香港18區媽媽會

收藏本版
發帖
返回列表
跳至頁

首頁
1

尾頁
   0
ckrachel


洋房

積分: 88


1#
發表於 07-5-16 15:31 |只看該作者

可否分享在廣華醫院生BB之經驗?

各位您們好!我叫Rachel,預產期係9月28日,都係打算在廣華生小孩,慳番dC+醫院費用,不過我怕自己生唔到,最後攪到很辛苦,或者要開刀。e家好擔心。你地可唔可以分享下你的感受同經驗?如果給您多一次選擇,你會否仍決定在廣華醫院生BB?謝謝!
Best Regards,
Rachel
私人傳訊

銘銘媽


男爵府

積分: 6530

育兒性格勳章 畀面勳章


2#
發表於 07-5-16 16:24 |只看該作者

Re: 可否分享在廣華醫院生BB之經驗?

我都係喺廣華醫院生, 佢地D 醫生都唔錯, 不過我見議你私家政府兩邊睇. 如果怕浪費金錢, 可以睇私家睇疏D. 我睇開果個婦產科醫生幾好, 價錢又唔貴, 醫生好細心, 開埋藥都係三百幾蚊, 不過就超多人, 就算約左都要等成個幾兩個鐘.

你自已本身係咪好細粒, 所以驚生唔出呀?? 其實唔須要太擔心, 我本身都係細粒果D 人, 只要你唔好食太多野, 重質多D, 咁就唔怕個 B 太大個生唔到既啦. 希望幫到你啦.

唔好意思, 講左咁多其他野, 其實廣華生BB係幾好既, 唔洗太擔心.
私人傳訊

ckrachel


洋房

積分: 88


3#
發表於 07-5-16 17:35 |只看該作者

Re: 可否分享在廣華醫院生BB之經驗?

銘銘媽:
您好!我e家都有私家政府兩邊睇,不過對於在政府或C+生bb重未決定。除了做多d運動例如散步, 行樓梯,重有冇其他方法可易生一點??我弟婦已做了很多散步,不過,最後生了10個鐘都生唔到,最後都要開刀,所以我有點驚。我本身都唔算細粒,不過怕子宮到時唔合作,開得唔夠大。你是不是順產的,如果是要順產生,是不是醫生要在產前檢查用手試下夠唔夠大??我係第一胎,不過我已經是32歲了。你怎知道自己是時候要生,是震痛還是流紅,穿水??生了多久??您是否比較年輕??
Best Regards,
Rachel
私人傳訊

銘銘媽


男爵府

積分: 6530

育兒性格勳章 畀面勳章


4#
發表於 07-5-17 11:56 |只看該作者

Re: 可否分享在廣華醫院生BB之經驗?

我第一胎係順產(廣華出世), 第二胎係開刀(EQ 出世), 第一胎我都震痛左好耐先生到, 第二胎本來好地地, 我仲諗住自己生, 點知最後果個星期, 私家E生發現BB 突然大得好快, 驚我生唔出, 因為博頭太橫, 最怕生到一半, 唔出唔入, 果時仲慘, 所以寫紙俾我, 要我去政府做開刀. 咁我拎住張私家醫生紙, 同佢政府D 醫生講, 佢地幫我再照超聲波, CHECK 到真係大B, 咁再問我係咪要開刀, 當然我擔心真係生唔到啦, 所以開左刀.

其實我覺得KEEP 住私家政府兩邊睇, 咁就唔怕 BIG BABY 生唔到, 私家次次照越聲波, 佢又會同你度BB SIZE, 應該唔須要太擔心, 致於子宮開唔開哂, 呢D 好個別 CASE. 唔好俾太大壓力自己, 放鬆心情, 呢樣先係最緊要.

有人話臨生之前每日食西瓜或者白果腐竹糖水(每日只可以揀一樣食, 兩樣一齊太涷, 唔得), 咁都會幫助, 同埋BB 都會白D, 無咁多粒粒. 又有人話買白連鬚焞冰糖黎飲, 去度中醫藥材鋪, 問D人, 佢地會教你點焞, 都有用, 你不防試下.

私人傳訊

awshan0610


別墅

積分: 566


5#
發表於 07-5-30 17:06 |只看該作者

Re: 可否分享在廣華醫院生BB之經驗?

