有個朋友個仔今年考咗好多直資同私校(包括男拔. 聖保羅男女等), 去聽過好多簡介會, 大部份學校都叫d家長唔洗擔心自己係咪識英文, 因為佢哋好有信心小朋友入到去學校就會幫佢哋, 而且多數直資學校都唔會用谷o既方法, 唔同傳統學校, 所以唔洗咁擔心, 加上宜家d直資學校, 已經唔係有錢人o既專利, 因為學費唔貴, 好多一般收入o既家庭都可以入倒, 而通常一般中等收入o既家庭o既父母又係知識水平一般的, 呢方面直資學校都好清楚, 所以投考o既父母唔洗咁擔心o既!
我有兩個朋友o既仔女讀緊國際音樂學校(現已四五年級), 一個爸爸係做郵差, 另一個爸爸係做生意(不過中學都未畢業); 另外有一個朋友個女讀聖保羅, 父母知識水平一般; 仲有一個朋友個女讀蔡繼有, 平時係由全職媽咪湊同教(媽咪學識又係一般), 但佢哋d小朋友成績都無乜問題, 當然佢哋都唔係名列前茅, 但佢哋返學返得開心, 父母又覺得滿意, 咁咪得囉! 放心啦, 直資學校通常都唔會谷成績(當然係我接觸過嗰d學校, 不能講所有), 而你自己又唔會期望太高咪得囉! 當然, 付出同收穫係同正比o既, 如果父母有時間同能力輔助個小朋友, 咁梗係更加好啦, 不過自己唔得都唔洗擔心o既!
況且, 你宜家去考啫, 收咗你先再考慮多d啦! 去考吓比個女吸收吓面試o既經驗都好吖!
<a href="http://lilypie.com/"><img src="http://lilypie.com/pic/2009/11/28/Ev9R.jpg" width="100" height="80" border="0" alt="Lilypie - Personal picture" /><img src="http://lb1f.lilypie.com/fC2Np8.png" width="400" height="80" border="0" alt="Lilypie First Birthday tickers" /></a>
發表於 
返回列表
