夫婦情感 今日: 4 | 主題: 42705

積分: 7539

1^#

發表於 05-4-30 02:04 |只看該作者

會否毀於一旦

結婚時佢0岩0岩失業,佢話會好快搵到工,咁我都冇咁擔心!!當我知道我有左BB時,我同佢講,我想係私家醫院開刀生,如果唔得我就唔要呢個BB.因為我好怕順產ge痛,佢話得得得..冇問題..冇錢都會問屋企人借返黎比我去,可惜一個月又一個月,都未有工返(佢係有見工),有時幫下朋友就有一千幾百,都夠食飯&覆診,到左陀住五個幾月時,我地搬屋,因為搵到個地方比較平租,地方又大D.(新界).咁同我平時去開果間醫院好好好遠,我唯有去搵過另外一間,當時佢已經有工返,不過人工唔多,咁0岩比我見到附近有間健康院,我只好去登記,改去政府生,我同佢講,佢竟然答我,係la...政府平D嘛,唔駛怕,個個都係咁生架la...其實我當時好唔開心,因為我真係好驚...而且佢當初應成過,點都會比我去私家,咁我都算...佢又話~~最多以後覆診我都同你一起黎.咁我都開心返,但可惜~~就係得一次咁多.到了BB出世ge前一天,見紅入院,個醫生話我個肚好大,怕我生唔出,所以比我開刀,我好開心,打電話通知屋企人.當時我覺得,連個天都知我好驚,個天都幫我.點解佢唔知~~
依家仔仔就5歲半了....係呢幾年中,佢都應成左我唔小野,不過就冇一樣係做得到~~~今日又再次係咁~~我真係好唔開心.我由期望變失望,由失望變絕望!!!每一次都信誓旦旦,但每一次都~~~連個仔都覺得爸爸冇信用....我唔知可以點答個仔???我曾經同佢傾過好多次,叫佢唔好順口開河,但係佢都冇改善過.......但佢本身對我地好好,都好就我.但係我覺得自己已經再忍唔到了.
其實係咪我小氣呢???

:-( :-( :-(

私人傳訊

積分: 11510

2^#

發表於 05-4-30 02:27 |只看該作者

Re: 會否毀於一旦

唔好諗埋一邊啦!其實我有時都會因為我老公咁而好激氣,但事後諗番又真係好小事,而且佢對我同囝囝好咪得囉,有時我都同自己講:"你試諗吓,如果就係因為咁既原因而嫌棄佢/唔鐘意佢,真係好無謂,講真,人邊有咁好彩次次都俾你搵到個真係鍚你愛你既人?...(下刪數百句...)"

男人係咁架!你估佢地係大人?!佢地咪又係一個大細路,大人不記小人過,原諒佢吧啦!

有時你嬲佢呢啲野時,你可以試吓學似我咁做吓亞Q,猛咁諗番平日佢點氹你開心,點樣愛鍚你同囝囝,諗吓佢幾時點樣整蠱你同囝囝引你地笑,咁樣諗吓諗吓,你就會開心番,亦會越嚟越覺得你隻佬越嚟越可愛架喇!

笑番吓啦!

私人傳訊

積分: 7539

3^#

發表於 05-4-30 02:34 |只看該作者

Re: 會否毀於一旦

bandband:
好多謝你ge安慰!!但係我真係好好好嬲呀~~
咁多年,我嬲親,佢都唔會乙水我一句.......我今次嬲...我唔睬佢,佢竟然又係唔睬我,當我透明.....

私人傳訊

積分: 11510

4^#

發表於 05-4-30 02:49 |只看該作者

Re: 會否毀於一旦

大小不梁,

我隻佬都係咁架,事後話佢做乜唔氹番我,佢話點氹我我都會嬲同埋話佢,所以咪唔氹囉!

你話,啲男人係咪蠢到咁吖?!!連氹老婆都唔識,我隻佬仲四萬咁口同我講:"如果我咁識得氹人,咁我氹哂出面啲女仔番嚟咪仲弊!"

聽完簡直火都嚟埋~~~!!!

不過我結咗婚七年,我得咗既一個結論係,就算你搵第二個,然後結婚,個結果都係差唔多,因為個個男人都係咁,無計!惟有向好方面諗,當自己時運高睇唔到亦聽唔到...........佢肯成世只對我同囝囝好,已經好好彩!我仲可以再苛求佢啲乜呢...?

