原帖由 mrsright 於 10-1-23 09:22 發表
[轉貼]結婚擺酒想搵錢,就吾該選下朋友.
轉貼
有個女仔結婚，我同佢只見過３次面，佢撘上撘叫我啲朋友通知我，我無理佢，點知佢係fbook留言，問我會唔會去，我答咗唔去，點知佢話好想我去，只要人嚟就夠。
最後我有去，去的原因係原來有兩圍人係我好鬼熟的朋友，所以我當係一個飯局。
人情我只做了＄１００，去到放低人情就搵啲朋友吹水同玩。
好玩的事就開始，係男女主角換衫時，會睇返佢地兩位細個到長大的回憶片段。
睇睇下無啦啦有一句說話，傳下傳下去到我果坐果台，原來主角係房入面即場拆人情，佢一見我果份就立即有返應。
係呢個時候，男女主角出場上台講嘢！個MC又無啦啦叫人上去講下嘢！我就唔鬼理走咗上去玩嘢！
我話我入到酒樓，原來有３家人擺酒，由於我連男女主角姓咩名咩我都唔知，只知女方花名，好彩有相睇到，唔係實去錯。
我又問男女主角，我姓咩名咩，佢地兩位有兩三秒無出聲，後來男方話唔識我，女方話只知我英文名，好彩我有帶請柬。
我話請柬上沒有我的名字姓氏也沒有，基本上封面甚麼也沒有寫，我話人情只做了$100，而女主角係fbook上留這，只要人到就很開心。
我同女主角講，如果妳真係咁介意人情的價值係想搵錢的，就唔好亂咁請一啲連姓名都不知所謂朋友，在我心目中結婚係人生大事，好想見到真正朋友出席。
我嚟的原因，就因為妳的大話感動了我，後來我知大部份人我都係好熟的，所以我先賞面到來。
不過妳咁在意那$100，不如妳而家話比我知妳呢圍要幾錢，照樣設十二份，我補回我的一份，滿意嗎？
原帖由 小倩 於 24/1/2010 18:15 發表
前傳:
http://forum.baby-kingdom.com/thread-2875199-1-4.html
發表於 
發表於 
返回列表
