婆媳關係 今日: 0 | 主題: 27760

積分: 33163

1^#

發表於 10-6-4 11:32 |只看該作者 |倒序瀏覽 |打印

生第一胎時,不巧爸爸入了醫院,所以媽媽無暇陪我坐月,我話請陪月,奶奶係我媽面前話一定會好好照顧我,
又話唔好返外家坐月...
結果,佢真係有煲補品比我,但係通常都裝起d比姑仔(無論雞酒定鹿茸都係),人定係for 產婦一次一服,但係裝起左個量自然減左啦,幸好媽媽都有煲比我補返
另外,雖然在自己家坐月,隻奶奶成日叫佢d 朋友上來或者開到個電視大大聲,(我唔係同佢同住),攪到我都無得休息,有次佢睇住我洗奶樽,洗bb衫,仲要講"係依家d人矜貴啫,以前我地咪又係自己攪"(老公當時不在家,所以不知道),轉頭到老公返來,又好假咁話叫我唔好濕咁多水
老公放假陪我坐月,佢真係當正老公係亞四,不時叫佢出去買呢樣果樣,攪到老公一日瞓得一兩個鐘,超慘,仲話我個廚房既擺位唔就佢手,佢將所有野移晒位,我坐完月仲要攪返好佢d手尾
一年後,佢個女生啦,待遇當然不同,可以返外家坐月,仲有最氣頂既係個女出院之後,急call我老公返去幫佢攪d奶樽,喂,奶奶你又話自己攪掂,我地果時都係自己一手一腳洗衫,整奶樽,你個女無整,係咪叫你女婿整呀?!佢連幫個外孫剪指甲/換屎片都叫我地幫手,真係嬲到震!
到我依家第二胎,佢本來幫我湊仔,咁我地已經係一放工放假即刻自己湊返個仔,有時老公放假,佢即刻叫我老公自己睇仔,佢話要出去睇個女,咁我都明,我老公同我放假時間唔夾,咁佢一放假,我都會約老公一齊買下細b既野,因為都已經七個幾月,點知個奶奶都係唔放過,攪到依家又未買齊野,我個肚又大,d野又重,一個人都攡唔到架,我真係好唔開心,點解個奶奶係咁架,個女係寶,個仔都係你生,點解會當佢係草?

0 0 0

私人傳訊

boobecky

伯爵府

積分: 17328

畀面勳章

2^#

發表於 10-6-4 11:51 |只看該作者

一向都係自己女係寶,人地女係草架啦
無理由今日先明呢個道理

最重要的問題係，你或者你老公，心裏面係唔應該對９９呢個物體有期望，唔好期望佢會幫你任何一件事，你咁諗會開心ｄ
不過就算你９９點偏心，都幫你湊仔啦．．．ｒｉｇｈｔ？唔好唔開心啦

私人傳訊

onon1022

子爵府

積分: 12589

好媽媽勳章

3^#

發表於 10-6-4 12:08 |只看該作者

你都係識講...點解個個奶奶都係咁...自己個女係寶...人地個女係草...可能你姑仔個奶奶都係咁...所以你奶奶照顧佢...

[url=http://lilypie.com][img]

私人傳訊

bastet

伯爵府

積分: 16751

春季勳章好媽媽勳章

4^#

發表於 10-6-4 12:12 |只看該作者

其實樓主你99都算okie, 比好多姊妹, 你已經好幸福架啦.....佢平時幫你湊仔, 佢都係等你訓假先去睇下自己個囡, 工人一個星期都有一日假啦, 佢想探下個囡同外孫都唔過份, 其實去jusco or 大百貨公司買野, 有得送貨架, jusco 好似買夠hk$400就得, 好方便, 一係同埋囝囝去囉, 又可以family day 一日, 幾好呀!

開心d啦, 有左bb一定要開心架~~~

[ 本帖最後由 bastet 於 10-6-4 12:14 編輯 ]

今晚又OT!!!!

私人傳訊

游泳寶寶

積分: 2903

5^#

發表於 10-6-4 13:16 |只看該作者

樓主唔好對奶奶有期望就唔會唔開心, 以後當你奶奶係朋友就得架喇. 最緊要你D仔女同老公錫你咪得囉. 得閒上黎呻下, 心情會好D.

私人傳訊

積分: 33163

6^#

發表於 10-6-4 13:26 |只看該作者

我都明白永遠都係自己仔女親
其實自從外孫出世後,佢就想湊個外孫,成日想將我仔交比我媽(當初因為第一個孫,奶奶爭住湊,我亞媽都唔好意思話想湊,依家亞仔唔肯跟我媽,佢先無計繼續湊),佢幫我湊仔我都好感激佢,不過同時亦好嬲,亞仔d衫無問過我們就轉移比表弟,攞左我兩部車仔比個女,依家細b都就出世,未還,我地買既奶粉,尿片,保嬰丹,猴棗末...自動比左個女個b,到就快無,就叫我地買,其實姑仔既收入多過我地...