私人傳訊

積分: 7539

5^#

發表於 05-4-30 02:51 |只看該作者

Re: 會否毀於一旦

bandband:
我都明白....我老公係好錫,都好盲我,我曾經都問過佢,佢話再出聲的話會再嬲多D,所以唔出聲lo....

私人傳訊

積分: 7539

6^#

發表於 05-4-30 02:54 |只看該作者

Re: 會否毀於一旦

bandband:
其實同佢一起咁耐,係有好多開心事,但唔知點解,當我一嬲時,我就咩開心都唔記得晒....好多冧冧說話....都忘掉了....但係係開心ge時候,我又唔會記得我曾經咁嬲wor...

私人傳訊

積分: 7539

7^#

發表於 05-4-30 02:57 |只看該作者

Re: 會否毀於一旦

bandband:
係我正常下,而佢又正常時...佢就會乙水我.....我都係好似你咁~~咁開心..(你個voice mail topic)...所以我好怕衰衝動呀!!!

私人傳訊

積分: 11510

8^#

發表於 05-4-30 03:00 |只看該作者

Re: 會否毀於一旦

講開男人無口齒,我老公呢排都係啦!又係激到我有啲嬲...依家我同佢番同一間公司,但佢逗既人工多我幾舊,咁啱上個月我都只係出咗半個月人工(因為我係月中先入去做),咁啱我隻佬個提款卡唔見咗,咁佢咪叫我出住錢去支付日常既衣食住行,連帶個仔去長洲玩都係我俾哂,佢話到時去銀行提款俾番我(因為我要交囝囝保險費同埋找信用卡數),點知過咗兩個幾禮拜,直至依家,佢都無俾番我,佢話上個星期請番我一星期食飯(早午晚三餐),都應該夠五百蚊,所以已經俾番哂啲錢我囉喎!我即刻嬲到冒火三丈!早幾日咁啱佢又未攞錢用,我又咁啱無錢响身,我地無現錢去食晚飯,佢又是叫我去'禁'錢,我話我銀行得番五百蚊咋!有四百蚊都要用嚟囝囝保費AUTO PAY,咁我咪企硬話唔攞錢囉,我叫佢自己去快餐店度食餐好,我飲佢餐湯就得喇,我番屋企6面食,佢見我企硬(咁我真係諗住慳嘛),佢就發哂脾氣話要番屋企,連飯都唔食,番去同我一齊6面...事後我話佢頭先分明同我鬥氣,佢死撐話唔係,仲話見老婆(我)咁慳,佢自己都要慳喎!你話,啲男人幾自私,剩係識得搵女人笨!

不過今日佢俾錢我去交電費,我都將找番嚟嗰百零蚊自己袋落袋,佢即刻叫我請佢食飯,我話無問題,但係聽日就要請我同囝囝去玩,佢即刻改口話請我食飯好喎!

你話,我隻佬都唔係好得幾多咋!!!

私人傳訊

積分: 7539

9^#

發表於 05-4-30 03:00 |只看該作者

Re: 會否毀於一旦

唔駛理我...我冇事架....我只係想呻下ja,呻完就冇野架la...

私人傳訊

積分: 11510

10^#

發表於 05-4-30 03:09 |只看該作者

Re: 會否毀於一旦

大小不梁,

其實我都同你一樣架!隻佬一有野激到我好興時,所有之前佢對我好氹我開心既野我都唔記得哂!仲想飛佢,想佢離我成尺遠,千祈咪掂到我/俾我見到佢!但事後度氣過咗,我就好自然諗番佢啲好嗰方面,諗多幾諗我就好自然俾台大家落...唉...女人係咁架喇!一嬲起上嚟亞媽亞爸姓乜都唔知架!如果你之前有睇開我啲留言,你都知我係炮仗頸嚟!唔好講咁遠,就講家吓日日同佢番同一份工,日日對住佢同佢大佬(間公司佢大佬有份開),真係搞到我皮質醇嚴重標高,家吓我郁啲吓都忍唔住鬧我隻佬:"白痴!"

