-6-3 23:23 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊回覆 引用

anaBB


禁止發言

積分: 21629

醒目開學勳章 畀面勳章


15#
發表於 09-6-4 09:47 |只看該作者
提示: 作者被禁止或刪除 內容自動屏蔽
私人傳訊回覆 引用

曾高


子爵府

積分: 13044

畀面勳章 BK Milk勳章


16#
發表於 09-6-4 13:01 |只看該作者
黃疸b係比較訓得多,我阿b足足要2個月先退得晒d黃,終於唔駛覆診.嗰陣佢都係一路食一路訓,好多時一餐攪2個鐘頭...食得差又俾人話我冇奶...冇攪到產後抑鬱都叫做好采...
比多少少時間阿b,佢一定會越食越叻.

原帖由 busiuhk 於 09-6-3 19:49 發表
好多謝大家的鼓勵，聽到大家的分享，令我重新有了盼望....　做媽媽的，好想給最好自己的ＢＢ，但又擔心自己做唔到... 體力上又好像支持不了.... 我也不想補奶粉，而且ＢＢ也不肯飲奶粉.....　問題係佢成日瞓，叫唔醒...今日去健康院磅過， ...
私人傳訊回覆 引用

ssshih


別墅

積分: 637


17#
發表於 09-6-7 21:08 |只看該作者
餵人奶好累....

我個女2個半月大，系全人奶BB, 第2個月肥左0.6kg jar.
而家一日喂6-7餐（夜晚10點幾睡到朝早10點），每餐大概食15-20分鐘。 又系成日食食下睡著， 所以一餐都要搞成40-45分鐘。 我擔心唔長肉，有沒有經驗的奶媽可以分享下，我BB的月齡來講，食奶的次數和時間算正常嗎？ 你地BB甘大個時系唔系都系食甘多架？ 我應該到幾時先可以減餐呢?
私人傳訊回覆 引用

hanbb


伯爵府

積分: 16230


18#
發表於 09-6-8 00:41 |只看該作者
原帖由 ssshih 於 09-6-7 21:08 發表
餵人奶好累....

我個女2個半月大，系全人奶BB, 第2個月肥左0.6kg jar.
而家一日喂6-7餐（夜晚10點幾睡到朝早10點），每餐大概食15-20分鐘。 又系成日食食下睡著， 所以一餐都要搞成40-45分鐘。 我擔心唔長肉，有沒有經驗的奶媽 ...


其實次數和時間都唔算少, 起碼我好羡慕你BB 戒左夜奶仲可以瞓12個鐘!!

其實有些BB天生肥D或瘦的, 只要健康, 醒的時候夠精神和活潑, 我覺得唔一定要肥B 囉.


不過如果你覺得佢重得唔夠好, 餵返夜奶可能好少少, 又或者加番一餐7-8點的, 可能會好少少.

[ 本帖最後由 hanbb 於 09-6-8 00:44 編輯 ]
私人傳訊回覆 引用

hanbb


伯爵府

積分: 16230


19#
發表於 09-6-8 00:43 |只看該作者
加油

[ 本帖最後由 hanbb 於 09-6-8 00:44 編輯 ]
私人傳訊回覆 引用

busiuhk


大宅

積分: 1090


20#
發表於 09-6-8 20:08 |只看該作者
今日試咗瞓係度餵，早上佢瞓多個食，但一到下午，佢唔係瞓，只係食５分鐘又瞓幾分鐘，成日叫食，我就瞓係度係咁餵到夜晚８點，佢先瞓著.....不過好似上奶好咗....
私人傳訊回覆 引用


首頁
123

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見