Re: 比個十幾年既朋友攪到好唔開心 !!點解要扼我 !!
其實都唔算呃左我d咩,只係覺得十幾年既友情,好似好兒戲 !!
唔好意思,可以會比較長 !!
我同佢係兒時朋友,佢對我除左友情外,仲有感情,但我當年真係接受唔到佢,所以一路以黎我都係當佢係好好既朋友,但可以佢接受唔到,後來大家都無聯絡大家,我只係間唔中收到佢既msn,我一回覆佢,佢又會失蹤一排,後來大家都有自己既家庭,事業.....
直至最近我地又再聯絡番,佢話比我知佢有生活有幾好,事業又有幾高峰,當時我真係好鄧佢高興,知道佢生活得咁好 !!
後來,佢可能知道我而家環境唔係咁好,所以佢就問我有無興趣跟佢搵食,我當時諗緊係好啦,佢講到有幾掂有幾好,況且十幾年既朋友斷估都唔會呃我瓜,咁我咪信佢羅.....點知/可能我比較生手(零售),第一次合作就媧左.....但後來兩次三次四次都係咁,我就開始係度諗,係我問題呀定佢問題呢 ??
我身邊已有好多人同我講,叫我唔好再so佢,佢係度玩緊我,但我又死唔信一個十幾年既朋友會咁,所以我都繼續信佢,直至今日發生左呢件事,我真係唔知道應唔應該再信佢,呢件係關於$既事,我唔知點講,可能佢知道我已經拆穿左佢,佢一路都唔聽我電話,我真係覺得自己好傻,點解會咁信佢,仲連累都我朋友有金錢上既損失,連累到我既家人比佢攪到團團鑽....
係咪真係做唔到情侶,就要做敵人既呢 ?? :cry: :cry:
請大家和睦發表及討論,尊重自己，尊重別人,但要嘈交,無理取鬧,恕難奉陪 ~~
發表於 
返回列表
