夫婦情感 今日: 3 | 主題: 42715

積分: 31697

1^#

發表於 10-3-21 17:55 |只看該作者 |倒序瀏覽 |打印

其實我心裡面對我老公無咩野..我好鍚我個囡,而且得一粒囡,但係我生左個囡之後就覺得我老公越黎越自私,我已經唔like我老公個邊人,生左個囡我只想一心一意照顧好我個囡打理好頭家,我老公成日話我依依哦哦,個囡細個時我係緊張d,依家個囡2歲半多d大左我都無咁緊張改左好多啦,男人就係咁得吋進尺,講10句就話你依依哦哦,講一句又話你依依哦哦,我又唔係為我自已,我出親聲都係為個囡好姐,我真係好嬲...可能我唔多願同個囡見佢個邊人,個邊人唔會幫我又唔知講我咩壞話,如果你地老公唔合作成日話你地依依哦哦你地點做呀?我唔理架...我覺得我出聲你都求求其其,唔出聲仲做既~好似依家咁多菌叫佢洗左手先掂個囡,初頭都成日話我哦佢,我又有咩做錯呀~你估我想湊多個人呀...成日話我嘈發脾氣,自已又軟皮蛇講左又當耳邊風,講1次2次3次都係咁,佛都有火啦~好啦做既又做1-2次,之後又係咁...我點頂呀~幫唔到手都唔好増加我壓力同比多d野我做啦...佢出黎做野放假就真係可以做佢自已野,我呢~我只想佢合作下明白下我...有時嘈就話咁叻你出黎做野我睇囡啦~睇得點先好咁大聲講啦~我做到野洗要你,點解d男人要咁講,攪到好似生個囡係我自已攞黎辛苦,話我湊唔掂請個工人湊,我想自已一手一腳湊姐,請個工人同佢拾手尾無人嘈佢呀麻~點解d男人永遠都唔會成熟,你地有無咁既情況?會點處理?

0 0 0

私人傳訊

積分: 31697

2^#

發表於 10-3-21 18:05 |只看該作者

回覆 1# luckyQ 的文章

仲有呀~佢每日早出晚歸(返工),放工我都想佢陪下個囡,睇書都有教啦...親子關係麻~我都想個囡鍚埋佢黐下佢姐,個囡大d想佢陪下你都難啦...我又為邊個呀,成日返黎做自已野,唔陪我都算啦陪下個囡啦...一分鐘得一分鐘啦~你話係咪佢唔0岩先~

私人傳訊

pollybell

積分: 14001

3^#

發表於 10-3-21 19:34 |只看該作者

睇完既感覺係你都幾中意操控他人,乜都以你既意願出發.男家關係差,老公覺得你煩,請工人比你又算住個老公,咩叫陪個女一分鐘得一分鐘???呢個年代好多父母都要返工,以重質唔重量去同小朋友相處,唔係一放工抱住個女乜都唔做就叫好爸爸,我都係全職媽媽.希望你唔好介意我咁講.

私人傳訊

PCCW2319

水晶宮

積分: 67993

4^#

發表於 10-3-21 20:33 |只看該作者

只係想講, 唔好將自己世界局限左係個女果度, 你唔可以只理自己同個女既感受, 而唔理其他人架.

覺得自私既唔單止係你老公囉.

天空之城, 快樂之地

私人傳訊

abinayams

伯爵府

積分: 15266

5^#

發表於 10-3-21 22:13 |只看該作者

男人最怕囉嗦的女人, 既然講極佢都唔改, 就証明um係無效, 不如慳反啖氣, 我常警惕自己, 只說一次, 老公唔聽就算, 反正自己堅持的不一定最啱, 改不了對方就改變自己的想法, 不要囉嗦, 以免他嫌煩連屋企都唔願反, 這是我從一個朋友身上領會, 他第一個老婆好靚, 但煩到嘔, 物都要作主, 話佢樣樣都唔啱, 一係就黑面, 開頭鍾意就話忍你, 當激情過後就頂唔順, 成日唔想回家, 反而第二個老婆質數差好多, 甚至可叫醜, 但性格極好, 每次見佢都笑容滿面, 對我地都細心體貼, 令我朋友貼貼服服, 好痴家, 我都以佢做榜樣呀!除非打算離婚, 否則個老公要對成世, 梗要和平共處, 互相遷就, 否則不單兩個唔開心, 吵吵鬧鬧, 會影響小朋友性格發展的呀