私人傳訊

積分: 33163

7^#

發表於 10-6-4 14:48 |只看該作者

仲有d嬲既野,姑仔結婚,bb滿月,新屋入伙,奶奶都指明我地要比幾多$人情,咁都算啦,都預左,點知我地最近新屋入伙,姑仔無任何表示,奶奶比$500,直情係連朋友都多過佢囉!我地每個月都比好大份家用佢,有時諗起都唔憤氣!

私人傳訊

ccling69

積分: 1285

8^#

發表於 10-6-4 19:57 |只看該作者

睇清楚她為人都好, 起碼唔駛投資咁多感情入去到時先知,簡直會有創傷後遺症. 小朋友好易適應, 多d同你媽相處下然後交個波比你媽, 奶奶好少會做到自己阿媽咁體貼, 唔好傻啦

你都唔好預姑仔會對你好, 她們一家人, 都是同一條腸. 有咁阿媽就有咁個女, 所以做好自己個d算, 她在你家中老粒的物件你當做善事, 不過無得減稅咁啦,

私人傳訊

大豬既老婆

伯爵府

積分: 17545

9^#

發表於 10-6-5 04:11 |只看該作者

我反而覺得人比人，比死人。你從好個方面睇，起碼你奶奶正正經經煲補品你食啦，又幫你照顧小朋友等你可以去返工啦。唔好同你姑仔比較我覺得你會開心D囖。我覺得好多阿媽都系咁架，因為距地覺得生BB，照顧BB多數系女人既責任，咁個仔有BB，系個新抱搞之嘛；但個女有BB，就要個女自己搞窩。相對黎講，肯定心痛同女多D架喇。

好似我奶奶咁，其實我覺得距對新抱，即系我，已經好好。但當然距會對自己個仔好D啦，我覺得系正常。正如我自己阿媽都錫自己多過錫我老公啦。

私人傳訊

mytwin

禁止訪問

積分: 318

10^#

發表於 10-6-5 14:08 |只看該作者

提示: 作者被禁止或刪除內容自動屏蔽

私人傳訊

blueskywen

積分: 1520

11^#

發表於 10-6-10 12:21 |只看該作者

想問下樓主在坐月or 比99臭bb 時有冇比 $$ 99呢.. 我意思係你老公每月比99家用之外的一份 $$

如果你地有比佢都係咁, 我係你就唔會靠佢.. 自己請人算數..

如果冇.. 咁我覺得又唔好expect 佢太多, 因可能佢個女有個個月比家用, 佢自然錫佢多d..

私人傳訊

積分: 33163

12^#

發表於 10-6-11 15:03 |只看該作者

原帖由 blueskywen 於 10-6-10 12:21 發表
想問下樓主在坐月or 比99臭bb 時有冇比 $$ 99呢.. 我意思係你老公每月比99家用之外的一份 $$

如果你地有比佢都係咁, 我係你就唔會靠佢.. 自己請人算數..

如果冇.. 咁我覺得又唔好expect 佢太多, 因可能佢個女有個 ...

當然有額外比錢佢啦,除此之外,由結婚至今亦個個月比足家用,佢偏心自己個女係人之常情,但唔好咁過份
另一方面,佢亦無理由將我地買比我個仔既野,攞去比左佢個外孫,有時佢見到我買左D益智既玩具比我仔,佢仲叫我幫佢買比個外孫,有好多時,我覺得佢無心機去照顧我個仔,亞仔下午瞓晏覺,奶奶可以為左自己想出街,走去叫醒佢,我真係好肉赤架!

私人傳訊

blueskywen

積分: 1520

13^#

發表於 10-6-11 21:42 |只看該作者

原帖由 lovebbb 於 10-6-11 15:03 發表

當然有額外比錢佢啦,除此之外,由結婚至今亦個個月比足家用,佢偏心自己個女係人之常情,但唔好咁過份
另一方面,佢亦無理由將我地買比我個仔既野,攞去比左佢個外孫,有時佢見到我買左D益智既玩具比我仔,佢仲叫我幫佢買 ...

唉... 如果係咁, 不如請個人help 你臭bb啦... 好過靠佢, 比錢佢都仲要煩..

我個b 8/9月出世啦.. 雖然一向同99關係都冇咩.. but 我已經感受到可能會因個bb 而多左問題 or 衝突.. 佢已經問我老公我地會比幾多$$ 佢臭之類既問題.. 我覺得比左 $$ 佢我都要受氣.. 咪仲慘~~

好煩呀..

私人傳訊

小魔

別墅

積分: 691

14^#

發表於 10-6-12 01:26 |只看該作者

咁錫自己個女多d係正常
比返仔仔自己媽咪湊啦咁, 小朋友, 見邊個多d就痴邊個多d架啦, 開始時忍耐一下就ok.
咁你細b邊個湊呀?唔係又係99下話?
同埋比錢既野睇下你c6點睇啦, 0個個係佢呀媽, 我自己覺得比幾錢都唔理佢好d
其實你99肯幫你手都算係咁, 坐月都叫有d野食下, 我一粒米都無喎 (好彩我有陪月咋)

私人傳訊