我第一次就係起廣華生(順產),生完第二日去廁所既時候有舊(紅色既野)起陰道,柯又柯唔到出黎,我同護士講佢就叫醫生黎睇,點知係個廿幾歲既見習醫生,則邊係個老助護,個醫生都未出聲,助護就話我子官下垂.....醫生睇多兩眼都話係....話第二日幫我做個小手術....放個扣入去等佢生返好~我問佢地子官下垂咁點算?佢地叫我黎緊幾年都唔好再生BB...見習醫生話..通常呢D情況只會發生起D年齡較大既產婦身上,我當時只有18歲...(好驚..)

第二日朝早去左小手術室有兩個註院醫生同埋一班(6-7個有男有女)見習醫生入晒黎(無經過我同意)兩個醫生講左兩句就將我個舊紅色野拎左出黎用個膠袋袋住,話攞去化驗,個體積都唔細....之後個醫生就同我講搞掂左喇,唔洗擔心!!個老助護問醫生咩黎我先聽到醫生話原來舊紅色野係起生BB既時候未柯清既胎盤(係助產士既問題嗎?)
不過我相信都係個別例子黎架姐~

護士教幫BB沖涼,我返到屋企就照住做啦~去到健康院既時候就比健康院既護士話~問我點解唔幫BB洗肚,乜醫院無教你咩??....差D就發炎!!依家BB大左個肚臍都唔靚><
私人傳訊

銘銘媽


男爵府

積分: 6530

育兒性格勳章 畀面勳章


6#
發表於 07-6-8 14:00 |只看該作者

Re: 可否分享在廣華醫院生BB之經驗?

awshan0610,

吓, 即係話你第一胎果時順產, d 姑娘無幫你推埋個剩餘既胎盤出黎呀!!! 都幾得人驚喎, 好在早發現, 如果唔係好麻煩.
因為我個大仔照左好耐燈, 所以我都唔識洗肚臍, 不過亞妹果陣好快出院, 不過醫院教左, 返到屋企咪一樣唔係好識同好驚整到佢, 因為一出院第二日就去健康院, 個姑娘又再教多我同我亞媽一次, 咁我亞媽咪學埋囉, 好在咋, 俾我自己一個, 真係唔知點洗呀.
私人傳訊

elizatyy


子爵府

積分: 10856


7#
發表於 07-6-9 23:19 |只看該作者

Re: 可否分享在廣華醫院生BB之經驗?

食西瓜, 白果腐竹糖水, 白連鬚焞冰糖黎飲... I have tried. It has taken me almost 20 hours (0度 to 生). However, my friend took only 6 hours. Everyone is different.
私人傳訊

mabel_leung


別墅

積分: 945


8#
發表於 07-6-19 19:17 |只看該作者

Re: 可否分享在廣華醫院生BB之經驗?

ckrachel

我預產期係９月２９呀，唔知會唔會有緣撞到呢．

不過我未決定去廣華定私家生．　兩邊都ｂｏｏｋ左先．　上一胎我係廣華生，痛左成２６個鐘先生到，搞到我今胎有ｄ陰影，好想開刀．　上一胎我都做足洒產前運動，食涼野，仲行樓梯．．　點知都要痛咁耐，所以真係無得講．

廣華ｄ姑娘同醫生都ｏｋ，我痛左好耐都係開得幾度，ｄ姑娘會周不時
私人傳訊

青青河邊草


侯爵府

積分: 24362


9#
發表於 07-6-27 16:52 |只看該作者

Re: 可否分享在廣華醫院生BB之經驗?

吓, 你呢個case第一樣諗到既一定係胎盤未清啦.....子宮點會咁易下垂架!!! 真係...

我都係廣華生, 我又覺得好ok喎...
果時未算生仔高峰期, 所以服務仲叫ok啦.
助產士好好人, 嬸嬸都唔錯, 係有一個串啲..
佢地對一個南亞人士就惡啲囉...
幫我生果個助產士, 落到病房仲幫我斟水入個沖洗器添...

如果我生第二個, 都會去番廣華, 但係, 最怕係衣家好多人...