私人傳訊

湘兒

積分: 13695

畀面勳章

6^#

發表於 10-3-21 22:56 |只看該作者

我以前都覺得我老公唔改, 但係其實好難去改變一個人既性格,行為. 就好似樓上既網友話, 改不了對方就唯有改變自己的想法, 唔通真係成日嘈咩..

連我老豆都知我管住老公, 要話事巴巴閉閉..
跟住我老豆有一日同我講, 要我收儉下, 冇人會鍾意個老婆係屋企咁樣, 因為男人返工既壓力真係好大, 叫我溫柔D, 不解溫柔體諒的話, 如果出面有個溫柔既女人, 只會令個老公有婚外情..

我同我老公關係唔差,但少講野. 只從他這樣說後, 我已經改變左好多..

私人傳訊

sharonwing_17

大宅

積分: 2494

好媽媽勳章

7^#

發表於 10-3-22 12:30 |只看該作者

有陣時男人係唔可以迫嫁你成日哦佢埋怨佢最後大家會不歡而散
我有個屋企人就好似你咁佢成日都嘈自己個老公又話佢咁又話佢唔陪仔女佢老公係開鋪做生意我屋企人又唔去幫下佢手佢自己一個人頂唔住請左個人番黎幫手係個女人來的
我屋企人發晒脾條話佢自己老公出去搵女人又成但無諗過個老公都好辛苦淨係話佢唔埋仔女放工番黎陪下d仔女都好陪得一分鐘得一分鐘放工都晚上10點啦仲點陪?放假都想休息下又唔比要佢做e樣做個樣
最後佢老公等d仔女再大d就同我屋企人離婚話真係再也忍不住無第三者但都唔想再同我屋企人係埋一齊佢話每當番到屋企就好似一個地獄
我屋企人到現在都唔知衰嫁佢都係覺得係因為第三者
我同佢老公都好熟我知道唔係佢地離左婚2年個男人都係無其他女人係佢身邊出現過

d仔女同老豆既關係十分好番而同呀媽關係就唔好點解因為個呀媽用對老公既方法對d仔女
你地覺得係個男人錯定個女人錯?

有時要放低成見體諒對方如果不懂體諒對方咁大家就真係好快散

私人傳訊

wife

積分: 14859

8^#

發表於 10-3-22 14:34 |只看該作者

呢D情況最好"慳"番啖氣,都話咗咁多次仲吾聽,証明佢都無諗住改,要噪要發脾氣只會令自己吾開心,但件事到最後都吾會好轉,傷身又傷心,何必呢!
最好就吾理佢,等佢自己知衰;另方面,佢話請個工人揍囡,其實都係好提議,揍小朋友壓力好大,令人心情好易煩躁,有個人幫輕吓自己,心情會輕鬆D,同C6相處時間會多D!
(同埋我諗得比較衰,如果佢吾理我感受,我吾會同佢慳,最好請夠兩個工人比我,屋企咩都吾使理吾使問,只係同個女去玩,自己扮吓靚,去吓街!做個開心少奶奶!成日勞氣好傷肝架,傷咗肝好易老架,每次想嘈之前諗一諗啦!)