但又吹唔漲佢即刻扮個白痴樣我睇(MEE咀伸條脷出嚟...仲要反眼添...)!有時心諗,有時我地認為隻佬有好多氣俾我地啲女人受啫,查實佢地平日都受唔少我地氣....我係咁鬧佢白痴無腦唔讀書,佢咁都忍到...

算係幾生修到咯...

私人傳訊

積分: 7539

11^#

發表於 05-4-30 03:10 |只看該作者

Re: 會否毀於一旦

bandband:
我早排同老公傾計......傾工作問題!!因為佢係上年年尾自己開公司,佢又話~~今年開始我要搵多D,,等我老婆大人可以再舒適D,我又話~~係咪呀.....新開公司守得到已經好好....搵錢多唔多都冇所謂....咁佢又話~~佢信呢個世界係有奇蹟,因為係你(我)嫁比我(佢)果日,我(佢)就知道呢個世界上係有奇蹟ge

私人傳訊

積分: 11510

12^#

發表於 05-4-30 03:11 |只看該作者

Re: 會否毀於一旦

大小不梁,

唔緊要!我呢排都受唔少我隻佬啲惡頂嘢,我都係時候响度呻吓既......

大家一齊呻吓...順便一齊打吓小人...

私人傳訊

積分: 7539

13^#

發表於 05-4-30 03:12 |只看該作者

Re: 會否毀於一旦

bandband:
同你傾左咁耐...個人開心返好多.......多謝!!

私人傳訊

積分: 7539

14^#

發表於 05-4-30 03:13 |只看該作者

Re: 會否毀於一旦

bandband:
你隻佬大你幾多....我個件大我8年!!

私人傳訊

積分: 11510

15^#

發表於 05-4-30 03:16 |只看該作者

Re: 會否毀於一旦

嘩!俾着我聽到隻佬講呢番說話,我實感動到喊!因為平日唔多覺佢會咁重視自己,突然講一句心底話,對於太太嚟講真係一種莫大既安慰@!我隻佬以前都有講類似既說話,佢剩係話,佢都覺得我同囝囝係神賜俾佢既禮物(因為之前我咁同佢講,覺得佢同囝囝係神送俾我既最好禮物),我聽完佢咁講,我都忍唔住呢埋响佢架肋底度偷偷地喊! :-( :-( :-(

大小不梁寫道:
bandband:
我早排同老公傾計......傾工作問題!!因為佢係上年年尾自己開公司,佢又話~~今年開始我要搵多D,,等我老婆大人可以再舒適D,我又話~~係咪呀.....新開公司守得到已經好好....搵錢多唔多都冇所謂....咁佢又話~~佢信呢個世界係有奇蹟,因為係你(我)嫁比我(佢)果日,我(佢)就知道呢個世界上係有奇蹟ge

私人傳訊

積分: 11510

16^#

發表於 05-4-30 03:17 |只看該作者

Re: 會否毀於一旦

大小不梁,

唔駛客氣!大家傾吓偈,講吓出嚟,會舒服啲既!

我隻佬大我十二年半,今年年尾佢就四十喇!

私人傳訊

積分: 7539

17^#

發表於 05-4-30 03:21 |只看該作者

Re: 會否毀於一旦

bandband:
係架....聽到真係好鬼死開心....佢仲話過如果冇我ge出現,可能佢依家係pad唔唔wor...有時佢又真係幾可愛...不過一激嬲我就乜都唔記得......

私人傳訊

積分: 11510

18^#

發表於 05-4-30 03:21 |只看該作者

Re: 會否毀於一旦

不過你隻佬打算自己開公司做生意,真係要準備得好先得,自己做生意開公司,啲壓力真係大到無人有,又無時間陪屋企,我以前同隻佬都係自己開鋪頭做生意架!又唔可以成日有假放喎,番工收工無時無刻都煩公司啲生意,生意稍有少少唔好都煩足我地成個月,所以你同老公都要有心理準備呀!當初我地就係低估咗個壓力...一定要好好計劃點去做盤生意呀!無十足既把握真係唔好冒險去做.

私人傳訊

積分: 7539

19^#

發表於 05-4-30 03:23 |只看該作者

Re: 會否毀於一旦

bnadband:
你所講ge...我都有同佢講...不過佢都係諗住要開...佢話工字冇出頭.......想仲有力搵多兩個錢旁身wor..

私人傳訊