我地都唔同佢拗，佢13歲成145磅，叫佢減肥做運動，佢就話做運動減唔到肥，係鍾意游去電腦面前，今日已關機，我中午煮麵比佢食，佢又開機，比我發現咪即刻關，下午襯我去所又開過，我發現又關，真係病態，d電腦真係害c人，阿仔平時已缺乏同人溝通，佢同d同學唔會傾電話，只會係網上遊戲玩！好在細佬9歲都聽話，話唔比打機佢就唔會偷玩！66近排都講點解呢個仔成日令到人傷心，讀書就唔駛我地擔心，佢真係有d小聰明，佢都唔駛羅住本書溫習，補習社打黎成日話佢如更努力成績會更好，呢樣野我都知？(上學期全校200人，佢考40幾！)我叫佢拎本書出黎仲難過o麥！你唔比佢玩電腦佢咪睇漫畫書，點都唔會羅本書出黎溫習，我都同佢講過，你唔努力，遲早有日會比其他人後黎追上，因見補習社d練習佢好求其做，都同佢講不如每個月比你$940補習費你自己賺番，你唔好去補習，自己溫習好過，起碼都叫自己溫習，有努力過成績差都會唔怪佢！但佢又唔肯？真係有咩方法令到阿仔自我溫習？？？
其實由小二開始已向當時小學反映過，因覺個仔好鬼自我，學校話佢係學校又好乖，而且成績唔錯又好鬼叻，又成日代表學校出去比賽數學，學校唔覺佢有咩問題？
大帽山下某條村落黃色的小屋，住有羊爸爸ammy、羊媽媽sandy、羊哥哥reego、羊細佬ricky！
發表於 
返回列表