私人傳訊

sasatt

伯爵府

積分: 19629

9^#

發表於 10-3-22 15:51 |只看該作者

樓主心裡有團火,
不如飲下涼荼啦

私人傳訊

kellyly

侯爵府

積分: 24623

好媽媽勳章畀面勳章

10^#

發表於 10-3-22 17:12 |只看該作者

係呀好似樓上有幾個都講左UM係無用
講真我都好怕人不停重覆講同一番說話,講多過3次我就發脾氣LA
我有個朋友佢未生小朋友,但佢好似你咁每次見到老公都會UM同話佢
而家佢老公都係好多時情願多留係公司都唔想咁早番屋企
因唔想日日都比人UM同話
大家D關係搞到咁,要逃避對方
樓主我諗而家你老公都係咁JA
無謂為左小朋友搞到大定咁LA,改下LA.

私人傳訊

unicath

男爵府

積分: 5995

好媽媽勳章

11^#

發表於 10-3-22 19:08 |只看該作者

原帖由 luckyQ 於 10-3-21 18:05 發表
仲有呀~佢每日早出晚歸(返工),放工我都想佢陪下個囡,睇書都有教啦...親子關係麻~我都想個囡鍚埋佢黐下佢姐,個囡大d想佢陪下你都難啦...我又為邊個呀,成日返黎做自已野,唔陪我都算啦陪下個囡啦...一分鐘得一分鐘啦~你 ...

咁又係呀...BB轉眼間好快就會大個...大個左多數都唔會成日黐住屋企人~尤其是而家d小朋友好早熟...小學生就以為自己好大個...到時想佢返屋企一齊食飯都可能好難,佢會有自己既朋友...你話細個既時候同dad mom關係好,都話會留返d 時間俾family...如果細個時,dad都唔理佢乜滯...佢大個左都可能只係會理mom(即係你),唔會理你老公囉...

或者你同你老公講下佢唔理個囡既後果等佢自己諗下應該點分配佢既工餘時間啦~~不過你講完真係要俾空間同時間佢自己諗下wor...唔好um佢~~如果唔係,唔work ga

[ 本帖最後由 unicath 於 10-3-22 19:09 編輯 ]

私人傳訊

LokLokMon

複式洋房

積分: 272

12^#

發表於 10-3-23 00:06 |只看該作者

樓主睇到你寫既,我都覺得你無理人感受, 全部都係你自己想要既野, 而且唔係想要, 係要你一定要做, 唔做呢你就會煩佢同講多幾次.
你唔煩對方都煩啦, 你個女第時就會學你禁, 一樣禁煩, 你個女係學你架, 千奇唔好, 因為男人真係好怕女人煩, 你樣樣都煩, 佢又點會聼你講野, 雞毛野就是但啦, 大事先煩佢啦, 你真係要學下呀!

私人傳訊

penpenvivi

積分: 12802

畀面勳章

13^#

發表於 10-3-23 01:06 |只看該作者

我覺得無論你講咪你c6都覺得你煩咖啦,試吓唔好講用行動,你唔鍾意嘅其實佢知咖,佢唔陪囡,唔幫手咪自己湊law,自己同阿囡周圍去,最緊要係教個囡同佢嘅成長,我都係一樣太緊張個囡,唔返工自己湊,d朋友都話我過份緊張,開頭都好憎c6同我唔同,自己去街唔係就打機,後來睇到d share其實大多數男人都一樣,佢俾夠$屋企,唔去攪女人就ok啦,結婚後真係要降低要求,慢慢影響佢啦,而家我同阿囡玩得好開心,佢自然會走埋嚟,其實佢都緊個囡,不過有時會想有空間law>

私人傳訊

積分: 31697

14^#

發表於 10-3-23 11:53 |只看該作者

回覆 12# luckyQ 的文章

點解咩都係女人唔0岩,一齊為個囡唔0岩咩?我都無話一定要操控佢,只係有d野唔做係佢越來越唔做,我想成日煩咩,煩個囡仲唔夠?好多野忍左有人知咩...係咪真係樣樣唔出聲就咩事都無~

私人傳訊