但係產前檢查一定要公私兩邊睇, 唔可以旨意公立架!!

awshan0610 寫道:
我第一次就係起廣華生(順產),生完第二日去廁所既時候有舊(紅色既野)起陰道,柯又柯唔到出黎,我同護士講佢就叫醫生黎睇,點知係個廿幾歲既見習醫生,則邊係個老助護,個醫生都未出聲,助護就話我子官下垂.....醫生睇多兩眼都話係....話第二日幫我做個小手術....放個扣入去等佢生返好~我問佢地子官下垂咁點算?佢地叫我黎緊幾年都唔好再生BB...見習醫生話..通常呢D情況只會發生起D年齡較大既產婦身上,我當時只有18歲...(好驚..)

第二日朝早去左小手術室有兩個註院醫生同埋一班(6-7個有男有女)見習醫生入晒黎(無經過我同意)兩個醫生講左兩句就將我個舊紅色野拎左出黎用個膠袋袋住,話攞去化驗,個體積都唔細....之後個醫生就同我講搞掂左喇,唔洗擔心!!個老助護問醫生咩黎我先聽到醫生話原來舊紅色野係起生BB既時候未柯清既胎盤(係助產士既問題嗎?)
不過我相信都係個別例子黎架姐~

護士教幫BB沖涼,我返到屋企就照住做啦~去到健康院既時候就比健康院既護士話~問我點解唔幫BB洗肚,乜醫院無教你咩??....差D就發炎!!依家BB大左個肚臍都唔靚><
私人傳訊

hellomalu


洋房

積分: 156


10#
發表於 07-7-9 22:34 |只看該作者
原文章由 青青河邊草 於 07-6-27 16:52 發表
吓, 你呢個case第一樣諗到既一定係胎盤未清啦.....子宮點會咁易下垂架!!! 真係...

我都係廣華生, 我又覺得好ok喎...
果時未算生仔高峰期, 所以服務仲叫ok啦.
助產士好好人, 嬸嬸都唔錯, 係有一個串& ...


我都係廣華生,我都覺得好ok,或者因為我o係東面病房掛 因為我咁橋撞到一齊學產前運動o既媽咪,佢住南面病房,佢話o個邊d姑娘無敎佢如果唔夠媽媽奶要補奶粉,而我個邊d姑娘有教,所以我個b無缺水,而佢個b就到出院個日先知缺水所以唔俾出院
私人傳訊

yangyang8


洋房

積分: 44


11#
發表於 07-8-16 14:19 |只看該作者

可否分享在廣華醫院生BB之經驗?

查實生仔我經驗最多，第一個同第二個係私家生，第三個喺明愛,最細喱個就係廣華，其實而家d政府e院都好好la,在廣華唔使自己同bb洗澡，出左世24小時內唔使睇住bb,重免費產前檢查添.生第一個實耐la,我痛足24小時添呀，跟住d咪快生囉！唔好怕，煮到嚟就食，唔駛咁擔心，小心bb都唔happy！
私人傳訊

傻Ding


複式洋房

積分: 204


12#
發表於 07-9-22 00:43 |只看該作者
Hello Rachel,
唔知你而家生咗未呢,
我2月先响廣華生完,
醫生同護士都算ok,
不過有時都要睇吓好唔好彩,
我嗰陣連d嬸嬸都教我嘢,
細粒生b都冇問題,
哈哈我都係好細粒但超順利,
我嘅建議係行多D
祝你生產順利&有個精靈BB
私人傳訊

jossc


複式洋房

積分: 191


13#
發表於 09-5-22 20:24 |只看該作者

我都打算呢胎在廣華生

我之前都在私家醫院生，但今胎想在廣華生，都有d驚驚地！
我之前是開刀生(本來好想順產生架，點知子宮頸唔開，得個一度半，最好醫生話個B個頭已落晒，所以即是開刀嘩！個B出生有差不多9磅！)
今胎唔知總可唔可以試順產呢？因為開刀待復完傷口是一次比一次痛架！

其實我都好想知廣華是否真的較好呢？
還有9月2009年，廣華是用那隻奶粉呢？

THANKS
私人傳訊

sally_koon


大宅

積分: 2714

睛靈勳章


14#
發表於 09-5-23 12:11 |只看該作者

真係要睇你好唔好彩!

我係08年10月生bb女, 第一胎, 首先你睇下自己係順產定開刀. 開刀既話通常住係南九, 南九唔好, 因為工作做極都做唔完, 所以護士姑娘嬸嬸都好惡或串. 開刀頭24小時唔落得床, 咩都要叫姑娘幫你, 你估態度點會好呢? 同埋南九專收產前手術, 有問題, 如東九爆o左會調去南九, 所以睇你好唔好彩.

我差不多每日食西瓜, 每星期飲2次白蓮鬚都無幫助, 不過我賴無行樓梯. 你們要勤行樓梯!!

星期日見紅, 入o左院, 星期一出院, 子宮頸完全未開. 星期三痛到頂唔順再入院, 子宮頸變薄未開, 原來穿水自己都唔知, 滲下滲下, 帶o左M巾睇唔到! 係待產房其他產婦係o甘叫, 攪到自己緊張, o甘成圍行下, 睇住一個個入產房自己仲未得, 好鬼心急, 待產房既護士好好, 隔2/3小時聽bb心跳. 痛o左24小時開得3度, 之後發現穿水, 護士話我, 即刻打摧生劑, 4小時後宮頸全開. 20分鐘bb出世.

如果食到野一定要食, 好彩我痛住都食野, 如果唔係實無力生.

助產士幫我連針, 不過唔好彩連得唔好, 扯住扯足2個月! 因穿水超過24小時, bb一出世就要落兒科係南八. 如果計劃喂人奶要預o左行來行去. 1日5次喂, 規定o左時間唔遲得, 想快o的上奶唯有去, 走來走去幾辛苦. 我去了東九, 但bb唔係身邊姑娘就唔會教. 東九o的嬸嬸好串, 姑娘就好有耐性.

總結: 好唔好彩! 我下一胎會係私家生, 唔想拿自己身體去賭.

Sally
私人傳訊

sally_koon


大宅

積分: 2714

睛靈勳章


15#
發表於 09-5-23 12:14 |只看該作者
Hi,
第一胎開刀通常第二胎都係開刀, 我姑仔2次都係QE開刀生.

Sally

原帖由 jossc 於 09-5-22 20:24 發表
我之前都在私家醫院生，但今胎想在廣華生，都有d驚驚地！
我之前是開刀生(本來好想順產生架，點知子宮頸唔開，得個一度半，最好醫生話個B個頭已落晒，所以即是開刀嘩！個B出生有差不多9磅！)
今胎唔知總可唔可以試順產呢？因為開刀待復完 ...
私人傳訊

turtoiseh


禁止訪問

積分: 60


16#
發表於 09-5-26 15:55 |只看該作者
提示: 作者被禁止或刪除 內容自動屏蔽
私人傳訊

gigi1020


珍珠宮

積分: 47029

好媽媽勳章 畀面勳章 環保接龍勳章 hashtag影視迷勳章


17#
發表於 09-5-29 15:47 |只看該作者
因我第1胎開刀生, 所以第二胎在廣華生都係開刀, 仲比我book埋38週後選擇日子開刀, 過程好順利...嬸嬸,姑娘同e生好好人同埋好pro...埋單$600.00 慳返d私家e院錢3個月後去日本旅行....
私人傳訊

Plutoes


大宅

積分: 1485


18#
發表於 09-8-22 11:04 |只看該作者
我聽人講第一胎開刀, 第二胎多數都開刀, 咁如果我第一胎係私家開刀, 咁第二胎去政府, 佢會比我開刀嗎？還是一定要我順產？
私人傳訊

carmen.mama


複式洋房

積分: 459


19#
發表於 09-9-3 16:04 |只看該作者
我第一胎都係係廣華生架~ 晏晝3點入醫院, 5點幾就生左喇~ 哈哈個度d姑娘呀, 嬸嬸都幾好架~~~ 黎緊第二胎既預產期係12月頭... 都會返返去廣華生架!!
私人傳訊

AnnieMak


大宅

積分: 2601


20#
發表於 09-11-25 15:41 |只看該作者

回覆 6# sally_koon 的文章

原來妳生BB咁慘咋!我都俉知喎!我比你順利很多呢? 我9月26日2:00入廣華,未生得,宮頸未開,在病房等,後來雖然大痛,姑娘都沒有推我上待產房,痛到眼淚都流,8:00左右先開到3度上待產房, 晚上12:30左右突然急速開到8度入產房,BB 零時便出生了,在產房d 姑娘很好,我的傷口都連得好, 3日出院只用了幾佰元埋單咋!剩返d錢可以買補品補身呢? 私家醫院動輒都要幾萬喎!如果BB需要特別治療照顧可能不只此數呢!

[ 本帖最後由 AnnieMak 於 09-11-25 15:46 編輯 ]
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy